creativemongolia

Category: Uncategorized

  • Т.Эрдэнэчулуун: Машины загвар зохиох нь яг л уран баримал бүтээхтэй адил

    Т.Эрдэнэчулуун: Машины загвар зохиох нь яг л уран баримал бүтээхтэй адил

    Цаана чинь монгол залуу францын тансаг хөлгүүдийг бүтээж, автомашины акул компанийг амьдруулж явна. Т.Эрдэнэчулуун автомашин үйлдвэрлэгч Францын алдарт “Ренаулт” компанид дизайнераар ажиллаж, бүтээсэн шинэ загварууд нь дэлхийн авто машины зах зээлд тун ч нэр хүндтэй явна. Тэрээр олон улсад Эрдэ гэдэг нэрээрээ алдаршсан байна.

    Эрдэ арав гаруй жилийн турш Ренаулт компаний франц, бразиль, солонгос, испани, румин дэх салбарт ажиллан брэндийн машинуудын загварыг гаргаж байжээ. Түүний хамгийн сүүлд бүтээсэн загвар нь Renault Duster SUV хэмээх тансаг хөлөг аж.

    41 настай Т.Эрдэнэчулуун 1971 оны наймдугаар сарын 23-нд Улаанбаатарт төрсөн бөгөөд дунд сургуулиа төгссөний дараа Политехникийн их сургуульд суралцаж 1989 онд төгсчээ. Эрдэ энэ ондоо Чарлезын их сургуульд философийн чиглэлээр сурахаар Прагт очсон байна. Тэрээр 1999-2000 онд англид очиж “Ковентри” дизайны сургуульд сурчээ. Эрдэ Францын алдарт Ренаулт компанид 2001 оноос ажиллах болсноор мэргэжлийн карьераа эхлүүлсэн юм. Тэрээр компанид ажиллах эрхээ машины загварын тэмцээнд түрүүлэн олж авсан юм байна.

    Эрдэ Тунгаагийн хамгийн сүүлд зохиосон машин Renault Duster SUV хийгээд мэргэжил, машины загварын хандлагын тухай гадны хэвлэлд өгсөн ярилцлагыг хүргэж байна.

    0150

    -Зах зээлд маш амжилттай борлогдож буй Renault Duster-ын загварыг та бүтээсэн. Загварын санаагаа яаж бодож олсон бэ?
    – Дастерын дизайныг гаргах үйл явц төлөвлөсний дагуу явагдсан. Дизайны мэргэжлийн студынхэн загварын хувьд найман сонголт санал болгосон. Тэднээс дөрвийг нь л сонгож, үлдсэн дөрвийг детальчилсан байдлаар маш нарийн судалсаны эцэст шилдэг хоёр төслийг нь шалгаруулсан. Тэгээд л миний төсөл ялсан.
    Манай багийнхан нэг талаас хүн бүр хэрэглэж ямар ч хэрэгцээнд хэрэглэж болохуйц машин бүтээхийг зорьсон юм. Энэ зорилгоо биелүүлэхийн тулд олон тооны бүрэлдэхүүн хэсгүүдийг холбох хэрэг гарсан. Техникийн хүчин зүйлийн хувьд бид Дастерын дугуйн суурийг урт бүтээхийг хүссэн. Гэтэл үр дүн нь машины урт 4.31 м, өргөн 1.82 м болсон.

    0150

    – Renault Duster SUV-ын онцлог нь юу вэ?
    -Машины урд хэсэгт хром сараалжин хаалт, моторын хавхаг байрладаг. Duster SUV-г гаднаас нь таних гол онцлог нь энэ. Дастерын бас нэг онцлог нь ямар ч хэрэглээнд тохиромжтой. Мөн бид хамгаалалтын хэсэгт жолоочийг ямар ч төрлийн замд айж сандрахгүй явахад туслах олон хүчин зүйлүүдийг нэмсэн. Хэдийгээр эзнийг нь айдас мэдрэхгүй байхаар загварыг нь зохиосон ч зогсоолд орхиход машин маш үнэтэй харагддаг учраас юу ч болж магадгүй гэдэгт л санаа зовсон. /инээв/.

    -Та машины загвар бүтээхдээ ямар зарчим баримталдаг вэ?
    -Машин бол яг л уран баримал шиг. Машины дизайныг гаргахад яг л уран баримал хийж байгаа мэт үе давхарга тус бүрээр нь ажилладаг. Тиймээс шинэ машины загварыг маш уян хатан бодлогоор гаргах ёстой. Нэг л шийдсэн бол зөвхөн тэр зүгрүү гэж зүтгэх ёсгүй. Эхлээд машины дизайны гол зорилгыг биелүүлээд, дараа нь детальчилсан хэсгүүдэд анхаарах хэрэгтэй.

    0150

    -Машины дизайныг бүтээхдээ дизайнерууд бие биеэсээ суралцдаг байх. Таны хувьд өөрийгөө хэнтэй жиших вэ?
    -Одоо ажиллаж буй компанид маань олон чадварлаг дизайнер зөвхөн машины загвар төдийгүй онгоцны загвар бүтээж байна. Миний бодлоор би Италийн машины загвар зохион бүтээгчидтэй ижил түвшнийх. Би 1970-аад оны италийн төмөр хөлгүүдийг хараад өөрийн эрхгүй татагддаг. Тэднээс сурах зүйл их бий.

    -Таны бодлоор авто машины загварын ханлагыг ямар компани тогтоож байна?
    -1970-80 оны машинууд загварын хандлагыг амархан тодорхойлж чадна. Гэвч хоолны амтаас эхлээд олон зүйлүүд өөрчлөгдөж буй өнөө үед машины дизайн маш хурдан өөрчлөгдөж байна. Өнөө үед машины загварын нэг хүчтэй хандлага байх боломжгүй, харин ч эсрэгээрээ маш олон хандлага байх ёстой. Ирээдүйд бидний ажил загварын хандлагын шилдэг нь байгаасай гэж хүсдэг.

    -Та ойрын ирээдүйд юу хийхээр төлөвлөж байна?
    -Миний бүх төлөвлөгөө ажиллаж байгаа газартай маань холбоотой. Маш олон машины загварын төслүүд байгаа. Тиймээс өөр төлөвлөгөө бодох зав алга даа.

    Түүний Ренаулт Дастер машинаа танилцуулж буй бичлэгийн энд дарж үзнэ үү.

    0150
    0150

    0150
    0150

    0150
    0150

    0150
    0150

    0150
    0150

    Мэдээллийн эх сурвалж: http://www.24tsag.mn/

  • Интернэт худалдааны анхдугаар чуулга уулзалт 2015.10.23

    ЯАГААД?

    ХИЛ ХЯЗГААРГҮЙ ЗАХ ЗЭЭЛ буюу Интернэт худалдаа нь улс орнуудад экспортод чиглэсэн худалдааг өсгөж, масс зах зээлд хүргэх гол суваг болсоор байна. Та бидний өмнө том сорилтын жилүүд ирлээ. Тиймээс бид өнгөрсөн, одоо, ирээдүйгээ ярилцаж, хамтдаа нэг чигт харах цаг болжээ.

    ЗОРИЛГО

    Интернэт худалдааны орчин Монголд болон дэлхийн улс орнуудад ямар түвшинд байгаа, энэхүү орчныг хөгжүүлэхэд бид хамтдаа юу хийсэн, одоо юу хийж байгаа, цаашид юу хийх тухайгаа хамтран ярилцаж, нэгдсэн шийдэлд хүрч, өөр хоорондоо харилцаа холбоо тогтоох нь уг арга хэмжээний гол зорилго юм.

    ҮР ДҮН

    – Хууль эрх зүйн таатай орчин бүрдүүлэх шаардлага, нөхцлийг илрүүлэх
    – Эдийн засгийн хямралын үед экспортод баримжаалсан худалдаа,үйлчилгээг интернэт худалдааны платформ ашиглан хил хязгааргүй зах зээлд гарах боломжийг олох
    – Дотоодын хэрэглэгчдийн онлайн зан төлөв ямар түвшинд байгаа, хэрхэн өөрчлөгдөж байгаа, цаашид хэрхэн хувьсах хандлагыг мэдэх
    – Интернэт худалдааны ЭКО систем хэрхэн бүрэлддэг, бидний оролцоо юу байх талаар цогц ойлголттой болж, шинэ боломжуудыг олж харах, түүнийг бизнестээ ашиглах
    – ЭКО системийг бүрдүүлж буй салбар бүрийн төлөөллүүд өөр хоорондоо харилцаа холбоо тогтоох, хамтран ажиллах.

    http://ecommerceub.com/

    “Бизнес Таймс” СОНИНЫ ТОДРУУЛГА

    – Монголд анх удаа зохион байгуулж буй форумын үйл ажиллагаанд амжилт хүсье. Манайд интернэт худалдаа хэр хөгжиж байна вэ? Энэ арга хэмжээ хожимдоогүй гэдэгт найдаж байна…?

    Манай улсын ихэнхи ААН, төрийн байгууллагууд интернэт сүлжээгээр дамжин онлайнаар бүтээгдэхүүн үйлчилгээгээ олон нийтэд яаж хүргэх гэдэг рүү тэмүүлж байгааг та бүхэн анзаарч мэдэрч байгаа. Гэхдээ бидэнд туршлага байхгүйгээс алдаа оноотой байгаа. Манайд өнөөдөр 1-2 зүйлээс болж интернэт худалдаа хөгжихгүй байна гэвэл эндүүрэл. Энэ салбар цааш хөгжихөд бид том системээр нь харах хэрэгтэй. Бид АНУ, барууны орнуудыг жишиг болгохоос илүүтэйгээр Хятад, Орос хоёр хөршөө харах хэрэгтэй.

    Энэ үйл ажиллагааг бид урт хугацааны төлөвлөгөө болгоогүйгээс одоо ямар байгааг бүгд мэдэж байгаа. Гол алдаа нь бид судалгаа шинжилгээгүй муйхараар хандаж ирсэн. Тиймээс энэ чуулга уулзалт цаг үеэ мэдэрсэн, хөгжих, эс хөгжих үү гэсэн зааг дээр байгаа зүйлийг том зургаар нь гаргаж ирэхээр зорьж буй учраас чухал арга хэмжээ болно гэж найдна.

    Манайд интернэт худалдаа хөгжиж байна уу гэхээс илүү хөгжих нөхцөл бүрэлдсэн үү гэж асуувал тохиромжтой. Тийм нөхцөл үүссэн. Хөгжүүлэхэд нөлөөлж буй гол төлөөллүүд гэвэл үйлдвэрлэл, худалдаа үйлчилгээний салбар, банк, онлайн төлбөр тооцоо, логистик, даатгал, интернэтийн сүлжээ, програм хангамж, цахим маркетингийн салбарууд байна.

    Интернэт худалдаа хөгжихэд нөлөөлж буй бас нэг зүйл нь хууль тогтоомж юм. Тиймээс нэгэнтээ манай улсад үүсчихээд байгаа нөхцөл байдлыг ярилцах учир энэ чуулга уулзалт цаг үеэ олсон байх. Хэрвээ арай өмнө зохион байгуулсан бол нийгмийн эрэлт хэрэгцээ, оролцогч талуудын идэвхи сул байх байлаа.

    – Та интернэт худалдаан дээр юуны өмнө хоёр хөршөөс суралцах гэлээ. Тэд том зах зээлтэй орнууд. Харин манайх шиг улсад интернэт худалдаа яаж хөгжих вэ? Өөрийн гэсэн онцлог байна уу? Нэг ёсондоо давуу болон учир дутагдалтай талууд нь юу байна? Ирээдүйн хөгжлийг хэрхэн харж байна вэ?

    Бид барууны хөгжлийн загваруудыг шууд хуулсны хор уршиг нь өнөөдөр эдийн засгийн баялгийн тэгш бус хуваарилалтаар батлагдаж байна. Хятад улсад интернэт худалдаа хөгжихөд барууны загвар ажиллахгүйг баталсан жишээ бол “eBay” байна. Тухайн үед “eBay” барууны арга барилаар Хятадын зах зээлд ажлаад улмаар амжилтгүй, ашиггүй ажиллах болсон. Харин “Алибаба” эсрэгээр нь “eBay” дээр хийгдсэн маркетинг, борлуулалтын идэвхижүүлэлтийг яг эсрэг нь хийснээр зах зээлээ тэлсэн түүхтэй.

    Бидний гол алдаа бол гадны загварыг шууд хуулдаг. Тиймээс бид Монголд тохирсон загварыг гаргах хэрэгтэй. Манай чуулга уулзалтанд Хятадын төлөөлөгчид оролцож илтгэл тавих тул тус улс дэлхийн зах зээлд хэрхэн гарсан тухай мэдэж авч болно.
    Ер нь бид цаг үеэсээ түрүүлж сэтгэж гадны зүйлийг хуулбарлахаасаа илүүтэйгээр одоогийн нөхцөл байдалдаа тохируулан системийг бүрэн эргэлдүүлэх ёстой.

    Интернэт худалдаа гэхээр бид зөвхөн бодит биет барааг онлайнаар худалдан авах гэж ойлгож болохгүй. Та бидний бага ахуйдаа хэрэглэдэг байсан зүйлс одоо бүгд онлайн болж хувирлаа. Жишээ нь, ухаалаг утсан дахь апликешнуудыг хар. Интернэт худалдаа нь үйлдвэрлэл, худалдаа үйлчилгээ, банк, онлайн төлбөр тоо, логистик, даатгал зэрэг бүх салбарыг хамарч эдийн засгийг хүчирхэг болоход нөлөөлдөг. Урд хөршид үйл ажиллагаа явуулж буй жижиг дунд том бизнесүүд дэлхийн зах зээлд бүтээгдэхүүн үйлчилгээгээ хүргэх гол суваг нь “Аlibaba” боллоо. Энэ тухай ярьвал платформ эдийн засгийн тухай ярих болно. Төр ч бай, хувийн хэвшил ч бай бүгд л онлайн болох нь эцсийн зогсоол байх болно.

    – Манай улсын хувьд ямар онцлог байна?

    Нэгд, хувь хүний болон газар нутгийн онцлог төвлөрлийн байдал, бизнесийн уламжлалт арга барил, төрийн оролцоо, хууль тогтоомж зэрэг нь бусдаас өөр. Наад зах нь манайд мэйль-ээр ирсэн зүйлийг шүүхийн өмнө баталгаатай гэж үздэггүй. Өөрөөр хэлбэл, заавал цаасаар байхыг шаарддаг. Одоо энэ байдлыг өөрчилчихвэл онлайн худалдаа хийхэд нэг алхам ойртлоо гэсэн үг. Ирээдүйн хөгжил бидэнд ойрхон байгаа. Хамгийн гол нь оролцогч талууд нэгдэж ажиллах хэрэгтэй.

    – Нээрээ бид өдөр тутмын амьдралдаа “дарагдаад” интернэт бидний амьдралын нэг хэсэг, хэрэглээ болсныг тэр бүр “анзаарахгүй” байх шиг. Жишээ нь, таны хэлж байгаагаар банк, санхүүгээс аваад интернэт үйлчилгээг бишгүй авч, хүртэж, бидний өдөр тутмын хэрэглээнд нэвтэрчихсэн шүү дээ. Энэ бүхнээс манайд аль салбарт түлхүү хөгжиж, олон улсын зах зээлд гарах нь вэ?

    Чуулга уулзалтын нэг онцлог агуулга бол “Бид дэлхийн зах зээлд яаж гарах вэ?” гэдэг асуудал. Энэ бол нэг тал. Нөгөө тал нь “Бид дотооддоо интернэт худалдааг хэрхэн хөгжүүлэх вэ?”. Хоёулаа чухал зүйл юм. Хятад улс дэлхийд гарах гарцаа өөрсдөө бэлдэж, тэр нь Нью Иоркийн хөрөнгийн бирж дээр 20 тэрбум доллар босгож чадлаа. Энэ бол “Алибаба” байлаа шүү дээ. Бид тэгвэл яах ёстой вэ. Хил хязгааргүй зах зээлд хүрэх гол гарц бол интернэт худалдаа гэж хэлэхийг хүсэж байна л даа. Дэлхий дээр долоон тэрбум хүн амьдарч байгаагаас гурван тэрбум хүн интернэт ашигладаг. Энэ тоо цаг мөч бүр өсөж байна. Цаг зав мөнгөө хэмнэх боломжийг интернэт сүлжээ, банк, онлайн төлбөр тооцоо олгож байна. Тогны мөнгө, үзвэр үйлчилгээ бүгд онлайн болчихлоо. Энэ бас л интернэт худалдаа шүү дээ.

    Дэлхийн зах зээлд өрсөлдөнө гэдэг бол их нарийн зүйл. Наад зах нь дэлхийн зах зээлд өрсөлдөхүйц бүтээгдэхүүн үйлчилгээг үйлдвэрлэхдээ судалгаа шинжилгээтэй байх ёстой. Бидний өөрсдийн мэдээд байгаа органик нэрийг дэлхийд Монгол брэнд болгох хэрэгтэй болов уу. Манайхаас гарч арилжаалагдаж буй бүх бүтээгдэхүүн органик байх нь дэлхийд тулгамдаж буй гол асуудлыг шийдэх учраас хэдэн тэрбум долларын эдийн засгийг бий болгож чадна гэж үзэж байна. Энэхүү зүйлийг бид уламжлалт байдлаар хийх үү. Үгүй ээ, интернэт худалдаа буюу платформ эдийн засгийн бүтцэд оруулах ёстой.

    Интернэт худалдаа хөгжүүлэхээр зорьж буй хүмүүс мэдлэг мэдээллээ хуваалцахаас гадна бизнесийн хамтрагчид болох боломж бидний чуулга уулзалтаар бий болох юм. МҮХАҮТ, нийслэлийн Мэдээллийн Технологийн газар хамтран зохион байгуулж байгаа энэ конференцид та бүхнийг урьж, ирэх 10 жилийн цаадахыг харж, олон бизнес эрхлэгчидтэй харилцаа холбоо тогтоож, бизнесээ дэлхийн зах зээлд өргөжүүлээрэй гэж ерөөе.

    – Та бүхний ажилд амжилт хүсч, “Бизнес Таймс” сонин анхны энэ үйл ажиллагааны мэдээллийн дэмжигч байгууллагаар оролцож байгаадаа баяртай байна.

    Тодруулсан Б.БОЛД

  • МЭРГЭЖЛЭЭ ЗӨВ СОНГОХ 9 АЛХАМ

    МЭРГЭЖЛЭЭ ХЭРХЭН СОНГОХ ВЭ зөвлөмж илтгэл by CREATIVE MONGOLIA

  • Хүүхдийн даахь үргээх ерөөл

    Надад хайрлаж байгаа идээ нь болбол

    Архи нэртэй ариун чанартай

    Сархад нэртэй сайхан чанартай

    Дарс нэртэй дагнасан чанартай идээнийхээ хишгийг

    Шанд булгийн эхнээс оргилон урссан

    Ундармал рашаанаар нэрж гаргаад

    Эхний усыг гурав халаагаад

    Эцсийн усыг тав халаагаад

    Чингисийн үеийн чин бат лонхонд сөгнөөд

    Алтан амсартай мөнгөн дотортой

    Агар завьяа хундганд нь амсар тэгш мэлмэлзүүлж

    Наанаа нанжин хээтэй цаанаа чамин хээтэй

    Намгүр хээтэй (цав цагаан гэсэн утгатай төвд үг) найман тахилтай

    Нанжин их хадагаа бариад намайг ерөө гэлээ.

    Эрхэм хайрт танайх болбол

    Зургаан үндсэн хуанлийг үзээд

    Зуугаас ирсэн зурхайчид үзүүлээд

    Түмэн өлзий бүрдсэн түгээмэл жилийн түвшин сайн өдөр

    Эрхэм хайртай хүүгийнхээ алтан хонгор даахийг үргээж байгаа учир болбол

    Ивээл жилтэй хүнийг эрхлэн залж

    Эрхэм олон түмнээ урьдчилан хэлж

    Ган цагаан хайч гавшгай цагаан тонгоргыг бэлдээд

    Алтан хайчны амыг нээж амь насыг нь даатгаж

    Мөнгөн хайчны амыг нээж мөнх насыг даатгаж

    Ган хошуутай алтан бариултай хайчаа

    Гар мутар бүхийдээ дамжуулан үргээж

    Гарсан төрсөн нас буяныг нь уртатгаж өргөөд

    Баруун талын шанаанаас нь эхэлж үргээхэд

    Бадамлянхуа цэцэг дэлгэрч байгаа мэт

    Зүүн талын шанаанаас нь авч үргээхэд

    Зүйл бүрийн эрдэм цацарч байгаа мэт

    Орой дээрээс нь авч үргээхэд ой билэг нь хурцдаж

    Оюун ухаан нь нэмэгдэж байгаа мэт

    Ар шилэн дээрээс нь авч үргээхэд агуу их хүчин төгөлдөр

    Атаа хүчин нэмэгдэж байгаа мэт

    Эрхэм хайртай хонгор хүүгийн эцгийн билгийг ярихад

    Номонд мэргэн нойронд сэргэг

    Үйлэнд уран үгэнд цэцэн

    Хуулинд шудрага хуриманд цовоо

    Дайнд баатар далайд усч

    Галд халдаггүй галавт шантардаггүй

    Элгээрээ энх сайхан жаргаж

    Төрлөөрөө төв сайхан оршиж

    Төв их нутгийнхаа дунд оршиж

    Мал сүргээрээ олон түвшин сайхан ордондоо

    Үрээ танихгүй олон үрээгээ танихгүй баян

    Яруу алдар есөн хүсэл

    Өсөх нас өрнөх буян

    Суух заяа сурах эрдэм

    Баярлах наадам бахтай жаргал

    Нас сүүдэр урт найр цэнгэлээр их

    Үүрд номын ёсоор баярын магнайгаар

    Балданлхам баатар дагинасууддаа алгасал үгүй

    Эргэн эргэж өршөөхийн

    Бэлэг ерөөлийг дэвшүүлэн өргөж айлтгая

    Бэлэг Дэмбрэлийн Үгс

    (Ёслолд ирсэн хүмүүст энэ үгсийг хэвлэж өгөөрэй, Хүүг тань ерөөг)

    Аялгуу эгшигээ хaнгинуулж яв

    Ах дүү oлнoo бaясгaж яв

    Аaв ээжээ хүндэлж яв

    Адуу мaлaa өсгөж яв

    Аянд явбaл oлзтой яв

    Авд явбaл гaнзaгaтай яв

    Аaв ээждээ aчлaлтай яв

    Ахaс зaхaсaa хүндэлж яв

    Буурaшгуй буянтай

    Сaaрaшгүй сaнтай

    Сaнaсaн хaмaг үйлс чинь

    Сaнaaгaaрaa бүтэх бoлтугай

    Нaрaн aдил гэрэлтэж яв

    Нaвч aдил дэлгэрч яв

    Найр хөөрөөр дүүрэн яв

    Нaсaндaaн үргэлж жaргaж яв

    Нaя нaсaлж

    Нaс бүрдээ жaргa

    Олны мaнлай орчлoнгийн дээж бoлж

    Огтoргуйн цэцэг шиг дэлгэрч яв

    Он мэт тэгш од мэт гэрэлтэй

    Төмөр мэт бэрх тэгш сайхaн жaргa

    Сайн явж сaнaaгaaрaa жaргa

    Урт нaсaлж удaaн жaргa

    Урт тaриa ургуул урaн бэр aв

    Төрд нэртэй түмэнд цуутай

    Улсaд aлдaртай oлoнд цoлтой

    Хэзээд сэтгэл aмaр үргэлж энх мэнд

    Өвчин үгүй өлзийтэй жaргaaрай

    Хaд мэт эдийн oлзтой бай

    Хайргa мэт мөнгөний oлзтой бай

    Энх явж

    Мөнх жaргa

  • ​Монголын төрт улсын дараалал

    1. Хүннү (МЭӨ 209-МЭ93, 302 жил), Модун Шаньюй

    2. Сяньби (МЭ 150-318, 168 жил), Таньшихуай

    3. Нирун (МЭ 330-555, 225 жил), Шэлунь Хаган

    4. Түрэг (МЭ 555-745, 190 жил), Эл Хаган Буман

    5. Уйгур (МЭ 745-840, 95 жил), Күтлүг Билэг Кэл

    6. Хиргис (МЭ 840-930, 80 жил)

    7. Кидан (МЭ 907-1125, 218 жил), Амбагян

    8. Их Монгол улс (МЭ 1206-1368, 162 жил), Чингис Хаан

    9. Юань улс, Алтан ордны улс, Ил хаадын улс, Цагаадайн улс (14-16-р зуун, 200 жил)

    10. Бага хаадын үе (1368-1691, 323 жил)

    11. Манж Чин Улсын үеийн “Монгол” (1691-1911, 220 жил)

    12. Богд Хаант Монгол (1911-1919, 8 жил), Богд хаан

    13. БНМАУ (1921-1990, 69 жил), МАХН

    14. Монгол улс (1990-одоог хүртэл, 25 жил), олон нам

  • Г.ЗАГДАА: УЛААНБААТАР ТЭНЭМЭЛГҮЙ АНХНЫ УХААЛАГ ХОТ БОЛОХ БОЛОМЖТОЙ

    2010 онд “Эх орны залуус хаана явна вэ” нэвтрүүлгээр уулзаж байсан Загдаа гуайн Зөв амьдрах ухаан ТББ дээр 4 жилийн дараа очлоо.

    2010 ОНД

  • Гэндэндаржаагийн ЗАГДАА

    Зохион бүтээгч, нийгмийн зүтгэлтэн.

    Орон гэргүй, орц, траншейнд амьдардаг, архи мансууруулах бодисонд донтсон, засан хүмүүжүүлэх ангиас суллагдсан, өнчин ядуу бүх насны иргэдийг дахин нийгэмшүүлэх, ажил хөдөлмөр эхлүүлэх, сэтгэлзүйн сургалт олгож нийгэмд эзлэх байр сууриа дахин олоход нь тусалдаг “Зөв амьдрах ухаан” ТББ-ийн үүсгэн байгуулагч, тэргүүн, Итгэлт элч ХХК-ийн захирал.

    Баянхонгор аймгийн Баян- Овоо суманд 1958 онд төрсөн. Дархан Уул, Сэлэнгэ аймагт тус тус ажиллаж амьдарч байсан. Сонгино хайрхан дүүрэг, Чингэлтэй дүүрэг, Сүхбаатар дүүрэг, Баянзүрх дүүрэг, Цагдаагийн ерөнхий газар, Нийслэлийн цагдаагийн газартай нийгмийн хэв журам сахиулах чиглэлд 8 жилийн турш хамтран ажиллаж байна. Ял эдлээд суллагдаж гарч ирсэн зарим иргэдийг дахин нийгэмшүүлэх чиглэлээр Шүүхийн шийдвэр биелүүлэх газар, хорих ангиудтай мөн хамтран ажиллаж байна. Нийгмийн сэтгэлзүйн чиглэлээр, эмзэг бүлгийн 400 гаруй хүнтэй 10 жил гаруй ажилласан туршлагатай.

    Орчин үеийн монгол гэрийн төрөл бүрийн загварыг зохион бүтээсэн. Залуу зохион бүтээгч нэвтрүүлгийн шилдэг оролцогч болж байсан.

    Бид үнэний эсрэг юуг ч хийж чадахгүй. Харин үнэний төлөө бүхнийг хийнэ.

    https://www.facebook.com/gendendarjaa.zagdaa

  • НЭРТ ТӨГӨЛДӨР ХУУРЧ ЭЛЬМАР ГАСАНОВ МОНГОЛД

    The Corporate Hotel & Convention Centre- ийн хамт олон Монгол Улсын урлагийн түүхэнд нэгэн шинэ хуудсыг эхлүүлж олон улсын өндөр зэрэглэлийн концертын танхимыг ашиглалтанд орууллаа. Энэхүү танхимынхаа нээлтэнд зориулж дэлхийд чансаагаараа дээгүүр бичигддэг Оросын нэрт төгөлдөр хуурч Эльмар Гасановыг урьж, ЭЛЬМАР ГАСАНОВ МОНГОЛД элит тоглолтыг The Corporate Hotel & Convention Centre болон KAWAI Mongolia компанийн хамт олон хамтран зохион байгуулж байна. Төгөлдөр хуурч Эльмар Гасанов Оросын нэрд гарч яваа RusQuartet хийлийн квартетийн хамт Монголд ирэх юм.

    Тоглолтоор, сонгодог хөгжмийн эрин үеийн ноён оргил болсон Бетховены Sonata 23 op.57 “Appassionata”, Оросын нэрт хөгжмийн зохиолч Рахманиновын Variations on a Theme of Corelli, Германы хөгжмийн зохиолч Брамсын Piano quintet f moll op.34 дэлхийд ховорхон тоглогдсон сонгомол бүтээлүүдийг хүн төрөлхтний сэтгэл зүрхийг 90 жилийн туршид хөглөсөн гайхамшигт KAWAI EX concert series төгөлдөр хуураар тоглох сонгодог үдшийг хамтдаа өнгөрүүлэхийг урьж байна. Тоглолтын үеэр нэрт төгөлдөр хуурч болон Монголын урлаг соёлын одод, нийгэм улс төрийн хүндтэй эрхэмүүдтэй хамт хүндэтгэлийн хүлээн авалтанд оролцох боломжтой.

    Эльмар Гасанов нь 1999 онд “Прокофьевын төрсөн нутагт” олон улсын тэмцээний дээд шагнал, 2000 онд Олон улсын Крайнев тэмцээний тэргүүн байр, 2006 оны Лист- Барток тэмцээний тэргүүн байр, 2010 онд Солонгосын Исангюн Төгөлдөр хуурын тэмцээний 3 байр, 2011 онд Хонг Конгийн олон улсын тэмцээний 3-р байр, 2012 онд Цюрих хотын Геза Анда тэмцээний Шуманны шагналыг тус тус авсан нэрт төгөлдөр хуурч юм. Тэрээр Унгар, Герман, Франц, Голланд, Австри, Англи, Турк, Бразил, АНУ, Словак, Словения, Украйн, Швейцари зэрэг дэлхийн 20 гаруй улсуудад соло болон концерто тоглолтуудаа хийгээд байна.

    Русквартет нь 2006 онд Шостаковичийн 100 жилийн ойн тэмцээний 1-р байр, 2008 онд Шостаковичийн нэрэмжит Олон улсын уралдаан, Тромп Олон улсын хөгжмийн уралдаанд тус тус шалгарч байжээ. 2008 онд Олон Улсын Хөгжимчдийн Нийгэмлэг болон Хөгжмийн Ассоциацийн Танхимаас Гайдамовичийн “Ансамбль тоглолтын амжилт” гэсэн шагналаар шагнагджээ.

    The Corporate Hotel & Convention Centre-ийн концертын танхим нь 72 замтай пульттэй дууны техник, SENNHEISER микрофон, EVO брэндийн гэрэл, HD LED дэлгэц avolite media server, динамик хөдөлгөөнт тайз бүхий бүрэн дижитал удирдлагын системтэй, 1200 хүний суудалтай дэлхийн стандартын тайз бөгөөд дэлхийн ямар ч од Монголд ирсэн шаардлагыг бүрэн хангах тайзтай болсон нь Монголчууд бидний нэг бахархал боллоо.

    Ийнхүү дэлхийн тоглооч, дэлхийн брэнд төгөлдөр хуураар, дэлхийн тайзнаас тоглох гайхамшигт үдшийг Монголчууддаа бэлэг барьж байна.

    Тоглолт 2015 оны 10-р сарын 30-ны 19:00 цагт The Corporate Hotel & Convention Centre-ийн Концертын танхимд болно.

    Дэлгэрэнгүй мэдээллийг: 99123319

    www.corporatehotel.mn

    https://facebook.com/KAWAIMongolia

  • Ноён уулын археологийн олдворууд

  • GLOBAL HR FORUM- 2015

    Энэхүү үйл ажиллагааг шинэлэг, бүтээлч, үр дүнтэй болгох талаас нь зохион байгуулалтын багт орж, төлөвлөлт, зохицуулалт, зар сурталчилгааны чиглэлээр хамтран ажиллаа.

    Хүний Нөөцийн Судалгааны Үндэсний Хүрээлэнгээс жил бүр уламжлал болгон зохион байгуулдаг GLOBAL HR FORUM- 2015 үйл ажиллагаа “УДИРДЛАГЫН ХӨГЖИЛ- АМЖИЛТЫН ҮНДЭС” сэдвээр 10-р сарын 2-нд болно.

    Монголын топ компаниудын удирдлага, судлаачид, HR менежерүүдийн шилдэг туршлага, ололтыг нэг доороос сонсож, хүний нөөцийн салбарын хөгжлийн чиг хандлага, туршлага, кейс, монгол удирдагч бэлтгэх загварыг мэдэж, салбарын хүрээлэлээ нэмэгдүүлэх боломжийг та бүү алдаарай. Энэ жилийн хувьд нийт оролцогчдын оролцоог хангасан багийн ажил, ток шоу, илтгэл хэлбэрээр явагдах онцлогтой.

    Форумд байгууллагын удирдах ажилтанууд, HR менежерүүд, шинэ бизнес эрхлэгчид, баг хамт олноо удирдах арга барилаа хөгжүүлэхийг хүссэн ажил хэрэгч таныг урьж байна.

    GLOBAL HR FORUM-2015 by CREATIVE MONGOLIA

    https://www.facebook.com/inhr.mn

    ИЛТГЭЛҮҮД