creativemongolia

Category: Uncategorized

  • Монголын Нууц Товчоо Түгээмэл эх Motion illustration цуврал

    “Нууц товчоо”-ны зураач гэгдэх болсон Р.Батцэнгэлтэй Цонжин болдогт таарч, цөөн хором ярилцлаа. “Монголын Нууц товчоог Дэлхийд түгээе” сангийнхан тус цогцолборт ажиллаж, дотоод, гадаадын аялагчдад Монголын нууц товчоо болон түүх, соёлоо сурталчлах ажлыг зохион байгуулдаг юм байна.

    Тус сангийн үүсгэн байгуулагч, зураач Р.Батцэнгэлийн санаачлан хөгжүүлж буй “Монголын нууц товчоо-Түгээмэл эх” төсөл нь англи, солонгос, хятад, унгар, япон, орос, монгол бичиг, кирил монгол, нийт долоон хэлээр тус тус хэвлэгдэж, Монголдоо төдийгүй дэлхийн уншигчдын оюуныг мялаан, Монгол Улсыг сурталчлан таниулахад тодорхой үүрэг гүйцэтгэж байгаа билээ.

    -Тантай 2014 оны наадмаар төв талбай дээр, цагаан асарт гаргасан үзэсгэлэнг үзэж яваад танилцаж байлаа. Тэр ажил “МНТ Түгээмэл эх” зурагт номыг олон нийтэд танилцуулах анхны арга хэмжээ байсан уу?

    -Тийм ээ. Тэр өдөр манай номын “Тэргүүн двтэр” нийтэд хүрсэн анхны өдөр байсан. Түүнээс хойш Монголын нууц товчоог сурталчлан таниулах ажлыг тогтмол хийж ирлээ.

    -Тэр үед та “Тэргүүн дэвтэрийг бүтээхэд зургаан жилийг зарцуулсан” гэж ярихад дараагийн хоёр дэвтэр нь хэзээ гарах бол? Бүр гаргахгүй хаячих ч юм биш байгаа гэж бодож байсан?

    -Ганц чи биш л дээ(инээв). Олон хүн тэгж эргэлзэж байгаагаа нуудаггүй, лавлаж асуудаг байсан. Дэд дэвтэр нь жилийн дараа хэвлэгдэж гарсан. Түүнээс хойш борлуулалт маань харьцангуй сайжирч, дараа дараагийн хэлүүд дээр гаргах ажил маань эрчимжсэн.

    -Өнөөдөр та бүхэн Нууц товчоог ийм олон хэл дээр хэвлэчихсэн, хэлэх үгтэй, хийсэн ажилтай зогсож байна. Түүгээр ч барахгүй дараагийн шат руу ахиж, анимейшн бүтээсэн гэсэн. Тэр талаар мэдээлэл өгөх үү?

    -Тийм ээ. “МНТ Түгээмэл эх” номын дэлгэцийн хувилбар(motion illustration) үзэгч олонд хүрэхэд бэлэн болж байна. Өнгөрсөн хавар дуусгачихлаа гэж үзсэн боловч нэмэх, засах ажлууд гараад одоо л бүрэн дуусаж, бэлэн болж байна даа.

    -Уг бүтээлийн бусдаас ялгарах онцлог нь юу вэ?

    -“Ном мэт гүнзгий, кино мэт сонирхолтой” гэж тодорхойлж байгаа.

    -Өнөө цагт хүмүүс ном унших нь багасч киног түлхүү сонирхож байна. Тиймээс кино шиг сонирхолтой хэрнээ ном шиг мэдлэг өгөх контент болох юм гэж ойлголоо.

    -Яг тийм. Ингэснээр илүү олон хүнд хүрч, илүү олон хүн үнэн түүхийг мэдэж авцгаана. Олон хүн Чингис хааны маань түүхийг тэр нэг Хятадын олон ангит кино болон гадаадын бас бус кинонуудаар төсөөлдөг нь энд ирдэг гадаад, дотоодын иргэдээс тодорхой харагддаг. Гэтэл кино бүх мэдээллийг өгч чадахгүй. Энэ Дува сохорын дүрийг хараад л уулга алдаад эхэлдэг(Магнай дундаа ганц нүдтэй хүний зургийг заав). “Монголын нууц товчоог мэдэхгүй хэн байсан юм” гэж хэлэх хүн зөндөө байдаг ч үнэн хэрэгтээ манай монголчууд одоо хүртэл Монголын нууц товчоогоо огт уншаагүй болох нь энэ мэт мэт жижиг сэжүүрээс мэдэгдээд байдаг юм л даа.

    Ядахдаа үзэгчид зохиогчдын элдэв санаа, шийдлүүдийг үнэн түүх гээд шууд хүлээгээд авчих юм. Мэдээж тэдгээрийг үзэхийг хорихгүй. Зүгээр л эхлээд Монголын нууц товчоог нь мэдүүлчихмээр байгаа юм. Ийм л учраас бид их чухал зүйл хийж байгаа гэж итгэж, зүтгэж ирлээ шүү дээ.

    -Үнэхээр чухал шүү. Манай хүү энэ номыг шимтэн уншсан. Би өөрөө ч урьд өмнө нь ойлгож, анзаарч байгаагүй олон зүйлийг олж мэдсэн. Дэлгэцийн хувилбар нь хэзээнээс нийтийн хүртээл болох вэ?

    -Яг тодорхой хэлж мэдэхгүй байна. Тодорхой болохоор нь нийтэд мэдээлнэ ээ.

    -Удахгүй гэж найдаж байна. Амжилт хүсье.

    -Баярлалаа, удахгүй байх аа. Манай багийнхан хичээнгүйлэн ажилласаар байна.

    Ж.Хорлоо

    МОНГОЛЫН НУУЦ ТОВЧООГ ДЭЛХИЙД ТҮГЭЭХ ТҮҮХЭН ҮЙЛСД ХУВЬ НЭМРЭЭ ОРУУЛААРАЙ!

    Монгол залуус хамтран “Монголын Нууц Товчоо түгээмэл эх” illustration art номыг 3 цувралаар бүтээж, англи, испани, япон хэлээр орчуулж цахим хэлбэрээр дэлхийд түгээх төслийг эхлүүлээд байна. Энэхүү төслөөрөө Монголын түүх соёлыг дэлхийд сурталчилж таниулахаас гадна энэхүү судалгаанд суурилан бүрэн хэмжээний анимейшн кино хийхээр ажиллаж байна. Эхний ээлжинд номны зураг бүтээх, орчуулах ажилдаа зориулан төсөв бүрдүүлж байна. Та бүхэн энэхүү цахим хуудасруу ороод хандив өргөхөөс гадна сэтгэгдэл үлдээж, мэдээллийг түгээж Монгол залуусаа дэмжээрэй. 

    БҮТЭЭЛЧ МОНГОЛЧУУД БИД ХАМТДАА ЧАДНА АА!

    https://www.indiegogo.com/projects/the-secret-history-of-genghis-khan/x/12191726#/story

    БАГ

    BATTSENGEL Rentsen

    Санаачлагч, Artist

    “Монголы нууц товчоог дэлхийд түгээе” сангийн тэргүүн. 

    Түүхэн зурагийн төрлөөр уран бүтээлээ туурвидаг. Монголын нууц товчоог 28 дахь жилдээ зурж байна. “Монголын нууц товчоо түгээмэл эх” 3 цуврал номыг бүтээсэн.

    BATTSENGEL Rentsen
    Project Initiator, Artist
    The Founder of “Discover the Secret history of the Mongols” Foundation
    Works in the genre of historic art. He has depicted the Secret history of the Mongols for 28 years. Created the three volumes of “The secret history of the Mongols-Popular Edition”. He believes “The Popular Edition” will deliver the truth of Chinggis Khan and the Mongols.

     TEAM

    LUVSANDORJ Jamsranjav

    Project manager, Marketer

    ERDENETSETSEG Jargalsaikhan

    Operation manager, Translator

    JAVKHAA Tserensumya

    Creative specialist, Video maker

    ERDENEBAATAR D

    Advisor, Archaeologist, Ph.D, Prof

    НЭМЭЛТ АГУУЛГА

    5 ШИРХЭГ ИШЛЭЛ ЗУРАГ БАЙДЛААР ОРНО

    Өнөөдрийн хүн төрөлхтний хөгжил зогсонги байдалд орсон нь дэлхийд улс төрийн сайн удирдагч байхгүй байгаагийн илрэл. Ер нь хүн төрөлхтний түүхэнд ганцхан улс төрийн удирдагч байсан нь Монгол Улсыг үндэслэгч Их Эзэн Чингис Хаан юм. Тиймээс одоо дэлхий нийтээрээ Монголчууд болон Чингис Хаанаас суралцах цаг нэгэнт болжээ”

    АНУ- ын 42 дэх Ерөнхийлөгч Билл Клинтон

    “Чингис хаан болон Монголын нууц түүхийг ойлгоход энэ ном нь хамгийн төгс хувилбар болжээ. Энэ ном Чингис хаан шиг дэлхийг байлдан дагуулна гэдэгт эргэлзэхгүй байна”

    Jack Weatherford

    Угсаатны зүйч, хүн судлаач, PhD

    Дэлхийн бестселлер “Өнөөгийн Ертөнцийг Үндэслэгч Эзэн Чингис Хаан” номын зохиолч

    “Чингис Хаан бол түүхэнд гарсан цэргийн суут ухаантан, жолоодогч эргэлзээгүй мөн. Түүний дэргэд Александр Македонский, Юлий Цезарь, Напелон Банапорт нар бол жаахан хүүхэдтэй л адил”

    Энэтхэг Улсын анхны Ерөнхий сайд Жавахарлал Неру

    For Genghis Khan is, without doubt, the greatest military genius and leader in history.  Alexander Mackedonskiy, Napoleon Bonapart and Julius Caesar seem petty before him. 

    The first prime minister of India, Jawaharlal Nehru 

    Уриа: Discover the Secret History of the Mongols

    The secret history of Genghis khaan

    Өнөөгийн ертөнцийг үндэслэсэн өнчин хүүгийн түүх fully illustrated book- ийг дэлхийд түгээе

    1. Эхлэл

    Дэлхийг захирсан өнчин хүүгийн түүхийг танд хүргэж байна. Та амьдралдаа олон агуу хүний намтар түүхийг уншиж байсан бизээ. Харин өнөөдөр хүргэж буй энэхүү түүх бол мянганы суут хүний түүх учраас танд илүү их таалагдана гэдэгт итгэлтэй байна. Чингис хааны тухай олон ном бүтээл байдаг хэдий ч 1240 онд бүтээгдсэн энэхүү бүтээл нь анхны эх сурвалж бүтээл юм. 9 настайдаа өнчирч хоцорсон түших тулах хүнгүй хүү хэрхэн дэлхийн дэг журмыг тогтоож их гүрнийг босгосон нууц түүхийг энэ номноос уншихаас гадна эртний монголын нийгэм соёлын нээгдээгүй цоо шинэ ертөнцийг танд нээн харуулах болно. Энэхүү ном нь дэлхий даяар 26 хэлээр хэвлэгдсэн бөгөөд бидний бүтээж буй Popular edition хувилбар нь монголын түүх соёлын талаар ойлголт багатай анхлан уншигчдад зориулан агуулгыг хялбаршуулан найруулж анх удаа бүрэн зурагжуулсан бүтээл юм.

    2. Мянганы суут хүн Чингис хааны тухай

    Дэлхийн түүхэнд төрсөн суутнуудын нэг Genghis khan (1162- 1227)
    (Уг дуудлага нь монголоор: Chinggis khan [tʃiŋɡɪs xaːŋ]. Далай хаан гэсэн утгатай)

    Түүний амьдрал хатуу ширүүн тэмцэл, адал явдлаар дүүрэн. Тэрээр нэг хүний амьдралд багтамгүй их түүхтэй, бас өөр хэний ч хийж амжуулаагүй их үйл хэргийг бүтээсэн. Гаргасан амжилтаар нь жагсаавал магад тэрээр бүх суутнуудыг тэргүүлнэ. Урьд нь дэлхий даяараа түүнийг эзлэн түрэмгийлэгч, эвдлэн бусниулагч гэж ойлгодог байсан нь эзлэгдэж байсан улс үндэстнүүдийн бичиж үлдээсэн эх сурвалжуудад итгэж өрөөсгөл хандаж байсантай холбоотой юм. Харин шинэ мянганы босгон дээр энэ хандлага эрс өөрчлөгдөж хүн төрөлхтний хөгжил цэцэглэлтэнд оруулсан түүний хувь нэмрийг бодитоор үнэлж дүгнэх боллоо.

                

    Түүний амжилтын нууцыг судлаачид олон талаас нь бичиж дүгнэдэг. Хүн таних онцгой чадвартай, дайснаа ч нөхөр болгох увидастай, нөхдийн тус гавъяаг үл мартагч, оюун ухааныг дээдлэгч, шинэлэг санааг соёрхон урамшуулагч, цэрэг стратегийн шинэ эринг эхлүүлэгч, шашин шүтлэгийн эрх чөлөөг анхлан тунхаглагч, өнөөгийн ертөнцийг үндэслэгч гэх мэтээр дүгнэсэн байдаг. Эдгээр дүгнэлтийг янз бүрийн зохиолоос түүж үзэж болох ч МНТ хэмээх анхдагч эх сурвалжаас нь та өөрөө уншиж мэдэрсэн нь хамгийн оновчтой буй за.

             

    3. Зураач Рэнцэнгийн Батцэнгэл яагаад 

    “Монголын Нууц Товчоо Түгээмэл эх” төслийг эхлүүлсэн бэ?

    Төслийг санаачлагч Зураач Battsengel.R. historic art genre- аар ажилладаг. МНТ-ыг 28 дахь жилдээ зурж байна. Энэ төсөл дээр 8 дахь жилдээ ажиллаж “Volume I”-ийг 2014 онд, “Volume II”-ийг 2015 онд хэвлүүлсэн. Одоо “Volume III” дээр ажиллаж байна.

    МНТ бол үйл явдлыг голчлон тэмдэглэж үлдээсэн зохиол. Тиймээс хүмүүсийн дүр төрх, ахуй орчин, хувцас хэрэглэлийн талаар дүрсэлсэн зүйл бага. Тийм ч учраас тухайн үеийн овог, аймгуудын соёлын хэв маяг, угсаатан ястаны дүр төрхийн ялгаа онцлогийн талаар тодорхой төсөөлөл өгдөггүй. Гадаад уншигчдын хувьд ядаж л монгол гэр ямар бүтэц зохион байгуулалттайг мэдэхгүй шүү дээ.

    Иймээс уг зохиолыг зурж дүрсжүүлэх зайлшгүй шаардлага байсан. Ингэхдээ чимэг төдий биш зохиолын агуулгыг баяжуулж, дутууг нь нөхөх, мэдээллийн багтаамж ихтэй, бодит дүрслэлтэй зургууд хэрэгтэй байв. Үүний тулд бид түүх, хүн судлал, археологийн судалгааны сүүлийн үеийн ололтыг тусгасан, XIII зууны монгол ертөнцийг бүх талаас нь, өчүүхэн зүйл ч орхигдуулаагүй бүтээл хийхийг хичээн ажиллаж байгаа юм. Үүнд дээл хувцас, орд өргөө, хоол хүнс, бүжиг хөгжим, зэр зэвсэг, хуяг дуулга, бичиг соёл, дайны урлаг бүгд багтана.

    4. Яагаад “Монголын Нууц Товчоо түгээмэл эх” төсөл гэж?

    • Танд дэлхийн хэмжээнд сэтгэх урам зориг, хүнд бэрхийг даван туулах хүч чадлыг өгнө; 
    • Баг хамт олноо удирдах менежментийн арга ухааныг өгнө;  
    • Эртнээс нааш монголчуудын байгальтай зохицон амьдарч ирсэн ахуй соёл нь дэлхий нийтэд тулгараад буй экологийн аюулыг багасгах нэг хөшүүрэг болно; 
    • Хүн төрөлхтний анхны шүтлэг тэнгэр үзлийг таньж мэдэх боломж;
    • Дараагийн шинэ дэлхий ертөнцийг бүтээхэд Чингис хааны үзэл санаа, бодлогууд бидэнд хэрэгтэй; 

    5. Хүсэж буй дэмжлэг, санхүүжилт 

    “Volume III” illustration art- ийг бүтээх, “Volume I, II, III”-ыг англи, испани, япон хэлээр орчуулах, цахим ном бүтээхэд шаардлагатай 15,000$-ийг босгох зорилгоор та бүхэнд хандаж байна.

       

    5$ Бидэнд урам зориг болно

    20$ санхүүжүүлвэл: 1- р дэвтэрийн цахим ном 

    50$ санхүүжүүлвэл: 3 цуврал e-book (хэрхэн яаж уншуулахыг судлах)

    100$ санхүүжүүлвэл: 3 цуврал цахим ном + Их эзэн Чингис хааны плакат (гарын үсэгтэй)

    500$ санхүүжүүлвэл: 3 цуврал ном + Их эзэн Чингис хааны плакат (гарын үсэгтэй)

    5000$ Монголын Нууц Товчоон түүхийн жимээр онцгой аялал зохион байгуулна (2016 оны зун) Монгол улсад байх нийт зардлыг хариуцна.

    15000$ Таны нэр бүтээл дээр Номын продьюсер тодотголтойгоор тавигдана. 

    Хүн төрөлхтөнд нээгдэж танигдаагүй шинэ ертөнц болох Chinggis khan- ны намтар түүх, Их Монгол улсын түүх соёлыг дэлгэн үзүүлж, МНТ- г дэлхий дахинд түгээхэд үнэт хувь нэмрээ оруулна гэдэгт итгэлтэй байна.

    Зураач Рэнцэнгийн Батцэнгэл

    “Монголын нууц товчоог дэлхийд түгээе” сан

    2015/09/25

    https://facebook.com/MSHteam

    ENGLISH”>

    ENGLISH”>

    Secret history of Genggis khaan

    Let’s spread the fully illustrated book based on the history of the orphan boy who established present world 

    1. A brief introduction of the Project                  

    We are illustrating the history of an orphaned boy who ruled the world. You might have read a number of accounts of great people. But this is the history of the “Man of the Millennium” and we are sure that you will enjoy it. There have been numerous accounts and books written about Chinggis Khan, however, this project is developed from the original source which was created in 1240. And will demonstrate a yet undiscovered world depicting ancient Mongolian culture and society in addition to learning of the secret history of how a 9 year old orphaned boy, abandoned with no support challenged the status quo and established a great empire. His story has been published globally in 26 languages. However, the “Popular Edition” being created by us is fully illustrated, albeit with a simpler content to give the reader a better understanding of the Mongolian history and culture.

    2. “Chinggis Khan” the Man of the Millennium                  

    One of the Great men of world history, Chinggis Khan (1162-1227)

    His life was characterised by harsh struggles, many adventures and challenges. He accomplished many feats during his lifetime, most likely more so than any other character in history. Earlier opinion was that he was understood to be a conqueror and destroyer due to the written accounts from the nations that he occupied. However, on the eve of the new millennium this viewpoint has changed dramatically to one where he has been credited with progressing the prosperity of mankind with his sharp mind and contributions to the development of the “modern world”.  

    Researches have credited his success to various characteristics. He had a remarkable skill in recognising people, a genuine ability to convert enemies to friends. He never forgot a fovour or underestimated the strengths of his colleagues. He honoured intelligence and encouraged innovation as he himself initiated a new era of military strategy. He was the first man to declare and uphold freedom of religion. You could make these discoveries by researching a variety of scripts, however, you would be best served by reading and feeling the primary source called MNT yourself.           

    3.    Why Battsengel Rentsen initiated the project

    “The Secret History of the Mongols”?

    Battsengel.R works in the genre of historic art. He has been drawing the Secret History of the Mongols for the past 28 years. He commenced work on this project 8 years ago and first volume “VOLUME-I” was published in 2014. The second volume was published in 2015 and he is currently working on the third volume.

    The secret History of the Mongols is primarily a script generally recording the events of the time. There is very little description with regard to the appearance of the people, lifestyles, clothes, implements and instruments used. Therefore in the mind of the reader there is very little detail with regard to cultural attire and the different appearances of the ethnic minorities. Needless to say, very few foreign readers are acquainted with the structure of the Mongolian yurt.            

    Therefore to complement the script is was necessary that it be illustrated. In so doing the illustrations create images to compensate and enrich the script enhancing the information, not only as decoration but expanding the readers understanding of the context in which it was written. Thus we are working hard to produce a creation that reflects the latest research finding with regard to the history, anthropology and archeology, indicating every aspect of the lifestyle in the thirteenth century Mongolia. Encompassing, garments, palaces, food, dance, music, weapons, armour, script, culture and art.

    4.    Why “The Secret History of the Mongols – Popular Edition”?

    ·         It will give you the inspiration to think on a global scale and the strength to endure difficult times.

    ·         It will provide you with the managerial skills to lead your team or community effectively.

    ·         From ancient times the Mongolian culture has lived in harmony with nature, therefore it will provide you with incentives to reduce the ecological damage facing the world today.

    ·         An opportunity to learn about the “Tengrism”, the first belief of mankind.

    ·         We require Chinggis Khan’s philosophies and strategy for us to create a better world.

    5.    What will your contribution provide?

    We plan to raise $ 15 000 to enable us to produce the artwork for the third volume and to translate all three volume into English, Spanish and Japanese. This will enable the spread of the actual history of Chinggis Khan completely enhanced with abundant illustrations.

    ·         $ 5 Supporter          Will inspire us

    ·         $ 20 Supporter                  Volume l online version

    ·         $ 50 Supporter        Volume l, ll & lll online version (хэрхэн яаж уншуулахыг судлах)

    ·         $ 100 Supporter      Volume l, ll & lll online version & Chinggis Khan poster

    ·         $ 500 Supporter      Volume l, ll & lll signed book by post & Autographed Chinggis Khan poster

    ·         $ 5 000 Supporter   Will travel in Mongolia and trace the Secret History of the Mongols during the summer of 2016

    We trust that you will contribute generously to support us in spreading the Secret History of the Mongols around the world. Thereby displaying the biography of Chinggis Khan and the culture and history of the Mongol Empire to all!

    The Artist Battsengel Rentsen

    “Let’s spread the Secret History of the Mongols” Foundation

    August 15, 2015

    https://facebook.com/MSHteam

    ENGLISH”>


  • Дандарпэрэнлэйн ГАН-ОД- Электроник үйлдвэрлэл

    Электоникийн ODEL брэндийг үндэслэгч, Монголын Электрон Төхөөрөмж Үйлдвэрлэгчдийн Холбооны тэргүүн, Өндөр технологийн үйлдвэрлэлийг хөгжүүлэх Hi Tech Park төслийг санаачлагч.

    1990- 1999 он хүртэл ОХУ-ын Санктпетербург хотын Технологийн Их Сургууль, ШУТИС- ХМТСургуулийг тус тус дүүргэсэн.

    1999- 2003 онд “Датаком” ХХК-ийн системийн инженер, 2003- 2006 онд Интер банкны мэдээлэл технологийн газрын дарга, 2006- 2007 онд БНСУ, EC Technology Co.,Ltd-ний сүлжээний инженер, 2007- 2008 онд БНЭУ, Micro Technologies Co.,Ltd-ний сервер администатор, 2008- 2009 онд АНУ, “Destron Fearing Co.,Ltd-ний системийн инженерээр тус тус ажилласан туршлагатай.

    2008 онд “Дүйнхэр Тэргүүн” ХХК-ийг програм хангамж, техник хангамж, компьютер тоног төхөөрөмжийн худалдаа, үйлчилгээ эрхлэх зорилгоор үүсгэн байгуулсан. 2012 оноос ODEL брэндийг шинээр буй болгож, электроникийн үйлдвэрлэлд шинэ технологи нэвтрүүлэн, өөрийн брэнд бүтээгдэхүүнүүдээ зах зээлд нэвтрүүлж эхэлсэн. 2012 оноос Япон улсын “KSJ” компанитай бизнесийн түншлэлээ өргөжүүлж, хамтран ажиллаж эхлэсэн.

    Тээврийн хэрэгслийн хяналтын систем, Мал, амьтны хяналтын систем, ODELхөтөч, ODELэлектрон тоолуур зураг бүтээгдэхүүний дизайн, програм хангамжийг зохион бүтээсэн.

    Мэдээлэл технологийн салбарт ажилласан 18 жилийн мэдлэг, дадлага туршлагадаа тулгуурлан өндөр технологийн PCB үйлдвэрийг Монголд байгуулах зорилгоор ажиллаж байна.

    https://www.facebook.com/profile.php?id=1000089585…

  • Д.БАЯР- Электроникийн инженер, зохион бүтээгч

    Зохион бүтээгч, электроникийн инженер

    Техникийн шинжлэх ухааны доктор. Дэлхийн оюуны өмчийн байгууллагын 2014 оны шилдэг зохион бүтээгч. Японы Hitachi группийн эмнэлгийн электрон тоног төхөөрөмж зохион бүтээгч инженерээр 10 жил ажиллаж байгаад сүүлийн жилүүдэд Японуудтай хамтарч захиалгат судалгааны ажил хийж байна.

    Түүний бүтээсэн цахилгааныг 8 дахин хэмнэдэг ECO POWER технологийг Дэлхийн оюуны өмчийн байгууллагаас 2014 оны шилдэг зохион бүтээгчээр тодруулсан байна. “Эрчим хүчийг хуваарилах төхөөрөмж”-ийг Солонгосын компани хурдны галт тэрэгний хөдөлгүүр болон халаалтын системүүдэд тавих 10 жилийн гэрээ байгуулсан.

    Уг төхөөрөмжөө Багшийн хөгжлийн төвийн дэргэдэх Номын худалдааны төвд суурилуулж туршихад 400мКв талбайн сарын халаалтын зардал 400,000төгрөг болсон байна. Хэмнэлтийн эко технологийг нэвтрүүснээр гэр хорооллыг утааг багасгахаас гадна Улсын төсвөөс жилд 180- 200 тэрбум төгрөг хэмнэх боломжтой.

    Мөн дэлхийд ховор нарийн ширхэгтэй Элсэн тасархайн элсийг ашиглан дээд зэргийн ус цэвэрлүүлэх төхөөрөмж, шүүлтүүр үйлдвэрлэж экспортонд гаргах боломжийг бий болгох зорилготой судалгаа хийж байна

    Ярилцлага унших

  • Лхагважавын АРИУНБОЛД- Базальт чулуун хөвөн зохион бүтээгч, инженер

    Базальт чулуун хөвөн зохион бүтээгч, инженер

    Говь-Алтай аймагт төрсөн.

    Монгол базальт ХК-ийн ТУЗ-ийн дарга Л.Ариунболд нь ЗХУ-н Свердловскийн Уралын Политехникийн Дээд сургуулийг Цахиурын эрдсийн ислийн хайлах хими технологийн Инженер мэргэжлээр төгссөн бөгөөд мэргэжлийнхээ дагуу базальт чулуу ашиглан чулуун хөвөн дулаан тусгаарлагч бүтээгдэхүүний үйлдвэр байгуулах санааг гаргаж Дани, ОХУ, БНХАУ болон Европын улс орнуудын туршлагыг судалсны үндсэн дээр эрдэст чулуун хөвөн бүтээгдэхүүн үйлдвэрлэх төслийг 2000 онд боловсруулснаар бизнесийнхээ суурийг тавьжээ.

    2000 оноос Базальт эрдэс чулуунд суурилсан дулаан тусгаарлагч материалын үйлдвэрлэлийн технологи хөгжүүлэх Эрдэм шинжилгээ судалгаа, сорил туршилтын ажлууд дээр Орос, Герман, Дани, Япон, Хятад зэрэг улсуудын Технологи хөгжүүлэлтийн Эрдэм шинжилгээний байгууллагуудтай хамтран ажиллаж туршилтын үйлдвэрлэлийг амжилттай хэрэгжүүлж, Дэлхийд аравхан улс эзэмшдэг энэхүү өндөр технологийн “НОУ ХАУ”-г Монгол эх орныхоо эрдэст түүхий эд болох базальт чулуунд түшиглэн боловсруулж, өөрийн өвөрмөц орц шийдлийг гарган Монгол улсын Оюуны Өмчийн Газраар баталгаажуулан патент авч 2007 онд үйлдвэрээ ашиглалтанд оруулан “BASALTWOOL” брэнд нэрээр Монгол улсын Барилга, Аж Үйлдвэрийн салбарын зах зээл, иргэд хэрэглэгчиддээ нийлүүлээд даруй 11 жил болсон байна.
    Өнөөдөр Монгол Базальт ХК дэлхийн аж үйлдвэрлэлийн 4 дэх хувьсгал, хөгжилд оролцож эдийн засгийн үр өгөөжөөс нь хүртэх ирээдүйг ойртуулах дараагийн шатанд гарах технологи инновацийн шийдэл бүхий алхам хийж байна.
    Дэлхийн хүн төрөлхтний өмнө тулгамдсан асуудал болоод байгаа дэлхийн дулаарал, хүлэмжийн хийг бууруулах хамгийн хялбар арга зам бол барилгын эрчим хүчний зардал, дулааны алдагдлыг 40% бууруулах юм. Бидний үйлдвэрлэж буй базальвүүл чулуун хөвөн тусгаарлагч материалаар барилга, орон сууцаа дулаалснаар нийслэлийн агаарын бохирдлыг 65%, дуу чимээний дарамтыг 40%, галын аюулгүй байдлын эрсдэлийг 100% бууруулж байгаа нь бидний өмнө тулгараад буй агаарын бохирдол, галын аюулын гамшгийг шийдвэрлэхэд хамгийн хялбар шийдэл болох бүтээгдэхүүн болж байна.
    Дэлхий дахинд базальт чулуун мяндсан утасны композит шинэ материалын эрин зуун эхэлж байна. Базальт мяндсан утсаар базальтан арматур, труба, даацын геосетка, сүлжмэл базальтан даавуу, бетон цутгамал хийц, асфалтан замын хүчитгэгч хялгасан базальт болон автомашин, нисэх, усан онгоц хүнд, хөнгөн аж үйлдвэрлэлийн салбарт өргөн ашиглах ирээдүй ирж байна. Энэ бүх технологи “НОУ ХАУ”-г Монгол Базальт ХК 20 гаруй жилийн туршид хөгжүүлж туршилт, сорил судалгааны үр дүнд гарган авч үйлдвэрлэлд нэвтрүүлэхэд бэлэн болголоо.
    Галт уулын магмын халуун хайлмагын царцдасаас тогтсон базальт чулууг олборлож Basaltwool үйлдвэрийн түүхий эдийг бэлтгэх; Basaltwool брэнд нэрээр барилга, эрчим хүч, хөдөө аж ахуй, аялал жуулчлалтын салбарт дулаан тусгаарлах, дуу чимээ тусгаарлах буюу тохируулах зориулалттай rockwool чулуун хөвөн дулаан тусгаарлагч материал үйлдвэрлэх, борлуулах; Basaltwool материал болон базальт чулуунд үндэслэсэн бусад төрлийн үйлдвэрлэлийг хөгжүүлэх төсөл боловсруулах, хэрэгжүүлэх Эрчим хүчний хэмнэлт, дулааны алдагдлыг бууруулах чулуун хөвөн бүтээгдэхүүнийг хэрэглээнд өргөн нэвтрүүлэх аргаар дэлхийн дулаарлыг бууруулах, агаар мандалд ялгарах нүүрсхүчлийн хийг бууруулах, Улаанбаатар хотын агаарын бохирдлыг бууруулахад дорвитой хувь нэмэр оруулах. Үүний тулд улс, орны бүтээн байгуулалт, хөрөнгө оруулалтын томоохон төслүүдтэй хамтран ажиллах. Компани нь стратеги зорилтыг хэрэгжүүлэхдээ компанийн засаглалын зарчмыг удирдлага болгон зохион байгуулалтын хэлбэрээ сонгосон.Түүнчлэн, хүний нөөцийг хөгжүүлэх, үйлдвэрийн аюулгүй байдлыг хангах, бүтээмжийг нэмэгдүүлэх, цэвэр үйлдвэрлэл явуулах, нийгмийн хариуцлагатай бизнесийг хөгжүүлэх бодлогыг баримтлан ажиллана. 

    Ярилцлага унших
    Видео үзэх


    href=”https://www.facebook.com/BasaltAriunbld/”>https://www.facebook.com/BasaltAriunbld/

  • Д.Жаргалсайхан: Бид автобус, троллейбус, дуобус, монбус гээд олон машин хийсэн. Тэдгээрийн дүү болох цахилгаан машинаа хийгээд удаагүй байна

    “Айлаас эрэхээр авдраа уудал” гэдэг. Гадаадаас хэдэн арван сая төгрөгөөр Монголын эрс тэс цаг агаарт тохирохгүй автомашин, автобус худалдаж авахын оронд үндэсний үйлдвэрлэлээ дэмжээд дотоодын зах зээлээ хөгжүүлэх боломж бидэнд байна. Үндэсний аж үйлдвэрийн гүйцэтгэх захирал Д.Жаргалсайханаар ахлуулсан мэргэжилтнүүд цахилгаан автомашин бүтээжээ. Тэрбээр одоо автомашинаа туршин унаж хотын гудамжаар салхи татуулан явна.

    -Та цахилгаан автомашинаа хэзээ бүтээсэн бэ?

    -Би цахилгаан машины мэргэжилтэй хүн л дээ. Автобус, троллейбус, дуобус, монбус гээд олон машин хийсэн. Тэдгээрийн дүү болох цахилгаан машинаа хийгээд удаагүй байна. Дэлхий нийтэд цахилгаан машины хөгжлийн үе эхлэх хандлага оржээ. Үүнтэй монголчууд хөл нийлүүлэн алхаж байна. Энэ нь эдийн засгийн үр ашиг талаасаа боломжийн дүр зургийг харуулж байгаа юм. Өөрөөр хэлбэл, хямд өртгөөр цахилгаан машин хийх боломж харагдаж байна. Тухайлбал, ашиглалтын зардал энгийн унаанаас 5-8 дахин бага гэдэг утгаараа Улаанбаатар хотод ашигтай тээврийн хэрэгсэл гэж бодож байна. Дээр нь агаар бохирдуулахгүй, импортын шатахуун хэрэглэдэггүй, дотоодын эрчим хүчний салбараа дэмжиж худалдан авалт хийх зэрэг ашигтай тал олон. Моод Монголоор дуусдаггүй, Монголоос эхэлдэг технологийн шинэ цаг үеийг авчрахын тулд инженерүүд маань үлгэр дуурайлал болоод шинэ загваруудаа гаргаад явна.

    -Автомашиныхаа загварыг гаргаад удаж байна уу?

    -Дэлхий дээр машинууд үндсэн нэг загвартай байдгаас гадна 2-3 үндсэн зарчим баримталдаг. Аюулгүй ажиллагаагаа хэр хангадаг, салхины эсэргүүцлийн хүч, хүндийн төвийн шийдлүүд зэрэг техникийн тооцоололд үндэслэн автамашины загварыг гаргадаг. Цахилгаан машин дэлхий нийтэд өндөр хэрэглээнд орчихсон. Хэрэглээнээс харж байгаад хамгийн хямд, найдвартай, ашиглаж байгаа хөдөлгүүрийн хүчин чадал өндөр байх гэсэн үзүүлэлтээс үндэслэн ерөнхий дизайн зураглалаа гаргаж авдаг. Өөрөөр хэлбэл, автомашин нь явдаг байшин юм. Хүн байшин барихад яаж эхэлдэг, түүнтэй адилхан 5-6 компани хамтран машин бүтээдэг. Одоо бид цахилгаан машины анхны загвараа өвлийн улиралд туршихаар хүлээж байна. “Монголын цаг агаар, замын нөхцөлд тэсч гарсныг автомашин гэнэ” гэсэн онигоо дэлхий дээр байдаг. Хамгийн эрс тэс уур амьсгалтай, хамгийн хүйтэн хот бол Улаанбаатар. Тиймээс 400 вт-ын цахилгаан халаалтын системийг тавьчихсан байна. Одоо бидний тооцоолол амьдрал дээр биеллээ хэрхэн олохыг харах гэж байна. Үүний дараа зах зээлд нэвтрүүлж олон нийтийн хэрэглээнд гаргахаар төлөвлөсөн.

    -Нэг цахилгаан машин хэдэн төгрөгт бүтэж байна вэ?

    -Анхны юм болгон үнэтэй байдаг. Цахилгаан машиныг бид нэг газраас авчирч худалдаагүй. Үйлдвэрлэж байгаа гэдэг утгаараа судалгаа шинжилгээний ажлууд хийдэг. Цахилгаан машиныг олноор нь үйлдвэрлэвэл нэг бүрийн үнэ буурна шүү дээ. Энэ бол зах зээлийн хууль. Төр, засгийн үйлчилгээний автомашиныг цахилгаан машинаар сольчихвол төсвийн зардал багасна. Жишээ нь, Улаанбаатар хотод 163 автомашин дарга нарын хэрэгцээнд үйлчилж байна. Үүнд 560 сая төгрөгийн бензин зарцуулдаг. Үүний оронд 160 цахилгаан машин оруулчихвал ашиглалтын зардал нь 10 дахин багасна.

    -Цахилгаан машины анхны загвар хоёр хүний суудалтай юм байна. Зорчигчийн суудлын тоог цаашид нэмэх боломжтой юу?

    -Цахилгаан такси хийе гэж бодож байна. Ер нь янз бүрийн зориулалтаар хэдэн ч хүний суудалтай хийх бүрэн боломжтой. Хамгийн гол нь захиалагч юунд хэрэглэх гэж байгаагаас шалтгаална. Тиймээс бид цахилгаан машин авсан эхний 100 хүнд хоёр жилийн баталгаат засвар хийх хугацаа болон таван жилийн хугацаанд засварыг нь хариуцахаар төлөвлөөд байна. Эхний цахилгаан 100 автомашин инженерийн хайр халамжид байна гэсэн үг юм. Хамгийн гол нь цахилгаан автомашиныг одоогоор зөвхөн хот дотор ашиглах боломжтой гэдгийг ойлгох хэрэгтэй. “Тоёота”-гийн хөгжлийн загвар шиг цахилгаан машиныг дагаж олон үйлдвэр хөгжинө, тэр хэрээр олон хүн ажил, орлоготой байна гэсэн үг. Бид япон, солонгосууд шиг хөгжихийг хүсч байгаа бол тэдний аж үйлдвэржилтийн хууль эрх зүйн орчинг бий болгох хэрэгтэй. Ийм боломжийг бүрдүүлээгүй учраас өнөөдөр бид халбага сэрээгээ ч өөрсдөө хийж чадахгүй байна. Үүний тулд тухайлбал, цахилгаан машин бүтээхэд орж байгаа техник хэрэгслийн татварыг тодорхой хугацаагаар тэглээд ижил төстэй бараа бүтээгдэхүүнийх нь гааль, НӨАТ-ыг багахан өндөр тавиад дотоодын үйлдвэрлэлээ хамгаалаад өгвөл энэ технологийг олон монгол залуу эзэмшинэ. “Хьюндай” компанид 100-гаад мянган хүн ажиллаж байна. Ер нь улсад томоохон технологийн хэдэн үйлдвэрлэл байх ёстой. Энэ асуудлыг гаргаж тавихын тулд сүүлийн 10 гаруй жил алдагдалд ороод хүндхэн зам туулаад явна. Тодорхой үр дүн гарах болов уу гэж найдаж байна.

    -Цахилгаан машиныг цэнэглэх цэгийг хэрхэн байгуулах талаар төлөвлөгөө гаргасан уу?

    -Яаж цэнэглэх вэ гээд сандрах зүйл байхгүй. Гар утас цэнэглэдэг шиг ажиллагаатай гэж ойлгох хэрэгтэй. 220 вольтод энгийн нэг залгуураар л цэнэглэнэ шүү дээ. Нэг аккумляторыг гурван жилийн хугацаанд цэнэглээд ашиглах боломжтой. Ерөөсөө л ашиглалтын зардал шатахуун хамгийн бага иддэг автомашинаас 5-8 дахин бага гээд л ойлгочиход болно. Үүнийг батлахын тулд би цахилгаан машинаа өнгөрсөн зунжингаа уналаа. Энэ хугацаанд 2500 км явсан байна.

    -Одоо танаас өөр хүн цахилгаан машиныг унаж байгаа юу?

    -Хүмүүс хэрэгцээндээ тохируулж загвараа гаргаад манай компанид хандаж эхэлж байна. Хамгийн гол нь эхлээд цахилгаан машины зургийг гаргах ёстой. Сайн бодож зураг гаргахад чадварлаг инженерүүд хэрэгтэй байдаг. Гэтэл Монголд ийм инженер цөөхөн байна. Ийм ажил хийдэг хүн дэлхийн хаана ч очсон 2500 ам.долларын цалин авна. Одоогоор бидэнд ажилчдадаа тийм хэмжээний цалин өгөх боломжгүй байна. Тиймээс дотоод нөөц бололцоогоо ашиглан ажиллаж байна.

    -Ховор гээд байгаа энэ ажлын байрын хэрэгцээг хангах боловсон хүчнийг манай их, дээд сургуулиуд бэлтгэдэг үү?

    -Их, дээд сургуулиудад техник, зохион бүтээлтийн программын хичээл заагаад эхэлчихсэн. Бид Төмөрлөг машин үйлдвэрлэлийн үндэсний холбооны шугамаар энэ чиглэлийн олимпиадыг гурван жил дараалан зохион байгуулахаас гадна сайн мэргэжилтэн бэлтгэх олон ажил зохион байгуулж байгаа. Монголчуудын давуу тал нь ямар ажлыг маш амархан сурдаг. Бид энэ чадвараа хэрэгтэй зах зээлд ашиглах хэрэгтэй.

    -Монголын шилдэг инженеүүд гадаадад амжилттай ажиллаж байгаа сураг дуулддаг. Та тэдний нэгийг Монголд авчраад хамтран ажиллаж байгаа юм биш биз?

    -Гуравдугаар курсээс нь эхлээд сургасан шавь нартайгаа ажиллаж байна. Гадаадад ажиллаж байгаа хүнийг урьж болно. Гэтэл тэд бидний жил авах цалинг сард авна гэж ярьдаг.

    -Одоогийн хүчин чадлаар цахилгаан машиныг ямар хугацаанд үйлдвэрлэх боломжтой вэ?

    -Захиалгаасаа хамаарна. Одоо байгаа ажиллах хүчний төвшинд нэг цахилгаан машиныг 14 хоногийн хугацаанд гаргана. Мэдээж 1000 машин захиалбал бид яаж ажиллахаа бодож эхэлнэ шүү дээ.

    -Цахилгааныг машиныг бүтээхэд хэчнээн хүн ажиллаж байна вэ?

    -Манай компани 88 ажилтантай байсан. Захиалга байхгүй учраас хүмүүсээ цомхотгосон. Яг өнөөдрийн байдлаар 10 гаруйхан хүнтэй л ажиллаж байна. Худалдан авагчгүй бизнесийн орчин бүрдээгүй, хууль эрхзүйн орчин байхгүй байна. Бараа бүтээгдэхүүн үйлдвэрлэхээр Хятадаас хямд үнэтэй адилхан бараа оруулж ирээд биднийг бут цохидог. Тиймээс л дотоодын үйлдвэрүүдээ бие даагаад явах хүртэл нь дэмжээд өгөөч гэж хүсээд байгаа юм. 10 мянган хүний ажлын байр бий болгох боломжтой салбар бол энэ. Энгийн хийцтэй тоног төхөөрөмжөөс эхлээд машин механизмыг бид өөрсдөө хийх бүрэн боломжтой. Бас бид заавал бэлэн бүтээгдэхүүн экспортлох шаардлагагүй. Өөр олон боломж бий.

    -Энэ тал дээр хамтарч ажиллахаар ирсэн хүн бий юү?

    -Төр, засгийн төвшинд бидний хийж байгаа ажлыг ойлгож эхэлсэн болохоор нааштай хандаж байгаа хүн бий. 20 экоавтобусаа өгчихлөө, өчнөөн олон монбус, троллейбусаа борлуулчихлаа. Энэ бидний ажилд дэмжлэг болсон. Дээр нь төрөөс аж үйлдвэрийн талаар баримтлах бодлогын баримт бичгийг Улсын Их Хурлаас өнгөрсөн дөрвөн жилд гаргасан. Аж үйлдвэрийн яам ч байгуулсан. Энэ бол асар том давуу тал болж байгаа юм. Удаан л болохоос бидний ажил урагшилж байгаа шүү. Энэ ажлыг цааш нь Монгол Ардын Нам авч яваад хөгжүүлнэ гэж итгэж байна. Ардын намын мөрийн хөтөлбөрт 400 автобусыг дотоодын үйлдвэрээс авна гэж бичсэнийг би аваад хадгалчихсан байгаа. Энэ нь бидэнд итгэл найдвар төрүүлсэн. Дээр нь Засгийн газрын мөрийн хөтөлбөрийг сая баталлаа. Мөрийн хөтөлбөрийн үндсэн үйлдвэрлэл гэдэг дотор металлурги, металл хийц, тоног төхөөрөмж, угсралтын үйлдвэрийг дэмжинэ гээд оруулаад ирлээ. Энэ бүх сайхан мэдээ бидэнд итгэл найдвар өгч байна.

    Бид яриагаа өндөрлүүлж “Экобус” компанийн зогсоол дээр очиход тэдний үйлдвэрлэсэн дунд оврын автобусуудыг байрлуулсан байв. Цэвэрхэн, тохилог, үзэмжтэй харагдах тэдгээр автобусыг аялал, жуулчлалын салбарт ашиглавал тохиромжтой бас хэмнэлттэй юм шиг санагдаж байсныг нуух юун. Д.Жаргалсайхан инженер хотын нийтийн тээврийн хөгжлийн талаар яриагүй ч хийхээр зорьж байгаа зүйл нь нүдний өмнө ил байлаа. Тэрбээр Улаанбаатарыг трамвайтай болгохоор зураг төслөө гаргажээ. Энэ мэт монгол инженерүүдийнхээ эхлүүлсэн ажлыг дэмжээд өгвөл Улаанбаатар утаагүй, эко хот болоход ойрхон байна.

    Эх сурвалж: Unen.mn

  • Даньдайгийн ЖАРГАЛСАЙХАН- Зохион бүтээгч инженер

    Аж үйлдвэрийн гавъяат ажилтан, Монгол Улсын зөвлөх инженер, Монголын Төмөрлөг, Машин үйлдвэрлэлийн үндэсний холбооны дэд ерөнхийлөгч, Монголын зохион бүтээгчдийн холбооны удирдах зөвлөлийн дарга, Аж үйлдвэржилийг дэмжих ард түмний хөдөлгөөний тэргүүн. “JEA-800” троллейбус, “JEA-800M” электробус, “JEA-800F” дуобус, “JEA-800D” монбусны угсралт үйлдвэрлэлийн технологийг боловсруулсан.

    Даньдайгийн Жаргалсайхан нь Ховд аймгийн Булган суманд төрсөн. Ам бүл 7, эхнэр хүүхдүүдийн хамт амьдардаг. Тэрээр 1973- 1983 онд Ховд аймгийн Булган сумын 10 жилийн дунд сургууль, 1983- 1988 онд Чехословак улсын Жилина хотын Тээвэр Харилцааны Дээд Сургуулийг Нийтийн тээврийн хэрэгслийн засвар ашиглалтын инженерээр, 1996 онд Англи улсад удирдлагын менежментийн курсийг тус тус төгссөн. Тэрээр 1988 оноос Цахилгаан Тээвэр компанид график маршрутын техникч, график маршрутын инженер, төв диспетчер, засварын мастер, засварын депогийн дарга, засвар ашиглалт хариуцсан дэд захирал, ерөнхий инженер, ерөнхий захирлаар дэвшин ажиллажээ.

    1980-1990 онд хуучнаар ЗХУ-д сургаж авсан олон инженер техникийн ажилтан ажилчид ажлаа хаяж наймаа бизнес хийж эхэлснээр Цахилгаан тээвэр компани мэргэжлийн ИТА, ажилчдаар дутагдаж эхэлсэн ба тухайн үед троллейбусны засвар үйлчилгээний инженер, засварчдыг шинээр элсүүлэн сургах дадлагажуулах ажлыг зохион байгуулах замаар троллейбусны техник ашиглалт аюулгүй ажиллагааг хангажээ. ЗХУ-с хамааралтай байсан троллейбусны сэлбэг эд анги эрс хомсдож нийт паркийн 50 хувь нь сэлбэг эд ангигүй зогсох үед троллейбусны зарим нэр төрлийн эд ангийг троллейбусны депогийн тоног төхөөрөмж болон Төмөр Замын Засварын Депо, Эрдэнэтийн Уулын Баяжуулах Үйлдвэрийн засвар механикийн заводтой хамтран үйлдвэрлэснээр хүнд байдлаас гарч чаджээ. Энэ үед бүх төрлийн резин сальник, тусгаарлагч материал башмак, башмакны тусгаарлагч, хацар втулкнууд ДК-210, ДК-408, ДК-661 хөдөлгүүрүүдийн статор, якорыг бүрэн ороох, хийн системийн тунгаар үл хөлдөөгч, троллейбусны хойд тэнхлэгийг ЛИАЗ автобусны төв редуктор тохируулан тавих гэх мэт олон шинэ санаачлага гарган үйлдвэрлэлд нэвтрүүлснээр троллейбусны техникийн бэлэн байдлыг шугамын графикт үйлчилгээг хангах түвшинд хүргэж байсан.

    Троллейбусны засвар, техникийн үйлчилгээг графикийн дагуу, технологийн өндөр шаардлага тавин хангуулж ирснээр троллейбусны насжилтыг уртасгаж нийт хөдлөх бүрэлдэхүүний гүйлтийн нормыг 2-4 дахин давуулан явуулж. улс орны хөрөнгө хомс, троллейбусны паркийг шинэчлэх чадамжгүй үед цахилгаан тээврийн үйлчилгээг тасалдуулахгүй байх техник технологийн олон талт ажлыг амжилттай зохион байгуулж парк шинэчлэх хөрөнгө оруулалтыг хэмнэснээр эдийн засгийн ихээхэн үр ашгийг улс орондоо оруулсан инженер билээ. Д.Жаргалсайхан нь 2004 онд Цахилгаан тээвэр тус компаний захирлаар томилогдон нийтийн тээврийн салбарт алдагдалтай ажиллаж байсан компанийг алдагдалгүй болгож 2006 онд JEA-800 загварын троллейбусыг дотооддоо угсрах ажлыг зохион байгуулжээ.

    Дотооддоо троллейбус угсрахын сацуу ашиглалтанд байсан ЗИУ-683 маркын троллейбуснуудад техник технологийн шинэчлэлийг хийж засвар ашиглалтын зардлыг бууруулж компаниа санхүү эдийн засгийн хүндрэлээс гарган троллейбусны гүйлт, насжилтыг уртасгаж чадсан.

    Монголд үйлдвэрлэсэн Троллейбус үйлчилгээнд гарлаа

    Энэ ажлын хүрээнд ЗиУ-683 маркын орос троллейбусны өндөр болон нам хүчдэлийн хэлхээний электро механик удирдлагатай хоцрогдсон системийг транзисторын удирдлагын систем рүү бүрэн шилжүүлсэн ба троллейбусны хий системд ашигт үйлийн коефцент өндөртэй бага оврын тоног төхөөрөмжүүд суурилуулах замаар ОХУ-аас авдаг өндөр үнэтэй олон нэр төрлийн сэлбэгийн зардлыг хэмнэж чадсан.

    Даньдайгийн Жаргалсайхан нь 2006 оноос эхлэн троллейбусны техник ашиглалт аюулгүй ажиллагаа болон зорчигчдийн тав тух аюулгүй байдлыг хангах, техник технологийн шинэчлэлт хийхийн зэрэгцээ хэдийгээр санхүүгийн хүнд нөхцөлд ажиллаж байсан ч 2006 онд Их Монгол улс байгуулагдсаны 800 жилийн ойг угтаж Монгол улсын MN55773:2007 Стандартын шаардлага хангасан JEA-800 маркийн транзисторны удирдлагатай анхны троллейбусыг Монгол улсдаа угсран үйлдвэрлэж чадсан нь ард иргэдийн болон төр засгийн байгууллагуудын халуун дэмжлэгийг хүлээсэн юм.

    2007 онд JEA-800М загварын электробусыг угсран үйлдвэрлэж иргэдийн үйлчилгээнд гаргаснаар тус компаний хамт олон цаашид цахилгаан тээврийн хэрэгслийг Монгол улсдаа угсран үйлдвэрлэх техник технологийн мэдлэг, чадвартай гэдгээ батлан харуулсан.

    Цахилгаан тээвэр компаний хамт олны уйгагүй хөдөлмөр зүтгэл, мэргэжлийн ур чадвараар бий болсон JEA-800 загварын троллейбус, JEA-800M загварын электробуснууд Нийслэлийн Иргэдийн төлөөлөгчдийн хурал, Засаг дарга нарын дэмжлэгийг хүлээж 2008 оноос анхны хөрөнгө оруулалт хийж эхэлсэн билээ.

    ОХУ-ын Москва хотын “Мосгортранс” үйлдвэрийн газар болон Улаанбаатар хотын хоорондын гэрээний дагуу Москва хотын Троллейбусны заводаас нийлүүлэгдсэн 12 ширхэг троллейбусны каркасан дээр троллейбусны цахилгаан болон механик эд анги, тоноглол, агрегат, кузовын дотор салоны угсралтын ажлуудыг амжилттай гүйцэтгэн 2008, 2009 онд ашиглалтанд оруулсан. Мөн Нийслэлийн төсвөөс 2008, 2009 онд нийт 1,0 тэрбум төгрөгийн хөрөнгө оруулалтыг хийсэн бөгөөд энэхүү мөнгөөр 12 ширхэг UBMOS загварын троллейбусыг ОХУ-ын Москва хотын Троллейбусны Заводтай хамтран угсран үйлдвэрлэж үйлчилгээнд гаргасан.

    Компаний санхүүгийн дотоод нөөц боломжийг шавхан дайчлах замаар 2008 онд Солонгос улсын Huyndai фирмийн “Huyndai Aero City-540” маркийн автобусанд реконструкци хийж “JEA-800Т” загварын троллейбус угсран үйлдвэрлэж нийслэлчүүдийн үйлчилгээнд гаргасан нь мөн дэмжлэгийг хүлээж 2009 онд Улаанбаатар хотын Агаарын Бохирдлыг Бууруулах төслийн хүрээнд 500,0 сая төгрөгийн хөрөнгө оруулалтыг авснаар 2009 онд “JEA-800Т” загварын 15 троллейбус угсран шугамын үйлчилгээнд гаргав.

    2007 оноос “JEA-800F” загварын дуобус угсран үйлдвэрлэх техникийн зураг, тооцооллыг хийж дуусган 2008 онд хосолмол хөдөлгүүртэй “JEA-800F” загварын дуобусыг анх удаа нийслэлчүүдийн үйлчилгээнд гаргаж чадсан нь цахилгаан тээврээр үйлчилгээ эрхэлдэг мэргэжлийн олон хүмүүсийн анхаарлыг зүй ёсоор татсан.

    2009 онд Казакстан улсын захиалгаар “JEA-800F” загварын 2 ширхэг дуобусыг экспортонд гаргасан нь Монгол хүний ур чадвар, мэдлэг оюун, нарийн технологи шингэсэн тээврийн хэрэгсэл харь орон руу зорьсон анхны тохиолдол болсон юм.

    Мөн БНХАУ-ын Ченду хотын Цахилгаан тээврийн компаний тээврийн хэрэгслүүд дээр “JEA-800F” маркийн дуобусны хөдөлгүүрийн хосолмол систем нэвтэрсэн.

    2010 онд нийтийн тээврийн цахилгаан машины 5 дахь загварыг гарган авч тэжээлийн 3 эх үүсвэртэй “JEA-800D” загварын Монбус 1-ийг, “JEA-800” маркийн троллейбус 4 ширхэгийг үйлдвэрлэж нийслэлчүүдийн үйлчилгээнд гаргасан юм. Мөн тус онд Японы суудлын автомашин дээр технологийн шинэ шийдэл гаргаж агаар орчин бохирдуулдаггүй цахилгаан машин болгох туршилтыг амжилттай гүйцэтгэжээ.

    БҮТЭЭЛ

    “JEA-800” троллейбус, “JEA-800M” электробус, “JEA-800F” дуобус, “JEA-800D” монбусны угсралт үйлдвэрлэлийн технологи

    Өндөр болон нам хүчдэлийн хэлхээний ачааллын тооцоолол.

    Д.Жаргалсайхан. Дуобус пассажирский двухосный модифакция JEA-800F, руководство по эксплуатаций (ном).

    “JEA-800” троллейбус угсрах MN:5773:2007 стандарт.

    “JEA-800” маркын троллейбус, дуобус, монбус угсрах үйлдвэрийн байрны стандарт.

    “JEA-800” загварын троллейбус, дуобус, монбус “J-800” загварын автобусны угсралт үйлдвэрлэлийн технологи

    боловсруулах ажлыг гардан зохион байгуулжээ.

    Үүнээс гадна том оврын дизель хөдөлгүүртэй автобусыг байгалийн хий /CNG/ түлшинд шилжүүлэх техник технологийн судалгааны ажлыг хийж, цахилгаан таксины бааз байгуулах төсөл зэрэг Улаанбаатар хотын агаарын бохирдлыг бууруулахад ач холбогдол бүхий төслүүдийг боловсруулжээ. Тэрээр МОН-900 маркийн үтрэмийн будаа ачигч, Япон улсын Хонда фирмийн Honda Dazu маркын суудлын автомашинд суурилсан суудлын цахилгаан машин угсрах техникийн зураг баримт бичгүүдийг боловсруулж үйлдвэрлэн гаргажээ. Монгол улсын Төмөрлөг Машин Үйлдвэрлэлийн Үндэсний Холбоог санаачлан байгуулагчийн нэг бөгөөд энэ холбооны шугамаар улс орны Төмөрлөг машин үйлдвэрлэл, өндөр технологийн үйлдвэрлэлийн салбарыг сэргээн босгох үйлсэд хувь нэмрийг оруулж байна.

    Ярилцлага унших

    https://www.facebook.com/jak.xoshuud/
    https://twitter.com/d_jargalsaixan

  • ​Рэнцэнлхүндэв МЯДАГМАА- Нанотехнологич, нано даавуу зохион бүтээгч

    Нанотехнологич, нано даавуу зохион бүтээгч

    Дэд профессор, доктор (Ph.D) Р.Мядагмаа 1995 онд ТИС-ийг Сүлжмэлийн технологич мэргэжлээр төгссөн. 2000 онд ШУТИС, 2004 онд Германы Дрездений Техникийн Их сургуульд магистрын зэрэг хамгаалсан. 2007 онд Германы Штутгардын их сургуульд “Нано жижиг хэсэг үүсгэх, түүгээрээ нэхмэл материал боловсруулаад өвөрмөц, давуу шинж чанартай материал үйлдвэрлэх” сэдвээр докторын зэрэг хамгаалсан.

    Доктороо хамгаалсны дараа Германд 4 жил нано технологийн чиглэлээр ажилласан. Герман Улсад 10 гаруй жил ажиллаж, сурч, судалгааны ажил хийхдээ нано технологийн аргаар даавуу боловсруулах патент авч, үйлдвэрлэлд нэвтрүүлэх зөвшөөрөл авсан. Энэ нь Герман болон Европын холбооны хэд хэдэн улсад үр дүнгээ өгсөн.

    Монголдоо ирээд 2015 онд “Эрдэнэт текс” компанийн ноос угаах үйлдвэр, “Эрдэнэт кашмер”, МУШУТИС хамтран нано даавууны үйлдвэр байгуулсан.

    Нано даавуу нь бохирддоггүй, шороо тоос нэвтрэхгүй, ус, тос болон шингэний гаралтай бохирдол дотогш нэвчихгүй, хүчил, шүлт зэрэг химийн бодисонд түлэгдэж элэгдэхгүй, гандахгүй гэдгээрээ онцгой давуу талуу талтай. Нано даавуугаар уул уурхай, үйлдвэрийн ажилчдын хувцас, сурагчдийн дүрэмт хувцас, гэрийн бүрээс гэх мэт олон төрлийн бүтээгдэхүүн үйлдвэрлэх боломжтой. Нано даавууг хэрэглээнд нэвтрүүлснээр эдийн засаг, эрүүл мэнд, байгаль экологид ээлтэй юм.

    АЖЛЫН ТУРШЛАГА

    1998- 2001 он Техникийн их сургуулийн багш;

    2001- 2003 он ХБНГУ-ын Дрезден хотын Их Сургуульд судлаач;

    2004- 2007 он ХБНГУ-ын Штутгард хотын Их Сургуульд ЭША, багш;

    2007- 2010 он ХБНГУ-ын Dolan GmbH-д инноваци хариуцсан менежер;

    2010 оноос МУШУТИС-ийн дэд профессор;

    БОЛОВСРОЛ

    1995 онд Техникийн их сургуулийн Хөнгөн үйлдвэрийн технололгич, Бакалавр (B.Sc);

    2000 онд Монгол Улсын Техникийн их сургуульд Магистр;

    2003 онд ХБНГУ, Дрезден хотын Их Сургуульд Техникийн ухааны Мастер;

    2007 онд ХБНГУ, Штуттгард хотын Их сургуульд “Preparation and Application of Nanoparticles finishing on Textiles” сэдвээр Байгалийн Шинжлэх Ухааны Доктор (Dr.rer.nat);

    АЖИЛЛАСАН ТӨСӨЛ

    Дотоодын төсөл

    2011- 2013 он “Нанотехнологийн аргаар ус, хир үл нэвтрэх даавууны үйлдвэрлэл” сэдэвт инновацийн төсөл;

    2010- 2012 он “Монгол хонины ноосны гүн боловсруулалтын түвшинг дээшлүүлэх шинэ арга технологи” төсөл;

    2009- 2011 он “Ноос ноолууран бүтээгдэхүүний чийглэг орчинд үнэр өгдөг шинж чанарыг нанохэмжээсийн түвшинд судлах” суурь судалгааны төсөл;

    2008- 2010 он “Биоцид идэвхитэй бодис бүхий ургамлаар нэхмэл, сүлжмэл бүтээгдэхүүнийг боловсруулж бичил биетний хөнөөлөөс хамгаалах технологи” төсөл;

    Гадаадын төсөл

    2011 он Herstellung der wasserabweisenden Textilien mit Nanopartikeln und Anwendung fuer die Jurte;

    2012 он Untersuchung des Waschvorgangs von Rohwolle und deren Waschmittel und Hilfsmittel;

    2013 он Mongolia- Korea Textile Technology Cooperation Program;

    2014 он Inspriring Felt;

  • MONGOLIAN HIGH-TECH PARK Монгол улсад өндөр технологийн үйлдвэрлэлийн парк байгуулах төслийн хөгжүүлэлт, коммуникаци удирдлага

    Төслийг санаачлагч
    Монголын электрон техник үйлдвэрлэгчдийн холбоо

    Хамтран хэрэгжүүлэгч
    “Дүйнхэр Тэргүүн” ХХК, “ Монгол Косэн” ТББ,     Японы улсын “Furnace” Co.,Ltd, Японы улсын “KSJ” Co.,Ltd

    Монгол улсын электроникийн үйлдвэрлэлд шилдэг технологи нэвтрүүлэн электрон төхөөрөмжийн үйлдвэрлэлийн парк байгуулах улмаар Монгол Улсад үйлдвэрлэсэн зэс ашиглан электроникийн үндсэн түүхий эд, бүтээгдэхүүнийг үйлдвэрлэх, экпсортод гаргах зорилготой энэхүү түүхэн их үйлсэд Монголын хөгжилд санаа зовдог бүхий л инженер техникийн ажилтанууд, эрдэмтэн судлаачид, сонирхон судлаачдыг хамтран ажиллахыг урьж байна.

    Mobile: 976- 99107320
    Phone: 976- 70129299
    Address: Sukhbaatar district, 11th khoroolol, J.Batmunkh street, Marco Polo center
    http://twitter.com/ODELteam
    http://facebook.com/ODELteam
    http://creativemongolia.com/odel/

    ТӨСЛИЙН ТАНИЛЦУУЛГА

    MONGOLIAN HI-TECH PARK | Монголын Үндэсний өндөр технологийн үйлдвэрлэлийн парк төсөл by CREATIVE MONGOLIA

  • 4 УЛИРАЛЫН ХҮЛЭМЖИЙН АГРОПАРК ТӨСӨЛ

    АЛСЫН ХАРАА

    Хамтын оюун санаа, хүч, хөдөлмөрөө нэгтгэн жимс, хүнсний ногооны импортыг орлох экологийн цэвэр бүтээгдэхүүн үйлдвэрлэн зах зээлийн тодорхой хувийг хангаж, цаашид үндэсний бренд гарган экспортолж Монголдоо сайхан амьдарцгаая!

    ЗОРИЛГО

    Монгол оронд жилийн дөрвөн улиралд жимс, хүнсний ногоо тариалж өндөр ургац аван, хэрэглэгчдийн эрэлт хэрэгцээнд нийцсэн экологийн цэвэр бүтээгдэхүүн үйлдвэрлэх инженерийн дэд бүтэц бүхий өвлийн хүлэмжийн технологийг нэвтрүүлнэ.

    ЗОРИЛТ

    1. Хүлэмжийн цогцолбор аж ахуйн Үйлдвэрлэлийн үзэл баримтлалыг боловсруулж сонирхолын бүлгүүдэд танилцуулна
    2. Агропаркийн хүлэмжийн нэгжүүдийг шалгаруулж гэрээ байгуулна
    3. Хүлэмжийн цогцолбор аж ахуйн бизнес төсөл боловсруулна
    4. Жижиг дунд үйлдвэр хөгжүүлэх сангаас хөнгөлөлттөй зээл авна
    5. Хүлэмжийн цогцолбор аж ахуйн барилгын зураг төсөв боловсруулна
    6. Хүлэмжийн цогцолбор аж ахуйн удирдлага зохион байгуулалт хийнэ
    7. Хүлэмжийн цогцолбор аж ахуйн инженер технологийн алба байгуулна
    8. Хүлэмжийн барилга байгууламж барих, инженерийн шугам сүлжээ байгуулна
    9. Үрсэлгээ хийнэ
    10. Технологийн ажилчдыг сургалтанд хамруулна
    11. Хүлэмжийн цогцолбор аж ахуйг ашиглалтанд оруулна
    12. Монгол нутгийн хөрсөнд ургуулсан экологийн цэвэр бүтээгдэхүүн зах зээлд байнга нийлүүлнэ

    ХҮЛЭМЖИЙН АГРОПАРК ТӨСӨЛ

  • “МОНГОЛ МЕНЕЖМЕНТ” УДИРДАГЧ, МЕНЕЖЕРҮҮДИЙГ ЧАДАВХИЖУУЛАХ МАНЛАЙЛАЛЫН ХӨТӨЛБӨР

    Хүний нөөцийн судалгааны үндэсний хүрээлэнтэй хамтарсан, Удирдагч, менежерүүдэд монгол хүний үндэсний онцлог, сэтгэлгээний онцлог болон шинэ үеийн ажиллах хүчний (Generation V) онцлогт тохирсон удирдах арга барилыг нэвтрүүлж, удирдах эв зүйг хөгжүүлэхэд чиглэсэн хөтөлбөр.

    Хөтөлбөр: 32акЦаг

    МОНГОЛЫН ХҮНИЙ НӨӨЦИЙН СУДАЛГААНЫ ҮНДЭСНИЙ ХҮРЭЭЛЭН

    ТҮНШЛЭН УДИРДАХ ЭВ ДҮЙ- МАНЛАЙЛАЛ

    Сургалтын зорилго: Удирдах эвдүй, түншлэн удирдах чиглэлээр өндөр түвшинд мэргэшихийг хүсэгчдэд хамгийн орчин үеийн мэдлэг, ур чадвар олгох

    Сургалтын онцлог:

    • Удирдах эвдүйг олгох үндсэн мэдлэг, ойлголтуудаас гадна орчин үеийн арга, техникүүдийг олгоход чиглэсэн цогц хөтөлбөрөөр хичээллэнэ.
    • Хичээлүүдийг менежментийн олон улсын туршлагатай, шилдэг багш, сургагч нар заана.
    • Хичээл бүр тренинг- консалтинг хэсгүүдээс бүрдэж, онол-практик (20: 80) хослуулсан хэлбэрээр, сургалтын орчин үеийн посттренинг аргууд ашиглан явагдана.
    • Сургалтанд оролцогчид өөрсдийгөө сорих сорил, дасгал, кейсүүдээр түвшнээ тогтоох боломжтой.

    Сургалтын давуу тал:

    • Суралцагч өөрийн ажиллаж буй аж ахуйн нэгж  байгууллагын удирдах ажилтанд тавигдах шаардлагыг хангах, ажилтнууд ба багийг удирдах, түншлэн удирдах эвдүй, ур чадваруудыг олж авна. 
    • Суралцагч өөрийн удирдах эвдүй, манлайллын  сул болон давуу талуудыг илрүүлж, шинэчлэх санаа, орчин үеийн арга техникүүдийг мэдэж авна. 
    • Суралцагч өөрийнхөө манлайлах чадвар, удирдах эвдүйг сайжруулах, шинэ санаа арга барилыг тодорхойлох боломжтой болно. 
    АГУУЛГА | МОДУЛЬ
    1. Удирдах эв дүй, манлайлал | 4цаг
    2. Харилцаа, эерэг хандлага | 4цаг
    3. Хүнээ хэмжих, багаа идэвхижүүлэх | 4цаг
    4. Хэрэглэгчийн зан төлвийг оновчлох нь | 4цаг
    5. Дата анализийг бизнесдээ оновчтой ашиглах нь | 4цаг
      Сургалтын захиалга өгөх болон дэлгэрэнгүй мэдээлэл авахыг хүсвэл info@creativemongolia.com болон 88028241, 89811326 утсаар холбогдоно уу. Баярлалаа.

      Бусад холбоос
      https://www.facebook.com/TeamPlayMongolia
      http://creativemongolia.com

      ТҮНШЛЭН УДИРДАХ ЭВ ДҮЙ- МАНЛАЙЛАЛ ХӨТӨЛБӨР

      Огноо

      Модуль

      3цаг 

      Манлайллын загварууд

      Харилцаа ба хувь хүний хөгжил

      Идэвхжүүлэлт ба коүчинг 

      Манлайллын арга барилууд

      Хувийн зохион байгуулалт – цагийн менежмент

      Leadership models

      Communication & Self management

      Motivation and coaching 

      Leadership style – delegation & conflict management

      Time management & self organizing

      Хичээл 

      Дэлхийн болон Монголын бизнесийн байгууллагын шилдэг манлайлал загвар харьцуулалт – цар хүрээ боломж

      Манлайлах чадварын судалгаа үнэлгээ

      Хувь хүний хөгжил ба манлайлал

      Шилдэг манлайллыг илэрхийлэгч бол ухаалаг харилцаа

      Дэмжлэг үзүүлдэг болон мотиваци төрүүлдэг манлайлал, коүчинг

      Төлөөлүүлэн гүйцэтгэх нь манлайллын гол ур чадвар, манлайллын арга барил

      Зөрчлийн менежмент ажлын гүйцэтгэлийг сайжруулагч  

      Цагийн менежмент бол таны цагийг дээд зэргээр нэмэгдүүлэх арга зам, хувийн зохион байгуулалт

      Огноо

      Модуль 

      3цаг

      Багийн ажиллагаа, баг бүрдүүлэлт

      Гүйцэтгэлийн удирдлага ба хяналт үнэлгээ

      Удирдлагын ёс зүйн хэм хэмжээ

      Албан бичгийн стандарт 

      Байгууллагын брэнд соёл ба манлайлал


      Team work & Building

      Performance appraisal & controlling

      Leadership Moral & Ethic’s Code

      Office Document Standart’s & Rules

      Organizational Brand Culture & Leadership

      Хичээл 

      Баг оновчтой бүрдүүлэх нь байгууллагын тасралтгүй үргэлжлэн хөгжих арга зам

      Гүйцэтгэлийн менежментийн үндсэн арга техникүүд

      Гүйцэтгэлийн үнэлгээг бодит практик дээр хэрхэн гүйцэтгэх талаар мөрдөх дүрмүүд

      Манлайлагчийн хууль эрхзүйн чадамжийн түвшин ба хүрээ

      Манлайллын ёсзүйн хэм хэмжээ

      Удирдлагын албан бичгийн чадвар ба соёл, стандарт 

      Байгууллагын соёлыг төлөвшүүлэх хүний нөөцийг удирдах 

      HR брэнд бүтээгч соёл

      ХН-ийн Мэдээллийн систем