Интернэт хэрэглэгчид үнэхээр байгаа юм уу? гээд эргэлзээд байх юм. Тухайн үедээ машин, пуужин, суурин утас, гар утас бүгд л галзуу солиотой хүний санаа байсан. Бүгд л эргэлзэж, тээнгэлзэж байсан. Гэхдээ тэдгээр зүйлс хүн төрөлхтний хэрэглээ болж чадсан. Шинэ хандлагыг түрүүлж туршиж, түрүүлж хөдөлж, алдаж онож явсан нь хождог. Хойш сууж, хойноос нь хөөж, үргэлж 2-р нь явсан нь алддаг. Хүссэн ч эс хүссэн ч, хүн бүр гэрээсээ ажлаа хийгээд, гэрээсээ газрын бичгээ аваад, гэрээсээ ерөнхийлөгчийг загнаад суух тэр цаг тун ойрхон байна. Хэн хандлагыг түрүүлж мэдэрч ойлгож сууриа зөв тавьж чадна. Тэр хожино. Сошиаль медиа бол хандлага. Хандлагыг зөв замаар нь хөгжүүлж шан татах нь чухал. Хүүхдүүд чинь интернэт, сошиал медиаг үр ашиггүй буруу ашиглаж байгаа бол зөв ашиглах үлгэр жишээ нь өөрсдөө байцгаая.
Ялан дийлэхийнхээ цагт би би гэж цээжээ дэлдэх, ялагдан дордохынхоо цагт бусдаас болсон мэт өширхөн гоморхох хүмүүн гэдэг амьтанаас л шал өөр. Ертөнцийн бүх өнгө, ер бусын гоо сайхныг өөртөө агуулах энэ өвснүүд надад зөндөө олон зүйлийг хэлдэг ч ахиад л хүмүүний мөн чанараараа дөнгөж тал хагасыг нь тэмдэглэж амждаг. Шүүдрийн дусал зуусан, сарны гэрэлд салхинаа намуухан бөхөлзөх ганц хазаар өвс цэвэр тунгалаг гоо үзэсгэлэнт бүсгүйтэй төстэй.
Маргааш Олон улсын Эмэгтэйчүүдийн эрхийг хамгаалах баярын өдөр. Энэ л өдөр эмэгтэйчүүд эрхээ хамгаалахын төлөө сэтгэл зүрхээрээ нэгдэн хурал, цуглаан, уулзалтуудад оролцож дэлхий даяар тэмдэглэсээр иржээ. Манай улсын хувьд ч энэ л баярын өдөр эмэгтэйчүүд тулгамдаж буй асуудлуудаа хэлэлцэж, шийдвэрлэх гарцыг хайн эрэлхийлж дуу хоолойгоо хүргэдэг. Тэр ч утгаараа сүүлийн жилүүдэд эмэгтэйчүүдийн нийгмийн идэвх өсөн нэмэгдэж дэлхий нийтийн анхаарлыг татаж буй Монгол улсынхаа хөгжилд манлайлан оролцох болсон билээ. Мөн бид энэ л өдөр ээж нарыгаа, ирээдүйд эх хүн болох бүсгүйчүүдээ баярлуулдаг. Эрхэмсэг Монгол хүмүүн тэр дундаа эмэгтэй хүмүүн болсоноороо бахархдаг бүсгүй танд нэгэн таатай мэдээ дуулгах гэж байгааг зурагнаас гадарласан болов уу? Энэ хорвоогийн эхлэл болсон ээж нарыгаа болон ирээдүйд ээж болох бүсгүйчүүддээ санаанд оромгүй гайхалтай бэлгийг барихаар Халуун сэтгэлт залуучууд хэдийн бэлтгэлээ базаажээ. Тэд юу хийв? Яаж баярлуулхаар шийдсэн бол? “Үнэгүй такси, Өнө мөнхийн цэцэг”….Та боддоо: хаашаа ч юм яаран таксинд гараа өргөн суух бүсгүйг зорисон газарт нь хүргээд төлбөр авахгүй ээ, Баярын мэнд гэх залуусын 2 үгэнд ээжүүд болон бүсгүйчүүд маань хичнээн их баярлах бол, энийг танд хэмээн Хятад сарнай бус хэзээ ч үхэшгүй “Өнө мөнхийн цэцгийг” бэлэглэхэд хичнээн их догдлох бол… Ийм л гайхалтай санааг Халуун сэтгэлт залуучууд бодон олж биелүүлж чаджээ. Тэд яриад л өнгөрсөнгүй хэлсэндээ хүрч өдрийн 4 цагаас үүрийн 3 цаг хүртэл “Өнө мөнхийн цэцэг”, мэндчилгээгээ урласан юм. Санаанд оромгүй гайхалтай санааг олж, хамтдаа нэгэн сэтгэлээр цаг заваа зориулан хэрэгжүүлж чадсан залуусын сайхан сэтгэлээрээ усалж, чин үнэнчээр ургуулсан өнө мөнхийн бэлэг олон эмэгтэйчүүдэд гайхалтай санагдаж жаргалыг бэлэглэх нь гарцаагүй юм. Эрхэмсэг бүсгүй танд үнэгүй таксинд суух, өнө мөнхийн цэцгийг авах ховорхон завшаан тохиох болтугай гэж хүсье…
Монгол улсын Ерөнхийлөгчийн ивээл дор хэрэгжүүлж буй “Хаан түүхтэй Монголчууд” Монгол Судлалын хөтөлбөрийн хүрээнд “Эзэнт Гүрний Соёлын Дурсгалууд” гэрэл зургийн үзэсгэлэн 2013 оны 2 сарын 28-нд Уран зургийн галерейд нээлтээ хийсэн билээ. Үзэсгэлэнд Монголын түүхтэй холбоотой хот тосгон, хөшөө дурсгал гэх мэт түүхэн газруудын 100 гаруй мянган гэрэл зургуудаас дээжлэн толилуулж байгаа юм. Эрхэмсэг Монгол хүмүүн бид агуу түүх соёлынхоо эзэн байх нь туйлын чухал билээ. Тиймээс ч агуу түүх соёлоо эрэн сурвалжилж ард олноо таниулан түгээж буй зоригтон залуусын үйлсийг дэмжин эх түүхээ дээдэлцгээе. Үзэсгэлэн 3 сарын 18 –нд хаагдах тул та яараарай… Сонирхолтой нэгэн мэдээллийг хүргэхэд: үзэсгэлэнгийн нээлтэн дээр Агуу түүхээ зориг гарган эрж хайн тэмүүлсэн, Монгол ахан дүүстэйгээ уулзсан судлаач Санчир эгчийн ээж нь ирсэн байсан бөгөөд охиныхоо сайт дээр ч үзэсгэлэн үзсэн сэтгэгдлээ бичсэн байна. Эхийн сэтгэл үнэхээр агуу юм аа. 
Энэ орчлонд хүмүүн болж төрсөн ховорхон заяаны эзэн танд энэ гайхалтай өдрийн мэнд хүргэе. Бидний амьдралын өдөр бүр аз жаргалаар дүүрэн биш бөгөөд нүдэнд нулимс дүүрч асгаран урсах өдрүүд ч байдаг. Гэхдээ миний хувьд тийм өдрүүдэд ч сайн сайхныг мөрөөдөн гайхалтай хэмээх үгийг сэтгэлдээ шивнээд босон алхдаг. Яагаад гэвэл зовлон гунигтай байсан ч намайг тайвшруулан, баяр гунигийг минь хуваалцах монгол ахан дүүс маань, эх орон минь байгаа цагт энэ амьдрал гайхалтай бөгөөд үнэтэй гэдгийг ухаарсан билээ… Тиймээс ч амьдралын утга учир, үнэ цэнэ болсон хайртай хүмүүсийнхээ төлөө, эх орныхоо төлөө өчүүхэн ч болтугай сайн үйлсийг хийж бүтээхийн төлөө бусдад туслахын төлөө хүсэж зүтгэсээр ирсэн. Харин энэ хүслийг минь ойлгож хүндэтгэн үзэж үргэлж дэмжсээр ирсэн хүмүүсийн нэг бол Ж.Лувсандорж ах юм… 5 жилийн өмнө Лук ах бид 2 танилцаж хүмүүсийн харилцааны тухай, нийгмийн тухай, эх орныхоо ирээдүйн тухай их л удаан ярьж байсан санагдаж байна. 5 жилийн хугацаанд Лувсандорж ах санасан бодсон их олон ажлаа амжуулж бас хэлсэн үг, ярьсан яриагаа мартаагүйгээр барам надад сайн сайхныг бусдад түгээхийн төлөө хамтран ажиллах сайхан саналыг тависан юм. Ингээд Яруу сэтгэгч сониныг санаачлагч, сайн сайхныг бусдад түгээгч Лук ахтайгаа хамтран ажиллахаар яаран ажилдаа орлоо. Хүн бурмаар бус урмаар амьдардаг болохоор урам хайрлаж итгэлээ өгсөн Лук ахдаа дахин баярлалаа…. Цаашид Монгол иргэн бүрт урам зориг, эрч хүч, ухаарлыг бэлэглэхийн төлөө, хийсэн бүтэээсэн үйлс арвинтай яруу сэтгэгчдийнхээ оюуны талхаас хүргэхийн төлөө хичээн ажиллах болноо. Ингээд та бүхэндээ 2013 оныг хамтдаа амжилт бүтээлээр дүүрэн өнгөрөөхийг хүсэе….