creativemongolia

Category: managementteam

  • Сэдбазарын ГАНЗҮГ- Орчин үеийн урлагийн нэрт төлөөлөгч

    Монголын контемпорари урлагийн томоохон төлөөлөгч 

    Чингис хаан музейн Ерөнхий куратор

    Монгол Улсын Соёлын Тэргүүний ажилтан

    Монголын Контемпорари урлагийн төлөөлөгч, перформанс артист С.Ганзүг нь 2000 оноос уран бүтээлээ туурвиж эхэлсэн бөгөөд Монголчуудын уламжлалт арга ухаан, тэнгэр шүтлэг, байгаль эрхистэй харилцах язгуур өгөгдлийг орчин үеийн урлагийн хэлээр илэрхийлсэн бүтээл туурвидгаараа онцлог юм. Тэрээр Монголдоо төдийгүй Нидерланд, Финланд, Герман, Хонг Конг, Тайвань, Солонгос, Итали зэрэг дэлхийн олон улсад өөрийн бүтээлийг толилуулснаас 2015 онд Венеци хотод тэр дундаа Венеци дэх ЮНЕСКО-гийн төв байр болон Giardini-Arsenale талбайн гол дахь орон зайд Монголын уран бүтээлчдээс анх удаагаа үйлдлийн урлагийн “Салхи салхилна… Ус урсана…” үзүүлбэрээ тоглосон байна. 

    https://www.facebook.com/gsedb…

  • Дугарсүрэнгийн БАТЗОРИГ (Bazo)- Зураач, орчин үеийн урлагийн нэрт төлөөлөгч

    Монголын Урчуудын Эвлэлийн нэрэмжит Шагналт /зураач/ МУСТА. Монгол улсаас анх удаа ОХУ-д бүрэн хэмжээний орчин үеийн урлагийн үзэсгэлэн толилуулсан. Дэлхийн 10 гаруй орны орчин үеийн урлагийн музей, галлерейд үзэсгэлэнгээ толилуулсан.

    1979 онд Сүхбаатар аймаг,Эрдэнэ-Цагаан суманд төрсөн.

    Боловсрол:

    1997-2000 “Сэтгэмж” Дизайны Дээд Сургууль

    1999-2004 ДУДэСургууль, Уран зургийн анги

    Ажил:

    2013 Монголын Урчуудийн эвлэлийн удирдах зөвлөлийн гишүүн

    2012 “Хөх нар” орчин үеийн урлагийн төвийн удирдах зөвлөлийн гишүүн

    2009-2012 “Хөх нар” орчин үеийн урлагийн төвийн тэргүүн

    Бие даасан үзэсгэлэн:

    2019 “1×2 REPETITION 1×2” “Улаан гэр” бүтээлч орон зай

    2014 “Хэлбэр үгүй хэлбэр” 976 Арт галерей

    2011 “ЭКО+БИО+УБ=2011” Занаду Арт галерей

    2009 “1х2 ДАВТАМЖ 2х1” Занаду Арт галерей

    2007 “1х45 хүрдэн” Глобус галерей, Санкт-Петербург хот, Орос улс

    2007 “Art works of BAZO” МУЭХ

    Хамтарсан үзэсгэлэн:

    2017 Олон улсын орчин үеийн урлагийн үзэсгэлэн,CHINA ART MUZEUM,SHANGHAI

    2017 Чонжу биенналь,Солонгос

    2016 “ Mongolia Contemporary Art” үзэсгэлэн, МУЭ

    2016 Олон улсын орчин үеийн урлагийн үзэсгэлэн,  Амерка

    2016 “ Торгоны зам “ үзэсгэлэн, МУЭ

    2015 Олон улсын орчин үеийн  үзэсгэлэн, Япон Амерка

    2015 JIA Pingwa cultural музей, Хятад

    2015 Франц Монголын 50 жил үзэсгэлэн, Saint-Cloud галерей Франц

    2015,2016 “ Nord Art “ олон улсын үзэсгэлэн, Герман

    2014 “ Эсвэл “үзэсгэлэн, МУЭ

    2014 “ Цагаан ба Хар” Мааршал Арт галерей.

    2014 “ Х.Чойбалсан” Монголын брэнд Мааршал Арт галерей,

    2013 “ Нүүдэлчидийн ухаан” Монгол ба Франц Монголын Уран Зургийн Модерн Арт галерей.

    2013 “ Монголын орчин үеийн урлаг” МС галерей, New York, USA

    2013 “ Цаг хугацаа ба орон зай” Хаан банк “Улаан гэр” Арт галерей,

    2012 “Азийн 27-р” олон улсын үзэсгэлэн, Тайланд

    2011 “Шилдэг бүтээлийн үзэсгэлэн, Монголын Уран Зургийн Модерн Арт галерей.

    2011 “Modern Mongolia from steppe to urban dynamics”, Гон-Конг

    2010 “Азийн 25-р олон улсын үзэсгэлэн” Монголын Уран Зургийн Модерн Арт галерей.

    2010,2012  “Land Art Mongolia 3600” биенналь, олон улсын үзэсгэлэн, Монголын Уран Зургийн Модерн Арт галерей.

    2010  “Нүцгэн байшин” үзэсгэлэн Пори-Ротердам-Улаанбаатар, Финлянд

    2010 “Mongolia &Mongolia” Red Gate gallery, Бээжин, Хятад

    2010 “Blue Sun Best Art” ILOFT function house, УБ

    2009 “Хамтарсан үзэсгэлэн” Чежү, Солонгос, Сингапур

    2009 “Art party of Mongolia” үзэсгэлэн Хөх нар арт галерей.

    2008 “Mongolia contemporary art” үзэсгэлэн, МУЭ

    2008 “Хамтарсан үзэсгэлэн” Токио, Япон

    2007 “Mongol Brand” үзэсгэлэн, МУЭ

    2007 “Art Forum” үзэсгэлэн ЗанадуАрт галерей.

    2006 “Хөх тэнгэр” үзэсгэлэн, ОХУ

    2006 “Land art” үзэсгэлэн МУЭХ

    2006-2010 “Art camp” үзэсгэлэн ЗанадуАрт галерей

    2006 “Зураас” үзэсгэлэн ЗанадуАрт галерей

    2004-2005 “Оны шилдэг бүтээл” үзэсгэлэн МУЭХ

    Олон улсын урлагийн хөтөлбөр:

     2013 “ Цаг хугацаа ба орон зай” Монгол солонгосын хамтарсан урлагийн хөтөлбөр

    2010 “ Нүцгэн байшин” урлагийн хөтөлбөр Пори-Ротердам-Улаанбаатар “Porignal” галерей Финлянд

    Шагнал:

    2017 Монгол Улсын Соёлын Тэргүүний Ажилтан

    2017 Монгол Улсын Спортын Мастер (Үндэсний сурын харваа)

    2016 Монгол, Орос, Хятад гурван улсын Шилдэг бүтээлийн шагнал

    2014 Монголын Урчуудын Эвлэлийн нэрэмжит Шагнал

    2007, 2010 Монголын Уран Зургийн Модерн Арт галерейн шилдэг бүтээл

    2005 “Хавар-2005” үзэсгэлэнгийн шилдэг бүтээлийн шагнал, МУЭ

    https://www.facebook.com/dugar…

  • Энхбаярын ТЭМҮҮН- Үндэсний реппер, уран бүтээлч

    Зураач, дизайнер, Үндэсний реппер.

    Дүрслэх урлагийн дээд сургуулийн зураасан зургийн бакалавр

    2018 оноос Booway хүүхдийн бүтээгдэхүүний брэндийг үүсгэн байгуулсан. Одоогоор үндэсний хувцасны хэв шинжийг орчин үеийн хэв загварт буулгах үйл хэргийг эхлүүлэн ажиллаж байна. Үндэсний реп, хип хоп урсгалаар уран бүтээлээ туурвидаг.

    Кудогийн спортын ногоон бүс 2 дан, дэд мастер цолтой.

    https://www.facebook.com/boowayofficial

  • Батсүхийн МӨНХБАТ- Ая зохиогч, концерт, энтертаймент найруулагч

    Батсүхийн МӨНХБАТ
    Хөгжмийн багш, ая зохиогч, концертын найруулагч, МУСТА

    1980 оны 3 сарын 22-нд Сүхбаатар аймгийн Баруун-Урт суманд төрсөн. Эхнэр 2 хүүхдийн хамт амьдардаг. Хүүхдийн болон нийтийн, эстрадын 60 гаруй уран бүтээл туурвисан.

    БОЛОВСРОЛЫН МЭДЭЭЛЭЛ
    1988- 1998 он Сүхбаатар аймгийн Арван жилийн 2-р сургууль
    2000- 2004 он Соёлын дээд сургуулийн хөгжмийн багшийн мэргэжлээр дүүргэсэн.
    2022 оноос Соёл Урлагийн Их Сургуулийн, СӨБ-ийн хөгжмийн боловсролын Магистрант

    АЖЛЫН ТУРШЛАГА
    2004- 2008 он Нийслэлийн 46-р сургуулийн хөгжмийн багш
    2008- 2012 он Бүтээлч Монгол нэгдлийн уран бүтээлч, хөгжмийн зохиолч
    2012- 2013 он Сүхбаатар аймгийн Баяндэлгэр сумын ЕБС болон Соёлын төвийн багш
    2014- 2018 он Дорнод аймгийн Хүүхэд гэр бүл хөгжлийн газар, Дэлхийн зөн ОУБ хамтарсан зорилтот бүлгийн эх үрсэд зориулсан “Зөв амьдрал” төслийн багш
    2015- 2018 он “Хэрлэнгийн баръяа” 1080 уртын дуучин төслийн хөгжмийн багш
    2014- 2020 он Дорнод аймгийн Шинэ хөгжил цогцолбор сургуулийн хөгжмийн багш;
    2021- 2023 он Дорнод Их Сургуулийн “Багш урлагийн боловсрол” хөтөлбөрийн багш

    ШАГНАЛ, УРАМШУУЛАЛ

    2015- 2018 он “Шинэ хөгжил” сургуулийн дэргэдэх “Хүслийн жигүүр” найрал дууны хамтлаг нь “Бид дуулж байна” Дорнод аймгийн найрал дууны аварга шалгаруулах тэмцээний аймгийн аварга, гранпри шагналыг 4 жил дарааллан хүртсэн.
    2019 он Хөгжмийн зохиолч Г.Дарамзагд судлалын эрдэм шинжилгээний хурлын 3-р байр
    2021 он Монгол Улсын Соёлын тэргүүний ажилтан цол, тэмдэг


    УРАН БҮТЭЭЛ, НАЙРУУЛАГЧИЙН АЖЛУУД

    Дууны уран бүтээл болон найруулан тавьсан концерт, тоглолтууд:

    Сүүлийн үеийн уран бүтээлүүд болох “Багш эрдэнэ”, “Хослон жаргах хувь”, “Чамтай учирсандаа би азтай”, “Хүсэл бүхэн ойрхон”, “Ирээдүйн хөтөч” (СӨБ-ийн багш нарт зориулсан) зэрэг дуунууд нь олон нийтэд хүрч хит болоод байна.

    Ойн баярын найруулгын ажил: Баяндэлгэр сумын ЕБС-ийн 80 жилийн ой, Дорнод аймгийн Шинэ хөгжил ЕБС-ийн 10 жилийн ой, Дорнод аймгийн Сэргэлэн сумын ЕБС-ийн 60 жилийн ой, Дорнод аймгийн Баяндун сумын ЕБС-ийн 100 жилийн ойн баярыг тус тус найруулан тавьсан.

    2014 он Сүхбаатар аймгийн Баяндэлгэр сумын 90 жилийн ойн баярын найруулагч;
    2015 он Сүхбаатар аймгийн Онгон сумын 90 жилийн ойн баярын найруулагч;
    2018 он Дорнод аймгийн Сэргэлэн сумын 60 жилийн ойн баяр, концертын найруулагч;
    2018 оны 9 сард Халх голын түүхэн ялалтын 80 жилийн ойн найруулагч;
    2018 онд “Тэнгэрийн тамгатай тал” уран бүтээлийн цомог;
    2023 оны 3 сард МУСТА Б.Отгончимэгийн “Цоглог байгаарай” тайлан тоглолт

    “Тэнгэрийн тамгатай тал” цомогт орсон уран бүтээлүүд:

    1. Тэнгэрийн тамгатай тал |Дуучин Х.Лхагвасүрэн (Харанга хамтлаг) МУГЖ, Х.Хаш МУСТА
    2. Шүтээн нутаг | Дуучин Н.Буяндэлгэр МУСТА, Софт музык студийн продьюсер
    3. Хойморт заларсан аав | Дуучин Базарсадын Болдбаатар МУСТА
    4. Ижий нутаг хоёр | Дуучин Батбаатар МУГЖ, Бүх цэргийн дуу бүжгийн чуулгын гоцлол дуучин
    5. Нутагаа саналаа | Дуучин П.Ганзориг МУСТА, Дорнод аймгийн хөгжимт драмын театрын гоцлол дуучин
    6. Нутаг минь дуудаа юу | Үг Ж.Мэндбаяр
    7. Нандин учрал
    8. Сэтгэл минь хэвээрээ
    9. Зүүдний совин | Мөнхжаргал, Гранд музык студи
    10. Ажнай хээр | Н.Баасандорж МУСТА, Софт музык студийн захирал

    ЦОМГИЙН ТОВЧ ТАНИЛЦУУЛГА
    Даяаршил улам бүр хүчээ авч хүн төрөлхтөн адилхан жийнс өмсөж, адилхан машин унаж, гар утас, компьютер, интернэт хэрэглэж, техник технологийг улс бүр адилхан эзэмших боломжтой болсон энэ зуунд үндэстний ялгарал бусад үндэстэндээ сонирхуулах, гайхуулах, бусдаас ялгарах ганцхан зүйл нь өв соёл болоод байна.

    Цаашдаа технологийн хөгжлөөр улс бүхэн ижилхэн түвшинд очих боломжтой болоход өөрийн түүх, соёлоороо ондоошиж, бахархаж, өөрийн гэсэн байр суурийг хадгалж чадсан үндэстэн л даяаршил дунд тэсэж үлдэх юм. Энэ бүхнийг сүүлийн жилүүдэд хүчтэй өрнөж буй Америкийн Холливүүдийн түрэлт, Хятадын Зөөлөн хүчний бодлого, Солонгосын соёлын довтолгоон, Ираны кино урлагийн тэсрэлт зэрэг нь соёлын бодлогоо улс орныхоо хөгжил- үндэсний имижтэй амжилттай уялдуулж байгаа бодит жишээнээс харж болох юм.

    Улс орон дэлхийд өөрийгөө таниулах хатуу болон зөөлөн хүчний бодлого байдаг. Монгол улсын хувьд зөөлөн хүч буюу түүх, соёлоо зөв таниулснаар үндэсний имижээ зөв болгож, өв соёл, хөдөө аж ахуйн бүтээгдэхүүнээ олон улсад борлуулж хүн төрөлхтний тулгамдсан асуудал болох дэлхийн дулаарал, өлсгөлөн, сэтгэлгээний ядуурлыг өөрчлөхөд томоохон хувь нэмэр оруулах бүрэн боломжтой.

    Ийнхүү өв соёл нь Улс орнуудын туйлийн давуу тал болж буй энэ цаг үед бид ч мөн адил өөрсдийн өв соёлоо судлан сэргээж, товойлгон хөгжүүлэх нь монгол хүний эрхэм үүрэг болж байна. Монголын түүх, соёл, эд өлгийн дурсгалыг шинжлэн судлах, сурталчлан таниулах, улмаар олон нийтэд, тэр дундаа залуу үед өвлүүлэн уламжлуулах нь монгол үндэстэн оршин тогтнох, монголын нийгэм тогтвортой хөгжихөд зайлшгүй чухал юм.

    Бид энэхүү цомгоороо монгол нутгийн үзэсгэлэнт байгаль, монгол хүний ёс жутаг, монголоороо байх ухааны тухай өгүүлж, хойч үедээ үлдээхийг зорьж байна.

    ДУУНЫ УРАН БҮТЭЭЛҮҮД

    ТЭНГЭРИЙН ТАМГАТАЙ ТАЛ

    Үг. Батсүхийн Барсболд

    Дөрвөн настай зээрдийн

    Дөмөлзөн хатирах явдалд нь

    Дарьгангын уулс цэнхэртээд байна

    Дөрөөн дээрээ босон дуулъяа

    Дахилт

    Сэтгэлийн галыг бадраасан

    Тэнгэрийн тамгатай тал минь

    Ухааны суу цалгиасан

    Бурхадын адистат нутаг минь

    Сайн эрсийн тангарагтай

    Шилийн богд наран ганжиртай

    Хилээ манасан зүрхэн ууландаа

    Хүүгийн сэтгэлээр хадгалаж очъёо, би

    Дахилт

    Улаан залаатай хөх Монголын минь

    Гал манасан дошгин хайрхан

    Учрал тавиланд мөнхжин заяасан

    Газар тэнгэрийг хурайлах хийморь минь

    Дахилт

    ШҮТЭЭН НУТАГ

    Үг. Батсайханы Цэрэннадмид МУСТА

    Адуучны исгэрээтэй тал минь

    Аялгуут дуу хуур эгшиглэсэн

    Аавын минь сэтгэл шиг дөлгөөхөн талаа

    Амин зүрхэндээ дээдэлж явна аа, би

    Дахилт

    Аргалын утаатай цэнхэр талаа, би

    Амин зүрхэндээ шүтэж явна аа, би

    Агийн үнэртэй уужимхан тэнүүн

    Төрсөн нутгаа дуулаж явна аа, би

    Эцэг өвгөдийн минь шүтээн хайрхантай

    Элэнц дээдсийн домогтой

    Аав ээжийн минь голомтоо бадраасан

    Алтанхан талдаа хийморьтой явна аа, бий

    Дахилт

    Холын гийчний хараа булаасан

    Ховорхон эрднийн тансаг нутаг минь

    Хос морьтны заяаг далласан

    Хүслийн тэнгэртэй шүтээн нутаг минь

    Дахилт

    НУТАГ ИЖИЙ ХОЁР

    Үг: Ц.Мягмардорж

    Өр зүрхнээс уяатай өврийн сайхан хангайдаа
    Өөдөө өргөдөг сүүгээрээ хүйн холбоотой ижий минь
    Өнө мөнхийн аз жаргалд умбуулах гэсэндээ
    Өвөгдийн алтан сургаалаа хэдэнтээ давтдаг буурал минь

    Харах нүднээ тодроостой хангай сайхан нутагтаа
    Хамаг бүхнээ даатгадаг сэтгэлээрээ холбоотой ижий минь
    Үр нутаг хоёроо алсран холдох вий гэсэндээ
    Үлгэр дурсамж хоёрыг амилтал ярьдаг буурал минь

    Ухаан санаанд мөнхрөөстэй уянга дүүрэн бууриндаа
    Уул усандаа залбирдаг бодлоороо холбоотой ижий минь
    Гэгээн цэнхэр аялгуу тасран одох вий гэсэндээ
    Гэзгэндээ сар гийтэл бүүвэй аялдаг буурал минь

    Салгаад холдуулж боломгүй амь нэгтэй юмаа
    Сэтгэлээ дэвсэж хүлээдэг зүрх нэгтэй юмаа
    Нулимсанд торсон ухаарал бодолд шингэхийн зуур
    Нутаг ижий хоёроо хайрлан байж дурслаа

    ЦОМГИЙН ХАМТАРСАН УРАН БҮТЭЭЛЧИД

    Х.Хаш МУСТА, Монгол улсын онц хилчин

    2015 онд ОХУ-ын цэрэг, эх орны сэдэвт дууны уралдаанд тэргүүн байрын шагнал хүртсэн.
    2015 онд Путин ерөнхийлөгчийн айлчлалын тоглолтын уран бүтээлч
    Босго тотго киноны дуу, Домогт хил, Дэслэгц, Офицер дуугаараа олонд хүрсэн.

    Б.Батбаатар МУГЖ, Бүх цэргийн дуу бүжгийн чуулгын гоцлол дуучин. Азийн анхны “Чингис Хаан” рок дуурийн гол дүр, гоцлол дуучин

    https://www.facebook.com/MusicianMunkhbat

    http://creativemongolia.com/

  • Сүрэнгийн БАТБАЯР- Хэвлэлийн үйлдвэрлэл

    Хэвлэлийн үйлдвэрлэл, үйлчилгээ

    • График дизайн, хэвлэлийн үйлдвэрлэлийн салбарт 10 гаруй жил ажилласан түүхтэй.
    • Газар тариалан, хүнсний бүтээгдэхүүний тээвэр ложистикийн чиглэлд туршлагатай.
    • “Богд- Үйлст” ХХК-ийн захирал, ҮТУХ-ийн Төслийн зохицуулагч

  • Бадамгаравын БАТ-ӨЛЗИЙ- Урлагийн боловсрол, урлагийн менежмент

    Төгөлдөр хуурч, урлагийн менежмент

    “Эгшиглэн классикал мюзик” ХХК-ийн захирал, Япон улсын хөгмжийн нэрт брэнд болох Kawai корпорацийн Монгол дахь албан ёсны төлөөлөгч.

     2008 оноос эхлэн бүх нийтийн урлагийн боловсролын чиглэлээр олон төсөл хөтөлбөрүүдийг санаачлан удирдаж байснаас гадна Монголын хүүхэд, залуучуудад зориулсан төгөлдөр хуурын анхны цуврал сурах бичгүүд болох PIANO I, PIANO II болон “Болор төгөлдөр хуурын домог”, “Эгэл ертөнц”, “Зуныг мөрөөдсөн гөлөг” зэрэг номын зохиогч.

    2018 онд Монголын нийт хүүхэд залуучуудад зориулан C channel Education TV буюу Монголын анхны реклам сурталчилгаагүй, улс төргүй, 100 хувь боловсролын телевизийг үүсгэн байгуусан.

    2021 онд “Монгол авъяасыг дэлхийд” гаргах зорилготой Art of Ulaanbaatar төвөө үүсгэн байгуулсан.

    Никитон хамтлаг, дуучин Наран, Hotspot хамтлаг, 3 охин хамтлаг зэрэг рок попын үе үеийн шилдэг уран бүтээлчидтэй хамтран ажиллаж байснаас гадна “Бид нэг мөрөөдөлтэй” өөрийн бие даасан цомгийг Монголын өнөө цагийн хамгийн шилдэг хөгжимчид, уран бүтээлчидтэй хамтран бүтээсэн.

    АЖЛЫН ТУРШЛАГА
    2002- 2006 он Урлаг гоо сайхны төв ТББ-ын гүйцэтгэх захирал;
    2006- 2007 он Улаанбаатар хотын банкны гадаад харилцаа маркетингийн албаны ахлах мэргэжилтэн;
    2007- 2009 он Капитал банкны маркетингийн албаны захирал, Капитал банкнаас Засгийн газрын 40,000 орон сууц хөтөлбөрийг хэрэгжүүлэх ажлын хэсгийн ахлах;
    2009 оноос UP music production-ийн продюсер;
    2009 оноос Эгшиглэн төгөлдөр хуурын сургуулийн захирал;
    2014 оноос Япон улсын Kawai корпорацийн Монгол дахь албан ёсны төлөөлөгч;
    2019 оноос C Channel TV-ийн үүсгэн байгуулагч
    2021 оноос Art of Ulaanbaatar төвийн үүсгэн байгуулагч, захирал

    УРАН БҮТЭЭЛ
    2002 онд “Монголын хүүхдийн төлөө үндэсний газар”-ын сүлд дуу болох “Хүүхдэд ээлтэй дэлхий” дууг зохиосон бөгөөд энэхүү дуу нь Монгол орны 21 аймаг, Ази номхон далайн олон улсын хүүхдийн чуулганд Монгол орныг төлөөлөн дуулагдсан.
    2011 онд “PIANO 1” төгөлдөр хуурын сурах бичгийн зохиолч. Дэлхийн шилдэг 21 бүтээлийг найруулан, хөгжмийн онол, түүхийн үечлэлийг багтаасан энэхүү сурах бичиг нь Монголын төгөлдөр хуурын нийтэд зориулсан анхны сурах бичиг юм. Мэргэжлийн сургалтын төвүүд, мэргэжлийн багш нар уг номыг ашиглан сургалтаа явуулдаг ба өнөөг хүртэл Монголын нийтэд зориулсан цор ганц сурах бичиг юм.
    2014 он “PIANO 2” мэргэжлийн түвшиний сурах бичгийн эмхтгэлийг бүтээсэн. Дэлхийн шилдэг хөгжмийн зохиолчдын шилмэл бүтээлүүдийн эмхтгэл ном.
    2014 он “Бид нэг мөрөөдөлтэй” бие даасан цомгоо гаргасан. Цомгийн “Бид нэг мөрөөдөлтэй”, “Бүсгүй”, “Хайр” зэрэг дуунууд нь 2011, 2012, 2013 онуудад ХИТ дуунууд болсон.

  • Агвааншаравын БАТБАЯР- Санхүү, дата анализ

    Эдийн засагч, санхүүч, гадаад худалдаа

    • Төслийн судалгаа хөгжүүлэлт
    • Эдийн засгийн загварчлал
    • Гадаад худалдаа

    БОЛОВСРОЛ

    АНУ, Лос анжелас Alumni of UAAF

    Санхүү эдийн засгийн дээд сургууль, Эдийн засагч

      АЖЛЫН ТУРШЛАГА

      2020 оноос Гадаад худалдаа. АНУ-н зах зээлд монгол брэндийг гаргах

      2018 оноос Милл хаус үйлдвэрлэлийн менежментийн шинэчлэл баг, дата анализ

      2013- 2017 MCS, Спирт бал бурам төслийн санхүүч, зах зээлийн судалгаа, санхүүгийн загварчлал

      2012- 2013 ZCH Mines LLC санхүүгийн шинжээч

      Аялал жуулчлалын менежер, орчуулагч

    • Гантөмөрийн ЭНХБАЗАР- Сургалт хөгжил, байгууллагын соёлын хөтөлбөр


      2001- 2005 онд Кино Урлагийн Дээд сургуулийг Жүжигчин, найруулагчийн мэргэжлээр дүүргэсэн. 
      2007- 2008 онд Батлан хамгаалах их сургуулийг Сэтгэлзүйч мэргэжлээр, дэслэгч цолтой, бакалавр зэрэгтэй дүүргэсэн.

      АЖЛЫН ТУРШЛАГА

      2005- 2007 онд МҮОНТВ-ийн, Үдшийн хэмнэл студид туслах найруулагч
      2008- 2010 он Зэвсэгт хүчний 326-р ангийн Соёл хүмүүжлийн албаны дарга
      2010- 2012 онд Delta entertainment болон Бүтээлч Монгол Нэгдэл хамтран Делта контракшн компанид хэрэгжүүлсэн Байгууллагын соёл, сургалт хөгжлийн хөтөлбөрийн менежер
      2013- 2015 онд Кар Турист ХХК-д менежер, аялал зохион байгуулагч
      2015- 2016 онд Сонгино Хайрхан дүүргийн Соёлын ордоны дарга, найруулагчаар тус тус ажиллаж байсан.

      2017- 2019 онд ОХУ, Улаан- Удэ хотод Зоогийн газар, аялал жуулчлалын үйлчилгээ эрхлэсэн.

      НИЙГЭМ, ОЛОН НИЙТИЙН АЖЛУУД

      2010 он UBTwestival жиргээчдийн наадмын хамтран зохион байгуулагч

      2013 он Тэнгэрийн сүм эх орон хүмүүнлэгийн тоглолтын туслах найруулагч

      2016- 2018 онд “Багийн тоглолт” багийн сургалтын зохион байгуулагч

      БҮТЭЭЛҮҮД

      https://www.facebook.com/enkhee.gantumur.7

    • Баярмагнайн ЦЭЦЭГБАЯР- Орчуулагч, Олон улсын соёлын харилцаа

      Орчуулагч

      Нийгэм соёлын чиглэлээр дотоодын болон ОУ-ын төсөл дээр зохицуулагч, орчуулагчаар ажиллаж байсан туршлагатай. Нийгмийн хөгжил дэвшилд хувь нэмрээ оруулж ирээдүйд НҮБ-д ажиллах эрхэм зорилготой.

      “Бүтээлч Монгол” нэгдэлд 2012 оноос одоог хүртэл ажиллаж нийгэм соёлын бүтээлч төслүүдийг хамтран хэрэгжүүлсэн. Байгууллагын сургалт хөгжлийн хөтөлбөр, баг хөгжүүлэх хөтөлбөр, нийгэмд чиглэсэн бүтээлч төслүүдийг хөгжүүлэх, олон нийтийн арга хэмжээ зохион байгуулах чиглэлээр туршлагатай.

      Нийгмийн чиглэлд “Бүтээлч Монгол” бүтээлч үйлдвэрлэлийг дэмжих аян, “Тэнгэрийн сүм эх орон” хүмүүнлэгийн тоглолтын зохион байгуулалтын багт тус тус ажилласан. Соёлын чилэлд KAWAI Монголд албан ёсны нээлтийн арга хэмжээнд зохицуулагч болон “Алтай ятга” сэргээн нутагшуулах үндэсний өв соёлын төсөл дээр орчуулагчаар ажилласан. Байгаль орчны чиглэлээр 2011 оноос World Garden Mongolia төсөл дээр сайн дурын оролцоотойгоор одоог хүртэл дэмжиж ажиллаж байгаа бөгөөд Teamwork& Teamplay сургалтын сургагч багш.

      Азийн Хөгжлийн Банкны Эрчим хүчний хэмнэлт болон Усны менежментийн тендерийн ажлын хэсгийн багт модератор, орчуулагчаар ажиллаж байсан.

      Интернэт орчинд оновчтой хайлж хийж, төрөл бүрийн судалгаа хийж боловсруулах ур чадвартай.

      Англи, Франц, Хятад хэлтэй.
      Twitter | Facebook

    • Дугарсүрэнгийн БАТНЭГЭН- График дизайнер, хэвлэлийн үйлчилгээ

      Үндэсний бүтээгдэхүүн брэндүүдийн өнгө төрхийг дэлхийн хаана ч голдогдохооргүй болгох зорилготой ажиллаж байна. Дизайн, брэндинг, хэвлэлийн салбартаа 15 жилийн туршлагатай. 2008 оноос хэвлэл, график дизайны “Мөнгөн бул” ХХК-ийг үүсгэн байгуулж удирдан ажиллаж байна.