creativemongolia

Category: Uncategorized

  • Team Work& Team Play СУРГАГЧ БАГШИЙН СУРГАЛТ

    СУРГАГЧ БАГШ БЭЛТГЭХ ХӨТӨЛБӨР (2 өдөр, 16 цаг)
    /Гэрчилгээ олгоно/

    ДЭЛХИЙН ТЭРГҮҮЛЭГЧ КОМПАНИУДЫН СУРГАЛТ, ҮЙЛ АЖИЛЛАГААНД АШИГЛАГДДАГ, БАГИЙН АЖИЛЛАГААГ САЙЖРУУЛЖ БҮТЭЭМЖЭЭ НЭМЭГДҮҮЛЖ, БАГ ХАМТ ОЛНОО ИДЭВХИЖҮҮЛЭХ АРГА БАРИЛЫГ ЭЗЭМШҮҮЛЭХ олон улсын сургалт.

    – Хамт олноо идэвхижүүлж, уур амьсгалыг нэгтгэмээр байна уу?
    – Багийнхаа эерэг хандлага, оролцоог нэмэгдүүлээр байна уу?
    – Сургалт, өдөрлөг үйл ажиллагааг шинэлэгээр зохион байгуулмаар байна уу?
    Удирдагч, хүний нөөцийн менежер, сургалтын менежер, маркетингийн менежер, зохион байгуулагч, дасгалжуулагчид, багш, удирдах арга барилаа шинэчлэхийг хүсэгчидэд зориулав.

    Хөтөлбөр: 2 өдөр | 16 цаг
    2017 оны 11 сарын 24, 25-нд 09:00- 18:00 цагт
    Сургалтын төлбөр: 150,000₮ (2 өдрийн хоол, цай багтсан)
    Сургагч багшийн сургалт УЛИРАЛД 1 УДАА болдог тул та хойшлуулалгүйгээр амжиж бүртгүүлээрэй!

    Хэзээ: 2017 оны 11-р сарын 24, 25- ны 9:00- 18:00 цагт
    Хаана: Premium Palace, 311 (Баянбүрдээс Бөмбөгөррүү уруудах замд, замынхаа баруун талд, Нисдэг машин төвийн урд талд)

    Хувийн бэлтгэл: Биет эвтэйхэн спортлог эсвэл чөлөөт хувцас өмсөж оролцоно. Мини юбка, өндөр өсгийтэй гутал, костьюм, зангиа тохиромжгүй. Дасгал хийх явцад тасрах эрсдэлтэй тул хэт том унждаг ээмэг, зүүлт зүүхгүй байх.

    Бүртгүүлэхийг хүсвэл 88028241, 91223255 утас болон хуудсаар шууд холбогдож төлбөрөө тушааж бүртгэлээ баталгаажуулна уу.

    АГУУЛГА | ХӨТӨЛБӨР

    1. Тоглоомын сургалтын тухай
      1. Тоглоомын сургалтын арга зүй
      2. Тоглоомыг удирдах нь
    2. Сургалт болон аливаа үйл ажиллагааг эхлүүлэх тоглоом
      1. Нээлтийн
      2. Танилцах, нүүр хагарах
    3. Багийн ажиллагааны тоглоом
      1. Баг бүрдүүлэх
      2. Багийн ажиллагаа
      3. Мэдлэг бүтээх
      4. Туршлага хуваалцах
      5. Хүнээ таних, судлах
    4. Харилцааны тоглоом
      1. Харилцааны техник
      2. Ойлголтыг нэгтгэх
      3. Мэдрэмж
    5. Идэвхижүүлэх тоглоом
      1. Сэргээх
      2. Сэдэлжүүлэх
      3. Оролцоог нэмэгдүүлэх
      4. Хөгжилдөх
      5. Бүтээлч сэтгэлгээ
    6. Нэгдмэл уур амьсгал, эерэг хандлага
      1. Хамт олноо танин мэдэх
      2. Итгэлцэлийг нэмэгдүүлэх
      3. Эерэг хандлага
      4. Миний зорилго бидний зорилго
    7. Дүгнэлтийн тоглоом
      1. Дүгнэлтийн тоглоом
      2. Хаалт

    ДЭЛГЭРЭНГҮЙ ТАНИЛЦУУЛГА

    Teamwork& Teamplay багийн сургалт, event by CREATIVE MONGOLIA on Scribd

  • Ганбаатарын Ариунбаатар- Дэлхийн дуурийн шилдэг дуучин (Баритон)


    Дэлхийн дуурийн шилдэг дуучин (Баритон) 
    Монгол хүний хоолойны царааг дэлхийд таниулсан Монгол дуучин.

    Ганбаатарын Ариунбаатар (1988 оны 4 сарын 8-нд Төв аймгийн Баян-Өнжүүл суманд төрсөн) нь Монголын дуучин. Баритон 2016 онд Чингис хаан одон хүртсэн. Монгол Улсын болон Буриад Улсын гавьяат жүжигчин.

    Ариунбаатар 3 хүүхэдтэй малчин айлын дунд хүү болон төрж, 2005 онд Зуунмод хотын Хүмүүн цогцолбор сургуулийг, 2010 онд Соёл Урлагийн Их Сургуулийг дуурийн дуулаачийн мэргэжлээр төгсжээ.

    Тэрбээр Цагдаагийн “Сүлд” чуулга, Оросын Холбооны Улсын Санкт-Петербург хотын Мариинский театрт болон Буриадын Дуурь Бүжгийн Эрдмийн театрын гоцлол дуучнаар ажиллаж байна. 

    Амжилт

    • 2011 онд М. И. Глинкийн нэрэмжит олон улсын дуулаачдын XXIV уралдааны шилдэг баритон, Павел Лисицианы нэрэмжит тусгай шагнал
    • 2014 онд Муслим Магомаевын нэрэмжит олон улсын дуурийн дуулаачдын III уралдааны тэргүүн байр
    • 2015 онд П.И.Чайковскийн нэрэмжит олон улсын мэргэжлийн дуурийн дуулаачдын XV уралдааны шилдэг эрэгтэй дуучин
    • 2017 онд Би-Би-Си Кардифф Дэлхийн шилдэг дуучин шалгаруулах уралдааны шилдэг дуучин (Россини, Верди, Чайковский болон Б. Шаравын “Монголын тал нутаг”-ийг дуулсан)
    • ИБНВУ-ын Уэльсийн нийслэл Кардифф хотноо хоёр жил тутамд дуурийн дуучдын дунд зохион байгуулдаг BBC Cardiff Singer of the World тэмцээний “The Song Prize” төрөлд Монгол Улсын гавьяат жүжигчин Г. Ариунбаатар Шотландын дуучин Катриона Морисоны хамтаар тэргүүлжээ.
      Тэрбээр, энэ тэмцээнд Шуберт, Чайковский, Форе болон Төрийн шагналт, Урлагийн гавьяат зүтгэлтэн Бямбасүрэнгийн Шаравын уран бүтээлийн дээжээс хүргэсэн байна. Манай дуучин “The Song Prize” төрөлд Америкийн Жон Чест, Шотландын Катриона Морисон, Украины Юрий Самойлов, Английн Луис Алдер нартай өрсөлджээ.
      Баритон хоолойтой МУГЖ Г. Ариунбаатар өмнө нь Москвад болсон М. Глинкийн нэрэмжит олон улсын уралдааны тэргүүн байр эзэлж байсан бол өнгөрсөн жил Москва хотноо болсон П.И.Чайковскийн нэрэмжит дуурийн дуулаачдын уралдаанд тэргүүн байр эзэлснээр дэлхийн хэмжээний дуучин болохоо баталсан юм.

  • Эрдэнэхуягийн АРИУНБОЛД- Зураач, уран бичээч


    Зураач, уран бичээч

    Аргун хааны захидал, Абага хааны захидал, Абага хааны зарлиг бичиг, Хасан хааны захидал, Өлзийт хааны захидал, Гүег хааны захидал, Кебек хааны захидал, Хубилай хааны зарлиг, Чингисийн чулууны бичээс, Цогтын хадны бичиг-1, 2, Занабазарын Соёмбо бичгийн дурсгал зэрэг Монголын Их Хаадын захидал болон бусад томоохон бичиг соёлын дурсгалыг уран бичлэгийн цуврал бүтээл болгон туурвисан.

    Бичиг үсэг, өв соёлын өргөө байгуулах ажлыг санаачилан Сүхбаатар аймаг Дарьганга сумын ЕБС, Сэлэнгэ аймгийн Цагааннуур сум, Сонгинохайрхан дүүргийн 124-р сургууль, Зөв амьдрах ухаан ТББ-д тус тус Бичиг соёлын өргөө байгуулаад байна.

    Мөн Улаан-Үдийн “Буриад соёл” төвд Бичиг соёлын өргөө байгуулахаар ажиллаж байна.

    БОЛОВСРОЛ, АЖЛЫН МЭДЭЭЛЭЛ

    1984- 1994 он Сүхбаатар аймгийн 2-р 10 жил
    1994- 1998 он УБИС- Дүрслэх урлаг дизайны багш мэргэжлээр
    1998- 2000 он УБИС-ын ДУДТ-д Дизайны багш, магистрант
    2000- 2005 он Япон улсын Нийгата барилгын сургууль мэргэжил дээшлүүлсэн
    2006- 2012 он УБИС-д Урлаг судлалын докторант
    2010 оноос УЭДС-ийн АИДТ-ийн эрхлэгч
    2011 он УЭДС-ийн ахлах багш
    2014 оноос “ТИТЭМ-АРТ” академийн тэргүүн
    2017 оноос “АРИГУН-АРТ” галерейн захирал

    ҮЗЭСГЭЛЭН

    2001 он Япон Нийгата хот “Талын монгол” уран зургийн үзэсгэлэн
    2002 он Токио, Сайтама хотуудад уран зургийн үзэсгэлэн.
    2003 он Франц Парис хот “Их талын монгол” уран зургийн үзэсгэлэн
    2004 он Япон Фукаяа хот “Талын монгол” үзэсгэлэн
    2016 он “Ганга нуур” каллиграфийн үзэсгэлэн
    2018 оны 5 сарын 1-8. Бичиг соёлын өдрүүдийн хүрээнд Ерөнхийлөгчийн ивээл дор “Их хаадын захидал” үзэсгэлэн. Төрийн түүхийн музей.

    https://www.facebook.com/ariunbold.erdenekhuyag

  • “ДЭЛХИЙН ХААЗД” БАЙГУУЛЛАГЫН МОНГОЛ УЛС ДАХЬ АЙЛЧЛАЛ – 2017 / GLOBALG.A.P. TOUR STOP – 2017 MONGOLIA

    Их Монгол Язгууртан, Алтан Дээд Их Монгол Чанар байгууллага нь  CLOBAL G.A.P (ДЭЛХИЙН ХААЗД)- ХӨДӨӨ АЖ АХУЙН ЗОХИСТОЙ ДАДАЛ байгууллагын гишүүн, Монгол дахь албан ёсны төлөөлөгч байгууллага бөгөөд Монгол Улсын ХАА-д дэлхийн зохистой дадлын стандартыг нэвтрүүлэхээр ажиллаж байна. Зохистой дадлыг нэвтрүүлснээр Монголын Хөдөө Аж ахуйн бүтээгдэхүүн дэлхийн зах зээл нээлттэй болох юм.

    Энэ хүрээнд 2017 онд ДЭЛХИЙН ХААЗД байгууллагын албан ёсны айлчлал, хуралдааныг Монгол Улсад албан ёсоор зохион байгууллаа.

    “ДЭЛХИЙН ХААЗД” БАЙГУУЛЛАГЫН МОНГОЛ УЛС ДАХЬ АЙЛЧЛАЛ – 2017 / GLOBALG.A.P. TOUR STOP – 2017 MONGOLIA

    ЗОХИСТОЙ ДАДАЛД СУУРИЛСАН ШИНЖЛЭХ УХААНЫ ҮНДЭСЛЭЛ БҮХИЙ ХӨДӨӨ АЖ АХУЙ

    Урьдчилсан хөтөлбөр / Preliminary Program

    2017.09.23

    Хурал / Conference

    08:30 – 09:00 Бүртгэл / Registration

    09:00 – 09:15 Нээлт / Welcome and Opening

    Урлаг, соёлын үзүүлбэр / Mongolian Traditional Music Performance

    09:15 — 09:30 Нээлтийн үг / Keynote Address

    ХХААХҮЯамны төлөөлөл / Representative from Minister for Food, Agriculture and Light Industry

    09:30 – 09:45 Дурсгалын зураг авалт / Photo shoot

    09:45 — 10:00

    Нээлтийн үг / Keynote Address

    Өлзийбатын Баяраа, “Их Монгол Язгууртан” ГҮТББ-ын удирдах зөвлөлийн дарга / BAYARAA Ulziibat, Chairman, Ikh

    Mongol Yazguurtan NGO

    10:00 — 10:30

    Дэлхийн ХААЗД-ын танилцуулга – Дэлхийн сорилт, дэлхийн шийдэл / Introduction of GLOBALG.A.P. – Global

    challenges, Global solutions

    Флавио Алзуэта, Дэлхийн ХААЗД байгууллагын дэд ерөнхийлөгч / Flavio ALZUETA, Vice President, GLOBALG.A.P.

    10:30 — 11:00

    Зохистой дадалд суурилсан хөдөө аж ахуйг хөгжүүлэх эдийн засгийн үндэслэл / Economic Rationale for GAPbased

    Agricultural Sector Development

    Доржийн Чингээлбаатар, “Их Монгол Язгууртан” ГҮТББ төслийн удирдагч / CHINGEELBAATAR Dorj, Project Director, Ikh

    Mongol Yazguurtan NGO

    11:00 — 11:30 Цайны завсарлага / Coffee Break

    11:30 – 12:00

    Нүүдлийн мал аж ахуйн үйлдвэрлэлд ХААЗД-ыг нэвтрүүлэх нь / Applying GAP into Mongolian Pastoral Livestock

    Production

    Жүгдэрийн Шинэхүү, ХААИС-ын МААБС-ийн багш, доктор / SHINEKHUU Jugder, ph.D, Professor at Mongolian

    University of Life Sciences

    12:00 – 13:00 Үдийн зоог / Lunch

    Урлаг, соёлын үзүүлбэр / Mongolian Traditional Music Performance

    13:00 – 13:30 Хятадын зах зээлд бараа бүтээгдэхүүнээ нэвтрүүлэх стратеги / Strategy of market entry into China

    Девид Жанг, “Худалдан авагчдын зөвлөл”-ийн ТУЗ-ын дарга / Zhiqiang (David) Zhang, Managing Director, Buyers Council

    13:30 – 14:00

    Газар тариалангийн үйлдвэрлэлд ХААЗД-ыг нэвтрүүлэх нь / Applying GAP into Crop Production

    Б.Энхжаргал, ХААИС-ын МААБС-ийн багш, доктор / B.Enkhjargal, ph.D, Professor at Mongolian University of Life

    Sciences

    14:00 – 14:30 Цайны завсарлага / Coffee Break

    14:30 – 15:00

    ХААЗД стандартыг Монгол Улсын мал аж ахуйн үйлдвэрлэлийн онцлогт тааруулан боловсруулах нь /

    GLOBALG.A.P. Add-Ons to adapt GAP into Mongolian unique livestock production

    Диэго Салгадо, Дэлхийн ХААЗД байгууллагын Мал аж ахуйн шинжээч, ААН баталгаажилт олгогч / Diego Salgado,

    Farm Assurer & Livestock Expert, GLOBALG.A.P.

    15:00 – 16:30 Асуулт, хариулт / Questions & Answers

    16:30 – 16:45 Хаалт / Closing

    2017.09.24

    Аж ахуй нэгжтэй танилцах аялал / Farm Visit

    08:30 – 09:00 Бүртгэл / Registration

    09:00 — 09:30 Аж ахуйруу явах / Transportation to the Farm

    10:30 — 13:30 Аж ахуйтай танилцах / At the farm

    13:30 — 14:30 Өдрийн хоол / Lunch

    14:30 – Буцна / Return

    *Жич: Хотоос 40 км зайд байрлах “Эвридэй Ферм”-д зочилно.

    *Note: EveryDay Farm is 40 km away from Ulaanbaatar city. It takes about an hour to the farm.

    Эх сурвалж: https://www.globalgap.org/expo…

    https://www.facebook.com/13557…

  • HR DAY 2017 | ҮНДЭСНИЙ БАЯЛАГ ХҮНИЙ НӨӨЦ 10-р сарын 13

    “ҮНДЭСНИЙ БАЯЛАГ ХҮНИЙ НӨӨЦ” сэдэвт зөвлөгөөн

    Санаачлагч: Хүний нөөцийн судалгааны үндэсний хүрээлэн
    Зохион байгуулагч: Хүний Нөөцийн Судалгааны Үндэсний Хүрээлэн, Эйч Ар клуб

    Хүний нөөцийн судалгааны үндэсний хүрээлэн Хүний нөөцийн ажилтны анхны зөвлөгөөнийг 2010 онд зохион байгуулсан. Уг зөвлөгөөнөөс гаргасан саналыг үндэслээд 2016 оны 4 дүгээр сарын 18-ны өдрийн Монгол Улсын Засгийн Газрын 217 тоот тогтоолоор “Хүний нөөцийн ажилтны өдөр” жил бүрийн 10 дугаар сарын 15 -ны өдөр байхаар тогтож, энэ өдөр зөвлөгөөнийг хийдэг билээ.

    Уг үйл ажиллагааны зорилго нь Монгол хүний үнэ цэнийг Монгол улсын хэмжээнд төдийгүй дэлхийн түвшинд нэмэгдүүлэх, үндэсний хүний нөөцийн менежментийн арга барил, шинэ санаа, туршлагыг байгууллагууд хоорондоо солилцох, суралцах, нэвтрүүлэх зэрэг үйл ажиллагааг идэвхжүүлж, хөгжүүлэхэд оршино.

    Энэ жилийн “Хүний нөөцийн ажилтны өдөр”-ийг 10 дугаар сарын 13 өдөр зохион байгуулахаар боллоо.

    Хүний нөөцийн ажилтны өдрийн товч хөтөлбөр:
    13:30-16:30 – Хүний нөөцийн ажилтны Баярын хурал
    17:00-23:30 – Хүний нөөцийн ажилтны зөвлөгөөний оройн үйл ажиллагаа гэсэн үндсэн хэсгүүдээс бүрдэнэ.

    Дэлгэрэнгүй хөтөлбөр харах холбоос: http://inhr.mn/?page_id=1077

    “Хүний нөөцийн ажилтны өдөр” арга хэмжээнд байгууллагын удирдах ажилтнууд, хүний нөөцийн ажилтнууд, бизнес эрхлэгчид та бүхнийг өргөнөөр оролцохыг урьж байна.

    Бүртгэлийн холбоос: https://goo.gl/forms/mKvYxhhFrc5K4cUh1
    ( Дээрх холбоосоор нэвтэрч бүртгэлээ заавал хийх шаардлагатайг анхаарна уу. )

    Бүртгэлийн хураамж: 200,000₮

    Хураамж төлөх данс: Голомт банк
    Дансны дугаар: 2105003713
    Данс эзэмшигч: Хүний Нөөцийн Суд Үндэсний Төв
    Гүйлгээний утга: Овог Нэр, Утасны дугаар

    Бидэндтэй холбоо барих: Цахим шуудан: info@inhr.mn, infohrclub@gmail.com
    Утас: 77112050, 99063842

  • Арьс, шир боловсруулах үйлдвэрлэлийн технологи, тоног төхөөрөмж

    Сэдэв.  “ Арьс, шир боловсруулах үйлдвэрлэлийн технологи, тоног төхөөрөмж”

    Зорилго: Арьс шир /савхи/ боловсруулах үйлдвэрийн ерөнхий технологи машин тоног төхөөрөмжийн ангилал, бүтэц, зохион байгуулалт ажлын үндсэн эд ангийн тооцоо хийх.

    Мэдлэг:  Үйлдвэрлэлийн технологи ба хийцийн ангиллын дагуу машин тоног төхөөрөмжийн ажиллагааг нарийвчлан судлах

    Чадвар:  Ажлын үндсэн эд ангийн тооцооны аргачлалын эзэмших

    Дадал:  Машинд засвар үйлчилгээ тохиргоо, кинематик схемүүд дээр ажиллаж тооцоо хийж чаддаг байх

    Энэ хичээлээр: 

    • Арьс ширний үйлдвэрийн технологи, тоног төхөөрөмжийн онцлог;
    • Арьс,шир түүний бүтэц, байр зүй;
    • Арьс шир боловсруулахад бэлтгэх дамжлагууд,
    • Идээлэх, идээлсний дараах ажилбаруу;
    • Арьс ширийг  шингэнээр боловсруулах тоног төхөөрөмжүүд, засвар үйлчилгээ, тохиргоо хийх;
    •  Арьс ширийг механикаар боловсруулах тоног төхөөрөмж,  
    • Дулааны боловсруулат, хатаах тоног төхөөрөмж;
    •  Өнгө заслын тоног төхөөрөмжийн хийц, ажиллагаа, тохиргоо үйлчилгээ; 
    • Арлах, индүүдэх, хэмжих тоног төхөөрөмжийн үндсэн механизм;
    •  Шинэ тоног төхөөрөмжийн талаархи судалгаа;
    • Боловсорсон арьс, ширний шинж чанар зэргийг судлан үзнэ.

    Арьс,  ширний үйлдвэрлэлийн тухай ерөнхий ойлголт

    Монголчууд эрт дээр үеэс эхлэн мал, амьтны  гаралтай түүхий эд болох арьс, ширийг өөрсдөө гар аргаар боловсруулж, гутал, хувцас, малгай, дах, дэгтий  хийхээс гадна ахуйн зориулалтаар боловсруулж чөдөр, ногт, бугуйл зэрэг мал аж ахуйн тоног хэрэгсэл, ахуйн бусад эд зүйл хийж ирсэн маш баялаг туршлагатай ард түмэн билээ. Харин одоо шинжлэх ухаан, техник хөгжихийн хэрээр шинэ технологи, тоног төхөөрөмжөөр өндөр түвшинд боловсруулан дотоод, гадаадын зах зээлд бүтээгдэхүүнээ нийлүүлж байна.

    Арьс ширний vйлдвэрлэлийн зорилго  бол байнгын нөхөн сэргээгддэг тvvхий эдийг тvvний бvтэц, онцлогт тохирсон, шинжлэх ухааны ололтод тулгуурласан, байгаль, экологид халгvй, vр ашигтай технологиор иж бvрэн боловсруулж, чанартай бvтээгдэхvvн үйлдвэрлэж дотоодын болон олон улсын зах зээлд нийлvvлэх  явдал юм.

    Арьс, ширний үйлвэрүүд амьтны арьсаар улны шир, шеврет, шевро, илэг, юфть, сур, үдээр, шахмал картон зэрэг хагас бэлэн бүтээгдэхүүнээс гадна үслэг эдлэл,гутал, хувцас, жижиг савхин эдлэл зэрэг бэлэн бүтээгдэхүүн үйлдвэрлэж байна. ]

    Арьс,  шир нь янз бүрийн химийн найрлага бүхий хэд хэдэн давхаргаас бүрдсэн өвөрмөц бүтэц шинж чанартай түүхий эд учир боловсруулахын тулд бүтэц шинж чанарыг зайлшгүй судласан байх ёстой.

    Арьс, ширний гистологийн бүтэц

    Арьс,  шир нь бүх амьтны хувьд бие эрхтэнийг гадна орчноос тусгаарлах, бие организмыг халуун, хүйтэн, чийг, ус, гэрлээс хамгаалах, хорт бодисуудыг гадагшлуулах, гадна орчны гэмтлээс хамгаалах, гадаад орчинтой зохицож амьдрах тэнцвэрт байдлыг хангадаг.

    Бүх төрлийн мал, амьтны арьс шир нь үсэн бүрхүүл, өнгөн давхрага буюу эпидермис(эпи-дээд тал, дерма (derma- apьc), жинхэнэ хөрс буюу дерма давхрага, шар махан давхрага гэсэн хэсгүүдээс бүрдэнэ.

    Арьс, ширний топографи

    Арьсны топографи  (байрлал зүй) гэж түүний талбайн хэсгүүдийг хэлнэ. Топографи  хэсгүүдэд арьсны ерөнхий шинж, нимгэн зузаан, ширхэгүүдийн тогтоц, физик механикийн шинжүүд нь өөр өөр байдаг.  Арьс, ширийг талбайгаар нь зоо, хүзүү, хээл гэж гурав ангилдаг. Жишээ нь: үхрийн ширийг шилбэ, год, суга, зах, хээл, зоо, өгзөг, сүүл гэсэн байр зүйн  хэсгүүдэд; адууны ширийг цээж ба хондлойн хэсэг болгон хуваана. 

    1-р зураг. Арьсны топографи

            1- хүзүү хэсэг, 2- хээл хэсэг, 3.4- зоо хэсэг, 5- хуваасан хэсэг.           

    Арьс, ширний химийн найрлага, шинж чанар

    Арьсны химийн тогтоц, бүтэц бүрэлдэхүүн хэсгүүдийнх нь химийн шинж чанарыг судалсны үндсэн дээр  боловсруулах технологи ажиллагааг тогтоодог. Арьс ширийг боловсруулах явцад химийн тогтоц нь өөрчлөгдөж,  физик химийн чанарт нь нөлөөлдөг. Иймд боловсруулсан арьсны шинж чанар нь түүний химийн тогтцоос хамаарна. Амьтны арьс нь ус, уураг, нүүрс ус, өөх тос, эрдэс давсууд, витамин, фермент зэрэг химийн бодисоос тогтоно (2-р зураг).  

    2-р зураг. Арьсны химийн тогтоц

    Тухайн амьтны төрлөөс хамаарч эдгээр үзүүлэлт нь өөр өөр байна. Жишээ нь хонины арьс 30 хүртэл хувийн тослог бодис агуулдаг онцлогтой.

    Арьс, ширэн түүхий эдийн үндсэн шинж чанар

    Тодорхой нэр төрлийн бүтээгдэхүүн хийхэд зориулагдсан арьсны чанар зохих шаардлага хангаж  байгаа эсэхийг дараах шинж чанаруудаар тодорхойлно. Үүнд: арьсны талбайн хэмжээ, зузаан, хөхөнцөр ба торлог үеүдийн харьцаа, коллагены ширхгүүдийн сүлжээний хэлбэр, топографийн хэсгүүдийн хөгжилт, уургийн химийн тогтоц, шинж чанар, гэмтэл зэрэг орно.

    Талбайн хэмжээ. Арьс, ширний нэг чухал үзүүлэлт юм. Арьс, ширний талбай малын төрөл, үүлдэр, нас, хүйс, арчилгаа маллагааны онцлогоос шалтгаалж харилцан адилгүй байдаг. Арьсны ашигтай талбайн хэмжээ нь эсгүүрийн талбайн хэмжээг тодорхойлно. Арьсны талбайн хэмжээ нь малын төрөл, үүлдэр, нас, хүйс, тэжээл,  арчилгаанаас ихээхэн хамаарна.

    Арьсны зузаан. Арьсны нимгэн, зузаан нь түүний таваарын чанарыг тодорхойлдог чухал шинжийн нэг бөгөөд тухайн түүхий эдээр ямар нэр төрлийн бүтээгдэхүүн боловсруулж болох боломжтойг харуулна.  Арьсны нимгэн, зузаанаас түүний бөх батын чанар технологи ажиллагааг явуулах хугацаа хамаарна.

    Хүндийн жин. Түүхий эдийг боловсруулалтад сонгож авахад түүний хүндийн жин нь чухал үүрэг гүйцэтгэнэ. Голдуу жингээрээ ойролцоо түүхий эдийг сонгож авна. Арьс ширний хүндийн жинд түүний талбайн хэмжээ, зузаан, нягт, үсэн бүрхүүлийн нягт, сийрэг болон бусад хүндрүүлэгч (эвэр, туурай, өөх, халим, мах гэх мэт) зүйлүүд нөлөөлнө.

    Нягт. Арьс ширэн түүхий эдийн бөх бат, яс чанар, халуун хүйтнийг даах чадварт түүний нягт, сийргийн байдал нөлөөлөхөөс гадна боловсруулах хугацаа, химийн бодисуудын нэвчилтэд зохих нөлөөг үзүүлнэ. Түүхий эдийн партыг сонгож авахад нягтыг нь харгалзана. Арьс ширний нягт сийргээр арьсны сунах, урагдах, элэгдэх ба бөх батын чанарыг тодорхойлно.

    Гэмтэл. Арьс ширэн түүхий  эдийн чанарт нөлөөлдөг гол шинжүүдийн нэг нь гэмтэл юм.  Гэмтэл хэдий чинээ их байна арьсны топографийн гол хэсгүүдийг   төдий хэмжээгээр гэмтээж чанарыг бууруулна.

    Арьс, ширний ангилал

             Арьс, ширэн түүхий эдэд таван хошуу мал, амьтны арьс, шир хамаарна. Арьс, ширэн түүхий эдийг төрлөөр нь бод  малын ба зарим ангийн шир, бог малын ба зарим ан амьтны арьс, гахайн шир; жингээр нь хүнд ба хөнгөн; чанар хамгаалсан байдлаар нь нойтон, хөлдүү, энгийн хатаасан, давстай  нойтон, давсалж хатаасан гэж ангилна.

    Арьс, шир боловсруулах технологи, тоног төхөөрөмж

    Арьс,  ширэн түүхий эдийн бүтэц, шинж чанар, төрөл бүрд тохирсон технологийн горимоор машин тоног төхөөрөмж,  химийн бодис материал ашиглан боловсруулж бүтээгдэхүүн үйлдвэрлэдэг.

    Арьс, ширний үйлдвэрийн технологийн зорилго нь арьс ширэн түүхий эдийн хими, физик,  механик шинж чанарын үзүүлэлтийг хэрэглээ болон зориулалтын шаардлага хангах зохих тогтоц, шинж чанартай  болгоход оршино.

     Арьс ширийг боловсруулах бүх дамжлага ажиллагааг:

    •       Химийн   ба физик-химийн   боловсруулалт;

    •       Механик   боловсруулалт гэж ангилдаг.

    Түүхий эдийг бөөнөөр  (парт) нь химийн уусмал бүхий  шингэнд хийж ган, баркас, барабан, шнек зэрэг тоног төхөөрөмжөөр боловсруулдаг.Үүнийг химийн боловсруулалт гэнэ.

    3-р зураг. Арьс, ширийг химийн уусмалаар  шингэн орчинд боловсруулах тоног төхөөрөмжийн ерөнхий байдал 

    Харин түүхий эдийг хатаах, чийглэх ажиллагаанууд нь физик-химийн боловсруулалтад хамаарагддаг.

    Механик боловсруулалт  нь арьс ширийг ширхэгээр нь үс авах, хуваах, шар мах авах, усыг шахах, зузааныг тэгшилж хусах,  элдэх-зөөлрүүлэх, сунгах, өнгөлөх, зүлгэх, тэнийлгэх зэрэг ажилбарыг машинаар гүйцэтгэх ажиллагаанууд юм.

    4-рзураг. Арьс хатаах машины ерөнхий байдал

    Тэнийлгэх ажиллагаагаар  арьс ширийг тэгш, үрчлээс нугалаасгүй болгох зорилготой. Тэнийлгэх ажиллагааг  тэнийлгэх, индүүдэх машинаар гүйцэтгэнэ.

    5-р зураг. Арьс тэнийлгэх машины ерөнхий байдал

    Арьсны  өнгийг хучиж  будах ажиллагаа   өнгө нүүрийг гоёмсог, гялалзсан өнгөтэй болгох зорилгоор хийгдэнэ.

      Боловсруулсан арьс, ширний чанар

    Гутал, хувцас хийх зориулалттай арьс шир нь хөлсийг шингээж, гадагш гаргах чадвартайгаас гадна хүний организмд элдэв хортой нөлөөгүй, түүнийг орчны нөлөөнөөс хамгаалж, гоо сайхны шаардлагыг бүрэн хангасан байвал зохино. Арьс ширэн бүтээгдэхүүний чанарыг  нягт, эзлэхүүн, хүндийн жин, зузаан, талбайн хэмжээ, бүтэц, чийгийн хэмжээ болон бусад физик-хими, механикийн олон цогц үзүүлэлтээр тодорхойлно. Орчны янз бүрийн хүчин зүйлийн нөлөөгөөр арьс, ширний хувирах ба үл хувирах чадвар нь түүний эдэлгээний даац, дулаан дамжуулалт, агаар нэвчүүлэх чадвар зэрэг шинжүүдээсээ хамаарна.

  • СҮБЭЭДЭЙ НУМ СУМНЫ ҮЙЛДВЭР

    “Дэлхийг дайлаар мордъё” уриатай Монгол сур харвааны “Сүбээдэй” үйлдвэр нь “Монгол улс хүчирхэгжив” гэж хэлэх дуртай. Монгол хүний оюун ухаанаар бүтээгдсэн “Эвэр элэгтэй шөрмөсөн артай” уламжлалт харвааны нум, хөвч, сумаа дээдлэн төрт ёсны Эрийн гурван наадамд харван наадаж байгаад баяртай байдаг. Бид энэ бахархалаа харь орон гүрэнд алдах учиргүй. Соёл спорт аялал жуулчлалын яамны газар, хэлтэс, судалгааны баг Монгол сур харвааны “Сүбээдэй” үйлдвэрийн бүтээл “Алингар” нумыг өвлөн тээгч гэж тодорхойлон, үнэлэлт дүгнэлт гарган, өвлөн тээж яваад баяр талархал илэрхийлж албан тоот ирүүлсэн. Үүний дагуу Соёлын өвийн төвд бүртгүүлсэн.

    “Сүбээдэй” үйлдвэр нь: Хүчирхэг монголчуудын оюун ухаан, суу билэг, ов залиар, бүтээгдсэн XII-р зууны үед хийгдсэн тэр үедээ хамгийн хүчтэйд тооцогддог хамгийн холын тусгалтай Эвэр элэгтэй шөрмөсөн артай “Болд ширхэгт, буюу төмөр ширхэгт” нумаа “/Ж.Сүхбаатар Монголын удамт мэргэчүүд” номны 139-р тал/ сэргээж орчин цагийн дэвшилтэд технологид тулгаварлан хийх нь одоогоор бидний мөрөөдөл байгаа, 335 алд газар харвах магадлал өндөр байгаа юм. Одоогоор Бид нэгэн хүрээнд баригдан, хашигдан, том бодлого мэт харагдавч, монголчууд бид өөрсдөө өрөвдөлтэй орчин үүсгэн, хөгжилтэй орнуудын 500- 600м харвасан гэх, харвах зай хүчин чадалд “Эвэр элэгтэй шөрмөсөн артай” нум маань хүрэхгүй байгаад бид дүгнэлт хийх цаг болжээ. XXI-р зуунд манай монголын тамирчид олимп дэлхийн тэмцээнд үзүүлж байгаа амжилтуудаас монгол улс хүчирхэгжиж байна уу даа гэж харагддаг. Мөн манай харваачид, цэц мэргэнээрээ, ази болон дэлхийн дэвжээн дээр аваргалж байгаа нь мөн бахархалтай байгаа юм. Монгол харваачдынхаа бие бялдарын хөгжилд нэмэр болохын зэрэгцээ, сумны хаймсах шидэл сайтай, хатуу нум урлан бүтээх нь монгол хүний оюун ухааны чадал чансааг харуулсан, монгол хүний омогшилоос төрсөн, “Алингар” нумныг орчин цагийн хувилбараар, өв тээгчийн бүтээл болгон үйлдвэрлэх нь манай үйлдвэрийн гол зорилго юм.

    Монголын нийт харваачиддаа хөвчит их хар нумаа эвшээлгэн, татаж, Эрхийдээ эрчимтэй Элгэндээ шүүстэй Уушгиндаа ууртай Уруулдаа хилэнтэй байгаарай гэсэн суу билгийн үгээр амжилт гаргахыг хүсье.

    ….Их эзэн Чингис хааны зарлиг: Их монгол улсын иргэн нар, Өөрийн хийсэн хоолыг идэж , Өөрийн хийсэн хувцасыг өмстүгэй! Эс бөгөөс,Өөрөө өөрийнхөө Өөдгүйн боол болж , Хөндлөнгийн идэш болохыг мэдтүгэй! гэж зарлигдсан байдаг.

    Сүбээдэй нум сумны үйлдвэр нь сүүлийн 20 гаруй жилийн турш Монгол Улсад болон олон улсад урианхай сурыг таниулан хөгжүүлэх зорилготой ажиллаж байна.

    Эвэр элэгтэй шөрмөсөн артай Сүбээдэй нум болон Алингар нумыг үйлдэрлэж байна. Мөн Хамаг Монголын ханлиг наадам Сүбээдэй сурын харвуул наадмаар үйлчлүүлэх, төрт ёсны түүхэн наадмаар баяр, тэмдэглэлт ойгоо тэмдэглэн өнгөрүүлэх, байгууллага хамт олондоо шавь сургалт зохион байгуулах зэрэг үйл ажиллагааг явуулж байна.

    https://www.facebook.com/%D0%A1%D2%AF%D0%B1%D1%8D%…

  • Дурмагийн БАЛГАН- 11 дэх үеийн өв уламжлагч бий- биелээч

    Шаавай овогт Дурмагийн БАЛГАН

    МУСТА, бий- биелээч, 11 дэх үеийн өв уламжлагч. ЮНЕСКО-ийн Яаралтай хамгаалах шилдэг 100 өв тээгчийн нэгээр шалгарсан. Монгол улсын говийн 3 аймагт Авьяас хөтөлбөрийн хүрээнд бий-биелгээний хичээл зааж бий-биелгээг олон түмэнд амжилттай таниулсан.

    Хольдог овогт Түвдэнгийн СЭТЭН

    Ардын авьяастан, Онц тээвэрч. 9 дэх үеийн өв тээгч. Хань Балганы хамт өөрийн үр хүүхдүүддээ бий-биелгээг заан сургасан. Тэдгээрийн дотроос хүү Гүрбазар, Ганзориг нар нь ардын язгуур урлагийн Алтай хамтлагт бий-биелээч, икэл хуурчаар ажилладаг.

  • 50Т ХҮРД АНГЛИ ХЭЛ СУРАХ ШИНЭ АРГАЗҮЙ СУРГАЛТ | БҮХ НИЙТИЙГ АНГЛИ ХЭЛЖҮҮЛЭХ ХӨТӨЛБӨР

    • АНГЛИ ХЭЛНИЙ ДҮРМИЙГ 5 ХОНОГТ
    • ҮЙЛ ҮГИЙН ХУВИРАЛЫГ КОДЧИЛЖ ХЯЛБАРЧИЛСАН
    • НИЙТЛЭГ ХЭРЭГЛЭГДДЭГ 20 ЦАГ ДЭЭР ХУВИРГАЖ СУРАХ

      Англи хэлийг олон жил үзээд, олон зуун үг цээжилсэн ч үйл үгийн олон цагийн хувиралд толгой эргэж холбож ярьж чадахгүй, эсвэл нийтлэг хэрэглэдэггүй олон дүрэмдээ төөрч англи хэлний учрыг ойлгоогүй л явна уу?

     Тэгвэл монгол хүний сэтгэхүйн онцлогт тохируулан англи хэлний үйл үгийн цагуудыг кодолж актив, пассивын бүх хувилбарыг 1 хүснэгтэнд багтаасан 50-ТЫН ХҮРД аргачлалыг томъёолон, хялбарчилсан аргазүйг 10 гаруй жилийн туршид боловсруулсан Ц.Майдар http://creativemongolia.com/maidar/ багшийн сургалтанд уръя. Сургалтаар 50-тын хүрд аргачлалын 3-р түвшинд суралцаж, өгүүлбэрийг 20 цаг дээр хувиргаж, цагийн ялгааг ойлгож, 1000 өгүүлбэрийг бүтээх 1 аргачлалд суралцаж, 10 хоногт ярьж сурна.
    Англи хэлний нийт 25 актив, 25 пассив цагаас эхний 20-г сурахад англи хэлээр чөлөөтэй харилцаж, Mongol Messenger сонинг ойлгох түвшинд очно, үлдсэн 30-аар нь гэрээ хэлэлцээр, шинжлэх ухаан, эдийн засгийн ойлголтын нарийн ширийнийг тодруулж бичихэд хэрэглэдэг тул Англичууд өөрсдөө өдөр тутмын харилцаандаа хэрэглэдэггүй.

     ОРОЛЦОГЧ ТАНД ТАВИГДАХ ШААРДЛАГА

    •  Англи хэлний анхан шатны мэдлэгтэй
    • Англи хэлний үйл үгийн цагуудыг ойлгож хэрэглэх хүсэлтэй
    • Сурсан аргачлалаараа өдөр бүр 1- 2 цаг давтах боломжтой.
    • Сургалтын аргазүйг эзэмшиж цаашид сургагч багш болох залуустай хамтран ажиллана.

     Сургалтын төлбөр: 165,000₮ (Сургалтын гарын авлага багтсан), 16 цаг сургалт +  Speak.mn-д сурсанаа шалгаж, тестлэх 1 сарын эрх, онлайн зөвлөгөө 3 сар.

    А. ДҮРМИЙН СУРАХ БИЧИГ

    “50-тын хүрд” нэртэй сурах бичгийг 2006-2015 оны хооронд 5 удаа шинэчлэн хэвлэсэн бөгөөд эдүгээ энэхүү номоор хичээл заахад хүмүүс 10 хоногийн дотор шууд л яриад, бичээд эхэлж байгаа. Үүний учир шалтгаан нь дараахи зүйлд оршино:

    • Англи хэлний 16 актив, 10 пассив хувилбар нь монголынхтой нийлэхэд нийт 50 болох юм
    • Актив, пассивын бүх хувилбарыг нэгтгээд ердөө 2 хуснэгтэд багтаагаад багцалчихсан
    • Тиймээс, актив пассивын бүх хувилбарыг тус бүрийг нь ганц л том хүснэгтнээс бүгдийг нэг дор харьцуулж үзэх боломж бүрдлээ.
    • Өөрөөр хэлвэл, аль хувилбар алинтай нь адил, эсвэл юугаараа өөр вэ гэдгийг харьцуулан харж нягтлан хэлэлцэж болно.
    • Түүнчлэн, нэг хүснэгтэд 2 хэлний дүрэм мөр зэрэгцэн цугтаа орж байрлав.
    • Үүний үр дүнд, хэрэв монголын 1 өгүүлбэрийг 50 хувиргаж сурах аваас тэдгээрийн англи вариант нь хүснэгтээс шууд бондгос гээд малилзаад л гараад ирнэ.
    • Тиймд, өөрийн сайн мэдэх монгол хэлнийхээ олон хувилбарыг ойлгож авах юм бол английг нааш нь цааш нь чөлөөтэй гэгчийн хөдөлгөдөг болой.
    • Иймийн учир, 5 жилийн турш дунд сургуульд чихдүүлээд, дараа нь ахиад 5 жил дээд сургуульд нухлуулсан хэрнээ 2 өгүүлбэр холбож чадахгүй гэлдэрч явсан нөхдүүд ердөө 10 хоногт дуржигнатал ярьж хөөрөлдөөд эхлэх нь тэр.
    • Ярианы сурах бичиг нь 10 бүлэгт багтсан 100 сэдэвтэй. Үүнд өөрийгөө танилцуулах хийгээд спорт, эрүүл мэнд, унаа тээвэр, аялал жуулчлал, урлаг, хөдөө ахуй гээд улс төрөөс бусад бараг бүх чиглэл орсон байгаа.
    • Тухайн сэдвийн хамгийн чухал 20 үгийг сонгон авч түүгээр 10 асуулт, 10 хариулт бэлтгэсэн.
    • Ингэснээр, 100 сэдвийг үзэж дуусгахад 1000 асуулт, 1000 хариулт буюу нийт 2000 өгүүлбэр мэддэг болно.
    • Хүмүүс зөндөө их үг мэдсэн хэрнээ холбож чадахгүй явдаг. Тэгвэл, лам нар судрыг яаж бүхлээр нь цээжлэдэг билээ, яг тэр зарчмаар – өгүүлбэрийг энд бүтнээр нь тогтооно.
    • Үүний тулд, сэдэв бүр өөрийн хүүхэлдэйн кинотой.
    • Кино нь 1 мин. 40 секунд гарна.
    • Суралцагсад энэ хугацаанд киногоо үзээд, дараа нь монгол орчуулгыг барьж суугаад бие биентэйгээ ээлжлэн ярих бөгөөд 5-6 удаа киног үзээд ярилцсан байхад өгүүлбэр цээжинд үлдсэн байна.
    • 30 минутын дараа ширээний ард сууж монгол өгүүлбэрийг англи болгож орчуулаад худсыг багшид хураалгана.
    • Өдөр бүр ийм маягаар шалгалт өгөөд явахад улирлын эцэст ердөө нийлбэрээр нь дүнг гаргачихна.
    • Өдөр болгон шалгалттай байх үед хүмүүс маш их идэвхтэй болоод ирдэг.
    • Нэг өгүүлбэр 5 үгтэй гэж үзвэл, 20 өгүүлбэрт – давхардсан тоогоор 100 үг бий.
    • Хичээлийн 45 минутад 20 өгүүлбэр бүхий 100 үгийг баттайяа тогтоож чадна гэдэг нь хувь хүндээ бол рекорд амжилт эвдэхтэй адил буюу. Учир нь, 2 жил өнгөрсөн ч 20 өгүүлбэр цээжлэхгүй яваад байгаа шүү дээ, эдүгээ хүмүүс.
    • Тив дэлхийн тэмцээнээс алт, мөнгөн медалийг нь бөөндөн авч буй манай Оюун ухааны академийханд үзүүлэхэд, “та нар өгүүлбэр цээжлэх шинэ арга зохиочихжээ” гэж байсан.
    • Өдөрт 20 өгүүлбэр цээжлээд эхлэхэд 5 хоноход – 100 өгүүлбэртэй болно. Үүнд хэмжээлэшгүй их урам орох бөгөөд цаашид суралцах оргилуун хүсэл бадарч идэвхи чармайлт буцлам дээшилнэ.
    • Уул аргачлалын бас нэг онцлог нь гэвэл – жинхэнээсээ “сурагч төвтэй” сургалт юм. Нэг багш 30 хүүхэдтэй харьцах биш, харин сурагч оюутнууд хоорондоо ярилцаад, бие биендээ шаардлага тавиад эхэлнэ. Багшийн үүрэг бол – идэвхжүүлэх, чиглүүлэх, зохицуулахад оршино.

    Б. ХАРИЛЦАН ЯРИАНЫ СУРАХ БИЧИГ

    • Ярианы сурах бичиг нь 10 бүлэгт багтсан 100 сэдэвтэй. Үүнд өөрийгөө танилцуулах хийгээд спорт, эрүүл мэнд, унаа тээвэр, аялал жуулчлал, урлаг, хөдөө ахуй гээд улс төрөөс бусад бараг бүх чиглэл орсон байгаа.
    • Тухайн сэдвийн хамгийн чухал 20 үгийг сонгон авч түүгээр 10 асуулт, 10 хариулт бэлтгэсэн.
    • Ингэснээр, 100 сэдвийг үзэж дуусгахад 1000 асуулт, 1000 хариулт буюу нийт 2000 өгүүлбэр мэддэг болно.
    • Хүмүүс зөндөө их үг мэдсэн хэрнээ холбож чадахгүй явдаг. Тэгвэл, лам нар судрыг яаж бүхлээр нь цээжлэдэг билээ, яг тэр зарчмаар – өгүүлбэрийг энд бүтнээр нь тогтооно.
    • Үүний тулд, сэдэв бүр өөрийн хүүхэлдэйн кинотой.
    • Кино нь 1 мин. 40 секунд гарна.
    • Суралцагсад энэ хугацаанд киногоо үзээд, дараа нь монгол орчуулгыг барьж суугаад бие биентэйгээ ээлжлэн ярих бөгөөд 5-6 удаа киног үзээд ярилцсан байхад өгүүлбэр цээжинд үлдсэн байна.
    • 30 минутын дараа ширээний ард сууж монгол өгүүлбэрийг англи болгож орчуулаад худсыг багшид хураалгана.
    • Өдөр бүр ийм маягаар шалгалт өгөөд явахад улирлын эцэст ердөө нийлбэрээр нь дүнг гаргачихна.
    • Өдөр болгон шалгалттай байх үед хүмүүс маш их идэвхтэй болоод ирдэг.
    • Нэг өгүүлбэр 5 үгтэй гэж үзвэл, 20 өгүүлбэрт – давхардсан тоогоор 100 үг бий.
    • Хичээлийн 45 минутад 20 өгүүлбэр бүхий 100 үгийг баттайяа тогтоож чадна гэдэг нь хувь хүндээ бол рекорд амжилт эвдэхтэй адил буюу. Учир нь, 2 жил өнгөрсөн ч 20 өгүүлбэр цээжлэхгүй яваад байгаа шүү дээ, эдүгээ хүмүүс.
    • Тив дэлхийн тэмцээнээс алт, мөнгөн медалийг нь бөөндөн авч буй манай Оюун ухааны академийханд үзүүлэхэд, “та нар өгүүлбэр цээжлэх шинэ арга зохиочихжээ” гэж байсан.
    • Өдөрт 20 өгүүлбэр цээжлээд эхлэхэд 5 хоноход – 100 өгүүлбэртэй болно. Үүнд хэмжээлэшгүй их урам орох бөгөөд цаашид суралцах оргилуун хүсэл бадарч идэвхи чармайлт буцлам дээшилнэ.
    • Уул аргачлалын бас нэг онцлог нь гэвэл – жинхэнээсээ “сурагч төвтэй” сургалт юм. Нэг багш 30 хүүхэдтэй харьцах биш, харин сурагч оюутнууд хоорондоо ярилцаад, бие биендээ шаардлага тавиад эхэлнэ. Багшийн үүрэг бол – идэвхжүүлэх, чиглүүлэх, зохицуулахад оршино

    Лавлах утас: 9970 8015

    Сургагч багш Цэндийн Майдар

  • Эрдэнэбилэгийн ЭНХБИЛЭГ

    2000 онд Улаанбаатар хотноо төрсөн. “Оюуны ундраа цогцолбор” сургуулийг 2018 онд төгссөн. 2018 онд “Шинжлэх ухаан технологийн их сургууль” ( Үйлдвэр дизайн ) суралцаж байгаа

    2007 оноос анх бие даан зураг зурж эхэлсэн .

    2013 онд өөрийн мэргэжилийг сонгож улмаар уран зураг хар зурагаар бие даан эрчимтэй сурч эхэлсэн.

    2016 онд “Монголын Хүүдийн урлан бүтээх төв” -д 

    • Сийлбэр.
    • Хар зургаар суралцаж байсан.

    2016-2018 онд өөрийн сурч байсан сургууль болох ОУЦ сургуулийн ахлах ангийн зураг сонирхосон сурагчдад зургийн багшийн хамт зааж байсан

    Энхбилэг нь Монголд уран зураг болон хар зураг сонирхож хичээллэж зураг зурахад хайртай болох хүмүүс улам их болоосой гэж маш их хүсдэг.

    Creative Gallery, Бүтээлч Монгол нэгдэлтэй хамтран уран зураг сонирхогчид болон энэ салбарт Их сургуульд элсэхийг хүсэгчидэд зориулсан сургалт зохион байгуулж байсан.