creativemongolia

Category: Uncategorized

  • ХЭВЛЭЛИЙН ҮЙЛДВЭРҮҮДИЙН МАРКЕТИНГИЙН БОДЛОГОД ЗӨВЛӨМЖ (НОМЫН СОЁЛЫГ ТҮГЭЭН ДЭЛГЭРҮҮЛЭХ КАМПАНИТ АЖИЛТАЙ ХОСЛУУЛАХ НЬ)

    ХЭВЛЭЛИЙН ҮЙЛДВЭРҮҮДИЙН МАРКЕТИНГИЙН БОДЛОГОД ЗӨВЛӨМЖ

    (НОМЫН СОЁЛЫГ ТҮГЭЭН ДЭЛГЭРҮҮЛЭХ КАМПАНИТ АЖИЛТАЙ ХОСЛУУЛАХ НЬ)

    ИМИЖ, МЕССЕЖ

    БИД БҮТЭЭЛЧ ҮЙЛДВЭРЛЭЛИЙГ ДЭМЖДЭГ

    БИД БҮТЭЭГДЭХҮҮНИЙ ДИЗАЙН, МАРКЕТИНГИЙГ ЗӨВЛӨДӨГ

    ТҮЛХҮҮР ХАРИЛЦАГЧИД

    КОРПОРАЦИТОП 20 ГРУПП-ээс хэвлэлийн үйлдвэргүйг судлана, Үүрэн телефон, Банк

    ХЭВЛЭЛ МЭДЭЭЛЭЛ: Сонин, Сэтгүүл

    ТӨРИЙН БАЙГУУЛЛАГА: Яамд, тэндэр, Сурах бичиг, Намын сүлжээ, Орон нутаг

    ТӨРИЙН БУС БАЙГУУЛЛАГА: Зохиолч, агуулга бүтээгчид, Урлагийн холбоод, Бүтээлч Монгол нэгдлийн сүлжээ

    ҮЙЛДВЭРЛЭЛ: Сав баглаа боодол. ҮЙЛДВЭРЛЭЛИЙН ДИЗАЙН АЯН. Үндэсний бүтээгдэхүүний дизайныг сайжруулах аян. Жишээ нь дизайнууд нь үйдвэрүүдэд сав баглаа боодлын шинэ дизайн танилцуулаад, шинэчилдэг байх г.м

    • ТОГТМОЛ ХАРИЛЦАГЧИЙН БОНУСЫН СИСТЕМ БИЙ БОЛГОНО.
    • ЖИЖИГ ДУНД БИЗНЕСИЙГ ХӨГЖҮҮЛЭХ ЗӨВЛӨХ ҮЙЛЧИЛГЭЭТЭЙ ХОСЛОСОН
    • ДИЗАЙН, БҮТЭЭГДЭХҮҮН ХӨГЖҮҮЛЭЛТ, БРЭНДИНГ ҮЙЛЧИЛГЭЭТЭЙ ХОСЛОСОН

    БҮТЭЭГДЭХҮҮН ХӨГЖҮҮЛЭХ БОДЛОГО

    Контент- өөрөө бүтээгдэхүүн. Бүтээгдэхүүн зарагдах тусам хэвлэлийн ажил нэмэгдэнэ. Бид үйлчлүүлэгчээ хөгжүүлснээр илүү их ажилтай болно. Онцгой, сонирхолтой контент гаргаж борлуулах талруугаа чиглэнэ. Бидний гол ялгарал нь бид хэвлэлийн үйлчилгээ биш МЭДЛЭГ ЗАРНА.

    Өөрийн гэсэн контенттой болж чадвал зөвхөн хэвлэлийн ажил хүлээгээд суухгүй болно.

    Хэвлүүлж байгаа сэтгүүл, ном, контент, жижиг дунд бизнес, брэндинг, шошго, сав баглаа боодолд бид маркетинг, брэндингийн зөвлөгөө, сургалтаа ҮНЭГҮЙ дэмжлэг болгож өгөөд хэвлэлийг ажлыг авч ажилла. Манай хэрэглэгчид ЗӨВЛӨХ ҮЙЛЧИЛГЭЭнд илүү татагдаж ажлаа өгдөг болно.

    Жижиг дунд бизнесийг хөгжүүлэх, сэтгүүл, сонин, номоо борлуулах тал дээр бид зөвлөгөө өгнө. Тэгээд хэвлэлийн ажлаа нэмэгдүүлнэ гэсэн загвараар ажилла.

    НОМЫН СОЁЛЫГ ТҮГЭЭХ ЗАМААР ҮЙЛДВЭРЛЭЛИЙГ НЭМЭГДҮҮЛЖ ЗАХ ЗЭЭЛИЙГ ТЭЛЭХ БОДЛОГО

    1.Номын соёлыг түгээгч байгууллага. Ном унших соёлыг дэмжиж хөгжүүлэх, Номны маркетингаар мэргэших. Номын соёл- Уншъя, урагшлая

    2.Номын байгууллагуудын сүлжээ бий болгох, CRM

    a.Ном сонирхогчдийн ТББ, клуб-

    b.Хэвлэл мэдээлэл

    c.Зохиолч, нийтлэлчийн холбоо

    d.Сургуулиуд

    e.Оюунлаг байгууллагууд

    f.Сургуулиудын ангиудад дээр номын булан нээж өгөх

    g.ТББ, коммунити- г боломжоороо хангаад өгөх. Ашигтай хамтын ажиллагааны санал тавих

    h.Ном орчуулагчид

    i.Бусад орнуудын хэвлэлийн газруудтай хамтран ажиллах

    j.Шилдэг уншигчийг тодруулах, хүүхдийн төлөө газартай хамтран ажиллах.

    3.Арга хэмжээ ба агуулга: Номонд дурлагчдын клубүүдтэй хамтран лекц, уулзалтыг зохион байгуулна. Номын нээлт, Зохиолч уншигчийн уулзалт, Номын солилцоо, номын хандив, Уншсан номоо ярих, Номын төслөө танилцуулга

    4.Идэвхижүүлэлт

    a.Номтой зуны амралт, Номын бэлэг- Дээд бэлэг, Номын сангуудад 1, 1 ном гардуулж өгдөг байх.

    d.Номын сангаа танилцуулах видео.

    e.100 ном прожект

    f.100 номын сан прожект

    g.100 зохиолч прожект

    h.Алдартнуудын уншдаг ном

    i.Таны ширээний ном

    j.Амьдралыг тань өөрчилсөн ном

    Ном кафе байгуулах

    Номын багцууд гаргах

    Номын АХА

    5. Медиа хөгжүүлэлт

    • Goodreads.com
    • Дэлхий дахины Номтой холбоотой мэдээллийг хүргэж байдаг медиа байгаасай.
    • Улаан галзуу уншигч
    • Солиотой уншигч
    • Асуудлаадаа бичмэгч унших ёстой номуудыг харуулдаг.
    • Е-майл маркетинг, хэрэглэгч, уншигчийн лист үүсгэж явах.

    СОШИАЛ МЕДИА ИДЭВХИЖҮҮЛЭЛТ, КАМПАНИТ АЖИЛ

    Фэйсбүүк апп – Хэрэглэсэн хүн бүхэн 50 найздаа урилга илгээнэ, авто нийтлэх.

    1. Би энэ долоо хоногт ямар унших вэ? /Номын жагсаалтын дагуу апп хэрэглэх болгонд шинэ ном санал болгодог байх/
    2. Ном болон зохиолч, уран зохиолын асуултуудад өдөрт 1 удаа хариулж зөв бөглөсөн тохиолдолд ном болон бэлэг авна. Асуултуудыг шинэчилдэг байх.
    3. Миний номын нэр буюу уран зохиолын нэр – хүний нэрийг дуртай зохиол эсвэл дурын гоё зохиолын дүрийн нэртэй хольж гаргах, миний цус сорогчийн нэр гэдэг шиг, зураг бөгөөд гоё дизайнтай байх.

    Фэйсбүүк таб – like дарж үзэх агуулга

    1. Номын жагсаалт, арга хэмжээний хөтөлбөр, guide
    2. Newsletter – Шинэ ном, зохиолчдын мэдээллийг мэйл-ээр хүлээж авах, мэйл бүртгэх

    Заавал унших номны жагсаалт

    1. МИНИЙ НОМЫН САН хувийн номын сангаа танилцуулах уралдаан

    Айл бүрийг номын сантай болгоцгооё!

    2013 оны 2-р сарын 15- 4 сарын 15 хүртэл видео агуулгыг хүлээн авна.

    2013 оны 4-р сарын 23- нд, Дэлхийн номын өдөр ялагчийг тодруулна.

    Уралдааны журам

    Оролцогч өөрийнхөө номын сан, номын тухай, номын сангаа хэрхэн ангилдаг зэрэг мэдээллийн багтаасан гар утасны видео бичлэг хийж өөрийн хуудаст байрлах МИНИЙ НОМЫН САН апликайшнаар дамжуулан бүтээлээ ирүүлнэ. Видео бичлэгийнхээ тайлбар хэсэгт ямар номинацид нэр дэвшүүлж байгаагаа бичнэ.

    Шагналын сан

    Номинаци тус бүрээр 1 ялагч тодруулж 500,000₮- ний ном худалдан авах, гэрийн номын сан бэлэглэнэ.

    Номинациуд

    Бүтээлч номын сан

    Сонирхолтой номын сан

    Давтагдашгүй номын сан

    2. НОМЫН ШҮҮМЖ бичих уралдаан

    Номын шүүмж бичиж, номыг үр бүтээлтэй унших соёлыг түгээцгээе!

    Уралдааны журам

    Вэб дээр байрласан номнуудаас сонгож шүүмж бичнэ. Бичсэн шүүмжээ тухайн вэбийн номын доор байрлах ШҮҮМЖ БИЧИХ цонхыг ашиглан онлайн оруулна. Оруулсан шүүмжээ олон нийтэд хүргэж хэлэлцүүлэг өрнүүлнэ.

    Шалгуур үзүүлэлт

    Шүүмж нь 600 үгэнд багтсан байна.

    Тухайн номын талаарх судалгаа

    Тухайн шүүмжид өгсөн олон нийтийн сэтгэгдэл

    Ж.Лувсандорж (Үндэстэн Баг ХХК)

  • Баярсайханы ХАНДМАА- Эрхзүйч, өмгөөлөгч

    Ажиндай овогт Баярсайханы Хандмаа

    Хуулийн зөвлөх

    1988 онд Завхан аймгийн Баянхайрхан суманд төрсөн.

    1996- 2006 онд Сэлэнгэ аймаг Мандал сум ЕБ-ын 4-р сургууль, 2006- 2011 онд МУИС- Хууль зүйн сургуулийг хууль мэргэжлээр дүүргэсэн. 

    2011- 2013 онд Нью Медиа групп-т хуулийн зөвлөх, төслийн мененер

    2016- 2018 онд Хууль зүйн туслалцааны төвд, Улсын өмгөөлөгч

    2018 оноос Монголын хуульчдын холбооны гишүүн, бие даасан өмгөөллийн үйлчилгээ эрхэлсэн.

    Захиргааны эрх зүйн чиглэлээр мэргэшсэн. Өвөрхангай аймагт хуульч өмгөөлөгчөөр ажиллаж байна. Шатар, даам, граунд гольфийн спортоор хичээллэдэг. Хуулийн салбараас гадна хүний хөгжил, амжилтанд хүрсэн хүмүүсийн намтар, амьдралын зөв маягийн талаар сонирхон судалдаг.

    ГАВЪЯА ШАГНАЛ

    2018 онд Өвөрхангай аймгийн шилдэг өмгөөлөгч

    100 буудалт даамны аймгийн аварга

    Граунд гольф Улсын аваргын тусгай шагналь

    Twitter | Facebook

  • Team Work & Team Play – Багийн ажил & Багийн тоглолт сургалт Монголд

    Доктор Жим Кэйнийн /Dr.Jim Cain/ “Teamwork&Teamplay” сургалт нь 1995 оноос дэлхийн 60 гаруй оронд зохион байгуулагдаж байгаа бөгөөд АНУ, Канад, Сингапурт төвтэй.

    БАГИЙН АЖИЛЛАГААГ САЙЖРУУЛЖ, ЭЕРЭГ ХАНДЛАГА, ОРОЛЦООГ БИЙ БОЛГОЖ, УУР АМЬСГАЛЫГ НЭГТГЭН БАГАА ИДЭВХИЖҮҮЛЭХ олон улсын сургалт.

    Багийн ажил & Багийн тоглолт нь сургалтын шинэ хандлага болон хөгжиж буй тоглоом, оролцооны аргаар баг нэгнээ илүү танин мэдэх, бүтээлч сэтгэлгээ, эерэг хандлага, багаар ажиллах чадварыг хөгжүүлж, хамт олны идэвхижүүлэн уур амьсгалыг нэгтгэдэг “үйлдэн суралцах” олон улсын сургалт юм. Багийн гишүүд мэдлэгтэй, ур чадвартай байлаа ч багийн ажиллагаа, эерэг уур амьсгал үгүй бол бүтээмж гарахгүй.

    Амралт зугаалга, гадаад орчны сургалт, байгууллагын сургалттай уялдуулан зохион байгуулах боломжтой.

    “Багийн ажил & Багийн тоглолт” сургалт нь бүхэлдээ тоглоомын аргад тулгуурлан явагддаг. Үр дүнтэй баг хамт олон бий болгох, шинэ баг бүрдүүдэх, багийн гишүүн бүрийн оролцоог нэмэгдүүлэх, идэвхижүүлэх, хөгжүүлэх зэрэг дасгал ажлуудаас эхлээд эрч хүч авах, эерэг хандлагыг төлөвшүүлэх, ур чадвараа хөгжүүлэх, бүтээлчээр сэтгэх, эсвэл зүгээр л хөгжилдөх зэрэг үйл ажиллагаанууд энэхүү сургалтын хөтөлбөрт багтдаг.

    СУРГАЛТ АВСАН БАЙГУУЛЛАГУУД

    Таванбогд, Хаан банк, MCS-Тотал дистрибюшин, МSC-Азиа Пасифик Брюэри, Шунхлай, APU, Петровис, Голомт банк, Макс групп, MSM, Талх чихэр, GEM, Интерактив BI, БльюМон групп, Мастер групп, Номин Холдинг, Нью Медиа групп, Хүннү ресурс, Zig Zag Trade, БОСА Холдинг, Мах импекс, Монос групп, Мөнхийн үсэг, Намир групп, Мон Роүд, Арж капитал, Космо трейд, Мишээл групп, TML Group, Үндэсний хөгжлийн газар, ЧД ИТХ, Улсын төв 2-р эмнэлэг, Мөнгөн гүүр эмнэлэг, ХӨСҮТөв, УБЦТС ТӨХК, KRKA, УБТЗ- Сайн шанд зангилаа, МҮОНРТелевиз, JCI Их хүрээ

    ХОЛБОО БАРИХ

    Утас: 88028241, 90803655, 89811326
    info@creativemongolia.com
    http://creativemongolia.com
    БУСАД СУРГАЛТ ХӨГЖЛИЙН ХӨТӨЛБӨРҮҮД

    БУСАД СУРГАЛТ ХӨГЖЛИЙН ХӨТӨЛБӨРҮҮД

  • “ХУВЬ ХҮНИЙ ИМИЖ- Энэ бол БИ” сургалт

    “ХУВЬ ХҮНИЙ ИМИЖ” СУРГАЛТ

    It’s me… Өөртэйгээ нүүр тулах өдөр

    Таныг ярьж эхлэхээс өмнө таны имиж ярьж эхэлдэг. Таны имиж таныг бүрэн зөв илэрхийлж чадаж байна уу? Имиж бол зөвхөн хувцаслалт, брэнд өмсөх төдий биш бөгөөд энэ бол та өөрийнхөөрөө оршин байх, бусадтай ойлголцох цогц хэл юм.

    Таныг бүрдүүлж буй оюун сэтгэлгээ, хувцаслалт, нүүр будалт, яриа хөөрөө, үйл хөдлөл, үнэр, үзэл бодол бүхэлдээ нэгэн цул бөгөөд энэ бүхний аль нэг нь хиймэл, зохиомол байвал таныг болон хүмүүсийг төөрөгдөлд оруулдаг. Үүнээс үүдээд та өөртэйгээ болон бусадтай үл ойлголцол үүсэх шалтгаан болдог.

    Өөрөө өөртэйгээ нүүр тулж, өөртэйгээ ажиллах арга барилаа олж өөрийгөө зөв тодотгож, өөртэйгээ ойлголцож эхэлснээр өөртөө сэтгэл хангалуун, өөртөө үнэнч, өөртөө итгэлтэй амьдрах “Энэ бол БИ…” гэж өөрийгөө тодорхойлох нэгэн аялал болж чадна.

    СУРГАЛТЫН СЭДЭВ:

    – Өөрт тохирсон дүр төрхөө тодорхойлох

    – Имижээ хэрхэн хадгалах
    – Загварын чиг хандлага, цаг үедээ тохируулан хувцаслах
    – Мэдрэмжээ хэрхэн хөгжүүлэх, толгой өвдөлгүй сайхан харагдах нууц
    – Цогц имижийн хүч

    – Өөрийгөө олборлох нь

    – Өөрийгөө илэрхийлэх

    – Бүтээлч өөрчлөлт, бүтээхүй

    Хөтөлбөр: 10цаг

    БҮРТГЭЛ: 

  • Буянзын МЯГМАРЖАВ- Нүүдлийн соёл иргэншлийн дэлхийн хөгжилд оруулсан өөрчлөлт

    Эдийн засгийн шинжлэх ухааны доктор, профессор

    Завхан аймгийн Улиастай хотын уугуул. 1961 онд ХААДС-ийг төгсөж агрономич мэргэжилтэй болсон. Төгсүүтээ ХААЯ болон ХААЯ-ны шууд харьяа Хэрлэнбаян-Улааны отор тэжээлийн станцад ерөнхий агрономичоор ажиллаж байгаад ШУА-д эрдэм шинжилгээний ажилтнаар ажилласан. 1972 онд хуучнаар ЗХУ-ын Москва хотноо дэд эрдэмтний зэрэг хамгаалсан. 1999 онд “Монгол болон Ази, Африкийн нүүдлийн мал аж ахуйтай орнуудыг харьцуулан судалсан нь” сэдвээр шинжлэх ухааны докторын зэрэг хамгаалсан. Энэ сэдэвтээ дэлхийн 40 орон, 40 сая нүүдэлчдийн аж ахуй эрхлэх ухааныг судлан багтаасан юм. Энэ хугацаанд ХААИС, МУИС-д багшлан олон эрдэмтэн шавьтай болсон бөгөөд тэдгээрийн дунд хоёроос гурван шинжлэх ухааны доктор, 10 гаруй дэд доктор бий. Түүнээс гадна ШУА-ийн Эдийн засгийн хүрээлэн, Нүүдлийн соёл иргэншлийг судлах олон улсын хүрээлэнд тус тус ажиллаж, олон улсын хурал, зөвлөлгөөнд илтгэл тавьж, залуу эрдэмтдийн эрдэм шинжилгээний ажлыг удирдаж байсан.

    ХААИС-ийн Мал аж ахуй, биотехнологийн сургуульд доктор / Ph.D /, Агро экологийн сургуульд  шинжлэх ухааны доктор /Sc.D/ хамгаалуулах зөвлөл, МУИС-ийн Газар зүйн шинжлэх ухааны доктор /Sc.D/-ын зэрэг хамгаалуулах зөвлөлийн гишүүнээр тус тус ажиллаж байна.

    ЯРИЛЦЛАГА УНШИХ

    Б.Мягмаржав:Орчин үеийн дэлхийн эдийн засгийн хөгжлийн үүдийг Монголын их Юань гүрэн нээсэн

    Буянзын Мягмаржав МОНЦАМЭ агентлагт ном бүтээлийнхээ дээж 15 ботийг өнөөдөр бэлэглэлээ. Тэрбээр эдгээр ном бүтээлдээ дэлхийн эдийн засаг, нүүдлийн аж ахуй, өнөөгийн эколог, бизнес жуулчлалын асуудлыг хөндөн бичсэн аж.

    – Эрдэмтэн багш та манай агентлагт бэлэглэж буй ном бүтээлийнхээ талаар сонирхуулна уу ?

    – Миний бүтээлүүд олон улсын чиглэлтэй учраас өнөөгийн дэлхий, Ази, Африкийн орнуудын нүүдлийн мал аж ахуй болоод Монголын хаадын түүх бол дэлхий ба Евроазийн түүхтэй салшгүй холбоотой учраас манай улсын үндэсний агентлаг МОНЦАМЭ-дээ бэлэглэх сэтгэл төрсөн юм. Учир нь, МОНЦАМЭ агентлаг дэлхийн олон орны мэдээллийн сүлжээтэй ойр, өөрийн дэргэд англи, орос, хятад, япон зэрэг хэлээр сонин гаргаж түгээдэг учраас бүтээлээ бэлэглэх нь зөв гэж бодсон.

    Эхний 9 боть нь дэлхийн 40 гаруй орныг хамарсан 40 сая нүүдэлчдийн амьдралыг тусгасан нүүдлийн мал аж ахуйн сэдэвтэй юм. Дараагийнх нь 6 боть Монголын эзэнт гүрэн, Монголын их Юань улсын түүх болон “Монголын нууц товчоо”-г дэлхийн эдийн засаг, олон улсын эдийн засгийн харилцаа, маркетингийн үүднээс судалж Хубилай, Өгөөдэй, Бат, Зүч, Гүюг зэрэг их хаадад зориулан бичсэн бүтээлүүд юм. 

    – Эдгээр ботийг эрдэмтэн нөхөдтэйгөө хамтран бичив үү, аль эсвэл дан ганц таны бүтээлүүд үү?

    – Хоёр ботийг нь баг болж хамтран бичсэн. Бусад бүх ботийг би өөрийнхөө олон жилийн судалгаа, ажиглалт, эрдмийн бүтээлийнхээ шим дор бүтээсэн гэх үү дээ. 

    – Та эдийн засгаас гадна түүхийн чиглэлээр нэлээд судалгаа хийжээ дээ?

    – Миний бие Завхан аймгийн Улиастай хотын уугуул. 1961 онд ХААДС-ийг төгсөж агрономич мэргэжилтэй болсон. Төгсүүтээ ХААЯ болон ХААЯ-ны шууд харьяа Хэрлэнбаян-Улааны отор тэжээлийн станцад ерөнхий агрономичоор ажиллаж байгаад ШУА-д эрдэм шинжилгээний ажилтнаар ажилласан. 1972 онд хуучнаар ЗХУ-ын Москва хотноо дэд эрдэмтний зэрэг хамгаалсан. 1999 онд “Монгол болон Ази, Африкийн нүүдлийн мал аж ахуйтай орнуудыг харьцуулан судалсан нь” сэдвээр шинжлэх ухааны докторын зэрэг хамгаалсан. Энэ сэдэвтээ дэлхийн 40 орон, 40 сая нүүдэлчдийн аж ахуй эрхлэх ухааныг судлан багтаасан юм. 

    -Хэд хэдэн их, дээд сургуульд багшилж байсныг тань дуулсан?

    – Энэ хугацаанд ХААИС, МУИС-д багшлан олон эрдэмтэн шавьтай болсон бөгөөд тэдгээрийн дунд хоёроос гурван шинжлэх ухааны доктор, 10 гаруй дэд доктор бий. Түүнээс гадна ШУА-ийн Эдийн засгийн хүрээлэн, Нүүдлийн соёл иргэншлийг судлах олон улсын хүрээлэнд тус тус ажиллаж, олон улсын хурал, зөвлөлгөөнд илтгэл тавьж, залуу эрдэмтдийн эрдэм шинжилгээний ажлыг удирдаж байсан.

    ХААИС-ийн Мал аж ахуй, биотехнологийн сургуульд доктор / Ph.D /, Агро экологийн сургуульд  шинжлэх ухааны доктор /Sc.D/ хамгаалуулах зөвлөл, МУИС-ийн Газар зүйн шинжлэх ухааны доктор /Sc.D/-ын зэрэг хамгаалуулах зөвлөлийн гишүүнээр тус тус ажиллаж байна.

    – Та одоо яг ямар бүтээл хийж байна вэ?

    – 15 боть дээрээ нэмээд 3 боть шинээр бичиж байна. Эдгээрийгээ хэвлүүлчихвэл 18 боть болох юм. Бичиж байгаа бүтээлээсээ иш татвал, “Олон улсын интеграц-Монголын эзэнт гүрэнд” гэсэн бүтээл дээрээ ид сууж байна. Энэ бүтээлдээ Мөнх хааны тухай өгүүлэх юм.

    – “Дэлхийн эдийн засагт Монголын их Юань улсын оруулсан хувь нэмэр” боть тань сонирхол татаж байна. Энэ ботийн онцлог нь юу вэ?

    – Энэ ботио Хубилай хааны мэндэлсний 800 жилийн ойд зориулан бичсэн юм. Гол онцлог нь орчин үеийн дэлхийн эдийн засгийн хөгжлийн үүдийг Монголын их Юань гүрний эдийн засаг нээж өгсөн гэдгийг өнөө үеийнхэнд ойлгуулах гэж хичээсэн юм. Жишээлэхэд, Юань гүрэн дэлхийд усан замын харилцааг хөгжүүлсэн, ялангуяа Энэтхэг, Солонгос, Япон, Зүүн өмнөд Азид усан харилцааг хөгжүүлэхэд ихээхэн нөлөөлснийг энэ ботьдоо онцлон дурдсан байгаа. Мөн өнөөдрийн яриад байгаа дэлхийчлэл болон дэлхийн эдийн засагт Монголын их Юань гүрний оруулсан хувь нэмэр их байсныг ч тодруулж өгөхийг хичээсэн. Мөн Өгөөдэй хааны 830 жилийн ойд зориулсан “Олон улсын маркетингийн орчин-Монголын нууц товчоонд” хэмээх 12 дугаар ботио охин М.Халиуныхаа /доктор/ хамт бичсэн. Энэ ном их хөдөлмөр, хөлс шингэсэн бүтээл болсон л доо. Энэ бүхнийгээ нэгтгээд дүгнэхэд, монгол хаадын тухай болоод дэлхийн нүүдлийн аж ахуйг өнөөдрийн эколог, бизнес, жуулчлалаас салгах аргагүй юм шиг бодогддог юм.

    – Таны эрдмийн ажлыг охин чинь үргэлжлүүлж байгаа юм аа даа, бүтээлээс нь дурдвал…?

    – Миний охин МУИС-ийг  Олон улсын худалдааны мэргэжлээр төгсөөд эрдэм судалгааны ажил хийж байна. 1997 онд Олон улсын худалдааны чиглэлээр дэд докторын зэрэг хамгаалсан. Одоогоор СЭЗИС-д багшилж байна. Хамгийн сүүлд  “Монголын ноос ноолууран бүтээгдэхүүн, тэдгээрийн брэнд-Олон улсын зах зээлд” номоо хэвлүүлээд байна.

    Улаанбаатар /МОНЦАМЭ/ Батсайхан.Ж  183@montsame.mn  | 2020-01-28 16:11:19

  • Жигжидийн СОСОРЖАВ- Мах махан бүтээгдэхүүний технологич, инженер

    Мах, махан бүтээгдэхүүний технологич, инженер

    МАЛЫН ХИШИГ: Мах, махан бүтээгдэхүүний гарын авлага уншиж танилцах: https://www.usp2030.org/gimi/R…

    Бага насны дурсамж содон санагдана.
    Аав минь УБ яваад ирэхдээ хиам авчирч анх хиам идэж үзэж байж билээ. Амттай ч юм шиг дахиад идээд баймаар ч юм шиг. Ээжээсээ асуулаа
    – Ээжээ ийм хиамыг гэртээ хийж болох уу?
    Ээж минь инээмсэглэн “Том болоод хиам хийдэг хүн болоод ханатлаа идэхгүй юу” гэж билээ. Хиам хийдэг инженер болно гэж би тэр үед яахан төсөөлөх билээ. Мартжээ.
    Олон жилийн дараа 10–р анги төгсөх боллоо.
    Төгсөх шалгалтуудаа амжилттай өгч цаашид ямар мэргэжил эзэмших тухай ярилцлаа .
    Том ах Ж.Нямжав “Чи ерөөсөө Германд суралцах хуваарь ав, хүнсний инженер болооч” гэж билээ.
    Хойтон жил нь алдартай Гумбольдтын их сургуулийн хуваарь авч “Мах, махан бүтээгдэхүүний технологич инженер” мэргэжлээр сурч эхэллээ.
    Германчуудаас ихийг сурч ер нь л бол “Хувьсан өөрчлөгдсөндөө’’
    Сургуулиа төгслөө…
    1989 оны 09-р сарын 13 Мартах аргагүй өдөр
    Онгоцонд суугаад нутгийн зүг нисэж байлаа. Шинэхэн инженер. Эхлээд ажилчнаас эхэлдэг гэсэн, дараа нь ажлын үр дүнг харгалзан дэвшүүлдэг гэсэн. Ажиллана даа, зүтгэнэ дээ гэж бодож явлаа. Монголдоо ирлээ. Мах комбинатад хуваарилагдан очлоо. Хар бор ажил ч зөндөө хийлээ. Толгой шийр ч хуйхалж үзлээ. Удаж төдөлгүй инженерийн байранд очлоо. Ажлын төлөө зүтгэж явсаар … Цаг хугацаа харвасан сум шиг түргэн өнгөрчээ.
    Хагас жарны ажлын туршлагатай, бас нэг сонин нь “ БАГШАА” гэж дууддаг олон шавьтай болжээ. Залуу байхдаа “Багш” гэж дуудуулна гэж үнэндээ бодоогүй цэл залуугаараа байх юм шиг бодож явж дээ. Яг энэ агшинд би өөрөөрөө, хамт олноороо бахархаж байна.
    Ард түмэндээ эрүүл хүнс хүргэх гэж зүтгэсэн 30 гаруй жилийн хугацаанд би өөрөөрөө овоглосон хамт олонтойгоо хийсэн зүйлсээс цөөн хэдийг бичвэл:
    – Монгол аргаар мах эвдэж, ангилсан мах гаргав.
    – Мэргэжлийн боловсон хүчин бэлтгэх анхны “Махны сургалтын төв“-ийг нээж олон хүнд сургалт хийжээ.
    – Махны салбарт хүнсний аюулгүй байдлын тогтолцоог нэвтрүүлэх ажлыг мал төхөөрөх болон мах боловсруулах үйлдвэрт хийж амжилттай хэрэгжүүлсэн
    – Монгол улсын хүчний байгууллагуудад зориулан хөнгөн цагаан саванд нөөшилсөн төрөл бүрийн будаатай хуурга, ногоотой махан хуурга, шууз, өөхний агууламж багатай хиамнууд зэргийг дурдаж болно.
    Өглөө бүр ажил уруугаа яарч, орой бүр ажлаа дүгнэж гэрийн зүг урамтай явдаг жирийн инженер би жаргалтай хүн.
    Багын дурсамж амьдралд биеллээ олж хиамаа өөрөө хийдэг хүн боллоо сонин юм.
    ‘’БИ’’ –гээс ‘’ БИД ‘’үнэн шүү

    Бид бахархах зүйлтэй хүмүүс

    Хүнсчин миний бахархал –ХҮНСЧИД

  • Яндагийн ГАНБОЛД- Малын их эмч, мал эмнэлэгийн холбоо

    Хөдөө Аж Ахуйн Шинжлэх Ухааны Академийн гишүүн / Академич/, Мал эмнэлгийн шинжлэх ухааны доктор/ ScD/, профессор, Монголын үндэсний мал эмнэлгийн холбооны дэд ерөнхийлөгч, Монголын үндэсний жороо морин спортын холбооны тэргүүлэгч гишүүн 
    Малын их эмч, Мал эмнэлгийн хүрээлэн, ХААИС (Ph.D), 1993 он, ШУА (Sc.D), 2009 он
    Украины ХАА-н академи

    Шинжлэх ухааны доктор, профессор, ШУАкадемийн гишүүн

    • Монгол улсын зөвлөх малын эмч, эрдэм шинжилгээний тэргүүлэх ажилтан
    • Украйны Хөдөө Аж Ахуйн Академийн малын их эмч
    • Малын их эмч, орос хэлний багш, орчуулагч, сэтгүүлч мэргэжилтэй
    • Мэргэшсэн чиглэл: Мал эмнэлгийн эм зүй, эм судлал, хор судлал, эмийн технологи, эмнэл зүй. 
    • Улсын мал эмнэлэг, ариун цэврийн төв лаборатори, Мал эмнэлгийн хүрээлэнд эрдэм шинжилгээний ажилтан, удирдах албан тушаалд ажиллаж байсан.
    • “Мал эмнэлгийн эм судлалын хүрээлэн” ТББ-ын захирал, “Монголын хувийн мал эмнэлгүүдийн дундын хоршоо”-ны зөвлөх, “Монголын үндэсний мал эмнэлгийн холбоо”-ны дэд ерөнхийлөгчийн албан тушаалыг хашиж байна.

    https://www.facebook.com/ireed…

    Царцааны бэлдмэлийн зохион бүтээгч


    ЖОРОО АДУУНЫ ГЕНИЙН СУДАЛГАА НЭН ЧУХАЛ

    Монгол зан заншил, урлаг, соёлын уламжлагдан ирсэн, мал сүргээ адгуулан маллаж уналга, эдэлгээнд сургаж, тэр ч бүү хэл баяр цэнгэлийн үед “гангараа” болгон хэрэглэж, малч ухаан, малчин хүний эрдэм соёлыг гайхуулж байдаг нэгэн өвөрмөц үйлдэл нь Монголчуудын хөлөг мориндоо жороо явдал сургах, нэгэнт сурсан жороо явдлыг уран гоё болгож, урлаг мэт хөгжүүлж ирсэн нь сайхан зан заншил, ур чадвар юм. Жороо адууг газар нутгийн онцлогтой холбоотойгоор төрж, удам дамждаг хэмээн нутгийн нэрээр нь тэр нутгийн жороо морь гэж нэрлэж ирсэн түүхтэй билээ. Манай ард тумний дунд нилээд түгээмэл болсон ойлголт нь жороо адууны гарал Ховог сайрын нутгаас гаралтай гэж үздэг боловч, үүнийг шинжлэх ухааны болон уг гарвлын үүднээс баталсан нотолгоо өнөөдөр хүртэл байхгүй ба газар, газрын жороо олон үеэр дамжиж ирсэн нь нэг нутаг уснаас биш, нилээд олон газраас, өөрөөр хэлвэл нийтлэг байдлаар жороо морины явдал үүсч, хөгжсөн байж болох талтай юм.

    Биологийн шинжлэх ухааны үүднээс авч үзвэл гарал үүслийн хувьд хаа нэгтэй газар жороо адууны анхлан бий болсон гарал үүслийг батлах баримт нотолгоо байх ёстой бөгөөд энэ нь орчин үеийн ойлголтоор тухайн сүрэг, омог, магадгүй үүлдрийн генийн илрэц болох нь нэн сонирхол татаж байгаа юм.

    Өнөөгийн байдлаар манай орны хувьд адуу мал яагаад жороо явдал сурдаг, эсвэл жороо төрдөг, тэр чадвар нь удамшдаг эсэх, удамшдаг бол жороо удмын сүрэг бий болгох боломжтой эсэх зэргийг судлан тогтоох нь нэн чухал байна. Энд би ардын сонгон шалгаруулалт, шилэн өсгөлт, өөрөөр хэлвэл малч ухаанаар бий болгодог жороо сургах арга туршлагыг огт үгүйсгэхгүй байна. Дэлхийн шинжлэх ухааны ололтоос авч үзвэл Америк болон Европын орны судлаачид адууны алхаа, гишгээг тодорхойлогч DMRT3 нэртэй генийг жороо моринд илрүүлсэн байна. Гэхдээ эдгээр орны жороо гээд байгаа морьдууд нь хатирч гэдгээрээ илүү алдартайг уншигч та мэдэх байх аа. Ийм адууг өсгөн, үржүүлж, уралдаан, тэмцээнд оруулж байдаг Исланд улсад гэхэд л дээрхи ген илэрдэг болох нь мэдээлэгдсэн байна.Иймээс адуунд жороо явдал бий болоход энэ ген нөлөөлдөг эсэхийг нотлон судлах ажлыг өргөн цар хүрээтэй эхлүүлэхээр бидний хэдэн судлаачид Монголын үндэсний жороо морин спортын холбооны дэмжлэгтэйгээр зорин ажиллаж байна.

    Хэрвээ бид энэхүү генийг монгол жороо моринд илрүүлж чадах аваас нэг талаас /том утгаараа/ жороо морь дэлхийд өөр хаана байгааг ижилдүүлэн судлах, эсвэл зөвхөн Монголоос гаралтай гэдгийг нотлон дэлхий дахинаа зарлах, нөгөө талаас монгол жороо морины явдал удамшдаг эсэхийг тогтоох, моринд жороо явдал сургадаг арга, туршлага, ур чадвар бүхий цогц мэдлэгийг инноваци болгох, цаашилвал нутаг, нутгийн жороо адууны генийн сан бүрдүүлж, хамгаалах, улмаар уран жороо явдалтай сүрэг үржүүлэх ажлыг нэн даруй эхлүүлэх боловсрол, нийгэм, соёл, зан заншил, эдийн засгийн ихээхэн ач холбогдолтой ажил болох юм.

  • Сүрэнжавын АРИУНАА- ARIUNAA SURI брэндийг үндэслэгч дизайнер

    Загвар зохион бүтээгч, ARIUNAA SURI брендийг үндэслэгч

    С.Ариунаа нь Герман улсын Бремен хотын урлагийн их сургуулийг загвар зохион бүтээгчээр магистр цолтой суралцаж төгсөөд, Германы тэргүүлэгч брэндүүдийн нэг болох “Evelin Brandt”-д бүтээлч дизайнераар 2 жил ажилласан. 2012 оноос хойш өөрийн ARIUNAA SURI брэндийг бий болгож, тус брендийг олон улсын хэмжээнд таниулан сурталчилж, компанийн үйл ажиллагааг амжилттай удирдан зохион байгуулж байна.

    ARIUNAA SURI брэнд нь байгальд ээлтэй олон улсын стандартыг хэрэгжүүлсэн зах зээлд өөрийн өвөрмөц чиг хандлагатайгаар танигдсан, мөн Монголын экологийн цэвэр түүхий эд болох ноос, ноолуур, савхи болон хонины нэхийг ашиглан урласан төрөл бүрийн хувцаснуудыг дээд зэргийн өндөр чанартайгаар урладаг “Монголын анхны дизайнер брэнд” билээ.

    Амьдралын хэв маяг, хэл, соёл урлаг, загварын үүсэл түүх гээд бүх талаараа эрс тэс өрнө дорнын хоёр ертөнцийн ХООРОНД нууцлаг оршигч, түүнийг суралцагч, ялгааг бүтээлдээ шингээгч – энэ бол ARIUNAA SURI. Үүнийг мэдрэгч түүнчилэн чанар болон дизайны өөр шийдэлийг Хүсэгч худалдан авагч хэн бүхэнд энэ брэнд зориулагдсан болно.

    Бид ARIUNAA SURI брэндийг зах зээлд хөгжүүлэх, таниулах чиглэлээр дэлхийн хэмжээний загварын шоу, PR, маркетингийн үйл ажиллагааг амжилттай зохион байгуулж дотоодын зах зээлд хөгжин цэцэглэхийн зэрэгцээ Азид Япон, Орос, Казакстан, Европт Герман, Австри болон Америкийн зах зээлд танигдсаар байна.

    2015/11/14 SNOW 2016 Fashion Show

    “Дархан Минж” ХХК-ийн Европ технологиор боловсруулсан зөөлөн, хөнгөн нэхий нь Монголын Загварын салбарт нэгээхэн шат ахисан үйл явдал болоод байна. ARIUNAA SURI брэнд уг нэхийгээр орчин үед нийцсэн шинэлэг загвар гарган хамтарсан шинэ брэнд бий болж дотоодын болон олон улсын зах зээлд нийлүүлэхээр зорин ажиллаж байна.

    2015/5/28-31-нд Австрийн Грац хотод “Assembly the Design Festival”-д уригдан “Мазаалай” коллекцоороо танилцуулсан.

    2015/4/5-нд ARIUNAA SURI брэндийн нэрийн дэлгүүр, урланг Улаанбаатар хотод нээсэн.

    2014 оны 6- 10 сард “Тютю“ киноны загвар хариуцаж ажилласан ба үзэгч, хэрэглэгч нарын магтаалыг чамгүй хүртсэн ажил болсон.

    2014/7/2-нд ARIUNAA SURI загварын шоуг Испани улсын Ибиза арал дээр зохион байгуулсан.

    Монголоосоо анх удаа 2013 онд Токио хотод “Mercedes Benz Fashion Week” загварын шоунд оролцож, 2014 онд дахин амжилтаа бататгалаа.

    2014 оны 1 сард Сочи Өвлийн Олимпын хувцасыг шинэчлэн гаргаж бэлтгэсэн ба уг ажил нь мөн дэлхийд Монголоо сурталчилсан томоохон ажил болсон юм.

    2013/7/13-нд ARIUNAA SURI 2015 хавар зуны коллекцын загварын шоуг анх удаа Монголд усан дээр тайз засч, мэргэжлийн түвшинд өргөн хэмжээний энтертайнмент шоуг өвөрмөц зохион байгуулсан.

    https://www.facebook.com/ariunaasuri

  • Отгонбаярын СОЛОНГО- Эко бүтээгдэхүүний трэнд судлаач

    Уншигч таньд энэ өдрийн мэндийг хүргье. Намайг Отгонбаяр овогтой Солонго гэдэг. Миний бизнес болон амьдралын гараа бүгд суралцахаас эхлэсэн билээ. Одоогоор миний бие Америкийн Нэгдсэн Улсын Чикаго хотод ажиллаж амьдарсаар одоогоор  долоон жилийг өнгөрүүлжээ. Анх Америк Улсад хөл тавихдаа л Эх Орондоо Эх дэлхийдээ хувь нэмэртай хүн болохыг эрмэлзэж мөрөөдсөөр ирсэн. Мөрөөдөл маань биелэж байна. Би өөртөө итгэлтай, бэрхшээлийг туулах чадвартай Эх орондоо Эх Дэлхийдээ ээлтэй, шударга бизнес эрхлэгч болно гэдэгтээ итгэлтэй байна.

    АЖЛЫН ТУРШЛАГА

    2020 оноос Үндэсний Төслийн Удирдлагын хүрээлэнгийн гэрээт судлаач

    2019 оноос  “Sokos Fine Goods” LLC https://www.lovesokos.com/ Чикаго Хот, Америкийн Нэгдсэн Улс

    “Сокогын Нэрийн Бараа”компанийг үндэслэн байгуулагч, захирал

    • ● Дэлхийд Ээлтэй Хувцас бүтээгдэхүүн 2019 онд Чикаго хотын хамгийн том залуусын фестивалд танилцуулж 3 өдөрт 1000 ширхэгийг худалдаалсан амжилт үзүүлсэн.
    • ● Өнгө, Будаг, Мэдрэмжийн шилдэг брендээр танигдсан.
    • ● 100,000 хүмүүсийн урд гарч брэндээ сурталчилсан. Одоогоор Америк улсад Монгол улсаас инпортолж болох байгальд ээлтэй бүтээгдэхүүн, түүхий эд мөн цаашлаад үйлдвэр байгуулах судалгаанд оролцон бүтээн байгуулахыг зорьж ажиллаж байна.

    2015- одоо
    Global University Systems     Лондон, Их Британи Нэгдсэн Вант Улс                                                                         Олон Улсын Боловсролын Зөвлөх
    www.globaluniversitysystems.com

    • ● Дэлхийд боловсролоороо тэргүүлдэг 42 муж хотуудын сургуулиудтай хамтран ажиллагч байгууллага бөгөөд 75,000 элсэгч оюутнуудтай.
    • ● 3 хүнтай багийн ахлагчаар ажиллахдаа нийтдээ 1165 оюутныг гадаадын их дээд сургуульд амжилттай зуучилсан,
    • ● Канад улсад  шинэ гэрээний дагуу амжилттай төгссөн оюутнуудад 5 жилийн гэрээтэй ажил олгогчтой төгсөх эрх багадаа цалин 50,000 ам канад доллараас эхлэнэ.
    • ● Америк Улсын Сургуульд суралцахад хэрхэн шаардлага хангах  бичиг баримт бүрдүүлэхэд нь туслаж зөвөлгөө өгөх тусгай сургалттай.

    2011-2014 The New Media Group Улаанбаатар, Монгол

    Сошиал Медиа Маркетингийн Мэргэжилтэнээс Төслийн Менежер

    • ● Төслийн бүх төлөвлөгөө тайлан  сар, улирал, жилийн бэлтгэх
    • ● Цахим сүлжээний төсөл дээр тогтмол контент бэлдэх багийн бүтээмж болон олон нийтэд хүргэхэд анхаарч инфографик, видео, болон артикл бэлдэн 35,000 дагагчтай болсон.
    • ● Монголын томоохон компаниудтай амжилттай гэрээ байгуулж ажлын байрны програмдаа оруулж чадсан.
    • ● 7 хоног бүрийн уулзалтыг ирээдүйн боломжит хэрэглэгчээ олоход төлөвлөн зарцуулах.
    • ● Менежментийн баг, удирдлагын багаас тогтмол заавар зөвөлгөө авч хамтран ажиллах.
    • ● Ажил олгогч болон ажил хайгч нарыг амжилттай бүртгэн 10,000 ажил хайгч, 55 албан байгууллагатай холбоо тогтоож чадсан

    БОЛОВСРОЛ

    Бизнесийн Удирдлагын Мастер Голч 3.9- Америк                                         Concordia University Chicago                               2020
    Маркетинг болон Борлуулалтын Мэргэжилтэн Сертификат- Америк      Computer Systems Institute                                  2017
    Бизнесийн Удирдлагын Бакалавр Маркетинг Менежмент– Монгол        University of Humanities                                2011                                          

    АМЖИЛТ БҮТЭЭЛ

    Өөрийн старт-апыг амжилттай удирдахын зэрэгцээ. Нийгэмдээ туслах зорилгоор  International Multicultural Awards Gala д оролцож өөрийн гишүүнээр элссэн “Аравт Номадс” төрийн бус байгууллагаа дэмжин оролцохын зэрэгцээ бүтээгдэхүүнийхээ дээжээр ирсэн зочидод бэлэглэсэн. Уг арга хэмжээнд долоон төрийн бус байгууллага оролцож 100,000 долларын хандив босгож дэлхийн нийтэд байгаа хөгжлийн бэрхшээлтэй хүүхдүүдийн сайн сайхан амьдралын төлөө хөрөнгө хандивлаж чадсан.

    УР ЧАДВАР

    • ● Оффис бүх програм
    • ● Дижитал Маркетинг- Google AdWords/Analytics/Webmaster, Raven Reports, Mongoose
    • ● Төслийн Менежмент- Workfront OpenAir, Basecamp, Trello, Aiello
    • ● Онлайн Шоп Хөгжүүлэлт –  In-depth knowledge of social media marketing platforms: Facebook, Instagram, Twitter, Google, Pinterest
    • ● Мэргэжлийн англи хэлтэй
    • ● Манлайлагч

  • Бямбацогтын Амартүвшин

    Бямбацогт овогтой Амартүвшин 1983 онд Завхан аймгийн баян тэс суманд айлын ууган хүү болж мэндэлсэн.

    1991 онд Баянтэс сумынхаа бүрэн дунд сургуульд элсэн орж 2001 онд 10- р ангиа дүүргэсэн. 2001 онд Улаанбаатар хотод Кино урлагийн дээд сургуульд элсэн орж 2005 дүүргэсэн. 2007- 2008 онд Баян тэс сумандаа ЕБС- сургуульд хөгжмийн багшаар ажиллаж байгаад 2009 онд Улаанбаатар хотод ” Эх орон” телевизд киноны дуу оруулагчаар ажиллаж байсан. 2010 онд Завхан аймаг Баян тэс сумандаа ЕБС- д Хөгмийн багшаар ажиллаж байгаад 2011 онд Баян тэс сумынхаа Хүүхдийн Цэцэрлэгт Хөгжмийн багшаар ажиллаж байна.

    Цол: 2021онд Боловсролын удирдлагын Магистр багш, Арга зүйч багш

    Шагнал : Монголын залуучуудын шилдэг залуу алтан медаль, МҮОХ – нэрэмжит тэмдэг