Author: admin

Хүүхэлдэйн кинонд маш их дуртай. Цуглуулдаг. Энэ харагдаж байгаа дээр нэг найзийн авч явсан тор хүүхэлдэйн кино нэмэгдэнэ. Хэ хэ. 
Хүн бүрийн сэтгэл дотор нь гэнэн томоогүй саваагүй дэврүүн зан чанар нь нуугдаж байдаг гэж боддог. Хүүхдээс чи ямар хүн болох вэ гэж асуухад “Ерөнхийлөгч” гэж өөртөө итгэлтэйгээр хэлдэг. Харин том болох тусмаа тэрхүү итгэл нь үгүй болдог. Хүүхдэд нь зовлон гэж үгүй. Үргэлж л бүхнийг шинээр мэдэрч, сонирхож, урам зоригтой байж чаддаг. Том болох тусмаа мөн л энэ чадвараа гээнэ. Мэдрэмж нь зэвэрч тоосонд дарагдаж, өөрийгөө чөдөрлөж тушиж эхлэнэ. Өөрөө өөрийгөө хөгшрүүлж эхлэнэ. Тиймээс зарим үед өөрийнхөө дотор хүчээр нууж дарж байгаа хүүхэд сэтгэлгээгээ ил гаргаж, энгийн чөлөөтэй аз жаргалтай байгаасай. Жишээ нь, хүн тоглож байх үедээ, дээшээ үсэрч байх үедээ яг төрөлх араншингаараа ямар нэгэн баггүйгээр байж чаддаг гэж сэтгэлзүйчид хэлсэн байдаг. 

Хүүхэд шиг эрх чөлөөтэй, шинэ сэргэг, аз жаргалтай амьдарцгаая. Хааяа хүүхэлдэйн кино үзэж, дээс тоглоцгооё! Гулгуураар гулгаж, цасаар байлдацгаая!

Эх сурвалж: http://www.touristinfocenter.mn/

Жилийн өмнө өөрийн зурсан бүтээлүүдээр Шуудангийн ил захидал бүтээсэн билээ. Тэгээд ойр дотны хүмүүстээ илгээхэд маш их баяртай хүлээн авч байсан. Миний гол санаа бол “Монгол шуудан компани янз бүрийн хуулбар зураг болон эх сурвалжгүй зургаар ил захидал хийхийн оронд харин ч зураачидтайгаа хамтран тэднийхээ бүтээлээр ил захидал хийвэл боломжтой юм” гэсэн санаагаа л өөрөө хэрэгжүүлж үзсэн юм. Зураачдынхаа бүтээлээр ил захидал хийж нийтэд хүргэвэл урлагийн бүтээлийг хүмүүст хүргэх, урлагийг шимтэн сонирхуулах нэг хөрс суурь нь болох боломжтой гэж боддог. Цаашилвал монголын урлаг соёлоо дэлхийд сурталчилан таниулах нэг хэрэгсэл болох болов уу. Хэрвээ бидэнтэй энэ чиглэлд хамтран ажиллая гэвэл дуртайяа хүлээн авах болно оо.

Монголын бизнесийн байгууллагууд нь гэсэн урлаг соёлоор дамжуулан олон нийтийг соён гэгээрүүлж өөрсдийн нэр хүндийг нийгэмд таниулдаг байгаасай. Урлаг соёл, уран бүлээлчид, төрийг байгууллага, бизнесийн байгууллагуудын хамтын ажиллагаа улам бүр өргөжин тэлж миний ард түмэн урлагт шимтэн дурлаж, урлагаар соён гэгээрч, аз жаргалтай сайхан амьдраасай.

Зовлон бэрхшээл хэлж бус хийсч ирдэг. Гэвч хүн бүр зовлон бэрхшээлтэй тэмцсээр амьдралыг туулна. Тэр дундаа хөгжлийн бэрхшээлтэй иргэд энгийн биднээс ч илүү зовлонг туулах хатуужил, тэвчээртэй байдаг. Бид тэдний тэвчээр, зоригийг харж бахархдаг… Гэхдээ тэдэнд мөн л цөөнгүй асуудлууд тулгардаг. Таны эргэн тойронд буй хөгжлийн бэрхшээлтэй иргэнд ямар асуудал тулгарч байна. Та бидэнтэй хуваалцана уу!  “Бид чадна эм эн нэгдэл” ТББ-аас 12 сарын 3 буюу хөгжлийн бэрхшээлтэй иргэдийн эрхийг хамгаалах олон улсын өдрийг угтаж нийтлэлийн уралдааныг зарласан байна. “Бидний хүсэл зорилго” нэртэй нийтлэлийн уралдаанд хүн бүхэн оролцох боломжтой юм. Сайхан сэтгэлийн үзүүрт шар тос гэдэгчлэн таны бусдын төлөө гэсэн үйлс танд болон олон хүнд аз жаргалыг бэлэглэх болтугай. Та өөрийн үзэл бодлоо хуваалцаж уралдаанд идэвхитэй оролцоорой.

Тавигдах шаарлага:

1.Бичлэг Arial, 12 хэмжээтэй шивсэн, мөр хоорондын зай 1,0 байх;
2.Нийтлэл нь 1500 үгээс хэтрэхгүй, хэл зүйн дүрмийн болон найруулгын хувьд алдаагүй, цэгцтэй байх; 
3.Хөгжлийн бэрхшээлтэй иргэдийн эрхийн хүрээнд судалгаа, тоо баримтад тулгуурласан байх;
4.Олон улсад амжилттай хэрэгжиж буй арга туршлага нэвтрүүлэх санал болгосон байх.
5.Нийтлэл бичигч нь өөрийн овог нэр, ажлын газар, суралцдаг сургууль, нас, хүйс, харилцах утасны дугаар, и-мэйл хаягаа тодорхой бичсэн байх;

2013 оны 10-р сарын 30-ны өдөр “Монгол улсын хөдөө аж ахуйн үйлдвэрлэл эрхлэгчдийг дэмжих” төслийн уулзалт, семинар амжилттай боллоо. Энэ семинарыг “Эвэридэй ферм” ХХК санаачлан зохион  байгуулсан бөгөөд уулзалтанд төслийн удирдагч Козай сан, “Эвэридэй ферм” ХХК-ын менежер Б.Зоригт, судалгааны ажилтан Яманэ сан, JICA Монгол дах төлөөлөгчийн газрын ахлах мэргэжилтэн Такэцүрү Эйко, Бридж группын ТУЗ-ын дарга Л.Даваажаргал, ШУТИС-ын ХИБС-ын багш Сэржмядаг нар болон төслийг дэмжин ажиллах байгууллагуудын төлөөллүүд  оролцсон юм. Семинарыг “Эвэридэй ферм” ХХК-ын захирал Д.Алтанцэцэг нээн үг хэлсэн. Тэрээр: манай байгууллага хөдөө аж ахуйн үйлдвэрлэл эрхлэгчидийн ашиг орлогыг нэмэгдүүлж дэмжлэг үзүүлэх зорилготойгоор ажилладаг. Өнөөдөр энэ зорилгынхоо хүрээнд ажиллах хүсэл эрмэлзэл, ур чадвартай хэдий ч ядуурлаас гарч чадахгүй байгаа иргэдээ дэмжихээр “Монгол улсын хөдөө аж ахуйн үйлдвэрлэл эрхлэгчдийг дэмжих” төслөө хэрэгжүүлж эхлээд байна. Бид энэ төслөө Япон улсын мэргэжилтнүүдтэй хамтран хийж байна. Өнө эртнээс хамтын ажиллагаатай байсаар ирсэн Япон улсын мэргэжилтнүүдтэй дахин хамтран ажиллах болсондоо баяртай байна. Төсөл амжилттай хэрэгжинэ гэдэгт итгэлтэй байна хэмээн сэтгэгдлээ хуваалцсан юм.

Энэхүү төслийг  Япон улсын Жайка, Фермдо  байгууллагууд хамтран хэрэгжүүлэх юм байна. Жайка Японы олон улсын хамтын ажиллагааны байгууллагын мэргэжилтэн Такэцүрү Эйко хувийн хэвшлийн хөгжилд чиглэсэн дэмжлэгээ танилцуулсан бөгөөд ВОР (Base of the pyramid) төсөл амжилттай хэрэгжсэн жишээг ч дурдсан юм. Төслийн хүрээнд  олон  Монголчуудыг ажилтай, орлогтой болгохын зэрэгцээ  эрүүл аюулгүй бүтээгдэхүүнийг эх орондоо үйлдвэрлэх боломжтой ажээ.  Уригдсан зочид 61-ын гармын тариалангийн талбайгаар явж ажлын явцтай танилцсан. Төслийн багийнхан 20 га талбайд уринш бэлтгэж, 3.3га- д чацаргана, үхрийн нүд  суулган, 10 хүлэмж байгуулан нэг хүлэмжиндээ амтат жимс гүзээлзгэний 4000 үрсэлгээ суулгаж 6000 гаруй төл бойжуулж авсан байна. 4 сарын дотор хийсэн эдгээр ажлуудыг богино хугацаанд ихийг амжуулжээ хэмээн уригдсан зочид ихэд үнэлж байлаа. Мөн төслийн багийнхан гүзээлзгэнэ хариуцсан мэргэжилтэн, ногоо хариуцсан мэргэжилтэн нар гүзээлзгэнэ тарих нь маш нарийн ажил бөгөөд их хөрөнгө, хүч шаарддагыг онцлон хэлж байсан  бөгөөд Японы мэргэжилтнүүдээс их зүйлийг сурч авлаа хэмээн хэлсэн юм. Ядуурлыг бууруулах зорилготойгоор ийнхүү хэрэгжиж эхэлсэн уг төсөл амжилттай хэрэгжсэнээр эх орны өнцөг булан бүрт суугаа иргэдийг эрүүл, амт чанартай, органик бүтээгдэхүүнээр хангах бүрэн боломжтойг төслийн мэргэжилтнүүд дурдаж байсан. Сонгинохайрхан, Налайх дүүрэгт хэрэгжүүлэхээр төлөвлөсөн энэ төсөлд ажиллах чин хүсэлтэй иргэдийг хамруулах юм байна. Мөн эх орондоо амтат гүзээлзгэнэ болон нарийн ногоог тарьж ургуулах хүсэл эрмэлзэлтэй хөгжлийн бэрхшээлтэй иргэдийг ч хамруулна гэдгээ мэргэжилтнүүд дурдаж байсан юм. Харин үнэхээр ажиллах хүсэл сонирхолтой иргэдийг хамруулах үүднээс ШУТИС-тай хамтран судалгаа хийж 2 үе шаттайгаар сонгон шалгаруулалтыг зохион байгуулснаар 2014 оны 4 сараас шалгарсан иргэдээ дадлага хийлгэх юм байна. Ийнхүү судалгаан дээр үндэслэн ажиллах иргэдээ сонгон шалгаруулж байгаа нь авууштай сайхан арга байна хэмээн иргэд сэтгэл хангалуун байлаа.

Миний аав Самбуугийн Вандан нь Баянхонгор аймгийн Заг суманд Самбуугийн отгон хүү болж төрсөн. Аав минь урлагийн сургуульд сураагүй хэдийч чулуун сийлбэр, модон сийлбэр, хайчилбар, уран зураг, монгол зураг, хар зураг, хөрөг зураг гэх зэрэг урлагийн олон төрлийг бие даан судалж уран бүтээлээ туурвиж байсан. 30 гаруй насандаа зургийн сургуульд орох гэсэн боловч нас нь хөгшин байна гээд сургууль нь оруулаагүй гэдэг. Миний аав ажилсаг, юм бүхэнд авъяаслаг, олон төрлийн бүтээлүүдийг байнга цуглуулж судалдаг, юмыг амархан сурдаг хүн байсан. Миний аав байгалиас заяасан урлагийн хүн байсан хэдий ч аав минь хүссэн зүйлээрээ эцэст нь хүртэл явж чадаагүйд би жаахан харамсдаг. Тухайн үед нь туслаж дэмжих, хамтрах хүмүүс ховор, хийж бүтээх нөхцөл бололцоо нь бүрдээгүй юм болов уу гэж боддог юм. Ер нь бол Румын хотод Цаасны технологийн чиглэлээр мэргэжил эзэмшиж, дэлхийн олон орноор аялж эх орондоо олон шинэ санааг нэвтрүүлэхийг зорьж байсан хүн. Жишээ нь, Монголд ариун цэврийн цаас болон лааны анхны үйлдвэрийг оруулж ирж байсан.

Аав минь хамгийн сүүлд надтай уулзахдаа, “Аав нь хүний төлөө төрсөн хүн. Олон зүйлээ хүмүүст зориулж өгсөн. Тиймдээ ч амьдрал минь сайхан байна. Миний охин ч бас олон хүмүүст аз жаргал бэлэглэх сайн зураач болж чадна шүү” гэж хэлж байсан. Би ааваараа үргэлж бахархаж, хийж бүтээсэнээс нь суралцаж, урам зориг авч урагшилж явдаг. Аавынхаа гэгээн дурсгалд зориулж шүүгээнийх нь мухарт үлдсэн цөөхөн бүтээлээс нь энд оруулахаар шийдлээ.