creativemongolia

Category: consulting-service

  • ТАСО GROUP ХЭВ ХАШМАЛЫН ҮЙЛДВЭР СТРАТЕГИ БИЗНЕСИЙН ЗӨВЛӨХ ҮЙЛЧИЛГЭЭ

    ТАСО ХХК
    БАРИЛГЫН ХЭВ ХАШМАЛЫН ҮЙЛДВЭРЛЭЛ, ХУДАЛДАА, ТҮРЭЭС, ЗАСВАРЫН ЦОГЦ ҮЙЛЧИЛГЭЭ

    1. Стратеги, бизнесийн зөвлөх үйлчилгээ
    2. Бодлогын бичиг баримт боловсруулалт
    3. Цогц танилцуулга
    4. Байгууллагын брэнд имиж бүрдүүлэлт
    5. Брэнд мессеж
    6. Сурталчилгааны агуулга

    1.МЭНДЧИЛГЭЭ

    “ТАСО” ХХК 2012 оноос Монголдоо анхны барилгын хэв хашмалын үйлдвэрийг байгуулан дотооддоо барилгын хэв хашмалын үйлдвэрлэлийн дэвшилтэт технологийг амжилттай нутагшуулан ажиллаж байна.

    Хэв хашмал нь барилгын бүрэн цутгамал хийцийн тэргүүлэгч технологи бөгөөд цаг хугацаа, зардал хэмнэдэгээрээ хамгийн давуу талтай юм. Манай үйлдвэр дэвшилтэт технологийг Монголдоо нутагшуулахын төлөө тууштай ажиллаж байгаа бөгөөд, импортоос 100% хамааралтай байсан барилгын хэв хашмалаас гадна, дотор булан, ханч панел зэргийг дотооддоо үйлдвэрлэж зах зээлд нийлүүлж байна.

    Манай компани Монголдоо анхны хэв хашмалын засварын бүрэн автоматчилагдсан шугам нээн ажиллуулж байна. Хэв хашмалын засвартай холбоотой бүхий л асуудлыг тань бид бүхэн шийдэж өгөх болно.

    Мөн тусгай хийцийн хэв хашмал үйлдвэрлүүлэх, хэв хашмал болон дагалдах эд ангиудыг түрээслэх, хэв хашмалын тай, бусад дагалдах эд ангиуд, сапуд зэргийг захиалгаар хамгийн доод үнээр нийлүүлэх үйлчилгээ үзүүлж байна.

    Хэрэглэгч та бүхнийхээ итгэлийг алдахгүй хичээн ажиллах болно. Үйлдвэрлэлийн дэвшилтэт технологийг Монголдоо нутагшуулахын төлөө!

    Хүндэтгэсэн,

    Т.Отгонбаяр

    “ТАСО“ ХХК-ийн захирал

    2. БИДНИЙ ТУХАЙ

    “ТАСО” ХХК-ны хэв хашмалын үйлдвэр нь импортоос 100% хамааралтай байсан барилгын хэв хашмал болон дагалдах эд ангиудыг дотооддоо үйлдвэрлэж, дотоод гадаадын зах зээлд нийлүүлэх эрхэм зорилготойгоор 2012 онд байгуулагдсан. Одоогоор Үйлдвэрлэлийн хэлтэс, Хангамжийн хэлтэс, Хэрэглэгчтэй харилцах хэлтэс гэсэн бүтэц зохион байгуулалттайгаар 30 гаруй хүнийг ажлын байраар хангаж ажиллаж байна.

    Байгуулагдсанаасаа хойших хугацаанд БНСУ-ын үйлдвэрлэлийн орчин үеийн технологийг Монголдоо амжилттай нутагшуулж олон улсын стандартын өндөр чанарын барилгын хэв хашмал буюу пум, дагалдах эд ангиуд болох гадна булан, дотор булан, тай зэргийг үйлдвэрлэх технологийг бүрэн эзэмшиж, бүтээгдэхүүнээ зах зээлд нийлүүлж байна.

    Бид Монголдоо ХЭВ ХАШМАЛЫН БҮРЭН ЦУТГАМАЛ технологийн үндсэн хэрэгсэл болох хэв хашмалыг үйлдвэрлэсэнээр Бүтэн цутгамал технологийг улам эрчимжүүлэн хөгжүүлж Улсынхаа эдийн засаг, байгаль орчинд үнэ цэнтэй хувь нэмрийг оруулж чадах юм.

    Манай үйлдвэр нь барилгын хэв хашмалтай холбоотой цогц үйлчилгээ үзүүлдэг бөгөөд Монголдоо анхны хэв хашмалын засварын бүрэн автоматчилагдсан шугамыг нээн ашиглаж, эвдэрсэн хэв хашмалыг засварлан шинэчлэх үйлчилгээ үзүүлж байгаа нь хэрэглэгчид мөнгөө хэмнэх томоохон бололцоог нээж өгч байна. Хэв хашмалын засвартай холбоотой бүхий л асуудлыг тань манай үйлдвэр шийдэж өгөх болно.

    ТАСО ХХК-ны цогц үйлчилгээний бас нэг хэсэг бол түрээс болон buy-back үйлчилгээнүүд бөгөөд хэв хашмал, дотор булан, гадна булан түрээслэн авч үйлчлүүлж болно. Дахин дурьдахад тай буюу холбоос төмрийг хэрэглэгчийн хүссэн хэмжээгээр үйлдвэрлэн импортоос оруулж ирэх үнээс доогуур үнээр нийлүүлж байна.

    Манай үйлдвэрийн үйлдвэрлэж байгаа бүхий л бүтээгдэхүүн импортын үнээс эрс доогуур байгаа бөгөөд хэвийн үйлдвэрлэлдээ чанартай all-hardwood тего хавтан ашиглаж байгаа учир бөх бат, удаан хэрэглээтэй хэв хашмал үйлдвэрлэгдэж байна. Импортоор орж ирдэг хэв хашмалын ашиглалтын хугацаа богино байгаагийн гол шалтгаан нь БНСУ-ын үйлдвэрүүд хамгийн хямд хятад фанер хэв хашмалдаа ашиглан Монголын хэрэглэгчидэд хямд үнэ санал болгон борлуулж байгаатай холбоотой юм.

    Мөн тусгай хийцийн хэв хашмал, дотор булан, зам гүүрийн тунелийн цутгалтанд ашиглагддаг ханч панел зэргийг захиалгаар үйлдвэрлэж, таны барилгад хэрэгцээтэй бусад бүх төрлийн бараа материалыг захиалгаар хямд үнээр нийлүүлж байна.

    Дахин онцлоход одоо хэв хашмал, дагалдах эд ангиудыг худалдан авахаар хилийн чанд руу явах шаардлагагүй боллоо.

    Одоогоор Дельта констракшн, БҮТИ ХХК, Мапроуд ХХК, Роял Нью Кэстл ХХК, SAMSUNG, Эрин интернайшнл, Жигүүр гранд, Хера констракшн, Материал инпекс ХХК, Номин реолтар ХХК, Хасуу цамхаг ХХК, Билэгт Зам ХХК, Апу хангамж ХК, Баганат өргөө зэрэг барилга бүтээн байгуулалтын тэргүүлэгч 50 гаруй компаниудтай тогтмол хамтран ажиллаж байна.

    3. АЛСЫН ХАРАА

    Дэвшилтэт технологийн үйлдвэрлэлээрээ Монголдоо тэргүүлж үндэсний хөгжилд бодитой хувь нэмэр оруулна.

    4. ЭРХЭМ ЗОРИЛГО

    Барилгын дэвшилтэт технологийн үйлдвэрлэлээр Монголдоо тэргүүлнэ.

    5. УРИА

    ҮЙЛДВЭРЛЭЛИЙН ДЭВШИЛТЭТ ТЕХНОЛОГИЙГ МОНГОЛДОО НУТАГШУУЛАХЫН ТӨЛӨӨ

    7.БҮТЭЭГДЭХҮҮН, ҮЙЛЧИЛГЭЭ

    ҮЙЛДВЭРЛЭЛ

    Манай үйлдвэр хэв хашмал, дотор булан, ханч панел, тусгай хэмжээтэй хэв хашмалыг үйлдвэрлэж байна. Хэвийн үед өдөрт 300- 400 хэв хашмал үйлдвэрлэх хүчин чадалтай бүрэн автомат шугамтай бөгөөд, үйлдвэрлэлийн илүү дэвшилтэт технологийг нутагшуулхын тулд БНСУ-ын инженер техникийн 2 ажилтан үйлдвэрлэлийн процессыг байнга сайжруулан Монгол залуусын хамт ажиллаж байна.

    Хэв хашмал, дотор гадар булан, хэвийн түгжээ бэхэлгээний турба, зэргийг худалдаалж байна.

    ЗАСВАР ҮЙЛЧИЛГЭЭ

    Манай үйлдвэр дотоодын цорын ганц солонгос стандартын бүрэн автоматчилагдсан хэв хашмалын засварын шугамтай бөгөөд таны хэв хашмалыг стандартын дагуу засах үйлчилгээ үзүүлж байна. Мөн дотор булан болон бусад дагалдах эд ангиудыг засаж байна.

    Хэв хашмалын гадна хэсгийг цементээс тусгай автомат машинаар цэвэрлэж, дотор хэсгийг даралтат хийн төхөөрөмжөөр цэвэрлэж, эвдэрсэн төмөр хэсгийг шинээр гагнах, салсан хэсгийн гагнуурыг хийх, өндөр чанарын тего хавтан шинээр сольж үйлчилж байна.

    ТҮРЭЭС&BUY- BACK ҮЙЛЧИЛГЭЭ

    Манай компани хэв хашмал болон дагалдах хэрэгслүүдийг түрээслэхээс гадна та бүхний хуучин хэв хашмал болон бусад дагалдах хэрэгслүүдийг буцаан худалдан авах үйлчилгээ үзүүлж байна.

    ЗАХИАЛГААР ХАНГАН НИЙЛҮҮЛЭХ ҮЙЛЧИЛГЭЭ

    Таны барилгад хэрэгцээтэй бүхий л бараа бүтээгдэхүүнийг захиалгаар хямдаар нийлүүлэх үйлчилгээг БНСУ дах салбараараа дамжуулан гүйцэтгэж байна. Та бүхэн барилгын тай, солонгос стандартын бэхэлгээний, гадна заслын турба болон бусад зүйлсийг олон тоогоор хямдаар худалдан авъя гэвэл бидэнд хандаарай.

    8.ХЭВ ХАШМАЛЫН ДАВУУ ТАЛ

    САНХҮҮГИЙН ХЭМНЭЛТ

    Манай хэв хашмал олон дахин ашиглагддаг бөгөөд 40 удаагийн цутгалт хийх боломжтой учир зардалд хэмнэлттэй. Цаашилвал улсын эдийн засагт маш их хэмнэлттэй.

    ӨНДӨР БҮТЭЭМЖ. БҮРЭН ЦУТГАМАЛ технологи нь 8 баллд тэсвэртэй, өнгө үзэмж сайтай, хог хаягдал багатай олон улсад хүлээн зөвшөөрөгдсөн өндөр бүтээмжтэй технологи юм. Хэв хашмалыг УГСРАХАД ХЯЛБАР, ямар ч хүнийг сургаж болохуйц хялбар бөгөөд нарийн мэргэшсэн мужаан шаарддаггүй энгийн технологи. Мөн цөөхөн хүн өндөр бүтээмжтэй ажиллах боломжтой. Сайн төлөвлөж чадвал 3- 5 хоногт л 1 давхарыг цутгадаг. Бүрэн цутгамал хийцийн гадаргуу өө сэвгүй тэгш сайхан гардаг тул заслын ажлыг ихээхэн хөнгөвчилж, өртөг зардлыг бууруулдаг юм.

    ЦАГ ХУГАЦААНЫ ХЭМНЭЛТ. Хар панераар 2 жил барьдаг байшинг жилийн дотор барих бүрэн боломжтой. Жишээ нь Буянт ухаа хорооллыг манай хэв хашмалаар жилийн дотор босголоо. Монгол улс дулааны богино улиралтай тул хэв хашмал ашиглаж бүтээн байгуулалтынхаа хугацааг түргэтгэх нь Монгол улсын эрх ашигт бүрэн нийцэх юм. Сүүлийн үеийн энэ их бүтээн байгуулалтыг хэв хашмалаар л босгож байна. Цөөхөн хүнээр том бүтээн байгуулалт хийхийн тулд дэвшилттэй технологийг ашиглах хэрэгтэй байна.

    БАЙГАЛЬД ЭЭЛТЭЙ. Олон удаа ашиглагддаг бүрэн цутгамал хийцийн хэв хашмалын технологи нь хог хаягдал бага үүсгэдэг учир байгаль орчинд ээлтэй технологи юм.

    9. ТҮНШЛЭЛ

    Дельта констракшн, БҮТИ ХХК, Мапроуд ХХК, Роял Нью Кэстл ХХК, SAMSUNG, Эрин интернайшнл, Жигүүр гранд, Хера констракшн, Материал инпекс ХХК, Номин реолтар ХХК, Хасуу цамхаг ХХК, Билэгт Зам ХХК, Апу хангамж ХК, Баганат өргөө зэрэг барилга бүтээн байгуулалтын тэргүүлэгч 50 гаруй компаниудтай тогтмол хамтран ажиллаж байна.

    10. ХОЛБОО БАРИХ

    Гар утас: 94077049, 99999650; 99099760, 99116671;

    Ц-шуудан: info@taco.mn

    http://taco.mn

    http://twitter.com/TacoLLC

    http://facebook.com/TacoLLC

    Үйлдвэрийн хаяг: БГД, 20-р хороо, ТЭЦ 4, 1- 26, 28

    TACO Broshure2013 by The New Media Cteative Studio

  • Багануур Цахилгаан Механикийн Үйлдвэр BEMP- ийн хүний нөөцийн бодлого, сургалт хөгжлийн хөтөлбөр

    “Багануур Цахилгаан Механикийн Үйлдвэр” ХХК нь эрчим хүчний тоног төхөөрөмжийн зохион бүтээлт, үйлдвэрлэл, тоноглол, угсралтын үйл ажиллагаа эрхэлдэг ба төмөр бэлдцэд тусгай боловсруулалт хийх хүчин чадалтай дэлхийн дэвшилтэт хамгийн сүүлийн үеийн технологи бүхий тоног төхөөрөмжүүд суурилагдсан, механикийн иж бүрэн боловсруулалт хийж угсралтын шугам дамжлагуудаар эцсийн бүтээгдэхүүн үйлдвэрлэн гаргадаг Монгол улсын эрчимтэй хөгжиж буй орчин үеийн дэвшилтэт үйлдвэрүүдийн нэг юм.

    Үүсэн байгуулагдсанаас хойш 10 жилийн хугацаанд эрчим хүч, барилга, уул уурхай болон бусад салбарын байгууллагууд, хэрэглэгч захиалагчидтай хамтран ажиллаж, 8 ангиллын 300 гаруй нэр төрлийн цахилгаан эрчим хүчний тоног төхөөрөмжүүдийг хэрэглэгч, захиалагч бүрийн хэрэгцээ шаардлагад нийцүүлэн зохион бүтээж үйлдвэрлэн зах зээлд амжилттай нийлүүлээд байна.

    Эрчим хүчний салбарын хөгжил, дэлхийн чиг хандлагад нийцүүлэн  импортыг орлох эцсийн бүтээгдэхүүнийг олон улсын чанар стандартын шалгуур шаардлагын дагуу шинэлэг загвар шийдлээр дотооддоо үйлдвэрлэж, хэрэглэгч захиалагчдынхаа хэрэгцээ шаардлага бүрийг ханган, үнэ цэнэтэй үл хөдлөх хөрөнгийг нь эрсдэлээс хамгаалахаар зохион бүтээгддэгт  манай бүтээгдэхүүний онцлог оршдог.

    Бид ажлынхаа үр дүн, үнэ цэнийг:

    • Хэрэглэгч, захиалагчийн 100% сэтгэл ханамж, бүх төрлийн баталгаа
    • Мэдлэг ур чадвар, тогтвор суурьшил, туршлага хариуцлага бүхий “үнэ цэнэтэй” мэргэшсэн ажиллах хүчний бүрдүүлэлт
    • Экспортын чиг баримжаатай, импортыг орлох, өрсөлдөх чадвар бүхий эцсийн бүтээгдэхүүн үйлдвэрлэл буюу “үндэсний баялаг бүтээгч”,
    • Байгаль экологид ээлтэй, эрчим хүчний хэмнэлттэй найдвартай хангамж, аюулгүй байдлыг хангах зорилтыг  хэрэгжүүлэгч
    • Эрчим хүчний болон үйлдвэрлэлийн салбарт инноваци, дэвшилтэт техник, технологи нэвтрүүлэх, үр ашгийг дээшлүүлэх бодлогыг хэрэгжүүлэгч 
    • Цахилгаан эрчим хүчний тоног төхөөрөмжийн үндэсний  үйлдвэрлэлийн хөгжилд олон улсын чанар, стандартын жишигт хүрсэн “монгол стандартыг” тогтоон, эх  орны эдийн засаг, нийгмийн тогтвортой хөгжлийг хангахад оруулж буй хувь нэмэр зэрэг үнэт зүйлүүдээрээ тодорхойлдог.

    https://bemp.mn/

    https://www.facebook.com/%D0%A…

  • СОНГОМОЛ БУЙДАН- Итали, европ загварын буйдан үйлдвэрийн маркетинг, хүний нөөцийн бодлого, сургалт хөгжлийн хөтөлбөр

    СОНГОМОЛ БУЙДАН

    “Зөвхөн танд- Мастер урлал”

    -Үйлдвэрлэл – Худалдаа – Тусгай захиалга – Засвар үйлчилгээ

    Бид 2006 оноос урлал, үйлдвэрлэлээ эхлэсэн бөгөөд үе дамжсан мастер урлаачид үүсгэн байгуулсан. Хэрэглэгч таны хэрэгцээ, шаардлагад нийцсэн давтагдашгүй загвар, хэмжээ, материалаар масс үйлдвэрлэл биш мастер урлалаар ажилладаг онцлогтой.

    Классик, сонгодог, европ, итали загвар болон трэнд, минимал загвараар урладаг. Манай бүтээгдэхүүн нь европ загвар, стандарт, чанартай өрсөлдөхүйц бөгөөд үнийн хувьд европ бүтээгдэхүүнээс 50- 70% хямд байдаг. Бид үйлдвэрлэсэн бүтээгдэхүүндээ чанарын баталгаа олгож, засвар үйлчилгээг бүрэн хариуцан ажилладаг.

    Материал нь орос хатаалгын мод, эко панер, порлон болон турк, солонгосын нано даавуу, өнгөний кодтой даавуу, үйлдвэрийн арьс ашигладаг тул өнгө үзэмж, эдэлгээ, тав тух, эрүүл мэндэд ээлтэй байдлаараа маш олон давуу талтай байдаг.

    Буйдан, ор, кресл, сандал нь хүний амьдралын хамгийн чухал тав тух, гэр бүл, байгууллагын хамгийн чухал орон зай бөгөөд таныг илэрхийлэх, амьдралын аз жаргалыг мэдрүүлэхээс гадна эрүүл мэндэд ээлтэй, амьсгалдаг материал байх нь маш чухал юм.

    2021 оны хувьд бид сонгодог загваруудаас гадна трэнд болж буй Английн Честерпилд (Chesterfield), Италийн Baxter, Бөмбөлөг (Bubble), Минимал, Хайрцагтай сандал загваруудаа хэрэглэгчиддээ хүргэн ажиллаж байна.

    Одоогоор бид 3000 гаруй айл гэр бүл, албан байгууллага, ресторан лоунжийн интерьер, тохижилтийн ажилд оролцож үнэнч харилцагчдыг бий болгож ажиллаж байна.

    Утас: 93393921, 94890909

    Хаяг: Нэрийн дэлгүүр, захиалгын төв: CБД, 9-р хороо Их тойруу, Дөлгөөн нуур төвийн хажууд, Мөрөн төвийн 2 давхарт

    Цагийн хуваарь: Даваа- Бямба 10:00- 20:00

    www.facebook.com/ClassicSofaMN

    БИДНИЙ ДАВУУ ТАЛ

    • Таны амьдралын хэв маягийн илэрхийлэл, тав тухын орон зай
    • Загвар, зохион бүтээлт. Давтагдашгүй урлал, тоонд биш чанарт
    • Эко стандартын материал
    • Мастер урлал, үе дамжсан урлал, өө сэвгүй төгс гүйцэтгэл
    • Чанарын баталгаа- бүтээгдэхүүнээ бид хариуцна. 1 жилийн баталгаа
    • Хүргэлтийн үйлчилгээ

    БҮТЭЭГДЭХҮҮН

    • Сонгодог загварын буйдан
    • Трэнд, минимал загварын буйдан
    • Кресл
    • Албан байгууллага, ресторан, лоунж буйдан
    • Ор
    • Сандал

    БРЭНД БҮТЭЭГДЭХҮҮН

    BAXTER

    • Эрх мэдэл, хүч чадлын илэрхийлэл болсон итали загвар
    • Орчиндоо байгалийн мэт өө сэвгүй ууссан эко орон зайг бий болгодог
    • Хүний бие, нуруунд тулхтай, тав тухтай мэдрэмжийг бий болгодог

  • ДҮЙНХЭР ТЭРГҮҮН ХХК (ODEL BRAND) Өндөр технологийн электрон техник үйлдвэрлэлийн стратеги төлөвлөлт бизнесийн зөвлөх үйлчилгээ

    1. ҮЙЛДВЭРИЙН ТУХАЙ

    ODEL брэндийг эзэмшигч “Дүйнхэр тэргүүн” ХХК нь Монгол улсад мэдээлэл, харилцаа холбооны дэвшилтэт технологийг нэвтрүүлэх, хөгжүүлэх, үйлдвэрлэх зорилгоор 2008 онд байгуулагдсан.

    2009 оноос Энэтхэг улсын Microtechnologies India компанийн Монгол дахь албан ёсны төлөөлөгч болсноор “Security &Life support” систем, 4S технологийн бүтээгдэхүүнийг Монголын зах зээлд нэвтрүүлж эхэлсэн. Уг технологийг нэвтрүүлэх явцдаа тэдгээрийн програм хангамжуудыг боловсруулан “Тээврийн хэрэгслийн хяналтын систем”, “Борлуулалтын хяналтын систем” програмыг зохион бүтээж оюуны өмчөөр баталгаажуулсан.

    2012 оноос электроникийн үйлдвэрлэлээ эхлүүлж ODEL брэндийн анхны бүтээгдэхүүн болох 5 төрлийн хяналтын камер зохион бүтээж үйлвэрлэсэн нь чанар, технологиороо Монголын тэргүүлэгч компаниудын талархалыг хүлээгээд байна.

    2014 оноос Япон улсын электроникийн үйлдвэрлэл, PCBoard дизайны KSJ компанитай хамтран электрон техникийн өндөр технологийн үйлдвэрийг анх удаа Монгол улсад байгуулах санамж бичигт гарын үсэг зурсан нь өндөр технологийн үйлдвэрлэлийг Монгол улсад хөгжүүлэх түүхэн үйл явдал боллоо. Жилд 1,056,000 м/кв эх хавтан үйлдвэрлэж хүчин чадалтай уг үйлдвэр байгуулагдсанаар электроникийн үйлдвэрлэлийн үндсэн бэлдэц эх хавтан (PCboard) үйлдвэрлэн 2015 оны 1-р улиралаас Япон улсын зах зээл дээр гаргах юм.

    Бид Монгол улсад электроник, өндөр технологийн үйлдвэрлэлийг хөгжүүлж, улмаар олон улсын стандарт шаардлагад нийцсэн үндэсний брэнд бүтээгдэхүүнийг буй болгох, хөгжүүлэх, дэлхийн зах зээлд өрсөлдөх чадвартай бүтээгдэхүүн үйлдвэрлэх чин хүслээр жигүүрлэн тэмүүлсээр байна.

    2. АЛСЫН ХАРАА

    Монголд улсад мэдээлэл, харилцаа холбооны технологийн үйлвэрлэл, өндөр технологийн инновацийг эрчимжүүлж мэдлэгт суурилсан эдийн засгийг хөгжүүлнэ.

    3. ЭРХЭМ ЗОРИЛГО

    Монгол улсын электроникийн үйлдвэрлэлд өндөр технологи нэвтрүүлж, ODEL үндэсний брэндийн нэр төрлийг нэмэгдүүлэн экспортын бүтээгдэхүүн үйлдвэрлэх замаар салбарын хөгжлийг манлайлагч болно.

    4. УРИА

    Өрнө дорныг өндөр технологиор холбоно.

    5. БИДНИЙ АМЖИЛТ

    2011 он Испани улсын Business Initiative Directions-ийн Gold Award

    2010 он Ашигт малтмалын газрын “Уул уурхайн шилдэг програм хангамж” цом

    2010 он Мэдээлэл харилцааны холбооны ICT EXPO- 2010 үзэсгэлэнгийн “Шилдэг технологи” цом тус тус хүртсэн.

    6. УДИРДЛАГЫН БАГ

    Ерөнхий захирал
    Дандарпэрэнлэйн ГАН-ОД

    1990- 1999 он хүртэл ОХУ-ын Санктпетербург хотын Технологийн Их Сургууль, ШУТИС- ХМТСургуулийг тус тус дүүргэсэн.

    1999- 2003 онд “Датаком” ХХК-ийн системийн инженер, 2003- 2006 онд Интер банкны мэдээлэл технологийн газрын дарга, 2006- 2007 онд БНСУ, EC Technology Co.,Ltd-ний сүлжээний инженер, 2007- 2008 онд БНЭУ, Micro Technologies Co.,Ltd-ний сервер администатор, 2008- 2009 онд АНУ, “Destron Fearing Co.,Ltd-ний системийн инженерээр тус тус ажилласан туршлагатай.

    2008 онд “Дүйнхэр Тэргүүн” ХХК-ийг програм хангамж, техник хангамж, компьютер тоног төхөөрөмжийн худалдаа, үйлчилгээ эрхлэх зорилгоор үүсгэн байгуулсан. 2012 оноос ODEL брэндийг шинээр буй болгож, электроникийн үйлдвэрлэлд шинэ технологи нэвтрүүлэн, өөрийн брэнд бүтээгдэхүүнүүдээ зах зээлд нэвтрүүлж эхэлсэн. 2012 оноос Япон улсын “KSJ” компанитай бизнесийн түншлэлээ өргөжүүлж, хамтран ажиллаж эхлэсэн.

    Тээврийн хэрэгслийн хяналтын систем, Мал, амьтны хяналтын систем, ODELхөтөч, ODELэлектрон тоолуур зураг бүтээгдэхүүний дизайн, програм хангамжийг зохион бүтээсэн. Мэдээлэл технологийн салбарт ажилласан 18 жилийн мэдлэг, дадлага туршлагадаа тулгуурлан өндөр технологийн PCB үйлдвэрийг Монголд байгуулах зорилгоор ажиллаж байна.

    Судалгаа, хөгжүүлэлтийн зөвлөх
    Адъяасүрэнгийн АЛТАНБИЛЭГ

    Япон улсын KSJ компанийн дэд захирал

    ›2003 – 2007 The University of Tokyo ›Bachelor, Electronics
    ›2000 – 2002 МУИС

    Experience
    Embedded System Engineer at KSJ
    Software Developer at Fuji Infox ›April 2007 – March 2008 (1 year)

    ›Window blind control system. PowerPC+Linux+C/C++ application, Ethernet and RS485 communication, ›Renesas R8C microcontroller system development.

    ›Building heat source control system. High efficiency inverter turbo heat pump, cooling water pump, thermal ›storage control application, Ethernet PLC communication system development.

    Developed Electronic Design Automation systems in C, C++, Python, TCL, Skill, HSPICE, Calibre etc. GPIO system design. PCB design in Eagle CAD, FPGA design in Xilinx ISE design tools, Linux system. ›Renesas RX microcontroller. Renesas HEW integrated development environment. Xilinx Zynq dual core ARM and FPGA SoC, DDR3, Ethernet, UART, SRAM, NOR Flash, SD card, USB,

    Технологийн зөвлөх
    Д.БААТАРСАЙХАН

    Microsoft компанийн Ази хариуцсан захирал

    Оюуны өмч, инновацийн зөвлөх
    Дамдинсүрэнгийн ДАМДИНБАЯР

    Оюуны өмчийн итгэмжлэгдсэн төлөөлөл, технологийн зөвлөгөө, мэргэжлийн орчуулгын үйлчилгээний Ай Пи Пи Ай ХХК-ийн (IPPI Co.,Ltd) захирал; 1996- 2002 он хүртэл Японд суралцагч Монгол Оюутны Холбооны үүсгэн байгуулагч, тэргүүн; 2009 оноос Монгол Японы Боловсрол Хөгжлийн Сангийн үүсгэн байгуулагч, Тэргүүн.

    Технологийн зөвлөх
    Шархүүгийн ЯЛАЛТ

    “Монел” компанийн захирал, ШУА-ийн Физик Технологийн Хүрээлэнгийн Үйлдвэрлэл эрхэлсэн орлогч захирал доктор (Ph.D)

    1963-1968 онд ЗХУ-ын Харьков хотын Политехникийн Дээд сургуулийг Автоматик, телемеханик, мэргэжлээр төгссөн. 1969 оноос Зүүн Хараагийн Эрчим Хүчний салбарт aндoр үелзлэлийн холбооны инженерээр, 1978 оноос ШУА-ийн Физик Техникийн Хүрээлэнд эрдэм шинжилгээний ажилтан, лабораторийн эрхлэгч, ерөнхий инженер, орлогч захирлаар ажиллаж ирсэн.

    1979 оноос Монгол улсад анх удаа компьютер, өнгөт телевизор бусад электрон техник үйлдвэрлэх технологи боловсруулан хэрэгжүүлсэн. 1981- 1985 онуудад Монголын шинийг санаачлагчдын нийгэмлэгийн даргаар сонгогдон ажиллаж уг хөдөлгөөнийг амжилттай өрнүүлсэн. Ш.Ялалтын хөдөлмөр бүтээлийг үнэлж 1991 онд “Алтан гадас” одонгоор шагнажээ.

    8. БҮТЭЭГДЭХҮҮН, ҮЙЛЧИЛГЭЭ

    ЗАХ ЗЭЭЛД ГАРГАСАН БҮТЭЭГДЭХҮҮН

    ODELcamera

    /Anology, IP camera, Wifi camera/ Албан байгууллага, хувийн хашаа байшин, орон сууц, зуслангийн байшин зэрэг бүх төрлийн объектуудыг хянах, мониторинг хийх, шууд дүрсийг харах системийг цогцоор нь суурилуулна. Монгол хэл дээр программчлагдсан ODELDVR (Digital Video Recorder)- тай. Суурилуулсанаас хойш баталгаат хугацаа 3 жил. 3 жилийн хугацаанд механик гэмтлээс бусад засвар үйлчилгээг бүрэн хариуцна.

    ODEL гудамжны гэрлийн удирдлага хяналтын систем

    ODELnavigation

    Тээврийн хэрэгсэл, хүүхэд, мал, амьтан хянах, мониторинг хийх, байршлыг тодорхойлох төхөөрөмж, програм хангамж бүхий цогц систем.

    ODELwifi
    Улаанбаатар хотыг хамарсан дэвшилтэт тенхологийн wifi сүлжээ.

    Борлуулалтын хяналтын систем

    Борлуулалтын үйл ажиллагааг автоматаар хянах, мониторинг хийх цогц систем.
    Борлуулагчийн байршил, аль дэлгүүрт хичнээн нэр төрлийн барааг борлуулж байгааг шууд хянах, тээврийн хэрэгсэл болон агуулахад хичнээн нэр төрлийн хэдэн бараа байгаа, түүний орж гарч байгаа бүх урсгалыг хянах, гар утас, гар утасны принтер ашиглан борлуулагч өөрийн гар утсаар бараа бүтээгдэхүүн борлуулах, борлуулалтын тайланг хэвлэх чадамжтай.

    Тээврийн хэрэгслийн хяналтын систем

    Тээврийн хэрэгслийн хяналт, мониторингийн цогц систем.
    Тээврийн хэрэгслийн явсан зам, маршрут, хурд, байрлал, жолоочийн түүхийг тодорхойлж, шатахуун зарцуулалт, рейсийн тоо, ачаатай ачаагүй явсан зам, сэлбэг хэрэгслийн тооцоо, замын хуудас зэргийг автоматаар тооцож гаргах чадамжтай.

    Мал, амьтны хяналтын систем

    Мал амьтны арьс доор бичил схем суулгаж байрлалыг тогтоох цогц систем. Малчин гар утас, интернет ашиглан малаа хаана байгааг тогтоох, алдуул болон алга болсон малыг хаана байгааг төвөггүй олох чадамжтай.

    Харилцаа, холбооны сүлжээний суурилуулалт, засвар үйлчилгээ

    Гадна холбооны кабель шугамын усралт суурилуулалт, Барилгын дотоод Холбооны монтаж угсралт суурилуулалт, дотоод холбооны сүлжээний суурилуулалт засвар үйлчилгээ. Мөн домофон системийн угсралт, суурилуулалт, засвар үйлчилгээг үзүүлнэ.

    СУДАЛГАА, ТУРШИЛТЫН ТҮВШИНД

    ODELхөтөч

    Гар утас, автомашины навигайшн ашиглан зам заах систем.

    Байршил болон явах чиглэлд хэдэн км үлдсэн, ойролцоох ШТС, эмнэлэг, сум, хоолны газар, жуулчны бааз зэрэг мэдээллийг агуулсан. Монгол орны аль ч замыг заахаас гадна бүх төрлийн мэдээлэл агуулсан.

    ODELэлектрон тоолуур

    Бүх төрлийн хэрэглэгчийн тоолуурын өгөгдлийг нэгсэн сервэрт илгээх систем. Үүний үр дүнд хэрэглэгч гар утаснаасаа эрчим хүчний хэрэглэгээгээ хянахаас гадна цахилгаан түгээх сүлжээ компаниуд бүх хэрэглэгчидээ нэгдсэн сервер дээр хянах, төлбөр төлөөгүй хэрэглэгчдийг сүлжээнээс салгах зэргээр удирдах боломжтой.

    9. ХОЛБОО БАРИХ

    Утас: 99107320
    http://twitter.com/ODELteam
    http://facebook.com/ODELteam

    Duinkher Terguun Co.,LTD- ODEL Brand by CREATIVE MONGOLIA

    MONGOLIAN HI-TECH PARK | Монголын Үндэсний өндөр технологийн үйлдвэрлэлийн парк төсөл by CREATIVE MONGOLIA

  • СУРГУУЛИЙН ӨМНӨХ БОЛОВСРОЛЫН ШИНЭЧЛЭЛ ТББ-ИЙН БОДЛОГО, ТӨЛӨВЛӨГӨӨ

    АГУУЛГА

    1. ТАНИЛЦУУЛГА

    2. ҮЙЛ АЖИЛЛАГААНЫ ЧИГЛЭЛ

    3. УДИРДАХ ЗӨВЛӨЛ

    4. ГИШҮҮД

    5. ХИЙСЭН АЖЛУУД

    6. САЙН ХҮҮХЭД ХӨТӨЛБӨР

    7. ШИЛДЭГ БАГШ ХӨТӨЛБӨР

    8. НОМ ГАРЫН АВЛАГА

    9. ХАМТРАН АЖИЛЛАХ БОЛОМЖ

    10. ХАМТРАГЧИД

    11. ТАЛАРХАЛ

    12. ХОЛБОО БАРИХ

    СУРГУУЛИЙН ӨМНӨХ БОЛОВСРОЛЫН ШИНЭЧЛЭЛ ТББ by CREATIVE MONGOLIA

    АЛСЫН ХАРАА

    Нийслэл орон нутгийн багш нарыг нэгтгэж, улсын хэмжээнд үйл ажиллагаа явуулдаг, СӨБ-ын бодлого чиглэлийг хамтран тодорхойлохуйц байгууллага болно.

    ЭРХЭМ ЗОРИЛГО

    Бид өвөг дээдсийнхээ “Хүнээр хүн хийх” ухааныг өвлөж, сургуулийн өмнөх насны хүүхдийг зөв төлөвшүүлэхэд чиглэсэн цогц хөтөлбөр боловсруулан хэрэгжүүлж, ирээдүйд өөрийнхөө болон эх орныхоо эзэн нь байх ЗӨВ МОНГОЛ хүний суурийг тавина.

    БИДНИЙ УРИА

    Нэг зорилго – Нэгдмэл санаа

    Багш сурган хүмүүжүүлэгч, эцэг эхчүүд нэгдмэл санаатай байж, харилцан биесээ ойлгон дэмжиж, хамтран ажиллах нь хүүхдийн төлөвшилд онцгой ач холбогдолтой.

    1.ТАНИЛЦУУЛГА

    Манай байгууллага нь сургуулийн өмнөх боловсролыг хүний амьдралын суурь хандлага бүрэлдэн тогтох хамгийн чухал боловсрол мөн гэдгийг олон нийтэд таниулж, СӨБ-ын байгууллагын тулгын гурван чулуу болох хүүхэд, багш, эцэг эхчүүдрүү чиглэсэн цогц сургалт хөтөлбөрийг хэрэгжүүлэн, шинэчлэлийн давлагааг эрчимжүүлэх зорилгоор 2014 онд үүсгэн байгуулагдсан.

    Монгол улс БОЛОВСРОЛ ШИНЖЛЭХ УХААНЫ ЧАНАРЫН ШИНЭЧЛЭЛИЙН БОДЛОГО-доо “Иргэний ардчилсан нийгмийн үнэт зүйлсийг эрхэмлэсэн, эх оронч, бүтээлч, өрсөлдөх чадвар бүхий боловсролтой “Зөв Монгол” хүнийг төлөвшүүлэх олон талт нөхцөл, боломжийг бүрдүүлэн, эрдэм шинжилгээний ажлын чанарыг сайжруулан, судалгаа инновацийн үйл ажиллагааг эрчимжүүлж, нийгэм эдийн засгийн хөгжилд хувь нэмэр оруулан хөгжүүлэхэд оршино” хэмээн тусгасан байдаг.

    Түүнчлэн боловсролын чанарын шинэчлэлийн үзэл санаа нь “Хүн болох багаасаа, хүлэг болох унаганаасаа” буюу хүүхэд бүрт хичээл зааж сургах гэдэг ойлголтоос хүүхэд бүрийг өөрийн гэсэн сонирхолтой, хичээл хийх чадвартай, ном унших хүсэлтэй, амьдралын төлөө зүтгэдэг чармайлттай болгоход нь тусалдаг систем, эцэг эхчүүд, боловсролын байгууллага, багш сурган хүмүүжүүлэгчидтэй хамтран ажиллах үүрэг оролцоог хөгжүүлэхийг зорьж байна.

    Бид мэдлэг чадвартай ганц хүнийг бус багийн ажиллагааг эрхэмлэдэг, боловсрол мэдлэгээс илүү хүний зан чанар, харилцаа хандлагаар нь үнэлдэг мэдээлэл технологийн хурдтай /үсрэнгүй/ хөгжил бүхий цоо шинэ нийгэмд амьдарч байгаа билээ. Энэ нийгэмд өрсөлдөх чадвартай, өөрийнхөө болон эх орныхоо эзэн нь байж чадах үнэт зүйлтэй, үнэ цэнэтэй иргэдийг бэлтгэх суурь нь гагцхүү хүүхэд насанд тавигддаг. Хүний төлөвшлийн 70-90% нь 5 хүртлэх насанд бүрэлдэн тогтдог гэж оросын алдарт сурган хүмүүжүүлэгч А.С.Макаренко, В.А.Сухомлинский нар үзэж байсан нь орчин үеийн эрдэмтдийн судалсан тархины хөгжлийн онолтой дүйцэж байгаа билээ. Учир нь хүний тархины хөгжлийн үйл явцын хамгийн чухал үе нь эхний таван жил бөгөөд тархины “барилгажилт” бүрэн явагдаж дуусдгийг эрдэмтэд баталсан.

    Сургуулийн өмнөх нас буюу хүний амьдралын эхний 5-6 жил маш хурдан өнгөрдөг боловч энэ богино хугацаанд хүний сэтгэцэд асар их дэвшилттэй өөрчлөлт явагддаг. Хүүхэд хамгийн арчаагүй амьд амьтнаас ухамсарт бие хүнд хувилж, байгаль, нийгэм ба өөрийн сэтгэцийн хөгжлийн зүй тогтлыг ойлгож, хүрээлэн буй бодит байдлыг идэвхтэй өөрчлөн шинэчлэгч хүч болон төлөвшдөг. Тиймд бид сургуулийн өмнөх нас бол хүний амьдралын суурь хандлага бүрэлдэн тогтдог хамгийн хариуцлагатай, чухал үе гэдгийг олон түмэнд таниулж, тэр насанд нь анхаарал хандуулан, багш сурган хүмүүжүүлэгч, эцэг эхчүүдтэй хамтран ажиллаж, нэгдмэл санаагаар “Зөв монгол” хүүхдийн суурийг тавихад чиглэсэн үйл ажиллагааг зохион байгуулж байна.

    Бидний хэрэгжүүлж буй үйл ажиллагаа болон “Сайн хүүхэд” хөтөлбөрийн ач холбогдлыг үнэлж, олон нийтийн мэдээллийн хэрэгслүүд сурвалжлан, 2014-2015 оны хичээлийн жилд дараах нэвтрүүлгүүдийг бэлтгэн олон нийтэд хүргэлээ. Үүнд: “Соён гэгээрүүлэгч” телевизийн “Соён гэгээрүүлэгч” таван цуврал лекц, “Бага хуралдай” нэвтрүүлэг, 25-р суваг телевизийн “Номын гэгээ” нэвтрүүлэг, Монгол телевизийн “Өнөө өглөө” нэвтрүүлэг, MNC телевизийн өдрийн хэмнэл хөтөлбөр, NTV телевизийн “Coffee break” нэвтрүүлэг, Үндэстэн телевизийн “Индиго хүүхдүүд” нэвтрүүлэг, PP channel телевизээр “Шинэ үеийн хүүхдийг хүмүүжүүлэх арга ухаан” лекц, Сүхбаатар аймгийн SB телевизээр “Хүүхэд эцэг эхийн тусгал” лекц.

    2.ҮЙЛ АЖИЛЛАГААНЫ ЧИГЛЭЛ

    1. Судалгаа

    А. Бага насны хүүхдийн сэтгэцийн хөгжлийг тодорхойлох, зан байдлыг илрүүлэх, гарын жижиг булчингийн хөгжлийг тодорхойлох гэх мэт.

    Б. Эцэг эхчүүдийн хүүхэд хүмүүжүүлэх арга барил хандлагыг илрүүлэх

    В. Цэцэрлэгийн багш нарт тулгамдсан асуудлыг илрүүлэх

    2. Лекц, сургалт

    А. Хүүхдийн хөгжил төлөвшилд чиглэсэн

    Б. Эцэг эхчүүдэд хүүхэд хүмүүжүүлэх эерэг арга барил олгосон

    В. Багшийн хөгжил, эерэг харилцаа, хандлага, сэтгэлгээрүү чиглэсэн.

    3. Ном гарын авлага

    А. Хүүхдийн хөгжил, төлөвшилд чиглэсэн

    Б. Эцэг эхийн боловсролд чиглэсэн

    В.Багшийн хөгжилд чиглэсэн

    4. Төсөл, хөтөлбөр

    А. Хүүхдийн эрүүл мэнд, хөгжил, төлөвшилрүү хандсан

    Б. Цэцэрлэгийн багшийн үнэ цэнэ, нийгмийн үнэлэмж, ур чадварт чиглэсэн

    В. Эцэг эхийн боловсролыг дэмжсэн.

    5. Төрийн бодлого боловсруулагч нарт санал хүсэлт дэвшүүлэх

    Үйл ажиллагааны үр дүнд үндэслэн гаргасан шийдвэрээ зохих төрийн албаны хүмүүст өргөн барьж төрийн бодлого үйл ажиллагаанд тусгуулахаар санал хүсэлт дэвшүүлнэ.

    3.УДИРДАХ ЗӨВЛӨЛ

    Хар үхэрт Жамсранжавын ХОРЛОО

    “СӨБШ” ТББ- ийн тэргүүн. СӨБ- ын салбарт 8 дахь жилдээ ажиллаж байна. “4 настай хүүхдийн зан төлөв дэх хандлага” сэдвээр магистр зэрэг хамгаалсан.

    “Шинэ үеийн хүүхдүүдийн зан байдал, хандлагыг илрүүлэх”, “Эцэг эхчүүдийн хүүхэд хүмүүжүүлэх арга барилыг илрүүлэх”, “Ахмад багш нарт тулгамдсан асуудлыг илрүүлэх” зэрэг судалгааг цэцэрлэгийн багш, арга зүйчидтэй хамтран хийдэг.

    Бага насны хүүхдийн гарын жижиг булчинг хөгжүүлж, зурж бичих дадал олгохоос гадна математикийн болон бүтээлч сэтгэлгээг хөгжүүлэх “Цэгээр наадъя” дасгалын дэвтэр, “Сайн мууг ялгая”- хүүхдийг зөв хүн болгоход туслах 60 дадал цуврал ном, “Сайн хүүхэд” сургалтын хөтөлбөрийг санаачлан хэрэгжүүлж байна.

    Халтар Ганбаатарын УУГАНЖАРГАЛ

    Сүхбаатар дүүргийн 42- р цэцэрлэгт арга зүйч, “СӨБШ” ТББ- ын гүйцэтгэх захирал. СӨББ- д 6 дах жилдээ ажиллаж байна.

    2010 онд Чингэлтэй дүүргийн 102- р цэцэрлэгийн “Байгууллагын бүтээлч багш”- аар шалгарч байсан.

    2011 онд МУБИС- СӨБС- ийг “Бага насны хүүхдийн математикийн энгийн төсөөллийг сургах тоглоомын явцад хөгжүүлэх нь” сэдвээр магистрын зэрэг хамгаалсан.

    Олгонууд Санжаадоржийн ДАШМАА

    Чингэлтэй дүүргийн 39- р цэцэрлэгт 36 жил багшилж байгаад 2010 оноос одоог хүртэл арга зүйчээр ажиллаж байна. БНХА- ны Алхам алхмаар хөтөлбөр, МХТ- ийн Зан төлөвшлийн хөтөлбөр, СӨБШ- ийн Сайн хүүхэд хөтөлбөрийг тус тус хэрэгжүүлэн ажиллаж байна.

    “Зугаатай зургийн ном”, “Зугаатай зураасан зураг”, “Зугаатай тооны ном”, “Зугаатай буддаг ном”, “Зугаатай аялал”, “Зугаатай цагаан толгой” зэрэг ном гарын авлагыг эмхтгэн боловсруулсан.

    2000, 2002, 2005, 2006, 2008 оны Дүүргийн тэргүүний багш, Боловсролын тэргүүний ажилтан, Алтан гадас одон, Ахмад багш нарын холбооны дээд шагнал Алтан өлзий одон, Ард түмний гавьяат цол тэмдэгтэй.

    Боржигон Намжилын СЭРЖМЯДАГ

    УБТЗ-н ХБХ-н харъяа 178-р цэцэрлэгийн эрхлэгч. СӨББ- д 24 дэх жилдээ ажиллаж байна. УБТЗ-ын ХБХ-ийн багш нарын дунд зохион байгуулагддаг “Ур чадвар” тэмцээнд 1997 онд хэл ярианы хичээлээр амжилттай сайн оролцож, 2001 онд биеийн тамирын хичээлээр IV байр, 2005 онд хөгжмийн хичээл дунд бүлэгт зохион байгуулж III байр, 2009 онд биеийн тамирын хичээлээр ахлах бүлэгт зааж II байр, 2011 онд дүрслэх урлагийн хичээл зааж II байр тус тус эзэлж өөрийн мэргэжлийн ур чадвартаа ахиц гарган ажиллаж байсан. Бага насны хүүхдийн хөгжилд зориулсан гарын авлага 6, зөвлөмж 5, сонсгол 1, илтгэл 3, үзүүлэн таниулах материал 2343 ширхэгийг хийж байсан.

    Багшийн алдар, Боловсролын тэргүүний ажилтан цол тэмдэгтэй.

    Олхонууд Хубаагийн ЦЭЦЭГСҮРЭН

    Сүхбаатар дүүргийн II цэцэрлэгийн эрхлэгч. СӨББ-д 24 дэх жилдээ ажиллаж байна.

    “Сургуулийн өмнөх насны хүүхдийг хөгжүүлэхэд эцэг эхийн оролцоог нэмэгдүүлэх боломжийг судалсан нь” сэдвээр магистр хамгаалсан. 2009 онд Удирдлагын академийг “Гэр бүлийн харилцаанд гарч буй өөрчлөлт хүүхдийн хүмүүжилд нөлөөлөх нь” сэдвээр дипломын ажил бичиж, “Боловсролын удирдлагын арга зүй, зохион байгуулалт, менежер” цолтойгоор төгссөн.

    “Хөгжилтэй дүрсүүд”, “Хүүхдийг ардын аман зохиолоор сурган хүмүүжүүлэх нь”, “Бага насны хүүхдэд эцэг эхийн оролцоог нэмэгдүүлэх нь” зэрэг гарын авлага бэлтгэн гаргасан.

    Багшийн алдар, Хөдөлмөрийн хүндэт медаль, Боловсролын тэргүүний ажилтан цол тэмдэгтэй.

    4.ГИШҮҮД

    Манай байгууллага цаашид хамтран ажилладаг багш нараа Онцлох, Хүндэт, Дэмжигч гишүүний үнэмлэхтэй болгон албан ёсны хамтын ажиллагааг өрнүүлж, илүү өргөн хүрээнд, далайцтай үйл ажиллагаа явуулахаар төлөвлөж байна.

    Хүндэт гишүүд:

    З.Ууганбаяр (Увс аймгийн 2-р цэцэрлэгийн эрхлэгч)

    Л.Алтанзул (Орхон аймгийн 5-р цэцэрлэгийн эрхлэгч)

    Г.Энх-Оюун (Сүхбаатар аймгийн 9-р цэцэрлэгийн эрхлэгч)

    Н.Нарангэрэл (Сонгинохайрхан дүүргийн 113-р цэцэрлэгийн эрхлэгч)

    Б.Оюунгэрэл (Чингэлтэй дүүргийн 39-р цэцэрлэгийн эрхлэгч)

    Дэмжигч гишүүд:

    Д.Ариунзаяа (Чингэлтэй дүүргийн 39-р цэцэрлэгийн багш)

    Б.Буджав (Чингэлтэй дүүргийн 39-р цэцэрлэгийн багш)

    Ц.Оюунчимэг (Баянгол дүүргийн 120-р цэцэрлэгийн багш)

    Э.Золзаяа (Баянгол дүүргийн 120-р цэцэрлэгийн багш)

    Д.Ганцэцэг (Баянгол дүүргийн 114-р цэцэрлэгийн багш)

    С.Отгонцэцэг (Баянзүрх дүүргийн 129-р цэцэрлэгийн багш)

    Г.Цэрэнсүрэн (Баянзүрх дүүргийн 191-р цэцэрлэгийн багш)

    П.Ууганцэцэг (Сонгинохайрхан дүүргийн 113-р цэцэрлэгийн багш)

    М.Өсөхбаяр (Сонгинохайрхан дүүргийн 104-р цэцэрлэгийн багш)

    Д.Даваасүрэн (УБТЗ-ын ХБХ-ийн харъяа 178-р цэцэрлэгийн багш)

    Х.Наранжаргал (УБТЗ-ын ХБХ-ийн харъяа 179-р цэцэрлэгийн багш)

    Э.Шинэсоёл (Баянгол дүүргийн 85-р цэцэрлэгийн багш)

    Б.Оюунчимэг (Баянгол дүүргийн 85-р цэцэрлэгийн багш)

    5. ХИЙСЭН АЖЛУУД

    2015/5-р сар Сүхбаатар аймгийн ЗДТГ-тай хамтран “Хүүхэд-Эцэг эхийн тусгал” сургалт

    2015/4-р сар “Хүүхэд-Эцэг эхийн тусгал” сургалтын аян зохион байгуулж нийслэл хотын хэмжээнд 6 дүүргийн 12 цэцэрлэгийг хамруулсан.

    2015/3-р сар Орхон аймгийн V цэцэрлэгийн эрхлэгч Л.Алтанзулын санаачилгаар “Сайн хүүхэд” хөтөлбөрийг хэрэгжүүлсэн.

    2015/3-р сар Чингэлтэй дүүргийн 39-р цэцэрлэгийн арга зүйч С.Дашмаагийн санаачилгаар тус цэцэрлэгийн багш нартай хамтран “Сайн уу муу юу аль нь вэ?” жүжигчилсэн тоглолтыг хийж нийт хүүхдүүдэд толилуулсан

    2015/2-р сар Сүхбаатар аймгийн II багийн зохион байгуулагч Д.Бадамын санаачилгаар тус багийн VIII цэцэрлэгийн эцэг эхчүүдэд “Хүүхэд-эцэг эхийн тусгал” сургалтыг зохион байгуулсан.

    2015/2-р сар Сүхбаатар аймгийн IX цэцэрлэгийн эрхлэгч Г.Энх-Оюуны санаачилгаар тус цэцэрлэгийн багш хамт олонд “Харилцааны чадвар” сургалт зохион байгуулсан.

    2015/1-р сар “Хаад пикчерс” анимэшн студитэй хамтран “ЗӨВ ХҮҮХЭД” хүүхэлдэйнкиноны төслийн ажлыг эхлүүлсэн.

    2014 онд “Сайн мууг ялгая” буюу хүүхдийг зөв хүн болоход туслах 60 дадал ном

    2013 онд “Цэгээр наадъя” дасгал ажлын дэвтэр

    2012 онд “Ахмад багш нарт тулгамдсан асуудлыг илрүүлэх” судалгаа

    2011 онд “Өнгөт хүүхдүүд” аянг зохион байгуулж, Монгол хүүхдийг анх удаа аура гэрлэн биеэр нь оношилж судалсан.

    2010 онд Чингэлтэй дүүргийн ЗДТГ-ын мэргэжилтэн Г.Гүррагчаатай хамтарч тус дүүргийн харъяа 12 дунд сургуулийн 300 гаруй эцэг эхчүүдийг хамруулсан “Шинэ үеийн хүүхдийг хүмүүжүүлэх арга ухаан” сургалтын аянг зохион байгуулсан.

    6.САЙН ХҮҮХЭД ХӨТӨЛБӨР

    Бид 2014 оноос шинэ үеийн хүүхдийг зөв төлөвшүүлэх “САЙН ХҮҮХЭД” хөтөлбөрийг санаачлан хэрэгжүүлж эхлээд байгаа билээ. Тус хөтөлбөрийн хүрээнд дараах ажлуудыг зохион байгуулж байна.

    А. Хүүхдэд чиглэсэн сургалт, хөгжүүлэх ажил

    I.“Зөв дадлын мод”-өөрийн үнэлгээний хамтын бүтээл

    II.“Сайн мууг ялгая”-зан байдал, харилцааны сургалт хөгжүүлэх ажил

    III.“Цэгээр наадъя”-бүтээлч сэтгэлгээний хөгжүүлэх ажил

    Б. Багшид чиглэсэн үзүүлэх ажил, зөвлөгөө, сургалт

    I.“Сайн хүүхэд” хөтөлбөрийг хэрэгжүүлэх, хүүхэдтэй харилцах арга зүйн үзүүлэх ажил

    II.“Хүүхдийн зан чанар, дадал хэвшилд гарч буй ахисан түвшинг үнэлэх, эцэг эхчүүдэд тайлагнах арга зүйн зөвлөгөө.

    III.“Харилцааны чадвар” сургалт.

    В. Эцэг эхчүүдэд чиглэсэн “Хүүхэд-эцэг эхийн тусгал” сургалт

    САЙН ХҮҮХЭД ХӨТӨЛБӨРИЙН ХЭРЭГЖИЛТ

    Хүүхдэд багаас нь эерэг зан чанар, үзэл санааг төлөвшүүлж, зөв дадал хэвшил олгох зорилготой хүүхэд, багш, эцэг эхчүүдрүү чиглэсэн цогц хөтөлбөр.

    А. Хүүхдэд чиглэсэн сургалт, хөгжүүлэх ажил

    А.1. “Сайн мууг ялгая”- Зан байдал, харилцааны сургалт, хөгжүүлэх ажил

    Хүүхэдтэй харилцан ярилцаж, аливаа асуудлыг олон талаас нь харах чадвартай болгон тэдний эрүүл мэнд, өсөлт хөгжилт, зан төлөвшилд нь хэрэгцээтэй мэдээллийг өгөх замаар өөрсдөөр нь зөв буруу үйлдэл, сайн муу зан чанарыг ялган салгуулж өдөр тутмын үйлдэлдээ мөрдвөл зохих дүрмийг өөрсдөөр нь гаргуулж дагаж мөрдүүлж хэвшүүлнэ. Энэхүү хөгжүүлэх ажил нь:

    vУБТЗ-ын харъяа 178, 179-р цэцэрлэг

    vЧингэлтэй дүүргийн 39-р цэцэрлэг

    v Баянзүрх дүүргийн 129-р цэцэрлэг

    vСүхбаатар дүүргийн 2, 42-р цэцэрлэг

    vХан-Уул дүүргийн 72-р цэцэрлэг

    vОрхон аймгийн V цэцэрлэг дээр тус тус хэрэгжиж эхэлсэн бөгөөд одоогоор 500 орчим хүүхдийг хамруулаад байна.

    А.2 “Зөв дадлын мод” өөрийн үнэлгээний хамтын бүтээл

    “Сайн хүүхэд” хөтөлбөрийг хэрэгжүүлэх хамгийн чухал хэрэглэгдэхүүн бол “Зөв дадлын мод”.

    Хөтөлбөрийн хүрээнд хүүхдүүд маань өөрсдийн зан чанар, дадал хэвшлийг үнэлэх “Зөв дадлын мод” хамтын бүтээлийг бүтээлээ.

    Хүүхдүүд “Сайн мууг ялгая” номын сайн хүүхдийн баримталдаг дүрмүүдээр ангийн дүрмээ гарган, өдөр тутамдаа мөрдөн хэвшил болгож эхлээд байна.

    А.3 “Цэгээр наадъя”- хөгжүүлэх үйл ажиллагаа

    Зорилго: Бага насны хүүхдийн гарын жижиг булчинг хөгжүүлж, зурж бичих дадал олгохын зэрэгцээ математик болон бүтээлч сэтгэлгээг хөгжүүлнэ.

    Агуулга: Цэг холбон өгөгдсөн дүрсийг үүсгэхээс гадна шинээр дүрс сэтгэн бүтээж, өнгө ялган будна.

    Хэрэглэгдэхүүн: “Цэгээр наадъя” дасгал ажлын дэвтэр

    Тус хөгжүүлэх үйл ажиллагаа нь:

    vБаянгол дүүргийн 85, 114, 178-р цэцэрлэг

    vЧингэлтэй дүүргийн 39, 103-р цэцэрлэг

    vСүхбаатар дүүргийн 2, 42, 143-р цэцэрлэг,

    vСонгинохайрхан дүүргийн 90, 104, 113-р цэцэрлэг

    vХан-Уул дүүргийн 72-р цэцэрлэг

    vОрхон аймгийн V цэцэрлэг

    vУвс аймгийн II цэцэрлэг дээр тус тус хэрэгжиж эхлээд байгаа бөгөөд одоогийн байдлаар 900 гаруй хүүхэд хамрагдаад байна.

    Бид цаашид нийслэл орон нутгийн 100-300 цэцэрлэгийн 5,000-15,000 хүүхдийг хамруулах төлөвлөгөөтэй байна.

    Б. Багшийн хөгжилд зориулан зохион байгуулсан сургалтууд

    Бид 2014 онд “Багшийн хөгжил-Имидж” ТББ-тай хамтран нийслэлийн СӨББ-ын эрхлэгч, арга зүйч, багш нарын нэгдсэн сургалтыг 84-р сургуулийн зааланд зохион байгууллаа. Тус сургалтаар бид мэдээлэл технологийн үсрэнгүй хөгжил бүхий шинэ үеийн хүүхдүүдийн онцлог болон тэдний хүмүүжил, төлөвшилрүү чиглэсэн, тэдэнд эерэг үзэл санаа, зөв хандлагыг бий болгох асуудал чухал байгааг онцоллоо.

    2014 оны 10 дугаар сард Хан-Уул дүүргийн 72-р цэцэрлэгийн эрхлэгч Эрдэнэ-Ундрахын санаачилгаар тус дүүргийн бүх цэцэрлэгийн эрхлэгч нарт зориулсан сургалт зохион байгууллаа. Тус сургалт шинэ үеийн хүүхдийн онцлог ба “Сайн хүүхэд” хөтөлбөрийн зорилго, зорилт, агуулга, ач холбогдол, үндэслэлрүү чиглэж байлаа.

    Түүнчлэн бид 2014-2015 оны хичээлийн жилд Чингэлтэй дүүргийн 39, 103-р цэцэрлэг, Сүхбаатар дүүргийн 2, 42-р цэцэрлэг, Баянгол дүүргийн 85, 114, 157, 178, 179-р цэцэрлэг, Орхон аймгийн 5-р цэцэрлэг, Сүхбаатар аймгийн 9-р цэцэрлэгийн нийт 100 гаруй багшид сургалт хөтөлбөрөө хүргэлээ.

    В. Эцэг эхийн хөгжилд зориулан зохион байгуулсан сургалтууд

    Хүүхдийн хөгжил, төлөвшилд хамгийн чухал нөлөө үзүүлдэг зүйл бол эцэг эхийн харилцаа, хандлага байдаг. Бид эцэг эхчүүдэд мэдээлэл технологийн шинэ үеийн хүүхдүүдийн зан байдал, сэтгэлзүйн онцлог, түүнтэй холбоотойгоор тэднийг хэрхэн яаж хүмүүжүүлэх арга барил олгох “Шинэ үеийн хүүхдийг хүмүүжүүлэх арга ухаан”, “Хүүхэд эцэг эхийн тусгал” цуврал сургалтыг зохион байгуулж байна. Манай сургалтанд дараах цэцэрлэгийн эцэг эхчүүд хамрагдаад байна. Үүнд:

    -Баянгол дүүргийн 157-р цэцэрлэг

    -УБТЗ-ын ХБХ-ийн харъяа 178, 179-р цэцэрлэгийн эцэг эхчүүд:

    -Чингэлтэй дүүргийн 39, 103-р цэцэрлэгийн эцэг эхчүүд

    -Сүхбаатар дүүргийн 2, 42, 143-р цэцэрлэгийн эцэг эхчүүд

    -Сонгинохайрхан дүүргийн 113-р цэцэрлэгийн эцэг эхчүүд

    -Хан-Уул дүүргийн 72-р цэцэрлэгийн эцэг эхчүүд

    -Орхон аймгийн 5-р цэцэрлэгийн эцэг эхчүүд

    – Сүхбаатар аймгийн 8-р цэцэрлэгийн нийт 500 гаруй эцэг эхчүүд хамрагдаж, хүүхэд хүмүүжүүлэх эерэг арга барилаас суралцлаа.

    7. ОНЦЛОХ БАГШ ХӨТӨЛБӨР

    Бид СӨББ-ын шилдэг багш нарыг шалгаруулж урамшуулах, хийж бүтээсэн зүйлийг нийтэд таниулан нийгмийн үнэлэмжийг дээшлүүлэх, шинэ санаачилга, арга зүй, технологи ажиллагааг цуврал ном болгон хэвлүүлж олны хүртээл болгох, улмаар авьяаслаг, хүүхдийн төлөө гэсэн чин сэтгэлтэй залуу багш нарыг татах зорилготой “Онцлох багш” хөтөлбөрийг хэрэгжүүлэхээр зорьж ажиллаж байна.

    Тус хөтөлбөрийн хүрээнд бид

    I.30 жил ажилласан багшийг 3 жил ажилласан багштай уралдуулдаг хуучирсан аргыг халж, зөвхөн хичээлийн нэг жилийн хугацаанд багшийн санаачилсан шинэлэг ажил, хийж бүтээсэн сургалтын хэрэглэгдэхүүн, технологи, арга зүй, аргачлал, гарын авлага, бүтээл, хүүхэд эцэг эх багш нарын хөгжилд зориулан зохион байгуулсан ажил зэрэг тухайн нэг жилийн амжилт бүтээлээр нь дүгнэн шилдэг багшийг шалгаруулах.

    II.Шилдэг багш нараа нийслэл хотод урьж, таван одтой зочид буудалд 1-3 хоногийн турш амраан, биеийн алжаал тайлах бариа, мэргэжлийн үсчин, маникур, педикур, нүүр будалт хийлгэн амрааж, гоо зүйн зөвлөгөө өгүүлэх.

    III. Түүнчлэн 1.000.000-2.000.000 төгрөгний мөнгөн урамшууллаар урамшуулах, эх орныхоо болон дэлхийн үзэсгэлэнт байгалаар аялуулах.

    IV.Шалгарсан багш нарын арга зүй, аргачлал, хөгжүүлэх ажил, хэрэглэгдэхүүн, бүтээл зэргийг эмхтгэн “Шинэ технологи” цуврал ном бүтээн СӨБ-ын чиглэлээр сурч буй оюутан залуус, багш нартаа түгээх зэрэг ажлуудыг зохион байгуулах төлөвлөгөөтэй байна.

    8. НОМ ГАРЫН АВЛАГА

    1. “Сайн мууг ялгая”

    2. “Цэгээр наадъя”

    3. “Зугаатай тооны ном”

    4. “Сайн хүүхэд” сонсдог ном

    1. “Сайн мууг ялгая” буюу хүүхдийг зөв хүн болоход туслах 60 дадал номын зорилго, ач холбогдол

    Номын зорилго: Хүүхдэд багаас нь эерэг зан чанар, хандлага төлөвшүүлж, зөв дадал хэвшил олгоход оршино.

    Номыг зохиох болсон үндэслэл: Хүүхэдтэй зөв харьцаагүй тэднийг сонсоогүй, ойлгож дэмжээгүй, анхаарал тавьж өсгөөгүйн улмаас тэдний зан байдлыг уур уцаартай, гөжүүд, бусдыг сонсдоггүй, гэр бүлийн гишүүдээ дийлж сурсан, түрэмгий, бусадтай нийлдэггүй, зожиг, уур уцаараар асуудлыг шийдэхийг оролддог зэрэг олон сөрөг хандлагаруу түлхэж байдаг тул эдгээр асуудлыг шийдвэрлэхэд чиглэнэ.

    Номын ач холбогдол: Хүний төлөвшлийн 70-90% нь бүрэлдэн тогтдог сургуулийн өмнөх насны хүүхдүүдтэй харилцан ярилцаж, аливаа асуудлыг олон талаас нь харах чадвартай болгож, тэдний эрүүл мэнд, өсөлт хөгжилт, зан төлөвшилд нь хэрэгцээтэй мэдээллийг өгөх замаар зөв буруу үйлдэл, сайн муу зан чанарыг ялган салгуулж, улмаар хүүхэд багачуудын өдөр тутмын үйлдэлдээ мөрдвөл зохих дүрмийг өөрсдөөр нь гаргуулж, дагаж мөрдүүлж хэвшүүлнэ.

    2. “Цэгээр наадъя”- Бага насны хүүхдийн гарын жижиг булчинг хөгжүүлж, зурж бичих дадал олгохоос гадна математикийн болон бүтээлч сэтгэлгээг хөгжүүлэх дадлага ажлын дэвтэр

    Бага насны хүүхдийн хувьд “Визуал сэтгэлгээ” буюу орон зайг баримжаалах чадвар нь хараахан хөгжөөгүй байдаг учир аливаа дүрсийг хараад, хоосон цаасан дээр дуурайлгаж зурна гэдэг маш бэрх ажил байдаг. Түүнчлэн аливаа дүрсийг харан, баримжаалан зурж буй тохиолдолд адил дүрс үүсгэж чадаагүйгээс болж өөрийгөө голох, өөртөө үл итгэх, дахин бичих хүсэлгүй болох, хичээл хийх сонирхолгүй болох, бичих ажлаас зугтах зэрэг асуудлууд үүсдэг.

    Тэгвэл эдгээр асуудлуудыг шийдвэрлэж өгөх зорилгоор, цэг холбох замаар өгөгдсөн дүрсийг үүсгэн, олон хувилбараар зурж, будах, бодож сэтгэх боломжтой сонирхолтой дасгалын дэвтрийг бүтээлээ.

    Энэхүү дасгалын дэвтэр нь цэг холбож өгөгдсөн дүрсийг үүсгэхээс гадна аль нэг мөр болон баганад буй дүрсийг ижил өнгөөр будах, өндөр нам багана үүсгэн будах, хос хосоор нь адил өнгөөр будах, хүссэн өнгөөрөө будаад бодитоор тоолж холбогдох цифрийг тавих, 2, 3, 4-өөр нь ижил өнгөөр будан багцлах, тэгш хэмтэй дүрсний баруун талыг нь баруун гараараа, зүүн талыг нь зүүн гараар будаж хоёр тархины жигд хөгжлийг дэмжих, тухайн дүрсийг баруун эсвэл зүүн талруу нь эргүүлэхэд үүсэх дүрсийг бүтээх, баруун зүүн, дээр доорыг таниулан дүрсний аль нэг талыг будуулах, цифр бичүүлэх, машин зам, байшин гудамж талбай, хүнсний ногоо, мал амьтан зэрэг өмнөх дүрснээс огт өөр дүрс сэтгэж үүсгэх, зураг бүтээх, будах олон хувилбараар ашиглах боломжтой, бага насны хүүхдийн гарын жижиг булчинг хөгжүүлж, бичгийн дадал олгохоос гадна математекийн болон бүтээлч сэтгэлгээг хөгжүүлэх ач холбогдолтой.

    3.“Зугаатай тооны ном”- математик сэтгэлгээг хөгжүүлж, анхаарлын төвлөрөлтийг нэмэгдүүлэх дасгалын дэвтэр

    Бага насны хүүхдийн хувьд хийсвэрээр тоолж чаддаг ч бодитоор тоолж чаддаггүй, цээжээрээ тоо мэддэг ч цифрээ таньдаггүй, анхаарлын төвлөрөлт сул, орон зайн баримжаа муу байдаг зэрэг бэрхшээлүүд тулгардаг. Тэгвэл эдгээр бэрхшээлийг шийдвэрлэж өгөх зорилгоор зугаатай тооны ном мэндэллээ.

    Хүүхдүүд маань цифрээ харж бичиж нүдлэх, зугаатай зургуудаа харж бодитоор тоолон, нэмж хасан олон хувилбараар бодлого зохиох боломжтой. Түүнчлэн орон зайг баримжаалах, ажигч чанар, сэтгэх чадварыг хөгжүүлж улмаар анхаарлын төвлөрөлтийг нэмэгдүүлэн, сууж сурахад нь туслах олон янзын сонирхолтой дасгалууд орсон байгаа.

    4. “Сайн хүүхэд” сонсдог ном

    Бид 2014 оны III сараас 2015 оны VI сар хүртлэх хугацаанд МҮОНР- ийн “Залуус” өдрийн хөтөлбөртэй хамтарч “Та хүүхдээ хэн болгохыг хүсч байна вэ?” залуу эцэг эхчүүдэд хүүхэд хүмүүжүүлэх арга барил олгох цуврал хичээлийн 60 дугаарыг бэлтгэн хүргэсэн. Энэхүү нэвтрүүлгээ “Сайн хүүхэд” сонсдог ном болгон гаргалаа.

    9. ХАМТРАН АЖИЛЛАХ БОЛОМЖ

    Бага насны хүүхдийн хөгжил төлөвшилд чиглэсэн, сургуулийн өмнөх боловсролын шинэчлэлд хувь нэмрээ оруулах сонирхолтой, бидний үйл ажиллагааг дэмжин хамтран ажиллахыг хүссэн хувь хүн, оюутан залуус, багш сурган хүмүүжүүлэгчид, төрийн болон төрийн бус байгууллага, компаниудтай

    Хувь хүн

    Хүүхдийнхээ цэцэрлэг болон гэр бүлдээ сургалт, зөвлөгөө авах

    СӨББ, багш сурган хүмүүжүүлэгчид

    “Сайн хүүхэд” хөтөлбөрийг цэцэрлэгтээ хэрэгжүүлэх

    “Онцлох багш” хөтөлбөрт хамрагдах

    Ном, гарын авлагаас захиалах

    Төрийн байгууллага

    Төсөл хөтөлбөр, лекц сургалт, судалгаан дээр хамтарч ажиллах

    Орон нутгийн удирдлага

    Лекц, сургалт зохион байгуулах.

    Төсөл, хөтөлбөрийг орон нутагтаа хэрэгжүүлэх.

    Бизнесийн болон Төрийн бус байгууллага

    Хамт олондоо лекц сургалт авах

    Төсөл хөтөлбөрийг дэмжиж, хамтарч ажиллах

    бүх талаар нээлттэй, хамтран ажиллах доорх саналыг тавьж байна.

    10. ХАМТЫН АЖИЛЛАГАА

    Чингэлтэй дүүргийн 39, 83, 103-р цэцэрлэг

    Сонгинохайрхан дүүргийн 90, 104, 113-р цэцэрлэг

    Сүхбаатар дүүргийн 2, 42, 150-р цэцэрлэг

    Баянгол дүүргийн 85, 114, 120-р цэцэрлэг

    Баянзүрх дүүргийн 129-р цэцэрлэг

    Хан-Уул дүүргийн 72-р цэцэрлэг

    УБТЗ-ын ХБХ-ийн харъяа 178, 179-р цэцэрлэг

    Орхон аймгийн 5-р цэцэрлэг

    Увс аймгийн 2-р цэцэрлэг

    Сүхбаатар аймгийн 2, 8, 9-р цэцэрлэг

    11. ТАЛАРХАЛ

    “СӨБ-ын шинэчлэл” ТББ нь “Хаад пикчерс” анимэшн студитэй хамтран Монгол хүүхдүүдээ баясан үзэх хүүхэлдэйн кинотой, бахархан дуурайх үндэсний баатартай болгож, уран бүтээлээрээ дамжуулан хүүхдэд багаас нь эерэг үзэл санаа, хандлага, зөв дадал хэвшил олгох зорилгоор “ЗӨВ ХҮҮХЭД” хүүхэлдэйн киноны төслийн ажлыг эхлүүлээд байна.

    Тус төслийг хамтран санаачилж, уран бүтээлийн багийг ахлан ажиллаж буй “Хаад пикчерс” анимэшн студийн захирал Н.Амаржаргал болон ЗӨВ МОНГОЛ хүүхдийн төлөө санаачлан хэрэгжүүлж буй манай төслийг сэтгэл зүрхнээсээ дэмжин, хандив өргөсөн Д.Болд (хань), Б.Баярсайхан (хадам ээж), М.Чимэдрагчаа (ээж), М.Туул (эгч), Ё.Оюунчимэг (эгч), Б.Бүжинлхам (найзын охин), У.Гарьд (найзын хүү) нарт чин сэтгэлийн талархал илэрхийлж, сайн сайхан бүхнийг хүсэн ерөөе!

    АРЫН НҮҮР

    “Сайн хүүхэд” хөтөлбөрийн үр дүнг өндрөөр үнэлж, гуравхан настай дунд бүлгийн хүүхдүүд нь өөрсдөө хоолны ширээгээ засч, өөр хоорондоо зөв харилцдаг болсон талаар өгүүлж байлаа.

    Баянзүрх дүүргийн 129-р цэцэрлэгийн багш С.Отгонцэцэг

    “Цэгээр наадъя” хөгжүүлэх ажлыг үнэлж “Хүүхдүүд цэг холбож, янз бүрийн дүрс, олонлог үүсгэж, бүлэглэх, багцлах олон хувилбараар зурж, дүрсэлж, будах нь их таалагдлаа. Хүүхдүүд чөлөөтэй сэтгэж, хүссэн зүйлээ зурж бүтээн ихэд сонирхож байлаа.

    Чингэлтэй дүүргийн 103-р цэцэрлэгийн багш н.Нямсүрэн

    “Сайн мууг ялгая” буюу хүүхдийг зөв хүн болоход туслах 60 дадал номын уншигч Хорлоо багшийгаа гэртээ урьж, номоо эргүүлэн, эхнээс нь дуустал ярьж өгч, эцэг эхчүүд нь талархсан сэтгэгдлээ илэрхийлж байлаа.

    Т.Тэмүүн (4настай)

    ХОЛБОО БАРИХ

    Утас: 9915-8825, 9122-4555

    sub.shinechlel@gmail.com

    horloo_j@yahoo.com

    www.twitter.com/jhorloo

    www.facebook.com/jhorloo

    www.facebook.com/SUBSHNGO

    www.creativemongolia.com

  • ДүДү боловсролын сан болон Хүүхдийн шинжлэх ухааны музей хөгжүүлэх төслийн бодлого төлөвлөлт

    Дүдү боловсролын сан нь 2008 оноос эхлэн STEM боловсролд | Шинжлэх ухаан, технологи, инженерчлэл, математик (ШТИМ)| суурилсан олон талт сургалт, хөтөлбөрүүдийг хэрэгжүүлж, хүүхэд, багш сурган хүмүүжүүлэгч, байгууллагад зориулсан сургалтын шинэ арга технологиудыг нэвтрүүлэн, үндэсний хэмжээнд зохион байгуулж ажиллаж байна.

    Бид 2008 онд Дүдү машин хөтөлбөр, 2009 онд Дүдү машины холбоо, 2012 онд  Дүдү боловсролын санг тус тус байгуулж, хүүхэд багачууд, өсвөр үеийнхэнд зориулсан Техникийн, Экологийн, Санхүүгийн, Эрүүл мэндийн гэсэн үндсэн 4 чиглэлээр албан бус боловсролын олон талт хөтөлбөрүүдийг зохион байгуулдаг. Дүдү- гийн хөтөлбөрүүдээс дурдвал, 

    2008 оноос “Дүдү машин” хөтөлбөр

    2010 оноос “Дүдүгийн шувууны харш” экологийн хөтөлбөр, Дүдү пуужин, Цаасан онгоц, Space kids

    2012 оноос “Инээдэг маск” эрүүл мэндийн хөтөлбөр, “Дараагийн сансрын нисэгч” STEM хөтөлбөр, “Space camp Mongolia” зуслангийн хөтөлбөр, 2015 оноос “Teamwork & Teamplay” сургалтын хөтөлбөр. 

    Дүдү боловсролын сангийн үүсгэн байгуулагч Д.Мөнхтулга нь хүүхдийн ШТИМ боловсролын хөгжилд хувь нэмэр оруулахаар 2017 онд “Дүдү Хүүхдийн Музей” төслийг санаачлан үүсгэн байгуулж, хөрөнгө оруулалт татсанаар Монголын анхны хүүхдийн музейг 2018 оны 2-р сарын 21-нд нээж, Е-март худалдааны төвийн 5 давхарт нийт 710м2 талбайд 16 үзүүлэнгийн хэсэгтэйгээр үйл ажиллагаагаа явуулж байна. Улмаар 2019 онд Дүдү шинжлэх ухааны музейг Соёл амралтын Зайсан Хилл цогцолборт нээн үйл ажиллагаагаа явуулж байна.

    Үйлчлүүлэгчид бол бидний хүүхдүүд, бидний ахан дүүс, бидний анд нөхөд

    ЭРХЭМ ЗОРИЛГО

      Эцэг эхчүүдэд бахархал, хүүхдүүдэд тэмүүлэл, гэр бүлд хайр бэлэглэнэ.

      АЛСЫН ХАРАА

        Дүдүгийн үйл ажиллагаагаар дамжуулж ирээдүйн иргэдийг хөгжүүлэх жишиг байгууллага байна.

        1. ДҮДҮ МУЗЕЙ ГЭЖ ЮУ ВЭ

        Манай ДүДү музей нь “Илүү сайхан дэлхийг бүтээнэ” гэсэн уриан доор хүүхэд багачууд болон гэр бүлд чиглэсэн тоглоомоор дамжуулан шинжлэх ухаан, танин мэдэхүйн албан бус боловсрол олгох сургалт хөтөлбөр хэрэгжүүлэхээс гадна ирээдүйн мэргэжлээ тодорхойлход туслах бодит орчинд мөрөөдөлөө биелүүлж хүссэн ажил мэргэжилийн дүрд хувиран тоглонгоо суралцах боломжтой гэр бүл, анги хамт олон, албан байгууллагаараа цагийг үр бүтээлтэй өнгөрүүлэх газар юм.

        “Музейн үзмэрүүд шилэн хоргонд байдаг, хүрч болохгүй гэсэн ойлголттой байдаг бол манай хүүхдийн музейд гар хүр, оролдож үз, тогло гэсэн зарчим үйлчилдэг. Энд тоглонгоо хүүхдүүд шинэ зүйлд суралцдаг, гэр бүлээрээ суралцаж хамтдаа гайхалтай дурсамж бүтээх боломжтой.

        Дүдү музей нь хүүхэд багачуудад шинэ цаг үедээ нийцсэн, бүтээлч чадварлаг хүмүүн болж төлөвших суурийг тавих зорилго бүхий, музейн бүх үзмэр буюу тоглоомын орчин нь STEAM боловсролд /Шинжлэх ухаан, технологи, инженерчлэл, урлаг дизайн, математик/ суурилан бүтээгдсэн бөгөөд түүнд тулгуурлан олон талт сургалт хөтөлбөрүүдийг хэрэгжүүлэхээс гадна хүүхэд, багш сурган хүмүүжүүлэгч, байгууллагад зориулсан сургалт хөтөлбөр зохион байгуулж ажилладаг.

        STEAM гэдэг нь (Science, Technology, Engineering, Art, Math)  Шинжлэх ухаан-Технологи-Инженерчлэл-Урлаг дизайн-Математик тооцоолол” гэсэн утгын товчлол бөгөөд математик, инженерчлэлийн цогц чадамжийг урлагийн буюу дизайн сэтгэлгээтэй хослуулан олгодог давуу талтай тул 21 дүгээр зуунд заавал эзэмших ёстой мэдлэг чадварт тооцогддог. Ялангуяа бага насны хүүхдүүдийн математик сэтгэлгээ, техникийн авьяас, бүтээлч сэтгэлгээг хөгжүүлэхийг зорьдог сургалтын хөтөлбөр юм.

        ДАВУУ ТАЛ

        1.      Хүүхдүүд хүссэн ажил мэргэжилийнхээ дүрд хувиран, тоглож өөрийнхөө хүсэл мөрөөдлийг багаасаа тодорхойлох боломж.

        2.      Хүүхэд STEAM шинжлэх ухааны туршилтуудыг бодит орчинд хийж өөрийгөө хөгжүүлэх боломж.

        3.      Шинжлэх ухаан, ур чадвар хөгжүүлэх сэдэвчилсэн эвэнт, өдөрлөг, тэмцээн уралдаанд оролцох боломж.

        4.      Хүүхэд гэр бүлийн хамт тоглож, хөгжих боломж.

        5.      Сургууль, анги хамт олноороо шинжлэх ухаан, бүтээлч хичээлүүдээ хийх боломж.

        6.      Хүүхэд найз нөхөд, гэр бүлээрээ төрсөн өдөр, тэмдэглэлт өдрөө сонирхолтой бүтээлч байдлаар хийх боломж.

        7.      Хүүхдийн боловсрол оюуны хөгжил STEAM чиглэлээр судалгаа сургалт, үйл ажиллагаа явуулдаг байгууллагууд сургалтын, хөгжлийн орчиноо болгож хамтран ажиллах боломж.

        https://dudu.mn/

      1. Эвт Үүд хаалганы үйлдвэрлэлийн хүний нөөцийн бодлого төлөвлөлт, сургалт хөгжлийн хөтөлбөр

        Тус компани нь 2007 оноос тавилгын үйлдвэрлэлийн чиглэлээр үйл ажиллагаа явуулж эхэлсэн бөгөөд энэ туршлага дээрээ үндэслэн 2012 онд барилгын компаниудад олноор нийлүүлэх зорилгоор солонгосоос тоног төхөөрөмж, материал оруулж ирэн солонгос технологийн хаалгыг үйлдвэрлэж ирсэн бөгөөд захиалагчдын хүсэлтийг харгалзан герман технологийн хаалгыг ч мөн үйлдвэрлэж байна.

        https://www.facebook.com/store.huma

        ӨӨДЛӨХ АЙЛ ҮҮДНЭЭСЭЭ 
        Айл гэр, албан байгууллагын өнгө төрх, интерьер дизайны чиг хандлага нь хамгийн түрүүнд үүд хаалганаасаа эхлэн мэдрэгддэг. Түүнчлэн хүний ажил, амьдралын чанарт шууд нөлөөлдөг бөгөөд сэтгэл хангалуун байдал, цаашдын ололт амжилттай холбоотой байдаг билээ. “HUMA’N”LLC Бренд нь чанараараа тэргүүлдэг Үндэсний үйлдвэрлэгч Эвт-Үүд брэндийн чанартай модон хаалга худалдаалахаас гадна Орос улсын Ретвизан болон Сибирь Профиль компаний модон болон металл хаалганууд борлуулдаг албан ёсны дестрибютер компани билээ. Бидний санал болгож буй хаалганууд нь чанараараа хэрэглэгчиддээ хэдийнээ танигдсан төдийгүй өнгө, загвар дизайны өргөн сонголттой байдаг. Бид орчин үеийн интерьертэй хөл нийлүүлэн алхаж үргэлж шинэлэг байдлыг эрэлхийлж үйлчлүүлэгчдийнхээ тав тухтай орчинг бүрдүүлж ажиллахдаа үргэлж баяртай байх болно.

      2. MONGOLIAN HIGH-TECH PARK Монгол улсад өндөр технологийн үйлдвэрлэлийн парк байгуулах төслийн хөгжүүлэлт, коммуникаци удирдлага

        Төслийг санаачлагч
        Монголын электрон техник үйлдвэрлэгчдийн холбоо

        Хамтран хэрэгжүүлэгч
        “Дүйнхэр Тэргүүн” ХХК, “ Монгол Косэн” ТББ,         Японы улсын “Furnace” Co.,Ltd, Японы улсын “KSJ” Co.,Ltd

        Монгол улсын электроникийн үйлдвэрлэлд шилдэг технологи нэвтрүүлэн электрон төхөөрөмжийн үйлдвэрлэлийн парк байгуулах улмаар Монгол Улсад үйлдвэрлэсэн зэс ашиглан электроникийн үндсэн түүхий эд, бүтээгдэхүүнийг үйлдвэрлэх, экпсортод гаргах зорилготой энэхүү түүхэн их үйлсэд Монголын хөгжилд санаа зовдог бүхий л инженер техникийн ажилтанууд, эрдэмтэн судлаачид, сонирхон судлаачдыг хамтран ажиллахыг урьж байна.

        Mobile: 976- 99107320
        Phone: 976- 70129299
        Address: Sukhbaatar district, 11th khoroolol, J.Batmunkh street, Marco Polo center
        http://twitter.com/ODELteam
        http://facebook.com/ODELteam
        http://creativemongolia.com/odel/

        ТӨСЛИЙН ТАНИЛЦУУЛГА

        MONGOLIAN HI-TECH PARK | Монголын Үндэсний өндөр технологийн үйлдвэрлэлийн парк төсөл by CREATIVE MONGOLIA

      3. Талх чихэр ХК- Маркетинг брэндингийн цогц кампанит ажил

        Талх Чихэр ХК- ийн маркетинг, брэндингийн бодлогын бичиг баримт боловсруулах, Монголоо тэврэе ISO 22000, Дурсамжаа амтал- Хотол бялуу, “Өвгөдийн захиастай цагаан сар” зэрэг маркетингийн цогц кампанит ажлуудыг зохион байгуулж хамтран ажиллаа.

        2017 оны 11 сараас 2018 оны 3 сар

      4. НОГООН МОРЬ- САНСАРААС ХАРАГДДАГ ДЭЛХИЙН ХАМГИЙН ТОМ МОРИЙГ БҮТЭЭХ ОРГАНИК ХҮНСНИЙ КЛАСТЕР ТӨСЛИЙН ТӨЛӨВЛӨЛТ ХӨГЖҮҮЛЭЛТ

        Улсын эдийн засаг нэг салбараас хэт хамааралтай байх ямар байдгийг яг одоо талхгүй, хоолгүй, нүүрсгүй хонож байгаа хүүхдүүдиин золиосоор бид харлаа.
        Монголчууд бид дэлхийг хямралаас гаргах тухай сэтгэж байж монголыхоо хямралыг давах болно. Бүх юм хамааралтай! Монгол Улс Хөдөө Аж Ахуйн аж үйлдвэриин орон.
        Морьтон монголчууд бид “Ногоон Морь” төслөө өөрсдөө эхлүүлж говь нутгаа органик хүсний өлгий болгож нутгийн иргэд бүгд ажилтай болж, өөрсдийгөө эрүүл чанартай хүнсээр бүрэн хангаад зогсохгүй, хөрш орнууддаа органик хүнс экспортолж, дэлхийн уур амьсгалын өөрчлөлт, шар шороон түйрэн зэрэг асуудалд эерэг өөрчлөлт авчрах бүрэн боломжтой.
        Цэвэр ХАА-н бизнес, органик хүнснии бизнес хөшүүргээр л уур амьсгалын өөрчлөлттэй тэмцэж тэнд хуримтлагдах санхүүжилтийг эдиин засагтаа шингээх нь бидний түүхэн боломж юм.

        • Дэлхий дээр сансараас харагддаг зүйл ганцхан Хятадын Цагаан хэрэм байгаа бол хоёр дахь нь Монголчууд бидний Ногоон морь байх болно.
        • Ногоон морийг агро паркууд байгуулах замаар бүтээнэ.

        НОГООН МОРЬ ТӨСӨЛД НЭГДЭХТҮН!

        GREEN HORSE AGRICULTURAL AND AGAINST GLOBAL WARMING MEGA PROJECT

        MONGOLIA we have to think about overcome the issue of the global financial crisis that can overcome Mongolian economic crisis. Everything depends on each other!. Mongolia is Agricultural Industrial country.

        We should start “Green Horse” project by ourselves to employ all the local people to desert cradle local organic food themselves, but also to satisfy themselves fully healthy, high quality food, Organic foods exported to neighboring countries and to bring positive changes in the global climate change, and yellow dust decrease due to getting available.

        This will be our historic opportunity to fight against climate change and to absorb financial support for Mongolia economics by agricultural but also organic food business.

        Green Horse program for “green development model” society, can address the full economic and environmental issues Based toward dryness before in Mongolian, khariyalagdakh desert grassland steppe region is increasing desertification covering 4 provinces and 52 arrows on the “eco-economic zone” is releasing the program as well as architectural landscape architecture.

        Green Horse is a Program which is based on ‘Green Development Model’. The main objective of the program is to set up an Eco Economic Region which is going to solve socio-economic and environmental issues in the south that its high land degradation, drought and desertification have been widening year by year and we chose 4 provinces/aimags, 52 soums.

        Successful implementation of the project is green horse landscape art project in Central Asia can be seen from space and the world’s largest landscape art is characterized as a work of art.

        • Chinese the Great Wall is only one sight can see from the space. And Green horse will be second one.
        • We will create that Green horse by building agro parks

        https://www.facebook.com/GreenHorseProject

        НОГООН МОРЬ- Органик хүнсний кластер төсөл by CREATIVE MONGOLIA

        GREEN HOURSE PROJECT by CREATIVE MONGOLIA