creativemongolia

Author: admin

  • БҮТЭЭЛЧ МОНГОЛ ЦУВРАЛ ЛЕКЦ | ОЮУНЫ УУРХАЙГАА ОЛБОРЛОЁ!

    Залуус хойч ирээдүйгээ БҮТЭЭЛЧ ҮЙЛСД чиглүүлэн, урам зориг итгэл үнэмшил өгөх, бүтээлч хүмүүс өөрийн санаачилга, хийж хэрэгжүүлж буй ажил үйлсээ танилцуулж дэмжлэг бүрдүүлэх, салбарын мэргэжилтнүүдийн хамтын ажиллагааг өргөжүүлэх зорилготой соён гэгээрлийн БҮТЭЭЛЧ МОНГОЛ цуврал нээлттэй лекцийг бямба гараг бүрийн 11 цагаас МУИС-ийн 2-р байрны 308 тоотод тогтмол зохион байгуулж байна.

    Үндэсний оюун сэтгэлгээний сэргэн мандалын энэхүү эринд салбараа хөгжүүлэх таатай нөхцөл, дэмжлэг, тусламж хүлээж шалтаг тоочин суулгүйгээр салбарынхан дор бүрнээ нэгдэж бодит ажил үйлсийг эхлүүлж, оюун санааны хувьсгал хийх цаг иржээ.

    Санаачлагч: Бүтээлч Монгол нэгдэл
    Хамтран зохион байгуулагч: Mile клуб, МУИС, Монгол утга соёлын Өлзий нэгдэл
    Зохицуулагчид:
    М.Чанцалдулам (МУИС, 4-р курсын оюутан http://creativemongolia.com/chantsaldulam/),
    Т.Нямгэрэл (ШУТИС, 3-р курсын оюутан http://creativemongolia.com/nyamgerel/)

    ОЮУНЫ УУРХАЙГАА ОЛБОРЛОЁ!

  • Амартайван АМАРСАЙХАН- Зохиолч, шог зураач

    Сэтгүүлч, зохиолч

    Шог зохиол, зургаар оролдод 20 жил болж байна. Алтайн сүрлэг уулсын хормойд унаж, хутга шиг шовх хөх чулуудад өвдгөө шалбалж өссөн нэгэн билээ.

    Хошин зохиол сараачиж, шог зураг эрээчин сар жилийг умартан суухуйд, уугуул нутаг Есөнбулагийн рашаан арвантаа харзалж, Олон нуурын дэрснээ хун галуу хоринтоо чуулжээ.

    Энэ зуурт “Цахиур Төмөр” сонин, “Алтай” телевиз, “Тоншуул” сэтгүүл, Хэвлэлийн хүрээлэн, “Сэтгүүлч” коллеж, “Цалиг” студийн ширээг элээж үзлээ, элээсээр ч сууна. Сүүлийн үед өвөг дээдсийн шүтээн Баян Богд уул минь, онигор бор нүднээс нь ухаан уугисан хөх өвгөд минь нүдэнд харагдаж, шоглож шоолох бус уйлж хайлж уярсан юм бичьюү гэж ч бодогдоод байх шиг. Гэвч инээдэм наргиа, ёж ёргиогүй бол амьдрал гэгч харанхуй болох тул үзгээ юүлж, бийр юугаа хатааж үл түвднэм билээ.

    2005 онд шог өгүүллэг, шог зургийн “Өөхөнд хулдсан егөө” ном гаргасан. 2009 онд “Хэцүү анги” кино зохиол, 2010 онд “Тусгай салаа” кино зохиол бичсэн маань кино болон бүтээгдэж МҮОНТ- р цацагдаж олны хүртээл болсон.

    http://amarsaikhan.blogspot.com/

    https://www.facebook.com/amarsaikhan.altangerel

  • МӨНХ НОГООН АМЬДРАЛ- ДӨРВӨН УЛИРЛЫН ХҮЛЭМЖ АГРО ПАРКИЙН ТӨСӨЛ

    Бид төслийн хөгжүүлэлт олон нийтэд хүргэх, маркетинг, агуулга, хэвлэл мэдээллийн чиглэлд хамтран ажиллаа.

    АЛСЫН ХАРАА
    Хамтын оюун санаа, хүч, хөдөлмөрөө нэгтгэн жимс, хүнсний ногооны импортыг орлох экологийн цэвэр бүтээгдэхүүн үйлдвэрлэн зах зээлийн тодорхой хувийг хангаж, цаашид үндэсний бренд гарган экспортолж Монголдоо сайхан амьдарцгаая!

    ЗОРИЛГО
    Монгол оронд жилийн дөрвөн улиралд жимс, хүнсний ногоо тариалж өндөр ургац аван, хэрэглэгчдийн эрэлт хэрэгцээнд нийцсэн экологийн цэвэр бүтээгдэхүүн үйлдвэрлэх инженерийн дэд бүтэц бүхий өвлийн хүлэмжийн технологийг нэвтрүүлнэ.

    ЗОРИЛТ

    1. Хүлэмжийн цогцолбор аж ахуйн Үйлдвэрлэлийн үзэл баримтлалыг боловсруулж сонирхолын бүлгүүдэд танилцуулна
    2. Агропаркийн хүлэмжийн нэгжүүдийг шалгаруулж гэрээ байгуулна
    3. Хүлэмжийн цогцолбор аж ахуйн бизнес төсөл боловсруулна
    4. Жижиг дунд үйлдвэр хөгжүүлэх сангаас хөнгөлөлттөй зээл авна
    5. Хүлэмжийн цогцолбор аж ахуйн барилгын зураг төсөв боловсруулна
    6. Хүлэмжийн цогцолбор аж ахуйн удирдлага зохион байгуулалт хийнэ
    7. Хүлэмжийн цогцолбор аж ахуйн инженер технологийн алба байгуулна
    8. Хүлэмжийн барилга байгууламж барих, инженерийн шугам сүлжээ байгуулна
    9. Үрсэлгээ хийнэ
    10. Технологийн ажилчдыг сургалтанд хамруулна
    11. Хүлэмжийн цогцолбор аж ахуйг ашиглалтанд оруулна
    12. Монгол нутгийн хөрсөнд ургуулсан экологийн цэвэр бүтээгдэхүүн зах зээлд байнга нийлүүлнэ

    ХҮЛЭМЖИЙН АГРОПАРК ТӨСӨЛ by CREATIVE MONGOLIA

    https://www.facebook.com/EvergreenLifeMongolia/

  • МОНГОЛЫН УЛАМЖЛАЛТ ТУЛААНЫ УРЛАГИЙН ХОЛБОО

    АГУУЛГА

    1. БИДНИЙ ТУХАЙ
    2. ЭРХЭМ ЗОРИЛГО, ЗОРИЛТ
    3. ҮҮСГЭН БАЙГУУЛАГЧ
    4. БАГШ НАР
    5. СУРГАЛТ, ХӨТӨЛБӨР
    6. ХОЛБОО БАРИХ

    БИДНИЙ ТУХАЙ

    Монголын уламжлалт тулааны урлагийн холбоо нь уламжлалт тулааныг уламжлан хөгжүүлэгч 13 хүний санаачилгаар 2000 онд үүсгэн байгуулагдсан. Одоогоор 600 гаруй үндсэн, 2000 гаруй дэмжигч гишүүнтэй. Үндэстний дайчин шинж чанараа амьдрал ахуйдаа зөв ашиглаж чаддаг, эрүүл чийрэг бие бялдартай, ёс суртахуунт өв тэгш Монгол хүнийг төлөвшүүлэх эрхэм зорилготой байгууллага юм.

    Холбоо нь 5 зөвлөл, 5 албатай. Сургалтын алба, Ёс зүйн алба, Холбооны аюулгүй байдлын албатай. Сургалтын алба нь хүний бие бялдар ба сэтгэлзүйн хэм хэмжээнээс хэтэрсэн бэлтгэл сургуулилтыг даван туулж, зэвсэгтэйгээр болон зэвсэггүйгээр биеэ хамгаалах аргыг эзэмшүүлж, төгс төгөлдөр нууцлаг тулааны эрдэм ухааныг улам хөгжүүлэн үеийн үед удам дамжуулан өвлүүлэх үүрэгтэй. Холбооны аюулгүй байдлын алба нь аравт, зуут, мянгат гэсэн эртний Монгол цэргийн зохион байгуулалттай. Энэхүү албыг уламжлалт тулааны мастеруудаас шилж авсан, тусгай бэлтгэлтэй хүмүүс гүйцэтгэх бөгөөд Холбооны УЗ-н гишүүд, уламжлалт тулааны урлагийн мастерууд, тэргүүн багш нарыг хамгаалах үүрэгтэй. Ёс зүйн алба нь сахилга бат, дэг журам, нэр төрийг дээдлэн сахиулж, ёс суртахууны хүмүүжил, боловсролыг олгох үүрэгтэй.

    Азийн тулааны урлагийн эцэг болсон Монголын уламжлалт тулааны урлаг нь нүүдлийн соёл иргэншилтэй нас чацуу хөгжиж ирсэн нэн эртний баялаг түүхтэй. Тулааны урлаг нь нүүдэлчдийн амьдралын хатуу ширүүн нөхцлийг зөв даван туулах ухаанаас үүдэн гарсан нүүдэлдчийн өдөр тутмын амьдралын салшгүй нэг хэсэг нь болсоор ирсэн юм. Мал амьтныг гаршуулах, унаа эдэлгээнд сургаж номхруулах, амьтадын өөрийгөө хамгаалах эрдэм, ан агнуур, мал амьтны үе мөч, бие физиологийн бүтэц зохион байгуулалтыг сайтар судалж мэдсэнээ өөрийгөө хамгаалах тулалдахад ашиглах эрдэм нь тулалдах, дайтах урлагийн үндэс болсон юм.

    Манай сургуулийн төгсөгч, тамирчид нь улсын чанартай тэмцээнүүдээс 9 алтан медаль, 13 мөнгө, хүрэл; дэлхийн аваргаас алт 4, мөнгө 2, хүрэл 1 медаль хүртсэн амжилттай ба Цагдаагийн тангараг, Ану хатан, Хубилай хаан зэрэг монгол болон олон улсын 30 гаруй кинонд орлон тоглогч, тулааны найруулагч, тулааны дэглээчээр хамтран ажилласан.

    Бид нийгмийн хариуцлагын хүрээнд, хүүхдийн асрамжийн газар, ЕБС-ийн хүүхдүүдэд бие бялдарын өв тэгш хөгжил, өөртэй итгэх итгэл бий болгох сургалт, үзүүлэн тоглолтыг тогтмол зохион байгуулж байна.

    ЭРХЭМ ЗОРИЛГО

    Үндэстний дайчин шинж чанараа амьдрал ахуйдаа зөв ашиглаж чаддаг, эрүүл чийрэг бие бялдартай, ёс суртахуунт өв тэгш Монгол удирдагчидыг төлөвшүүлнэ.

    ЗОРИЛТ

    • Монгол ёс заншил, түүх соёлоо нандигнан хамгаалж, эртний цэргийн эрдэм, зэвсэггүйгээр тулалдах эрдмийг судлан, дэлгэрүүлнэ;
    • Монголын уламжлалт тулааны урлагт суурилсан орчин үеийн хүчирхэг тулааны урлагийг боловсруулан, сургалтыг системчлэн, шинжлэх ухааны үндэслэлтэйгээр хөгжүүлж Монголдоо болон олон улсад дэлгэрүүлнэ;
    • Монгол улсын тусгаар тогтнол батлан хамгаалах үйлсэд хүчин зүтгэж, батлан хамгаалахын сургууль, цэрэг цагдаагийн бие бүрэлдэхүүнд тулааны урлагийн сургалт зохион байгуулна;
    • Уламжлалт тулааны урлагийн мэргэжлийн тамирчид, уламжлалт тулааны мастерууд, тэдний залгамж халааг бэлтгэж, тулааны спортын төрлөөр олон улсын хэмжээнд өрсөлдөх тамирчдын суурийг тавьна;

    ҮҮСГЭН БАЙГУУЛАГЧ

    Цэдэн-иш БОЛДБААТАР

    Тулааны урлагийн мастер, багш дасгалжуулагч

    Тулааны Урлагаар 1992 оноос эхлэн хичээллэж, тулааны урлагийн улсын аварга, тивийн болон дэлхийн аварга шалгаруулах тэмцээнд тогтмол амжилттай оролцож улсын аварга, ази тивийн аварга, дэлхийн аваргын алт, мөнгө, хүрэл медаль хүртсэн мэргэжлийн тамирчин. Монгол Улсын спортын дэд мастер, Уламжлалт Тулааны Урлагийн мастер, Монгол-Зо урлагийн оргил цол, хар бүс 1-р дан, Солонгосын Тонгил Мүү До урлагийн хар бүс 3-р дантай.

    Тэрээр дэлхийд хөгжиж буй 1500 гаруй тулааны урлагийн философи, мөн чанар, тулааны урлагийн давуу болон дутагдалтай тал зэргийг судлан эдгээр тулааны урлагийн эсрэг тулалдах тулааны шинэ арга зүйг боловсруулан сургалтанд нэвтрүүлж чадсан.

    2005 оноос УТУХ-г хөгжүүлэх “Хөгжлийн таван алхам” хөтөлбөрийг санаачлан хэрэгжүүлж байна. 2007 онд “Хүүхэд залуучуудад бие бялдарын хөгжил олгох” хөтөлбөр зохион байгуулж, нийслэлийн ерөнхий боловсролын 10 жилийн зарим сургуулиудад секц хичээллүүлж 1800 гаруй сурагчид хамрагдсан. “Сургалтын арга зүйг боловсронгуй болгох”, Уламжлалт Тулааны Урлагийн “Сарны дасгал”, “Эрүүл мэндийг чийрэгжүүлэх цогц дасгал” зэрэг дасгал сургуулилтын арга зүйг боловсруулан, сургалтанд нэвтрүүлсэн.

    ГАРГАСАН АМЖИЛТ

    1998 он Монгол- Зо урлагийн УАШТ, “Дайчин” тамирчин шагнал;

    1999 он Монгол- Зо урлагийн УАШТ, алтан медаль;

    2000 он “Сонсогчын Алдар” гардан тулааны тэмцээний /69кг/ хүрэл медаль;

    2001 он Дэлхийн нэгдсэн бие хамгаалах холбооноос зохион байгуулсан олон улсын семинарт оролцон, олон улсын зааварлагч багш, хар бүс 1-р дан хамгаалсан;

    2002 он Дэлхийн нэгдсэн бие хамгаалах урлагийн холбооны урилгаар БНСУ-ын Сөүл хотод зохиогдсон Тонгил Мүү До урлагийн Азийн аварга;

    2003 он “Сонсогчын Алдар” гардан тулааны тэмцээний /75 кг/ хүрэл медаль;

    2003 он Кикбоксын УАШТ, /71 кг/ хүрэл медаль;

    2003 он Бие хамгаалах урлагийн төрлөөр Монгол Улсын спортын дэд мастер;

    2004 оноос МУТУХ- ны дасгалжуулагч багшаар ажиллаж, шавь тамирчид нь улсын чанартай тэмцээнүүдээс 9 алтан медаль, 13 мөнгө, хүрэл; дэлхийн аваргаас алт 4, мөнгө 2, хүрэл 1 медаль хүртсэн;

    2004 он МУТУХолбооны “Шилдэг тамирчин” цол өргөмжлөл;

    2008 он БНСУ-д Дэлхийн нэгдсэн бие хамгаалах урлагийн холбооноос зохион байгуулсан WORLD CUP- 2008 тулааны урлагийн дэлхийн аварга шалгаруулах тэмцээнд амжилттай оролцон алт, мөнгөн медаль, багаараа 2 алт, 1 мөнгө;

    2008 он МУТУХолбооны 2008 оны Шилдэг дасгалжуулагч;

    2010 он БНСУ-д Дэлхийн нэгдсэн бие хамгаалах урлагийн холбооноос зохион байгуулсан WORLD CUP-2008 тулааны урлагийн дэлхийн аварга шалгаруулах тэмцээнд амжилттай оролцон хүрэл медаль, багаараа 1 алт, 2 мөнгө, 1 хүрэл;

    АЖЛЫН ТУРШЛАГА

    2000- 2002 он “Монгол нударга” сургуулийн дасгалжуулагч багш;

    2000- 2002 он Биеийн тамирын дээд сургуулийн тулааны урлагийн багш;

    2002- 2003 он “Монгол нударга” сургуулийн захирал;

    2004- 2008 он Уламжлалт тулааны урлагийн сургалтын төвийн дасгалжуулагч;

    2008- 2014 он УТУХ-ны мэргэжлийн тамирчдын “Хангарьд” клубд ёсзүйн дэг сургууль;

    2015 оноос Тулааны урлагийн сургуулийн захирал;

    СУРГАЛТ

    ЁС ЗҮЙ, ЭРХЭМ ЧАНАРЫН СУРГАЛТ (Тулааны урлагтай хослосон)
    ОРЛОН ТОГЛОГЧИЙН СУРГАЛТ
    БИЕ ХАМГААЛАГЧ БЭЛТГЭХ СУРГАЛТ
    ХЭЭРИЙН СУРГАЛТ
    ХАРУУЛ ХАМГААЛАГЧ БЭЛТГЭХ СУРГАЛТ
    БАЙГУУЛЛАГЫН СУРГАЛТ
    ТЭСВЭР ХАТУУЖЛЫН ЗУНЫ ХӨТӨЛБӨР

    СУРГАЛТЫН ОНЦЛОГ
    Монгол хүний бие бялдар, сэтгэлгээнд тохирсон үндэсний онцлогтой тулааны урлагаар хүүхэд залуучууд хичээллэснээр бие бялдарын зөв хөгжилтэй, эрүүл чийрэг, өөртөө итгэлтэй, гэмт халдлагаас өөрийгөө болон бусдыг хамгаалах чадвартай, сахилга бат, дэг журам, нэр төрийг дээдлэн сахисан өндөр ёс суртахуунтай иргэн болон төлөвших юм.

    ДАВУУ ТАЛ
    Амжилттай суралцагчдад зэрэг цол олгож ажлын байраар хангана. Идэвхитэй, авъяасаг суралцагчдыг кино, клип, нэвтрүүлэгт оролцуулна.

    Хичээлийн хуваарь: Даваа, Лхагва, Баасан 09:00- 11:00, 14:00- 16:00, 17:00- 19:00, 19:00- 21:00 цаг

    Сургалтын төлбөр
    Жилд 1 удаа 500,000₮ төлбөртэй. Цаашид хэдэн жил ч бэлтгэл хийсэн үнэ төлбөргүй хамрагдана.

    ХОЛБОО БАРИХ
    Утас: 976- 8809-0307, 9111-1195
    info@creativemongolia.com
    www.facebook.com/MTMArts
    www.creativemongolia.com/MTMA
    Хаяг: СБД, Баруун 4зам, Голомт хотхоны замын урд, N&N төв

  • ALIVE АНХНЫ ГЕРМАН МОНГОЛ ШҮЛГИЙН АУДИО АМЬД ЦОМОГ

    Герман Монгол хоёр хэл дээр бүтээсэн энэхүү сд нийт 5 шүлгээс бүрдэнэ. Бүх хөгжмийг үндэсний язгуур урлагийн ЖОНОН хамтлаг тоглож, 20- 30 насны нийт 10 залуус хамтран нэг баг болон ажилласан. Бидний Зорилго: Дэлхийд төдийгүй Европын улс орнуудад Нүүдэлчин ард түмний ахуй соёлыг яруу найрагаар дамжуулан ойлгуулах, Монголчууд хойч үедээ ёс заншилаа хэрхэн өвлүүлдэг, шүлэг, ардын аман зохиол, яруу найргаар хүмүүжүүлдэг, сургадаг гэх мэт олон талаас хичээнгүйлэн бодож тунгаан энэхүү бүтээлийг гаргасан билээ. Нөгөөтэйгүүр Монгол эх орноосоо хол гадаад улсад ажиллаж амьдран эх орноо сэтгэлийн гүнд санан суугаа элэг нэгт ахан дүүстээ зориулж, гадаад найз нөхөддөө таниулан эх орноороо бүр илүү бахархаасай, цаашлаад Монголын ирээдүй болсон хүүхдүүддээ туслаасай хэмээн зорисон. Энэхүү сд ний орлогыг бид Монголынхоо Хөгжлийн Бэрxшээлтэй хүүхдүүдэд зориулж байгаа билээ. Ингээд Монгол хүн бүрийн мэддэг сайхан шүлгүүдийг бид багтаахыг хичээсэн. Албан ёсны нээлтийг 2014 оны 11 сарын 7-нд Монгол Улсын Элчин Сайдын Яаманд маш амжилттай зохион байгуулсан ба Герман Монгол
    соёлын төлөөлөгч болон Германы Улс төрчдөөс өндөр үнэлж урам хайрласан. Бидний энэхүү соёлын бүтээлийг Гадаадын сониноос сурвалжлагчид ирэн ярилцлага хийж байсан.

    1. О.Дашбалбар Амьддаа бие биеэ хайрла хүмүүсээ
    Шүлэг: О. Дашбалбар
    Ая: Хан Хөхий- Жонон
    Уншсан: Х.Оюунэрдэнэ (Монгол хэлээр, КУДС)

    2. Солонго Трэмл Хэрвээ би эх хүн байсан бол
    Шүлэг: Солонго Трэмл
    Ая: Жонон
    Уншсан: Х.Оюунэрдэнэ (Монгол хэлээр, КУДС)

    3. Б.Энхтуяа Охин үрээ хайрла
    Шүлэг: Б.Энхтуяа
    Ая: Үлэмж тансаг- Жонон
    Уншсан: Х.Оюунэрдэнэ (Монгол хэлээр, КУДС)

    4. Э.Баасансүрэн Зүгээр л чамайгаа хайрлая
    Шүлэг: Э. Баасансүрэн
    Ая: Зөн- Жонон
    Уншсан: Х.Оюнунэрдэнэ (Монгол хэлээр, КУДС)

    5. О.Дашбалбар Тэнгэр шиг бай
    Шүлэг: О. Дашбалбар
    Ая: З.Хангал Тань руу нүүж явна – Жонон
    Уншсан: Б.Баярсайхан (Монгол хэлээр, КУДС)

    Герман хэлээр уншсан: Солонго Трэмл
    График: Б.Соёл
    Калиграф: Н.Найдандорж
    Гүйцэтгэл: Н.Отгонбат
    Бүх шүлгийг орчуулсан: Солонго Трэмл
    Ивээн тэтгэсэн: Э.Сүлд- Эрдэнэ
    Продюссер, санаачлагч :Солонго Трэмл

    Монгол хүн Монголоо хөгжүүлнэ. Сайн үйлс бүхэн дэлгэрч сайхан сэтгэлтэй Монгол Залуус бүр олон болох болтугай.

  • Нацагдоржийн СОЛОНГО

    1984 оны 5 сарын 5- нд Дархан хотод төрсөн. 1991 онд Герман- Англи хэлний сургалттай 19-р дунд сургуульд хамгийн анхны сурагчаар элсэн орсноор түүний амьдрал одоог хүртэл Герман улс, Герман хэлтэй холбогджээ.

    Тэрээр Герман хэлний хотын болон улсын Олимпиадуудад удаа дараа түрүүлэн хамгийн анх удаа сургуулийнхаа нэрийг Монгол Улсын хэмжээнд гарган Германы Элчин Сайдын Яаманд уригдан Герман улсыг зорих эрхийн бичиг мөн ардын бүжгээр хичээллэн Монголын хүүхдийн төлөө Үндэсний Төвийн Авъяас Алтан медаль, Хүүхдийн Ордны Эрдэм Алтан медаль, Хүүхдийн Урлагийн Их Наадмын Мөнгөн медалиар тус тус шагнуулж байсан.

    1995 онд анхны сурагчын солилцоонд Герман улсаар ангийн 11 хүүхдүүдийн хамт аялсан юм. Германд суралцаж байхдаа ангийнхаа Математик, Спортын аварга болж байсан.

    2005 онд Отгонтэнгэр Их Сургуулын Герман хэл Багш Орчуулагчын ангийг Алтан медальтай төгсөж Оюунхорол захирлаасаа ажлын урилга авч байсан түүхтэй. Гэвч хүүхэд байхын мөрөөдөл нь биелэн Улаанбаатар телевизийн Амьтадын Ертөнц танин мэдэхүйн нэвтрүүлгийн хөтлөгчөөр ажлын гараагаа эхэлсэн.

    Тэрээр Герман, Англи, Солонгос, Орос хэлтэй бөгөөд Германд суурьшхаасаа өмнө Өмнөд Солонгос Улсад сурч, ажиллаж байсан.

    2008 оноос одоог хүртэл Холбооны Бүгд Найрамдах Герман Улсын Бавари мужид нөхөр, хүүгийн хамт ажиллаж амьдарч байгаа бөгөөд тэнд Нүүр, Эрүү амны гажиг засах мэргэжлээр суралцаж байхдаа Эрүүний Яс шилжүүлэн суулгах Мэс заслын багт хамрагдсан байна. 2013 оноос Герман Монголын хамтарсан Отгонбаяр Санг анх санаачлан үүсгэн байгуулж Монголын Хөгжлийн бэрхшээлтэй хүүхдүүдэд тусалсаар явна. Отгонбаяр Сан Монгол залуусын Оюунд хөрөнгө оруулалт хийх уриатай бөгөөд эх орондоо чиглэсэн олон сайн үйлсийн ажлуудын нэгээс дурьдвал АМЬД нэртэй Хамгийн Анхны Герман- Монгол хэл дээрх шүлгийн Аудио СД бүтээж 2014 онд Берлин хотод Монгол улсын Элчин Сайдын Яманд Албан ёсоор нээлтээ хийн, олсон бүх орлогоо сайн үйлсэд зориулан ,Олон Улсад Монгол Улсын Соёлын өвийг таниулж чаджээ.

    2015 оны 3 дугаар сараас Германы ЦСҮ намаас Иргэдийн Төлөөлөгчөөр сонгогдон намын Залуучууд ба Эмэгтэйчүүдийн Холбооны Удирдах Зөвлөл, Европ дахь Монгол Эмэгтэйчүүдийн Холбооны ТУЗ- ын гишүүнээр тус тус ажиллаж байгаа билээ. Тэрээр Дайн болж буй орноос ирдэг дөрвөгчдөд ажлын хажуугаар үнэ төлбөргүй Герман хэлний хичээл заадаг ба Эх орондоо оруулсан түүний ажлыг үнэлэн Монголын Залуучуудын Холбооноос 2015 оны 6 сард Шилдэг Удирдагч Одонгоор шагнажээ. Тэрээр 2015 оны 11 сараас Герман улсын Бундестагт ажиллаж байна.

    СОНГУУЛЬТ АЖИЛ

    2015 оны 3 дугаар сараас Германы ЦСҮ намаас Иргэдийн Төлөөлөгч
    2017 оны 3 сард ЦСҮ намын Залуучуудын Холбооны Тойргийн Ерөнхийлөгч
    2018.04.28 нд ЦСҮ намын Гадаад Бодлого Аюулгүй Байдлын Дүүргийн Дэд дарга

    Ярилцлага унших: http://news.gogo.mn/r/203119

    https://www.facebook.com/streml

  • Цэдэн-иш БОЛДБААТАР- Монголын уламжлалт тулааны урлаг

    Тулааны урлагийн мастер, багш дасгалжуулагч

    Тулааны Урлагаар 1992 оноос эхлэн хичээллэж, тулааны урлагийн улсын аварга, тивийн болон дэлхийн аварга шалгаруулах тэмцээнд тогтмол амжилттай оролцож улсын аварга, ази тивийн аварга, дэлхийн аваргын алт, мөнгө, хүрэл медаль хүртсэн мэргэжлийн тамирчин. Монгол Улсын спортын дэд мастер, Уламжлалт Тулааны Урлагийн мастер, Монгол-Зо урлагийн оргил цол, хар бүс 1-р дан, Солонгосын Тонгил Мүү До урлагийн хар бүс 3-р дантай.

    Тэрээр дэлхийд хөгжиж буй 1500 гаруй тулааны урлагийн философи, мөн чанар, тулааны урлагийн давуу болон дутагдалтай тал зэргийг судлан эдгээр тулааны урлагийн эсрэг тулалдах тулааны шинэ арга зүйг боловсруулан сургалтанд нэвтрүүлж чадсан.

    2005 оноос УТУХ-г хөгжүүлэх “Хөгжлийн таван алхам” хөтөлбөрийг санаачлан хэрэгжүүлж байна. 2007 онд “Хүүхэд залуучуудад бие бялдарын хөгжил олгох” хөтөлбөр зохион байгуулж, нийслэлийн ерөнхий боловсролын 10 жилийн зарим сургуулиудад секц хичээллүүлж 1800 гаруй сурагчид хамрагдсан. “Сургалтын арга зүйг боловсронгуй болгох”, Уламжлалт Тулааны Урлагийн “Сарны дасгал”, “Эрүүл мэндийг чийрэгжүүлэх цогц дасгал” зэрэг дасгал сургуулилтын арга зүйг боловсруулан, сургалтанд нэвтрүүлсэн.

    ГАРГАСАН АМЖИЛТ
    1998 он Монгол- Зо урлагийн УАШТ, “Дайчин” тамирчин шагнал;
    1999 он Монгол- Зо урлагийн УАШТ, алтан медаль;
    2000 он “Сонсогчын Алдар” гардан тулааны тэмцээний /69кг/ хүрэл медаль;
    2001 он Дэлхийн нэгдсэн бие хамгаалах холбооноос зохион байгуулсан олон улсын семинарт оролцон, олон улсын зааварлагч багш, хар бүс 1-р дан хамгаалсан;
    2002 он Дэлхийн нэгдсэн бие хамгаалах урлагийн холбооны урилгаар БНСУ-ын Сөүл хотод зохиогдсон Тонгил Мүү До урлагийн Азийн аварга;
    2003 он “Сонсогчын Алдар” гардан тулааны тэмцээний /75 кг/ хүрэл медаль;
    2003 он Кикбоксын УАШТ, /71 кг/ хүрэл медаль;
    2003 он Бие хамгаалах урлагийн төрлөөр Монгол Улсын спортын дэд мастер;
    2004 оноос МУТУХ- ны дасгалжуулагч багшаар ажиллаж, шавь тамирчид нь улсын чанартай тэмцээнүүдээс 9 алтан медаль, 13 мөнгө, хүрэл; дэлхийн аваргаас алт 4, мөнгө 2, хүрэл 1 медаль хүртсэн;
    2004 он МУТУХолбооны “Шилдэг тамирчин” цол өргөмжлөл;
    2008 он БНСУ-д Дэлхийн нэгдсэн бие хамгаалах урлагийн холбооноос зохион байгуулсан WORLD CUP- 2008 тулааны урлагийн дэлхийн аварга шалгаруулах тэмцээнд амжилттай оролцон алт, мөнгөн медаль, багаараа 2 алт, 1 мөнгө;
    2008 он МУТУХолбооны 2008 оны Шилдэг дасгалжуулагч;
    2010 он БНСУ-д Дэлхийн нэгдсэн бие хамгаалах урлагийн холбооноос зохион байгуулсан WORLD CUP-2008 тулааны урлагийн дэлхийн аварга шалгаруулах тэмцээнд амжилттай оролцон хүрэл медаль, багаараа 1 алт, 2 мөнгө, 1 хүрэл;

    АЖЛЫН ТУРШЛАГА
    2016- 2020 Төв аймгийн Өндөр ширээт сумын засаг дарга.
    2000- 2002 он “Монгол нударга” сургуулийн дасгалжуулагч багш;
    2000- 2002 он Биеийн тамирын дээд сургуулийн тулааны урлагийн багш;
    2002- 2003 он “Монгол нударга” сургуулийн захирал;
    2004- 2008 он Уламжлалт тулааны урлагийн сургалтын төвийн дасгалжуулагч;
    2008- 2014 он УТУХ-ны мэргэжлийн тамирчдын “Хангарьд” клубд ёсзүйн дэг сургууль;
    2015 оноос Тулааны урлагийн сургуулийн захирал;

    https://www.facebook.com/%D0%A3%D0%BB%D0%B0%D0%BC%…

  • Бадарчийн БАТБААТАР- Арьсан урлалын бүтээгдэхүүн

    Гар урлаач, Арьсан урлалын BATU бүтээгдэхүүнийг үүсгэн байгуулсан.

    1989 оны 3-р сарын 10 нд мэндэлсэн. 2009 онд ОХУ-д сурч байхдаа гар урлалын арьсан эдлэл хийх санаагаа олсон. Төсөөлөлөөс эхэлсэн арьсан урлалаа техникийн хүчээр бус төв Азийн нүүдэлчдийн уламжлалт арьс, суран эдлэл хийх өв ухаанаар баяжуулсаар байна. Шавхах тутам ундардаг булаг мэт Монгол ухааныг бишрэн судалдагийн хувьд дэлхийд гайхагдах Монгол брэнд бий болгох мөрөөдөл бий. Монгол гар урлалын гөрмөл, шүлжмэл, үдэх аргаар бүх төрлийн арьсан цүрх, богц, үүргэвч, бэлэг дурсгалын зүйлс урлан бүтээж, урлалаа зааж сурган, түгээн дэлгэрүүлж байна.

    https://www.facebook.com/TheBATUbrand

  • ТАНД ШИЛДЭГ САНАА БАЙГАА БОЛ ХӨРӨНГӨ ОРУУЛАЛТЫГ ШИЙДЭХ ТОГТОЛЦОО БИЙ БОЛЛОО START UP MONGOLIA

    Green Nation Challenge- 2016
    IDEATHON, 03 сарын 11- 13, ITPARK

    Дэлхий даяар түгсэн HACKATHON арга хэмжээнд хөгжүүлэгч, бизнесмэн, дизайнер, зохион бүтээгч, шинийг санаачлагч, цоо шинэ санаа бодож хэрэгжүүлж буй хэн бүхнийг хамрагдах боломжтой бөгөөд зорилго нь уг залуучууд тодорхой хугацаанд баг болж, бараа бүтээгдэхүүн, үйлчилгээ, шинэ санааг хөгжүүлэн ирээдүйд хөрөнгө оруулалт авч гарааны компани үүсгэх зарчмаар ажилладаг нэгэн төрлийн уралдаан юм.

    2016 оны Green Nation Challenge төслийн хүрээнд явагдаж буй Ideathon-д 120 залуусын сонгон шалгаруулж авсан бөгөөд Монгол улсын ногоон хөгжлийн асуудлыг шийдэх Мэдээлэл харилцаа холбооны арга хэрэгслүүдийг түшиглэсэн шинэ, шилдэг санаагаараа өрсөлдлөө.

    Үйл ажиллагааг санаачлан зохион байгуулсан Start up Mongolia, Internews, IT PARK, Хөгжлийн шийдэл, МУШУТИС, МУИС болон төслийг санхүүжүүлэгч Дэлхийн банк, Koreo Green Growth Partnership нарт баярлалаа.

    Уралдааны үеэр Монгол залуус дэлхийд өрсөлдөхүйц олон шинэ шинэлэг санаагаар өрсөлдлөө.

  • АЛТАЙ ЯТГА- Өв соёлоо дэлхийд сурталчилан таниулах төсөл

    Эртний нүүдэлчдийн “Алтай ятга” хөгжмийн зэмсэгийг сэргээн нутагшуулах төсөл

    1. ТӨСЛИЙН ЗОРИЛГО

    Монгол улсын түүхэнд анх удаа эртний үүх түүхтэй, үзүүлэх харуулах үзмэртэй, судалгаа шинжилгээтэй эртний нүүдэлчдийн хөгжмийн зэмсгийг сэргээн нутагшуулж, Алтайн тууль, магтаал, хөөмий, бий биелгээтэй хорших, товшуур, ятга, хуур хөгжимтэй найрсан дуугарах Алтай ятга хөгжмийн зэмсэгийг бүтээж соёлын өв уламжлагчдын хэрэгцээг хангаж соёлын шинэ төрөл зүйлийг хөгжүүлэхэд оршино.

    2. ТӨСЛИЙН ТАНИЛЦУУЛГА

    2008 онд Монгол улсын Ховд аймгийн Манхан сумд хийсэн археологийн малтлагаар эртний нүүдэлчдийн хэрэглэж байсан ятгын төрлийн хөгжим олдсон. Уг зэмсэг нь НТ-ын 7- р зуун буюу эртний Түрэгийн үед хамаарч байгаа бөгөөд Монгол Улсад төдийгүй олон улсын хэмжээнд энэ төрлийн хөгжмийн анхны олдвор болохыг Герман Улсын Бонны Их Сургуулийн доктор Жан Бэрман болон эртний хөгжим судлаач Сюзанна Шүлц нар онцолсон байдаг. Уг олдворыг судлах, уламжлалыг сэргээх, дахин нутагшуулах зорилгоор Бөртэ хөгжим ТББ-ийн тэргүүн Ганпүрэв бие даасан судалгааг 3 жил хийж, хөгжмийн зэмсэг урлаач Байгальжавтай хамтран тус хөгжмийн зэмсгийг сэргээн бүтээгээд байна. Алтай ятгын археологийн олдвор болон сэргээж бүтээсэн хувилбар нь 2014.04.08- нд Монголын Үндэсний Түүхийн Музейд дэлгэгдсэн “Талын дайчдын өв соёл” үзэсгэлэнд тавигдаж хосгүй үнэт өвөөр зарлагдсан бол 2014 оны 5-р сарын 16-нд Алтай ятгыг дэлхий дахин зарлах Алтай ятгыг дуурьсгах их ёслолын үеэр Алтай ятгыг Монгол- Германы соёлын харилцааны бэлэг тэмдэг болгож албан ёсоор батламжилсан юм.

    Цаашид хөгжмийн зэмсэгийн болон уран бүтээлийн судалгааг тогтвортой үргэжлүүлж уг ятгыг сэргээн нутагшуулж, Алтайн язгуурын соёл уламжлалд суурилсан соёлын шинэ төрөл зүйлийг хөгжүүлэх өндөр ач холбогдолтой юм. Төслийн хүрээнд Алтай ятга хөгжмийн зэмсэгийн бүтээх технологийг боловсруулах, хөгжмийн зэмсэгийг тоглох арга барил, хөг хөглөгөөг судлан боловсруулах, сургалтын материал, гарын авлага боловсруулах, сургалтын дугуйлан байгуулж ятгачдыг бэлтгэх, хөгжмийн зохиол бүтээл туурьвиж олон улсын хэмжээнд таниулан сурталчилах юм.

    3. АЛТАЙ ЯТГЫГ ХӨГЖҮҮЛЭХ 1-р ҮЕ ШАТ (2011- 2014 он)

    1. Эх олдворын загварын судалгаа | Төслийн санаачлагч Дагваны Ганпүрэв;
    2. Алтай ятгын шинэ загварыг бүтээж оюуны өмчөөр баталгаажуулав | Дагваны Ганпүрэв;
    3. Алтай ятгын шинэ загварын дагуу урлаач П.Байгалжавтай хамтран бүтээв | 2013 оны 9 сар;
    4. Хөг хөглөгөөний туршилт | Ятгач Ч.Мөнх-Эрдэнэ;
    5. Урын сангаар баяжуулна;
    6. Алтай ятгыг дуурьсгах их ёслол. Дэлхий дахинд зарлав. | 2014 оны 5 сар, МУХТовчоо, Яру нэгдэл;
    7. Монгол угсаатанд таниулан сурталчилах тоглолт | 2014 оны 6- 10 сар | МУХТовчоо, Алтай хамтлаг;

    Алтай ятгыг хөгжүүлэх явцад тулгарах бэрхшээлүүд, дахин засварлах, сэргээгдэх, өөрчлөх, хөгжүүлэх үйл явцыг хянах, олон нийтэд таниулах ажлууд эхний шатны судалгааны хүрээнд хийгдсэн. Алтай ятгыг хөгжүүлэх эхний үе шатын үргэлжлэх хугацаанд хуримтлагдсан ажлын туршлага, тоглох арга барил, урын сан, олон нийтийн хүсэл сонирхол, тууль, магтаал болон бусад язгуур урлагийн төрөлд хэрэглэгдэх өргөн боломжуудыг үндэслэн 2 дахь үе шатны хөгжүүлэлтийг 2015 оны 1 сараас эхлэж гүйцэтгэхээр Монгол Угсаатны Хөгжмийн Товчоо ажиллаж байна.

    4. АЛТАЙ ЯТГЫГ ХӨГЖҮҮЛЭХ 2-р ҮЕ ШАТ (2015- 2016 он)

    1. Алтай ятгыг европоор таниулан сурталчилах аялан тоглолт | 2015 оны 3- 4 сар |
    2. Алтай ятгын дэлгэрэнгүй танилцуулга брошур хэвлэнэ;
    3. Алтай ятгын сургалтын гарын авлага боловсруулж хэвлэнэ;
    4. Алтай ятгын дугуйлан байгуулж сургалт зохион байгуулна;
    5. Цэцэрлэгийн насны хүүхдүүдэд зориулсан сургалт;
    6. Алтай ятгыг уран бүтээлээр баяжуулна;
    7. Алтай ятгыг сурталчилах бие даасан тоглолт;

    5. АЛТАЙ ЯТГЫГ ХӨГЖҮҮЛЭХ 3-р ҮЕ ШАТ (2016 он)

    1. Алтай ятгыг олон нийтийн хүртээл болгож үйлдвэрлэнэ;
    2. ХБК болон СУИС- ын ятгын ангид нэмэлт хичээлээр оруулна;
    3. Алтай ятгын бие даасан соёлын судалгааг хийнэ;
    4. Олон Улсын Эрдэм шинжилгээний хурлыг Монгол улсад зохион байгуулна;
    5. Алтай ятгыг мэргэжлийн түвшинд хөгжүүлнэ;
    6. Монгол улсын Ятгын их чуулга байгуулна;

    6. ТӨСӨЛТЭЙ ХОЛБООТОЙ БУСАД МЭДЭЭЛЭЛ

    ОЛОН НИЙТИЙН КОМПАНИТ АЖИЛ

    АЛТАЙ ЯТГЫГ ДУУРЬСГАХ ИХ ЁСЛОЛ

    БАРИМТАТ КИНО

    ХЭВЛЭЛИЙН БАГА ХУРАЛ

    АЛТАЙ ЯТГЫГ ДУУРЬСГАХ ИХ ЁСЛОЛ

    Холбоо барих
    https://www.facebook.com/Altaiyatga
    https://www.facebook.com/Musicagencymn