creativemongolia

Author: admin

  • Булхарын ХАНДАА

    Сэтгүүлч мэргэжилтэй, урлагийн менежментийн чиглэлээр Австри Улсын Вена хотод ажиллаж амьдардаг.

    Австри Улс дахь Монгол оюутны холбооны үүсгэн байгуулагчдийн нэг.

    Австри дахь Монгол соёлын нийгэмлэгийн тэргүүн. Австри Улсад төрж өсөж буй Монгол хүүхдүүдээ монгол хэл, соёлоо мэддэг монгол хүн болгож хүмүүнжүүлэхийн тулд тууштай зүтгэж яваа нэгэн. Өөрийн санаачилгаар Вена хотод Монгол хэл соёлын сургуулийг байгуулан ажиллаж байна. Цаашид сонгодог урлагийн өлгий гэгддэг Австри улсад байгаа сонгодог урлагийн бизнесийн боломж, зах зээлд монгол авъяас чадварыг гаргахын тулд хоёр улсын соёлын харилцааны гүүр болох зорилго тавин ажиллаж байгаа. Энэ чиглэлээр хамтран ажиллах боломжтой.

    https://www.facebook.com/handa.bulkhar

  • Яаж үнэ цэнээ өсгөх вэ?

    үнэ цэн

    Таны өнөөдрийн амьдрал хаана байна вэ? Та юу хийж байна вэ? Хэдэн төгрөгний цалин авч байна вэ? Ямар хүмүүсээр хүрээлэгдэж байна вэ? Ямар амжилтанд хүрсэн бэ? Ямар амжилтыг зорьж байна вэ? Энэ бүгд таны өөрийн үнэ цэн ямар байгаагаас хамаарч байгаа гэдгийг та мэдэх үү?

    “Амжилттай хүн болохыг хүсвэл үнэ цэнээ  өсгө. Орлогоо нэмэгдүүлэхийг хүсвэл үнэ цэнээ өсгө.”

    Ертөнцийг харах цонх бол та өөрөө. Тиймээс өөрийгөө өнгөлөн гялалзуул.

    Бид өөрсдийгөө яаж үнэлэнэ бусад хүмүүс биднийг тэгж л үнэлэнэ. Хэрвээ бид өөрсдийгөө зах зээлд ашиггүй хүн гэж харвал биднийг ашиггүй хүн л гэж тооцно. Хэрвээ бид амьдралдаа, гэр бүлдээ, хамт олондоо, байгууллагадаа, нийгэмдээ чухал үнэ цэнтэй хүн болохыг зорих юм бол биднийг бас тэгж л үнэлэх болно. Хамгийн гол нь ТА ӨӨРӨӨ ҮНЭ ЦЭНЭЭ ТОДОРХОЙЛНО. Тиймээс өөрийгөө үнэ цэнтэй хүн болго.

    Яаж үнэ цэнээ өсгөх вэ?

    1. Юмны үнэ цэнийг өсгө. Үүний тулд өрөөсөө “Аль нэг юмны үнэ цэнийг өсгөхийн тулд би юу хийж чадах вэ?” гэдгийг асуу. Жишээлбэл: Эвдэрсэн хэмхэрсэн зүйлийг засаж янзлах. Урагдсан зүйлийг оёж бүтэн болгох, өнгөө алдсан зүйл байвал будаж өнгийг нь сэргээх гэх мэт өөрийн гэр, ажилладаг байгууллага, бизнес, эргэн тойронд байгаа юмыг хэрхэн сайжруулах вэ гэдэгийг өөрөөсөө асууж, сайжруулах.

    2. Бусад хүмүүсийн үнэ цэнийг өсгө. Үүний тулд “Бусад хүний үнэ цэнийг өсгөхөд би юу хийж чадах вэ?” гэдгийг өөрөөсөө асуу. Жишээлбэл: бусдын үнэ цэнийг өсгөхийн тулд тухайн хүнд байгаа сайн чанарыг нь төвийлгэн гаргаж, өөрт нь сануулах. Баярлаж талархснаа илэрхийлж, мэдэгдэх. Тулгарсан асуудал бэрхшээлийг нь тэвчээртэй сонсож, шийдвэрлэхэд нь туслах. Өсч хөгжиж, амжилтанд хүрэхэд нь туслах, гаргасан амжилтанд нь баяр хүргэх гэх мэт.

    Бусдын үнэ цэнийг өсгөхөд тусалбал өөрийн үнэ цэн өснө.

    3. Өөрийнхөө үнэ цэнийг өсгө. Үүний тулд өөрөөсөө “Би үнэ цэнээ өсгөхийн тулд юу хийх вэ?” гэдгийг асуу. Жишээлбэл: тодорхой амжилт гаргахын тулд сурч мэдэх ёстой бол түүнийгээ сурч мэд, шинээр ур чадвар эзэмших хэрэгтэй бол түүнийгээ эзэмш, зөв дадалтай болох шаардлагатай бол түүнийгээ дад, мэргэжлийн ном унших хэрэгтэй бол түүнийгээ унш гэх мэт өөрийгөө өсгөж хөгжүүл.

    Санаж яв: Өөрийнхөө одоо байгаа дүр төрхийг биш өөрийнхөө болж чадах тэр дүр төрхийг бодож, төсөөлж, зураглах хэрэгтэй.

    Та өөрийгөө ямар дүр төрхөөр төсөөлөх буюу тэр дүр төрхөндөө итгэх юм бол тэр төсөөлөл тань таны жинхэнэ бодит дүр төрх болж хувирна.

    Амжилтын Тарни

    Би үнэ цэнээ өдрөөс өдөрт нэмэгдүүлж байна!

    Та үнэ цэнээ хэрхэн нэмэгдүүлдэг вэ? Өнөөдөр үнэ цэнээ өсгөх ямар үйл хийх гэж байна вэ? доор сэтгэгдлээ үлдээгээрэй.

     

    ХҮС. ХИЙ. ХҮР.

    ТАНЫ АМЖИЛТЫН ТӨЛӨӨ

    ©Ука Төмөр

  • Чингис Хааны Чанчун бумбад илгээсэн захидал

    “Мөнх тэнгэр Хятад улсын туйлширсан тансаглал,
    биеэ тоосон ихэмсэглэлийг цээрлэн орхин одлоо. Харин би, хойд зүгийн
    зэрлэг онгон нутагт амьдрагч, бусдаас онцгой хүсэл
    тачаалтай бус юм. Би тансаглалыг үзэн яддаг бөгөөд даруу зохистой
    хэрэглээг даган мөрддөг. Надад нэг л хувцас, нэг л хоол бий. Би жирийн
    малчидтайгаа адил хүнс хэрэглэн, тэдэнтэй адил навсархай хувцас өмсдөг.
    Би ард түмнээ өөрийн хүүхдүүд гэж үздэг бөгөөд авьяас билэг дүүрэн
    нэгнийг эн зэрэгцэх ах дүүгээ шигээ санадаг. Бидний үндсэн зарчим нэг
    бөгөөд бие биенээ ташуурдах зүрх зориг үргэлж эвлэлдэн нэгтгэдэг.
    Цэргийн сургуулилтанд би үргэлж урд нь дагуулж жинхэнэ тулаанд хэзээ ч
    хойно суудаггүй. Долоон жилийн дотор би агуу их амжилтыг бүтээж, бүтэн
    дэлхийг нэг гүрэн дор нэгтгэж чадлаа. Би онцгой өвөрмөц чанартай нэгэн
    биш юм.
    Гэхдээ Kин улсын төр тогтворгүй учраас Мөнх тэнгэр
    намайг хаан ширээнд (Кин улсын) залархад тусалж байна. Өмнөд нутгийн Сүн
    улс, хойд зүгийн Хүй, зүүн талын Хиа ба баруун хязгаарт орших зэрлэгүүд
    бүгд миний ноёрхолыг хүлээн зөвшөөрлөө. Миний харж буйгаар эртний
    үеийн шан юү-аас хойш ийм зах хязгааргүй гүрэн байгуулагдаж байгаагүй
    билээ. Хэдийгээр миний энэ дуудлага өндөр ч, надад ноогдсон үүрэг бас
    хүнд юм; миний засаглалд ямар нэгэн зүйл дутагдаж буйг би эмээж байна.
    Гол усыг гатлахдаа бид завь залуур хийдэг. Түүнтэй адил бид ухаант
    мэргэдийг урин, их гүрнээ жолоодох туслах зөвлөхийг сонгодог. Хаан
    ширээнд заларсанаасаа хойш би өөрийн ард түмнийг удирдах жолоог
    зүрхэндээ тээсэн билээ; харин гурав (kung) ба есийн (k’ing) байрыг эзлэх
    зохистой хүнийг олж чадахгүй байна. Энэ учир тохиолдолын улмаас би
    эрэн сурвалжлан, эрхэм багш таныг үнэнийг нэвтлэн, зөв замыг сонгон
    туулж явааг дуулан сонслоо. Ихийг суран өнөр туршлага хуримтлуулсан
    эрхэм таны хуулийн судалгаа агуу билээ. Таны дархан оюун тунхаглал
    болсон. Та эртний мэргэдийн нугарашгүй зүй тогтолыг хадгалан түгээгч.
    Таны бүтээл цуутай алдартны авьяас билэг бүхий. Та урт удаан хугацаанд
    хад чулуун дунд, энэ ертөнцөөс холдон амьдарсан; гэвч таниас хүмүүс оюун
    ухааны эдгээрлийг, үхэшгүй мөнх бурхдын замд зогсох үүл адил, үй олноор
    олж авч байна. Таныг дайн дууссаны дараа Шан туны ойролцоо хуучин
    буйрандаа байрлаж буйг дуулсан, таны талаар би үргэлж боддог. Вэй голын
    эргээс нэг л тэргээрээ буцаж, хулсан урцандаа урих урилгыг гурвантаа
    хэлдэг талаар мөн мэдэх билээ. Гэвч би яах билээ? Өндөр уулс, өргөн
    уудам тал нутаг бидний тасалж, би таньтай уулзаж чадахгүй байна. Би
    зөвхөн хаан ширээнээсээ буун, хажуулан хүлээж чадна. Би мацаг барин,
    биеэ угаалаа. Эрхэм таныг дагалдан хүргэхээр би өөрийн хиа Ли Чунг Лүүг
    илгээлээ. Мянган бээрийн замаас бүү бэрхшээгээрэй. Эрхэм таны гэгээн
    алхалт хийгдэнэ гэж би хүснэм. Элсэн цөлийн цар хүрээг бүү бодоорой.
    Өнөөгийн нөхцөлд амьдарч буй хүмүүсийн үйлийг эмгэнэн тунгаан, эсвэл
    миний биеийг нигүүлсэн энэрч амьдралыг сахих арга билгээ дамжуулан
    олгооч. Би өөрийн биеээр танд үйлчилнэ. Эрхэм та өөрийн мэдлэг оюунаас
    өчүүхэн хэмжээг миний биед үлдээнэ гэж найднам. Надад нэг л үг хэлэхэд
    би аз жаргал дүүрэн байна. Эл захианд өөрийн бодлоо би товчоор өгүүллээ,
    эрхэм таныг болгоон соёрхон гэж найдна. Агуу Даогийн зарчмыг нэвтлэгч,
    зөв бүхнийг энэрэн тэтгэгч, эрхэм таныг олон түмнийн хүслийг сөрөн
    зогсохгүй гэж бодож байна.
    5 дах сарын эхний өдөр (May 15),1219.”

    Орчуулсан Э.Хонгорзул. The Travels of Ch’ang Ch’un to the West, 1220-1223 by E. Bretschneider (1888)

    Фото зураг: Зураач Батцэнгэлийн Их хаадын хөрөг зураг

  • З.Түмэн-Өлзий- Оюуны ухааныг музейг үүсгэн байгуулагч, оюуны тоглоом зохион бүтээгч

    З.Түмэн-Өлзий нь 1944 онд Завхан аймгийн Нөмрөг сумын нутаг “Агуйтын” өвөлжөөнд Зандраагийн 4-р хүү болж төрсөн. Аав ээжээсээ 11-үүлээ. Аав Зандраагийн эцэг Дашпунцаг, ээж Хушаан нар нь малчин ардууд байсан бөгөөд З.Түмэн-Өлзийн аав Зандраа, ээж Ханджав нар нь мөн мал маллаж байгаад 1956 онд Нөмрөг сумын анхны “Эх эхлэлт” нэгдэлд гишүүнээр элсэж, мал маллах, туслах бригадад мужаан зэрэг ажил хийж байгаад 1968 онд УБ хотод шилжин ирж Аж үйлдвэрийн Комбинатын хайрцагны цехэд ажиллаж байгаад өндөр насны тэтгэвэрт гарч, аав Зандраа нь 1986, ээж Ханджав нь 1994 онд тус тус ертөнцийн мөнх бусыг үзүүлсэн байна. Аав Зандраа нь 1938 онд Байтагбогдод хасгуудтай, 1939 онд Халх голд Япончуудтай байлдаж “Бид ялав” , “Халх голын” ойн медалуудаар удаа дараалан шагнагдаж байсан. З.Түмэн-Өлзийн өвөг дээдэс, аав ээж, ах дүү нар нь ямар нэгэн ял шийтгэл хүлээж байгаагүй.

    З.Түмэн-Өлзий нь 1967 онд Завхан аймгийн Идэр сумын харьяат Д.Сийлэгмаатай гэр бүл болж 4 хүүхэд төрүүлж өсгөсний дээр бүх хүүхдүүдээ гадаад орнуудад явуулж суралцуулан өндөр мэдлэг боловсрол эзэмшүүлж, хүүхдүүд нь одоо НҮБ болон бусад газруудад ажил алба хашиж улс орныхоо хөгжил дэвшилд хувь нэмрээ оруулж байна.

    З.Түмэн-Өлзий нь 1965 онд ЭЗДСургууль,1979 онд Намын дээд сургууль, 1989 онд Монгол Зөвлөлтийн хамтарсан Ардын их сургуулийг тус тус дүүргэсэн, нягтлан бодогч, эдийн засагч, Улс төрийн дээд боловсролтой. 1965 оноос 1988 онуудад Завхан аймгийн Тосонцэнгэл, УБ хотын мод боловсруулах үйлдвэрүүдэд ахлах, Ерөнхий ня-бо, санхүүгийн хэлтсийн дарга, орлогч дарга, Намын дарга зэрэг ажлуудыг хийж, ажилласан байгууллагуудынхаа ажлыг сайжруулж арга туршлага нь хэвлэл номонд гаран, сайшаал шагнал хүртэж хот, дүүргийн намын бага хуралд төлөөлөгчөөр байнга оролцон, хот, дүүргийн Намын хорооны гишүүнээр удаа дараалан сонгогдож байсан юм.

    З.Түмэн-Өлзий нь сурч боловсрох, ажиллах хугацаандаа 1955 оноос эхлэн өөрийнхөө багын авьяас сонирхлын дагуу одооны хийж буй Үндэсний тоглоомыг судлах сурталчлах, зохион бүтээж хөгжүүлэх, улмаар дэлхийн дэвжээнд гаргах нөр их ажлыг давхар хийж байгаад 1988 оноос дагнан хариуцаж, 1990 онд МО ТҮ ӨВ Компани болон Оюун ухааны олон улсын музейгээ үүсгэн байгуулан ажиллаад зохих амжилтанд хүрсэн юм. Түүний ажлын амжилтыг гадаад дотоодын ном, сэтгүүл, телевиз радио гээд хэвлэл мэдээллийн бүхий л хэрэгслээр байнга сурталчилж, олон түмний хүртээл болгосоор байна. З.Түмэн-Өлзий нь 5,6,7,8-р таван жилийн гавшгайч цол тэмдэг, Ардын хувьсгалын 60, 70, 80 жилийн ойн медаль, “ШБОС”, “Шинийг санаачлагч цол тэмдэг” Монголын Залуучуудын Холбоо, Нийслэлийн Хүүхэд залуучуудын газрын “алтан”медаль, МҮХАҮ-ын танхимын “Хийморын одон”, ХЭАХН-ий “Итгэлт бизнесмэн”, Монголын хүүхдийн төлөө үндэсний зөвлөлийн “Хүүхдийн нөхөр буяны эзэн”, Монголын Ёс заншил судлалын олон улсын холбооны “ Буянт үйлстэн” шагналаар тус тус шагнагдаж Баянгол дүүргийн хүндэт дэвтэрт бичигдэн, Баянзүрх дүүргийн засаг даргын хүндэт өргөмжлөл хүртсэн болно. Мөн 1994 онд Монгол улсын шилдэг зохион бүтээгч, 1998 онд Монгол улсын соёлын гавьяат зүтгэлтэн цол тэмдэг, Нүүдлийн Соёл иргэншлийн олон улсын төвийн Эрдэнийн Очир мөнгөн одон, Дэлхийн шатрын холбоо, Халимагийн ерөнхийлөгчийн хүндэт жуух, олон улсын үзэсгэлэнгүүдийн тэргүүн шагналууд (Гран при) алт, хүрэл медалиар шагнагдсан Чингис Хааны Дэлхийн Академийн Академич хүн юм. З.Түмэн-Өлзий нь төрөл бүрийн оньсон тоглоом, оньсон хайрцагнууд, эвхдэг ширээ сандал, үртэсний зуух, өдөн цэцэг, түүний ваар сав гээд 5 шинэ бүтээл, 300-аад бүтээгдэхүүний загварт хамаарах 3000-аад зүйл зохион бүтээж, холбогдох 5000 гаруй хуудас тодорхойлолт, томъёолол, техникийн шугам зураг зурж эрхийг нь хамгаалан олон улсын хэмжээнд баталгаажуулж патентуудыг нь авсан. Энэ бүхний эх хувь нь Монгол улсын Оюуны Өмчийн газарын Алтан фондод хадгалагддаг болно.

    Тууж, уянгын болон шог хошин өгүүллэг, сурвалжлага, ниитлэлийн 4 ном туурвисан байна. Мөн 300-аад хөрөг болон уран зураг зурсан.

    З.Түмэн-Өлзий нь Монгол ардын 15 ангийн тоглоом наадам, өөрийн зохион бүтээсэн 3000 шахам хувилбар бүхий төрөл бүрийн оньсон бүтээл, уран зураг, дэлхийн улс орнуудын оюуны болон шинжлэх ухааны тоглоом наадам зэрэг арван мянга гаруй үзвэрийг багтаасан Оюун Ухааны Олон Улсын Музей болон МО ТҮ ӨВ Компанийг 1990 онд үүсгэн байгуулж өргөтгөн хөгжүүлсээр одоо музей нь гадаад дотоодын төлөөлөгч, жуулчид зорьж ирж үздэг хамгийн олон үзэгчидтэй музей болж, тус компанийн гадаад харилцаа өргөжсөөр байна.

    Иймээс ч музейн барилгын багтаамж хүрэлцэхээ больж үзмэрүүд нь багтахаа байсан тул тус компани 2004 онд маш өвөрмөц хэлбэр загвар бүхий шийдэлтэй 4 давхар барилга барьж музейгээ өргөтгөсөн нь гадаад дотоодын үзэгчдийн сонирхлыг улам илүүтэй татах болсон юм. Мо Тү Өв компани нь 1958 онд байгуулагдсан Оньслох Ухааны Олон Улсын Академтэй хамтран 2004 оны 8 дугаар сард 42 орны төлөөлөгч оролцсон Оньслох Ухааны Зохион Бүтээгч, цуглуулагчдын Чуулга уулзалтыг Оюун Ухааны Олон Улсын Музейгээ түшиглэн зохион байгуулсан нь Монгол орныг дэлхийд сурталчилсан том арга хэмжээ болсон юм.

    Мо Тү Өв компани нь 1990 онд оньсон тоглоом хийдэг модны цех байгуулан ажиллаж энэ хугацаанд 200000 гаруй тоглоом үйлдвэрлэн гадаад дотоодын хэрэгцээнд нийлүүлж, тоглоом үйлдвэрлэх нь гар ажиллагаа, чимхлүүр ажил ихтэй, ашгийн түвшин багатай ч гэсэн улсад орлогын ЭМ, НДШ зэрэгт 20 гаруй сая төгрөг төлсөн билээ. Мөн төрсөн нутаг Нөмрөг сумандаа 1998 онд 1 сая төгрөг, 2004 онд 3 сая төгрөгийн үнэ бүхий модны суурь машинууд хандив болгон өгч, Завхан аймгийн Улиастай хотын Соёлын төвд буй өөрийн нэрэмжит шатарын клубт 1 сая шахам төгрөгийн үнэ бүхий алт мөнгөн шатар болон тэмцээнд ашиглах шатаруудыг өгсөн гэх мэт тусламж үзүүлж, З.Түмэн-Өлзийн нэрэмжит шатарын тэмцээнийг жил болгон Завхан аймгийн хэмжээнд уламжлал болгон зохион байгуулж түүний бай шагналыг нь З.Түмэн-Өлзий гаргадаг болоод байна. Монголын хүүхдийн байгууллага байгуулагдсаны 75 жилийн ойгоор Монголын хүүхдүүдэд 1,5 сая төгрөгийн тоглоом наадам хандив болгон өгсөн болно. 1998 онд Халимагийн нийслэл Элистэй хотод болсон дэлхийн шатарын 33-р олимпод үзэсгэлэн гаргаж “ Аваргын Оньсон Шатар” хэмээх 1992 онд өөрийн бүтээсэн бодит дүрстэй оньсон шатрыг ширээ, сандлын хамт дэлхийн шатрын холбоонд бэлэглэхэд, Ерөнхийлөгч Кирсан Илюмжинов “ сая доллараар ч үнэлэхийн аргагүй оюун ухаан, соёл урлагийн бүтээл” хэмээн үнэлж, хүндэт жуухаар шагнасан билээ.

    Мо Тү Өв компани нь Монгол үндэсний тоглоом, гар урлалын ховор нандин бүтээлүүдийг сурталчлан дэлхийн 52 оронд зохион байгуулагдсан 80 шахам үзэсгэлэн яармагт оролцсоноос, 2000 онд Германы Хановерт болсон дэлхийн экспод амжилттай оролцож, одоо Японы Айчи 2005 дэлхийн экспод мөн оролцож Монголчууд оньслох ухаанаараа дэлхийн улс орнуудаас хол тасархай түрүүлжээ гэдэг нэгдсэн ойлголт, үнэлэлт дүгнэлтийг олон улсын мэргэжлийн байгууллагууд болон оньс сонирхогч, цуглуулагч, эрдэмтэн судлаачид, зорьж ирж үздэг гадаад орнуудын үзэгчдээр албан ёсоор хүлээн зөвшөөрүүлээд байгаа нь тус компанийн болон Оюун Ухааны Олон Улсын музейн сүүлийн 10 гаруй жилийн идэвхтэй үйл ажиллагааны үр дүн юм. Ииймээс компани болон оюун ухааны олон улсын музей, монгол оньсны талаар дэлхийн улс орнуудын тоглоомын каталогид байнга ордог болж, оньслох ухааны олон улсын академи энэ талаар баримтат кино хийн 2002 онд дэлхий даяар сурталчилсан бөгөөд одоо тусгай ном хийж байна. Мөн Музейн талаар хүүхэд залуучуудын нэвтэрхий тольд орж, З.Түмэн-Өлзий нь энэ нэвтэрхий толийн хамтарсан зохиогчоор ажиллаж, Монгол үндэстний тоглоомын төрөл ангиудаас хүүхэд залуучуудын нэвтэрхий тольд оруулж нийтийн хүртээл болгожээ.

    З.Түмэн-Өлзийг “Монголын алдарт хүмүүн 21 зуун” Алтан номынхоо анхны дугаарт, Монголын алтан номын редакцийн зөвлөл, Монголын соёлын сан оруулжээ. Мөн З.Түмэн-Өлзийг Монгол улсын хуулийн дагуу “Утга соёлын өвийг ур чадварын өндөр төвшинд өвлөсөн” Монголын билиг авьястнуудын улсын жагсаалтын 11-рт үндэсний тоглоомоор нь бүртгэсэн болно.

    З.Түмэн-Өлзий нь одоо өөрийн үүсгэн байгуулсан МО ТҮ ӨВ Компанийн ерөнхий захирал, зохион бүтээгчээр амжилттай ажиллаж Монгол үндэсний тоглоомын арвин баялаг өв сан, арван мянга гаруй дахин давтагдашгүй үзмэр бүхий “ Оюун ухааны олон улсын музейгээ” түшиглүүлэн хүүхдийн оюун ухааныг багаас нь системтэй хөгжүүлэх сургалт явуулах бүх бэлтгэлээ бүрэн хангаж энэ оны хүүхдийн баяр буюу 6 дугаар сарын нэгнээр нээж үйл ажиллагаагаа эхлэхээр болоод байна. Ер нь н.Түмэн-Өлзий нь өөрийн ухамсарт амьдралыг хүүхэд залуучуудын хүмүүжил төлөвшил, Монгол хүний оюун ухааныг дэлхийн түвшинд гаргах, түүнийг хөгжүүлэх нөр их үйлсэд зориулан Монголын ард түмэн оюунлаг гэдэг бодит үнэлэмжийг хүн төрөлхтөнд ойлгуулах гэсэг өөрийн мөрөөдлөө биелүүлж байгаа цуцалтгуй хөдөлмөрч бүтээлч хүн болохыг түүний ажил амьдрал, санаачлан байгуулсан “Оюун ухааны олон улсын музей” бэлхнээ батлан харуулж байна.

    http://www.iqmuseum.mn

  • Япон технологиор Монголд тарьж ургуулсан АМТАТ ГҮЗЭЭЛЗГЭНЭ мэндэллээ



    Монгол улсын анхдагч хувийн хэвшлүүдийн нэг “Бридж” групп Япон улсын газар тариалангийн үйлдвэрлэл, худалдаа үйлчилгээгээр алдаршсан “Farmdo” компанитай хамтран эрүүл, аюулгүй, шинэлэг бүтээгдэхүүний тогтвортой бүтээмжтэй үйлдвэрлэлийг бий болгон
    иргэдийнхээ жимс, хүнсний ногооны хэрэгцээг тасралтгүй хангах , Монголын газар тариалангийн үйлдвэрлэлийн хөгжил, тариаланч өрхийн амьжиргааг сайжруулахад хувь нэмэрээ оруулахаар зорин үйл ажиллагаагаа эхэлж байна.

    Монголын иргэдээ эх орныхоо хөрсөнд ургасан эрүүл аюулгүй, шинэ ногоо, жимс жимсгэнээр хангах зорилгоор “Эвридэй Ферм” ХХК –ийг 2013 онд байгуулж,
    хүлэмжийн аж ахуй эрхлэн гүзээлзгэнэ тариалж эхэлсэн байна.

    Өчигдөр “Эвридэй Ферм” компани анхны ургацаа хураан авч Сонгино Хайрхан дүүргийн 21-р хорооны 61-ийн гарамын
    цаана Улаанбаатараас Дархан явах чиглэлд 39 км-т байрлах “МОННАРАН ФАРМ” салбарын нээлтээ албан ёсоор хийлээ.

    Тэдний гол зорилго нь Япон улсын газар тариалангийн арга технологийг үйлдвэрлэлийн системдээ нэвтрүүлж, импортыг орлох илүү амт чанартай , эрүүл шинэлэг гүзээлзгэнэ, хүнсний ногоо, газар тариалангийн бусад бүтээгдэхүүнийг хэрэглэгчиддээ хүргэх, түүнчилэн олон талт хамтын ажиллагааг хөгжүүлэх,
    газар тариалан эрхлэгчдийг сурган орлого, бүтээмжийг нь нэмэгдүүлэх явдал юм.

    Тус компани яг нэг жилийн өмнө ҮХААЯ-аас зарласан Гүзээлзгэний суулгацын төсөлд шалгаран 4800 ш үрсэлгээ хүлээн авч байсан бол одоо 8 хүлэмжинд гүзээлзгэнэ тариалж, жилд 4тн гүзээлзгэнэ хураан авч зах зээлд нийлүүлэхээр ажлаа эхлээд байгаа ба жил бүр 5 сараас 11 сар хүртэл ургац авах боломжтой юм.

    Гүзээлзгэнийг 2 жилийн хугацаанд хөрс, агаарт нь дасгах ажил хийгддэг учраас ирэх жилээс үйл ажиллагаагаа жигдрүүлэн ажиллахаар төлөвлөж байгаа хэдий ч энэ 7 сараас гүзээлзгэний эхний дээжээ худалдаанд гаргаж, “MONNARAN FARM” талбай дээрхи өөрийн
    дэлгүүр болон “ Эвридэй” сүлжээ дэлгүүрүүдээр худалдаалж эхлэх юм байна.

    Түүнчлэн “Эвридэй Ферм” компани нь Япон улсын газар тариалангийн тэргүүлэх дэвшилтэт технологиор эх орондоо, экологийн цэвэр орчинд өндөр
    технологиор ургуулсан хүнсний ногоо, жимс жимсгэнийг тариалангийн талбайгаас хэрэглэгчдэд шууд шинэхнээр нь хүргэхээр богино хугацаанд томоохон бүтээн байгуулалтыг хийж, олон талын харилцаа үйл ажиллагаагаа өргөжүүлэн ажиллаж байна.

  • Доналд Трамп -ын 10 зөвлөмж

    Donald Trump

    Жаргах уу, зовох уу? Амжилттай байх уу, үгүй юу? Баяжих уу, ядуурах уу? Бүгд бидний бодлоос хамаардаг. Бидний оюун ухаан маш хүчтэй. Тиймээс оюун ухаанаа зөв ашиглаж өөрийн хүссэн амьдрал руугаа чиглүүлэх хэрэгтэй. Үүний тулд аугаа том бодох хэрэгтэй тухай бичлэг би өмнө оруулсан байгаа. Үзээгүй бол энд дарж үзнэ үү.

    Энэхүү “Аугаа том бод” бичлэгийн дараа хүмүүсээс олон захидал хүлээж авсны нэг нь ‘яаж аугаа том бодох вэ’ гэдэг асуулт байсан. Тиймээс өнөөдрийнхөө бичлэг дээр “Яаж аугаа том бодох вэ?” тухай Доналд Трампын 10 зөвлөмж -ийг оруулж байна.

    1. Тодорхой болго. Аугаа том бодно гэдэг нь аливаа зүйлийг тодорхой болгохоос эхэлнэ. Яаж ч магадгүй? Юу ч гэсэн үзээд алдая! Туршаад үзье! гэдэг хандлагатайгаар аливаа зүйлийг эхлүүлж болохгүй. “Тийм” эсвэл “үгүй” гэдгийг тодорхой болгох.

    2. Эрч хүчтэй бай, түүнийгээ цааш нь хадгал. Хэрвээ танд санаа байгаад эрч хүч, энергигүй бол хэдий тэвчээр байгаад ч хүссэн зүйлээ бодит болгож чадахгүй. Тиймээс эрч хүчтэй байх нь маш чухал.

    3. Анхаарлаа төвлөрүүл. Анхаарлаа сарниулсан тэр л мөчид та эрч хүчээ алдана. Анхаарал эрч хүч хоёулаа байгаа цагт та илүү их зүйлд хүрч чадна. Тиймээс өөрөөсөө “Би яг одоо юун дээр анхаарлаа төвлөрүүлж байх ёстой вэ? Юу бодож байх ёстой вэ?” гэдгийг асуу. Энэ асуултыг асууснаар та анхаарлаа юун дээр төвлөрүүлэх ёстой түүн дээрээ төвлөрүүлэх болно. Хэрвээ та энэ бичвэрийг уншиж байгаа бол энэ бичвэр дээр л анхаарлаа 100% төвлөрүүл.

    4. Шийдэл дээр анхаарлаа төвлөрүүл. Энэ нь маш чухал. Яагаад гэвэл та юу ч хийсэн асуудалтай тулгарна. Энэ бол амьдралын зарчим. Хэрвээ асуудал дээр анхаарлаа төвлөрүүлбэл асуудал улам ихэсч, явцын дунд бууж өгнө. Тиймээс асуудал бэрхшээл хичнээн том байсан ч хамаагүй шийдэл дээр анхаарлаа байнга төвлөрүүл. Шийдэл дээр анхаарлаа төвлөрүүлснээр асуудлаа хурдан шийдвэрлэхийг хараад та гайхах болно.

    5. Боломжийг хай. Та өнөөдөр энэ бичлэгийг ямар учраас үзэж байна вэ? Амжилтанд хүрэх хүсэлтэй учраас үзэж байна уу? Амьдралаа өөрчлөх хүсэлтэй учраас үзэж байна уу? Хийх юм байхгүй учраас үзэж байна уу? Эсвэл уйдсан учраас үзэж байна уу? Аль нь ч байсан хамаагүй ээ! Ямар ч л байсан үзэж байх хоорондоо та шинэ зүйл сурч, мэдэж л байгаа. Үүнийг л боломж гээд байгаа юм. Тиймээс өөрөөсөө асуу “Би өнөөдөр юу сурч, мэдэж авсан бэ? Би өнөөдөр юу сурах вэ?” Тэгээд өдөр бүр шинийг сур. Энэ бол амжилтын зам. Өнөөдрийг боломж гэдгээр хар. Та өөрөө өөрийнхөө боломжийг бий болгоно.

    6. Хийж байгаа юмныхаа талаар юу мэдэх хэрэгтэй бүгдийг мэдэж ав.Ингэснээр аливаа нөхцөл байдалтай нүүр учрахад, боломж тохиоход хийх ёстой юмаа бүгдийг хийчихсэн бэлэн байх болно. Бас Robert Kiyosaki бид хоёрын бичсэн “Why we want you to be rich” буюу “Яагаад бид таныг баян болоосой гэж хүсч байна вэ?” гэдэг номыг уншаарай.

    7. Хийж байгаа зүйлдээ дуртай бай. Амжилтанд хүрэхийг хүсвэл хийж байгаа зүйлдээ дуртай байх нь маш чухал. Би өдрийн 7цаг ажиллаа гэж бодоход хэзээ ч ажилласан юм шиг санагддаггүй. Яагаад гэвэл хийж байгаа зүйлдээ дуртай учраас. Хэрвээ та хийж байгаа зүйлдээ дургүй бол дуртай зүйлээ олж хий. Хийж байгаа зүйлдээ дургүй бол та хэзээ ч амжилтанд хүрэхгүй, аз жаргалтай байж чадахгүй. Тиймээс хийж байгаа зүйлдээ дуртай болох арга замыг хай эсвэл дуртай зүйлээ олж хий.

    8. Өөрийгөө ялан дийлэгчээр хар. Ингэснээр бүх сөрөг байдлыг арилгаж эерэг болгоно.

    9. Ухаантай бай. Ухаантай байна гэдэг нь:

    • Хэрэгжүүлэх онцгой санаа танд байгаа гэдгээ мэдэх
    • Энэ санаагаа хэрэгжүүлэхийн тулд бүхий л бололцоог ашиглах
    • Явцын дунд гарч ирэх шинэ шинэ санаануудыг хүлээж авахад нээлттэй байх
    • Үргэлж шинийг сурч, урагшлах чадвартай байх

    Ингэснээр амжилтанд хүрнэ. Амжилт маш чухал. Та амжилтанд хүрэхийг л хүсч байгаа. Тиймээс амжилттай хүн бол. Надад итгэ! Aмжилтанд хүрснээр та илүү аз жаргалтай байх болно.

    10. Хэзээ ч битгий бууж өг. Амжилтанд хүрэхийг хүсвэл хэзээ ч битгий бууж өг. Хэзээ ч, хэзээ ч бүр хэзээ ч битгий бууж өг! Юу ч хийсэн хамаагүй хэзээ ч битгий бууж өг!

    Манай аав надад үргэлж хэлдэг байсан “Хүү минь хэзээ ч битгий бууж өг. Би чиний бууж өгөхийг харахыг хүсэхгүй байна. Хэзээ ч битгий бууж өг!”

    Манай аав ухаантай хүн байсан. Би аавынхаа үгэнд орсон. Тиймээс дахин хэлье: АУГАА ТОМ БОД!

    Үнэхээр сайхан зөвлөмж өгсөн байгаа биз. Одоо энэ зөвлөмжийг хэрэгжүүлэх л үлдлээ. Хэрэгжүүлж чадахгүй бол Трампын хэлдгээр “YOU ARE FIRED!”

    ХҮС. ХИЙ. ХҮР.

    ТАНЫ АМЖИЛТЫН ТӨЛӨӨ

    ©Ука Төмөр

  • “МӨНХ ТЭНГЭР БА ШИНЖЛЭХ УХААН” ном хэвлэгдэн гарлаа

    Монгол суу ухааны Манукол академийн ерөнхийлөгч Зулаагийн Бат – Отгоны гаргасан “МӨНХ ТЭНГЭР БА ШИНЖЛЭХ УХААН” ном хэвлэгдэн гарлаа. 

    Товч танилцуулга

    Монгол суу ухааны уг гарвал, эх үндэс нь Мөнх тэнгэр. Өөрөөр хэлбэл, монгол суу ухааныг ургуулсан үндэс – төрүүлсэн эх нь Мөнх тэнгэр.
    Мөнх тэнгэр бол орчлонгийн орой. Тиймээс монголчууд “Оройн дээд Мөнх тэнгэр бий орчлонг чиглүүлэгч мөнхийн хүч бий” гэж хэлэлцдэг. Мөнх тэнгэр гэдэг нэг үндсээс орчлонгийн бүх үзэгдэл юмс соёолон дэлгэрч, салаалж мөчирлөж, цэцэглэн дэлгэрсэн. Тиймээс Мөнх тэнгэр бол орчлонгийн бүх зүйлсийг өөрөөсөө үүсгэсэн, эргээд орчлонгийн бүх зүйлийг өөртөө хураан нэгтгэдэг. Чухамхүү энэ бол супер нэгдэл.
    Шинжлэх ухааны сүүлчийн тулгуур онол нь супер нэгдлийн онол гэдгийг хүн бүхэн мэднэ. Тэрхүү супер нэгдэл нь монголчуудын танин мэдсэнээр Мөнх тэнгэр. Тэнгэрийн сургаалд болон монгол суу ухаанд “Мөнх тэнгэр гэдэг бол орчлонгийн бүх гэрлийн эрчим хүчний дээд нэгдэл” гэж сургадаг. Энэ нь орчлонгийн супер нэгдэл бол гэрэл, гэрлийн энергийн дээд нэгдэл болохыг хэлж өгнө. Энэ бол орчлонгийн супер динамик.
    Иймд Мөнх тэнгэр бол гэрлийн буюу оптикийн физик, цахилгаан соронзон физик, квант физик, синергетикийн онол, хуулиуд болон шинжлэх ухааны бусад мэдлэгээр бүрэн тайлбарлагдах төдийгүй бүрэн батлагдана. Тэгэхээр Мөнх тэнгэр бол сүсэг бишрэл, шашин шүтлэг огтхон ч биш. Гагцхүү шинжлэх ухааны дээд онол, мэдлэг, монголчуудын орчлонг бүхлээр нь бүрэн танин мэдсэн дээд шинжлэх ухаан юм. Чухамхүү үүнийг л уг номонд дэлгэн өгүүлсэн.
    Өвөг дээдсийн маань орчлонг бүхлээр нь танин мэдсэн энэ мэдлэг өнөөгийн монголчууд төдийгүй дэлхийн танин мэдэхүйд ялангуяа, шинжлэх ухааны танин мэдэхүйд нэн чухал. Тиймээс уг номыг монгол, англи, орос хэл дээр нэн яаралтай хэвлэж, түгээх шаардлага тулгарч байгаа.

  • Өөрийгөө танин мэдэх тухайд

  • Яаж өөртөө зорилгыг бий болгох вэ?

    Огт зорилгогүй хүн гэж байдаггүй. Хүн бүр дотроо ямар нэгэн зорилго тээж явдаг гэж би бодож байна. Танд ч гэсэн зорилго байгаа. Тийм үү?

    Яагаад хүн бүр зорилготой байдаг вэ гэвэл хүн бүр хүссэн юмаа олж авч чаддаг амжилттай хүн болох хүсэлтэй байдаг учраас зорилготой байдаг.

    Хамгийн гол нь ихэнх хүмүүс дотроо байгаа тэр зорилгыг гаргаж ирж, тодорхой болгодоггүйд л хамаг учир байгаа юм. Өөртөө цаг зав гаргаж байгаад, тухлаж сууж байгаад, цаас харандаа авч байгаад зорилгоо тодорхой болгож бичих цагийг хэзээ ч гаргадаггүй гэсэн үг.

    Тийм ч учраас ихэнх хүн өөрөө амьдралаа бүтээхээсээ илүү амьдрал надад тохиолдоод байна (надад л ийм болж бүтэхгүй амьдрал тохиолдоод байна) гэсэн бодолтой байдаг гэж болно.

    Тиймээс эдгээр хүмүүсийн эгнээнд багтаж орохгүйн тулд өнөөдөр өөртөө тусгайлан цаг зав гаргаж байгаад, зорилгоо тодорхой болгон бич.

    Тодорхой болгохын тулд өөрөөсөө дараах асуултуудыг асуу.

    1. Би амьдралаа ямар болгомоор байна вэ?

    2. Би яг юу хүсч байна вэ?

    3. Би ямар хүн болмоор байна вэ?

    4. Миний хайр дурлал гэр бүлийн харьцаа ямар байгаасай гэж бодож байна вэ?

    5. Банкиндаа хэдэн төгрөгтэй болмоор байна вэ?

    6. Бие бялдраа яаж хөгжүүлмээр байна вэ?… гээд л амьдралынхаа бүх л талбаруудаас асуулт асуу.

    Асуулт бүрийг дахин дахин асуу. Учир нь эхлээд өөрөөсөө асуулт асуухад маш ерөнхий хариулт өгдөг. Тухайлбал, “Би амьдралаа ямар болгомоор байна вэ?” гэж асуухад “Би амьдралаа аз жаргалтай болгомоор байна” гэж хариулж байх жишээтэй.

    Харин тодорхой хугацааны турш өөрөөсөө дахин дахин асууснаар хариулт улам нарийсч, улам тодорхой дүр төрх, зургийг үүсгэдэг. Тиймээс аливаа өөрөөсөө дахин дахин асуух нь маш чухал.

    Ингэж тодорхой болгосноор та өмнө нь зорилгогүй, зогсонги болсон юм шиг санагдаж байсан бол харин одоо тодорхой зүг чигтэй болохоос гадна түүнийгээ биелүүлэх хүсэл эрмэлзэлтэй болно.

    Зорилгоо тодорхой болгож чадаагүй хүн өөрийнхөө талд зогсож чадахгүй, хаа сайгүй явж байдаг. Мөн өөрийн гэсэн тогтсон бодолгүй, бусад хүмүүсийн бодол санаанд автаж, өөрийн бодол санаанаас урвах нь амархан байдаг.

    Харин зорилгоо тодорхой болгосон хүн өөрийнхөө талд бат зогсож чаддаг ба суурьнаасаа огт хөдөлдөггүй. Хөдөлсөн ч эргэн сууриндаа очих чадвартай байдаг.

    Зорилго тавих нь яагаад чухал вэ гэвэл зорилгодоо хүрэхийн тулд хүн заавал өсч хөгжих шаардлагатай болдог байна.

    Санаж яв: Зорилго хүнийг хөгжүүлдэг.

    Өсч хөгжих нь маш чухал гэдгийг бид аль хэдийн мэднэ. Мөнгөтэй байлаа гэхэд дампуурах магадлал бий. Байшинтай байлаа гэхэд нурж бас шатаад алга болж мэднэ. Машин тэрэгтэй байлаа гэхэд эвдэрч, хулгайд алдах боломжтой. Гэр бүл хайртай хүмүүсээсээ хагацахгүй гэхийн аргагүй.

    Харин олж авсан мэдлэг, туршлага зөвхөн өөртөө л үлддэг.

    Тиймээс дахин хэлье.

    Зорилгыг яаж өөртөө бий болгох вэ? гэвэл

    “Хүн бүрт зорилго бий. Харин хүн бүр зорилгоо тодорхой болгодоггүй.”

    Тиймээс өнөөдөр, яг одоо өөртөө 30хан хувь(минут) гаргаж байгаад зорилгоо тодорхойл.

    Амжилтын тарни

    Миний амьдралын зүг чиг ТОДОРХОЙ!

    ХҮС. ХИЙ. ХҮР.

    ТАНЫ АМЖИЛТЫН ТӨЛӨӨ

    ©Ука Төмөр



  • ЯЗГУУР УРАН БҮТЭЭЛИЙН НЭГДЛИЙН БОДЛОГО ТӨЛӨВЛӨГӨӨ БОЛОВСРУУЛАЛТ

    ЛОГОНЫ БИЛЭГДЭЛ

    Хэлбэр: Зогсолтгүй дээш тэмүүлэх эрч хүчтэй хөдөлгөөнийг илэрхийлсэн.

    Дүрслэл: Гал улаан нарны гэрэл цацраан тэнгэр өөд дүүлж яваа гоо марал. Монгол үндэстний нэн эртний урлаг болох буган чулууны дүрслэлээр Я үсгийг илэрхийлсэн.

    Өнгө: Монгол үндэстний соёл урлагийн мандан бадралыг билгэдсэн галын өнгөтэй.

    Билэгдэл: Гоо марал нь монголчуудын үүсэл гаралын эх болдог төдийгүй Хүрэл зэвсгийн үеийн буган чулуу нь гайхамшигтай урлагийн бүтээл болдог юм. Тиймээс Монгол үндэсний язгуур өв соёл, язгуур үнэт зүйлээ хөгжүүлэн даян дэлхийд монгол урлагийг тунхаглан зарлахыг билэгдэн дүрслэв.

    УРИА: Оюун санааны язгууртан

    УРИАНЫ ТАЙЛБАР: Оюун санааны язгууртан гэдэг нь өөрийнхөө оюун ухаан, сэтгэл зүрхийг танин мэдэж өөрөө өөрийнхөө хаан байж чадах эрхэм хүмүүн юм. Оюун ухааныхаа эзэн хаан болж чадах язгууртануудыг олон болгохын тулд бид уран бүтээлээ туурьвих болно.

    АГУУЛГА

    1. БИДНИЙ ТУХАЙ
    2. БАГ ХАМТ ОЛОН
    3. ҮЙЛЧИЛГЭЭ, ҮЙЛ АЖИЛЛАГААНЫ ЧИГЛЭЛ
    4. УРАН БҮТЭЭЛ ХИЙСЭН АЖЛЫН ТОВЧООН
    5. ХӨГЖҮҮЛЖ БУЙ ТӨСӨЛ
    6. ТҮНШЛЭЛ
    7. ХОЛБОО БАРИХ

    БИДНИЙ ТУХАЙ

    Монголын соёл урлагийн салбарыг түүчээлэн хөгжүүлнэ.

    Хүсэл мөрөөдөл, зорилго тэмүүллээрээ нэгдсэн уран бүтээлч, шинийг эрэлхийлэгч залуучуудын “ЯЗГУУР” нэгдэл.

    1. Баг хамт олныг идэвхижүүлэх сургалт
    2. Арга хэмжээний зохион байгуулалт
    3. Агуулга хөгжүүлэлт. Захиалгат шторк, реклам, мэдээ, сурвалжлага, нэвтрүүлэг, баримтат кино

    СУРГАЛТ, ЗӨВЛӨГӨӨ

    · Хүүхэд залуучуудад хувь хүний хөгжил, мэргэжлийн чиг баримжаа олгох, идэвхи оролцоог нэмэгдүүлэх, бүтээлч сэтгэлгээг хөгжүүлэх сургалт

    · Байгууллага, олон нийтэд хувь хүний хөгжил, багийн ажиллагаа болон хөдөлмөрийн бүтээмжийг сайжруулах, идэвхижүүлэх, сургалт

    · Илтгэх урлаг ба өөрийгөө илэрхийлэх чадвар хөгжүүлэх сургалт

    · Хөтлөгчийн сургалт

    · Удирдлага, манлайлалын сургалт

    · Хувь хүн, гэр бүл, байгууллага хамт олонд зорилтот сэдэв бүхий театрчилсан, видео гэх мэт олон хэлбэрийн лекц

    · Хүүхдийн байгууллагын ажилтан, нийгмийн ажилтан, багш нарт хичээлээс гадуур хүүхдийг хөгжүүлэх олон талт сургалт

    · Хүүхэд, эцэг эх, гэр бүл, хамт олонд чиглэсэн зорилтот хөтөлбөр

    АГУУЛГА ХӨГЖҮҮЛЭЛТ

    · Дүрс бичлэг, фото

    · Сурталчилгаа

    · Видео дүрсжүүлэлт

    · Клип

    · Захиалгат нэвтрүүлэг

    · Баримтат кино

    · Зохиомж

    · Уран сайхны кино

    ҮЙЛ АЖИЛЛАГААНЫ ЗОХИОН БАЙГУУЛАЛТ

    • Хүндэтгэл ёслолын үйл ажиллагаа
    • Олон нийтийн нэгдсэн үйл ажиллагаа
    • Хурал цуглаан, лекц семинар
    • Шоу тоглолт

    ТӨСӨЛ ХЭРЭГЖҮҮЛЭЛТ

    · Төсөл санаачлах

    · Төсөл санаачлан хэрэгжүүлэх

    · Төсөл хэрэгжүүлэх

    БИДНИЙ ЗАРЧИМ

    · Чин сэтгэлээсээ хандах

    · Чанарыг эрхэмлэх

    Манлайлан үлгэрлэгч байх

    ·

    Цаг баримтлах

    Бүтээлч, хөдөлмөрч байх

    Шинийг эрэлхийлэгч байх

    Хариуцлагатай байх

    · Зохист хэмнэлээр ажиллах

    · Хүнлэг энэрэнгүй байх

    · Харилцан хүндэтгэлтэй байх

    · Илэн далангүй, үнэнч шударга байх

    · Цэвэрч, цэгцтэй байх

    · Хайр гамтай байх

    Шуурхай байх

    УРАН БҮТЭЭЛ, ХИЙСЭН АЖЛЫН ТОВЧООН

    1. СУРГАЛТ, ЗӨВЛӨЛГӨӨН

    2012.12- 2013.02 “Сайн засаглалд хүүхдийн оролцоо амин чухал” өсвөр насныханд зориулсан зорилтот төсөл

    2014.01- 03 “Хүүхдийн төлөөх төсөв” өсвөр насныханд зориулсан зорилтот төсөл

    2014.05.06 “Гео мандал” аялал жуулчлалын баазын хамт олонд “Би байгууллагынхаа нэг хэсэг” сэдэвт идэвхижүүлэх сургалт

    2014.05.24 Сэлэнгэ аймгийн нэгдсэн эмнэлэгийн хамт олонд “Харилцаа ба хандлага” сэдэвт сургалт

    2014.10- 11 “Уран бүтээлийн Язгуур нэгдэл”-ийн залууст “Өөрийгөө хөгжүүлцгээе” сэдэвт сургалт

    2. ДҮРС БИЧЛЭГИЙН ҮЙЛЧИЛГЭЭ

    2004 “Хонзон” теле зохиомж

    2008 Монголын Телевизүүдийн холбооны АЛТАН ШОНХОР наадмын шилдэг бүтээл “Амитаба” кино зохиомж

    2009 “Цагаан сараар золгохгүй ээ” теле зохиомж

    “UBS music” хөгжим мэдээллийн хөтөлбөр

    “Монголиан мюзик” хөгжим мэдээллийн хөтөлбөр

    “Бид залуус” нийгэм- залуучуудын теле сэтгүүл

    “Соёл урлагийн цаг” урлагийн мэдээллийн хөтөлбөр

    “Жоб ньюс” хүний нөөцийн тухай телевизийн нэвтрүүлэг

    Есөн од ХХК-ын 10 жилийн ойд зориулсан баримтат нэвтрүүлэг

    2014.09.22-25 “Уран үгсийн чуулган” Төв аймгийн утга зохиолын нэгдэл, Нийтийн номын сангийн түүхт ойд зориулсан захиалгат нэвтрүүлэг

    2014.11.06 УДЭТ-ын бүтээл “Монголчуудыг сэрээсэн Тэнгэрийн хүү” жүжгийн талаарх баримтат нэвтрүүлэг

    2014.09.30 Дорноговь аймгийн Сайншанд хотын 1-р сургуулийн 90 жилийн ойд зориулсан сургуулийн дууны клип, шторк

    2014.11.06 УДЭТ-ын “Түүхэн жүжгийн сар” нэвтрүүлэг

    Гадаад улс орнуудад хийсэн нэвтрүүлэг, сурвалжлага, кино

    2010.08.10-24 Олон улсын залуучуудын чуулга уулзалтаас бэлтгэсэн нэвтрүүлэг

    2014.07.02-09 ОХУ-ын Чита хотод болсон ШХАБ-ын гишүүн орнуудын залуучуудын урлаг спортын их наадмаас бэлтгэсэн нэвтрүүлэг

    ЗОХИОН БАЙГУУЛСАН АРГА ХЭМЖЭЭ

    2008- 2011 UBS Music Video Awards

    2011, 2012 “Эрдэнэс Таван толгой” ХК-ийн шинэ жилийн цэнгүүн

    2012- 2014 “Grand people” awards

    2012, 2013 БОНХЯ-аас зохион байгуулдаг ”Green awards”, шинэ жилийн баярын цэнгүүний хөтлөгч

    2013.12.09 “Le Grandi Voci” СТА А.Сайнбаяр, СТА Ч.Энхтайван нарын хамтарсан сонгодог тоглолт

    2013.12.13 “БСБ сервис” ХХК-ийн шинэ жилийн цэнгүүн

    2013.12.26 Монголын Телевизүүдийн Холбооны дээд шагнал “Алтан Шонхор” наадмын найруулагч, зохион байгуулагч

    2013.12.30 ОУХНТөвийн “Үе үеийн бүлгийн удирдагчдын шинэ жил”

    2014.04.06 “Баялгийг бид бүтээнэ” Чингисийн талбай дахь1500 хүний нэгдсэн ажиллагаа

    2014.05.12-14 Хөтөлийн “Цемент-Шохойн үйлдвэр” ХХК-ийн хуурай аргын үйлдвэрийн нээлтийн ажиллагаа

    2014.05.19 “Гэгээн муза – 11” шагнал гардуулах ёслол

    2014.06.01 “ОУ-ын хүүхдийн эрхийг хамгаалах өдөр 6-р сарын 1-ний Чингисийн талбай дахь нэгдсэн арга хэмжээ

    2014.06.15 УБЯН-ын “Дугуйн аялал” спорт өдөрлөг

    2014.10.08 Д.Анхболд, Д.Наранчимэг нарын хуримын ёслол

    2014.10.12 НҮБ-ын хүүхдийн сангаас зохион байгуулсан “Хүүхдийн төлөө өндөрт нисье” үйл ажиллагааны хөтлөгч

    2014.10.18 УБЯН-ын “Спорт өдөрлөг” ОУХНТ-д

    2014.10.29 Нийслэлийн Улаанбаатар хотын 375 жилийн ойн парад шоу

    2014.10.29 Нийслэлийн Улаанбаатар хотын 375 жилийн ойд зориулсан “Хүүхдийн найрал дууны наадам”

    2014.11.19 “Өнөөдөр” киноны нээлтийн үйл ажиллагаа

    ТҮНШЛЭЛ

    НҮБ

    Улсын Драмын Эрдмийн Театр

    Найрамдал Олон улсын хүүхдийн зуслан

    UBS TV

    БҮТЭЭЛЧ МОНГОЛ НЭГДЭЛ

    “Эрдэнэс Таван толгой” ХК

    ХОЛБОО БАРИХ

    976- 70000722, 99152511

    yazguurnegdel@gmail.com

    https://facebook.com/YAZGUURgroup

    https://twitter.com/YAZGUURgroup