creativemongolia

Author: admin

  • ЧҮРЭГИЙН ДУУЛАЛ

    ЧҮРЭГИЙН МӨХӨЛ

    (2D анимайшн)

    Чүрэ дайчин баатар аав ээждээ үнсүүлээд,

    Тэнгэртэйгээ харьцаж ангийн олз омгоо даатгаад

    Чүрэ дайчин баатар анд мордоно

    Ан авлаж олз омог ихтэй байна

    Нум сумаараа хөгжимдөн тоглоно

    Бүжиглэн цэнгэнэ

    Нум сумандаа утас татаж хөгжимдөн тоглож

    Нум сум нь Алтай ятга болж хувирна

    Морин дээрээ алтай ятгаа тоглон давхина

    Гэнэт тэнгэр харанхуйлж харийн дайчид довтлон орж ирнэ.

    Чүрэ хүү бүх хүчээрээ тулалдан дайтаж

    Ялагдаад ирмэгцээ, дайтахаа больж

    Алтай ятгаараа тоглож эхлэнэ

    Алтайн аялгууд уярсан дайснууд аялгууг сонсон түр амсхийнэ.

    Энэ үед ятгын аялгуугаар

    Тэнгэрээс эцэг өвгөдийн сүнс бууж ирж

    Чүрээ баатрыг хамгаалан тулалдах хэдий боловч

    Дайсны бөөн хар хүч буун орж ирнэ

    Чүрээ хүчин мөхөсдөж

    Ятга хөгжмөө хамгаалан нас барна

    Дайчин баатрын хүчирхэг байдлыг харсан дайснууд хэдий дайсэн хэдий ч

    Чүрэ баатрын толгой доор нь Ятгыг нь дэрлүүлж хүндэтгэлтэйгээр оршуулна

    Оршуулах үед Чүрээгийн сүнс тэнгэрт залрана

    Тэнгэрт өвөг дээдсийнхээ сүнстэй хамтдаа

    Алтай ятгаа тоглож баясан цэнгэнэ.

    Тэнгэрээс буух аялгуу дэлхий ертөнцийг бүрхэн цууриатна

    Дагваны Ганпүрэв, Жамсранжавын Лувсандорж

    ЧҮРЭГИЙН ДУУЛАЛ

    Алтай ятгын эзэн Чүрэ баатрын дуулал оршвой

    1

    Тэнгэртээ бид ивээгдээд

    Тэнгэрийн яаялага сонсогдоно

    Ятгын чавхдасыг салхи мэт сугсарсан

    Язгуур дээд туулиа дээдэлье ээ, дээдэлье ээ

    2

    Орчлон ертөнцийн жамыг бясалгаад

    Оргүй хоосноос яаялага урснаа

    Нэл оршихуйн цулыг долгилуулж

    Яая Огыл тууль нь урсна аа, урсна аа

    3

    Байгаль эхдээ сүслэн зальбираад

    Баясал цэнгэлээр яаялага бялхана

    Будант хорвоогийн үнэнийг өгүүлэх

    Баатар эрсийн ятга дуурьсна аа, дуурьсна аа

    4

    Өвөг дээдсийн ухааныг бишрээд

    Өнө мөнхийн сүнсээр эрчилнэ

    Буурал өвгөдийн түүхийг хуучилах

    Яая Огыл тууль нь сонсогдоно оо, сонсогдоно оо

    5

    Өвөг дээдсийн соёл нь агуу юм

    Үеийн үедээ сүслэн дээдлэе дээ

    Амгалан жаргалыг дүүргэн баясгаад

    Алтай ятгаа даянд дуурьсгана аа, дуурьсгаяа аа

    6

    Уул усны савдагууд баясаад

    Ухаант өвгөдийн сэтгэл уужраад

    Анирлах сэтгэлээ дүүргэн хөглөөд

    Алтай ятгаа дээдлэн залъя даа, залъя даа

    Хурай, хурай, хурай

    Энэ бүтээл нь Дагваны Ганпүрэвийн санаачилсан “Алтай ятга” төслийн өмч болно.
    https://www.facebook.com/Altaiyatga/

  • SOCIAL LIFE ENTERTAINMENT НЭВТРҮҮЛЭГ

    SOCIAL LIFE

    ENTERTAINMENT НЭВТРҮҮЛЭГ

    Нэвтрүүлгийн нэр

    SOCIAL LIFE ENTERTAINMENT НЭВТРҮҮЛЭГ

    Товч танилцуулга

    Сошл медиа хүмүүсийн амьдралын салшгүй нэг хэсэг болоод байна. Хүн өдөрт дунджаар 2-3 цагийг сошл орчинд өнгөрүүлж байна. Сошл орчинд найз нөхөд, ажлын хамт олон, хамаатан садан, хөрштэйгээ харилцахаас гадна мэдээлэл авах, кино, видео, фото агуулга үзэх, чөлөөт цаг, зугаацах хэрэгсэл, мэдэхгүйгээ асуух, бараа бүтээгдэхүүн олж авч, худалдан авалт хийх өдөр тутмын хэрэгсэл болоод байна.

    Монгол Улсад 600,000 гаруй хүн интернэтийг идэвхитэй ашиглаж байна. Бид сошл орчныг өдөр тутмын амьдрал, бизнесдээ бүтээлчээр зөв ашигласнаар өөрсдийн бараа бүтээгдэхүүн, бизнесээ бусдад таниулах, хамтран ажиллагчаа олох, бизнесийн харилцаагаа өргөжүүлэх, өөрийгөө хөгжүүлэх зэрэг олон талын ач холбогдолтой юм.

    Үүнтэй холбогдуулан Facebook, twitter болон сошл орчинд нийгмийн сонирхолын бүлгүүд маш их идэвхитэй байдаг болжээ. Энэ группүүдийн явуулж байгаа сонирхолтой үйл ажиллагаануудад тулгуурлан нэвтрүүлэг бэлтгэсэнээр нийгэмд олон эерэг мэдээллийг түгээх боломжтой юм.

    Зорилго

    Facebook орчинд идэвхитэй үйл ажиллагаа явуулдаг групп, хуудсуудын зохион байгуулж байгаа спорт, чөлөөт цаг, олон нийтийн болон хүмүүнлэгийн үйл ажиллагаануудтай хамтарч нийгэмд эерэг мессеж, урам зориг өгөх зорилготой.

    Түлхүүр үг

    FACEBOOK COMMUNITY

    ЦАХИМ АМЬДРАЛ

    ЦАХИМ ХҮЧ

    ЗАЛУУСЫН ШИНЭ ДАВАЛГАА

    Уран бүтээлийн төрөл

    Хөгжөөнт, цэнгээнт нэвтрүүлэг

    Нэвтрүүлгийн хугацаа

    45 минут

    Давтамж

    7 хоногт 1 дугаар

    Үргэлжлэх хугацаа

    1 жилд 48 дугаар

    Нэвтрүүлгийн бүтэц

    Сонгосон групп, хуудасны үндсэн үйл ажиллагаа 15 мин/30%

    Тухайн үед зохион байгуулж байгаа үйл ажиллагаа 15 мин/30%

    Үүсгэн байгуулагч, админы яриа 8 мин/22%

    Хамтран ажилладаг байгууллага, хувь хүн 7мин сек/18%/

    Жич: Энэхүү нэвтрүүлэг нь санаа, төслийн хэмжээнд байгаа бөгөөд цаашид санааг хөгжүүлэн ашиглах боломжтой.

  • ДЭМ Гарааны бизнесийг дэмжих үйлчилгээ

    Хямрал бидэнд том боломжийг нээж, Монгол залуус өөрсдийн чадвар, үндэсний давуу талдаа тулгуурлан баялаг бүтээх нь зөв сонголт гэдгийг ойлгож салбар бүрт өрнүүн санаачлага, ажлууд хийгдэж эхэллээ. Санаагаа бүтээгдэхүүн болгож зах зээлд амжилттай гаргаж ирэхийн тулд та бүхэнд чиглүүлэгч, зөвлөх, ДЭМжлэг хэрэгтэй.

    Шинээр бүтээгдэхүүн бизнесээ хөгжүүлж байгаа бүтээлч хүмүүст,

    – Бид хэрэглэгчид таалагдаж зарагдахуйц зөв бүтээгдэхүүнээ хийж байгаа болов уу

    – Бүтээгдэхүүнээ оновчтой хөгжүүлж зорилтот хэрэглэгчиддээ хэрхэн борлуулах вэ

    – Бага зардлаар ажлаа хэрхэн эхлүүлэх вэ

    – Сурталчилгаагаа хэрхэн хийх вэ?

    – Манай зах зээл, худалдан авагчид ямар хүмүүс байх вэ

    – Баг хамт олноо хэрхэн хөгжүүлэх вэ зэрэг асуулт тулгардаг.

    Эдгээр асуултанд хариулт авч, бүтээгдэхүүний давуу тал, агуулга танилцуулгаа зөв хөгжүүлж, ПР, мессежээ тодорхойлсны дараа сошиал орчныг ашиглан хэрэглэгчидэд бүтээгдэхүүнээ хүргэж борлуулалтыг нэмэгдүүлэх үйлчилгээг эхлүүллээ.

    БОРЛУУЛАЛТЫН ЗӨВЛӨГӨӨ, СУРГАЛТ

    Зах зээлээ мэдэрч сошиал орчныг ашиглан зорилтот хэрэглэгчидэд бүтээгдэхүүнээ хүргэж борлуулалтыг нэмэгдүүлэх арга зам.

    БҮТЭЭГДЭХҮҮН, АГУУЛГА ХӨГЖҮҮЛЭЛТ

    Хэрэглэгчийн эрэлт хэрэгцээнд нийцүүлэн бүтээгдэхүүнээ зөв хөгжүүлж, мессеж, танилцуулга мэдээллээ хамтран боловсруул.

    СОШИАЛ МЕДИА, ПР, СУРТАЛЧИЛГАА

    Зар сурталчилгааны агуулгаа боловсруулан сошиал сувгаар дамжуулан сурталчилгаагаа оновчтой хүргэх боломж.

    info@creativemongolia.com
    http://creativemongolia.com

  • HR COLLEGE

    ХҮНИЙХЭЭ АВЪЯАС БИЛГИЙГ ТАНЬЖ, БАЙРЫГ НЬ ОЛЖ, ХЭРХЭН ӨНДӨР БҮТЭЭМЖИД ХҮРЭХ ВЭ?

    Бизнесээ хөгжлийн шинэ шатанд гаргахыг зорьж байгаа жижиг дунд бизнесүүдэд зориулж “оновчтой стратегийн томьёолол, тохирсон цомхон бүтэц, удирдлага бүр хүний нөөцийн менежер” гэсэн Minimalist approach загварыг боловсруулан хүргэж байна.

    Хүний нөөцөө зөв төлөвлөж, бүрдүүлж, зохион байгуулж, удирдах аргазүйн сургалтыг хүний нөөцийн салбарт олон жил ажилласан туршлагатай мэргэжилтэн, зөвлөхүүд удирдана.

    СУРГАЛТЫН АГУУЛГА, СУРГАГЧ БАГШ

    – Хүний нөөцийн удирдлагын чиг хандлага, ХНУ ба байгууллагын хяналт шинжилгээ, үнэлгээ, Байгууллагын соёл | Ph.D, Prof Г.Тэгшбүрэн (Хүний Нөөцийн Судалгааны Үндэсний Хүрээлэнгийн тэргүүн, Худалдаа Хөгжлийн банк, Голомт банк, Скайтел групп, Блью Мон групп зэрэг корпорациудын хүний нөөцийн бодлогыг боловсруулж хэрэгжүүлсэн, Монгол удирдагчдыг хөгжүүлэх “Топ менежер”, “Бест менежер”, “Залуу менежер” хөтөлбөрийг санаачлан боловсруулан хэрэгжүүлсэн)

    – Шилдэг ажилтанг сонгож урт хугацаанд тогтвортой ажиллуулах, Карьерийн удирдлага | М.Дэлгэрцэцэг (MCS Группийн Хүний Нөөцийн Газрын Захирал)

    – Ажлын байрны шинжилгээ, Гүйцэтгэлийн менежмент | Б.Болормаа (Төрийн банкны Хүний нөөцийн газрын Сургалт хөгжлийн албаны Захирал)

    – Хүний нөөцийн ёс зүй, Хөдөлмөрийн харилцаа | Н.Цогжавхлан (Компанийн Засаглалын Шинжилгээний Хүрээлэнгийн Гүйцэтгэх Захирал)

    – Хүний нөөцийн мэдээллийн систем | Н.Жавхлан (IT Zone Компанийн Хүний Нөөцийн Бизнес хариуцсан Захирал)

    – Хамт олноо идэвхижүүлж, оролцоогоор удирдаж баг бүрдүүлэх олон улсын стандартын арга зүй | Ж.Лувсандорж (Teamwork& Teamplay Mongolia гүйцэтгэх захирал, сургагч багш)

    Хөтөлбөр: 10 өдөр | 40цаг (Гэрчилгээ олгоно)

    Сургалтын төлбөр: 399.000₮

    BlueMon Center 9 давхарт, Хүний нөөцийн судалгааны үндэсний хүрээлэнгийн байранд болно.

    Бүртгүүлэхийг хүсвэл 77112050 утас болон https://www.facebook.com/inhrMN/ хуудсаар холбогдож сургалтын төлбөрөө төлж бүртгэлээ баталгаажуулна уу.

  • Оньсон тоглоом

    Манай ард бол түмэн хамгийн олон оньсон тоглоом зохиосон ард түмний нэг билээ

    “Хүнийг таних гэвэл нөхрийг нь хар, хүүхдийг таних гэвэл тоглоомыг нь үз” гэсэн мэргэн үг бий. Манай ард түмэн үр хүүхдийнхээ оюун ухааныг саруул уужим болгон хүмүүжүүлэх ардын тоглоомын бүхэл бүтэн соёлыг бий болгожээ. Түүний нэг нь Монголчуудын хэдэн зууны турш өвлөж ирсэн оюуны бүтээл болох оньсон тоглоом юм.

    togloom1

    Оюун задлах оньсон тоглоомоор Монгол дэлхийд тэргүүн байранд орно. Үүнээс зөвхөн “Модон зангилаа” хэмээх цуврал оньсон тоглоомыг 24, 48, 120 мод эвлүүлэн зангиддаг нь Рубикийн шооноос илүү оюун ухаан шаардах юм. Түүнчлэн Шамбалын түлхүүр гэж нэрлэдэг 7-9 төмөр цагирагаар хийсэн 681 үйлдлээр орж гардаг тоглоомыг онцлон нэрлэж болно. Мөн түүнээс гадна оньсон тоглоомд: цахилдаг зангидах, сампин зангидах, мөн тод төмөрлөгөөр үйлдсэн , угсрах, эвлүүлэх, зангидах, задруулах, гаргах наадгай гэх мэт олон төрлийн оньс байна. Оньслох тоглоомд даруулах, шургуулах, давуулах, дагуулах, ороох, углах, өшиглүүлэх, тээглүүлэх, нэхээс, сүлжээс зэрэг гол үйлдлүүд байна.

    144 модны задаргаатай оньсон тоглоом

    543_2045

    “Очир сахиус” оньсон тоглоом

    Ахмад сурган хүмүүжүүлэгч Л.Бавуу “Модон зангилаа” нэртэй оньслох урлагийн сонирхолтой үзэсгэлэнд тавигдаж байсан нийт 32 бүтээлээс хамгийн олон модны задаргаатай нь “Очир сахиус” нэртэй оньсон тоглоом байсан ба жаахандай хэмээх зургаан модны оньсон тоглоомыг баяжуулж, дөрвөн модоор эхлээд 28 мод болгосны дараа нэг түгжээд дараа нь 52 мод болгож дахин түгжих гэх мэт дарааллаар явсаар 144 модоор энэ тоглоомыг бүтээжээ.

    Монгол түлхүүр тоглоом

    Манай ард түмний дунд үе дамжиж түгэн дэлгэрсэн олон гайхамшигт тоглоом, наадам байдгийн нэг нь “Монгол түлхүүр” хэмээх төмөр утсан тоглоом юм. Монгол түлхүүр тоглоом нь төмрөөр уралсан цагирагт түлхүүр тоглоом юм. Олон хэлхээ хэлбэр бүхий цаграгны цоожыг ямарч багаж хэрэгсэлгүйгээр тайлснаарай нарийн ухаан уралдуулсан түргэн сэтгэх чадамгай амь биеэ аврах зориулалтаар монгол түлхүүр тоглоомын нууц нь юм. Нэгэн домогт өгүүлснээр, энэ дэлхийд амьдарч байгаа хэн боловч хорвоогоос халихдаа тамын оронд заавал хүргэгддэг гэнэ. Тамын орон нь газрын гүнд орших бөгөөд 9 үетэй, үе болгонд нь өөр өөрийн гай зовлон тохиолдоно. Тухайлбал, хамгийн гүнд есдөх үе нь халуун там, түүний дараа хүйтэн там, тэгээд цангах, өлсөх мэтчилэн янз бүрийн гай зовлонг туулсаар нэгдэх үед ирэхэд хаалгыг нь энэ тоглоомтой яг адил хэлбэр, хийцтэй цоожоор цоожилсон байдаг. Энэ цоожийг төмрөөр маш бат хийсэн тул ямар ч багаж хэрэглээд нэмэргүй, харин цэцэн цэлмэг оюун ухаантай, ажигч гярхай, уйгагүй хөдөлмөрч хүн түүнийг гаргаж чадах учиртай. Цоожийг гаргаж чадсан нь тамаас бүрэн суллагдаж диваажингийн оронд очиж жаргалтай сайхан амьдарч байхад, гаргаж чадаагүй нь тэндээ хоцорч тэр олон гай зовлонг дамжин эргэлдсээр байдаг ажээ.

    d0bed18ed183d0bdd182d2afd0bbd185d2afd2afd180

    Энэ тоглоомын цагираг бүр нь арын цагиргаа сүвлэн гарч загасны хайрс мэт хоорондоо холбогдсон нь тамын орон 9 үетэй, тэдгээрийг заавал дамжин гардаг гэсэн санааг илэрхийлжээ. Монгол түлхүүр тоглоом нь цоож, түлхүүр гэсэн 2 хэсэгтэй. Цоож нь цагираг, хөндлөвч, ялтас төмрөөс бүрддэг байхад түлхүүр нь ганц битүү зууван гархи байна. Түлхүүр цоож хоёр хоорондоо хэлхэгдэж байж цоож нь түгжигддэг, саланги болмогц цоож гардаг байхаар зохиомжлогджээ. Цоожноос түлхүүрийг суллан аваад, анхны байрлалд нь оруулж дахин угсрахад тоглоомын зорилго оршино. Түлхүүрийг суллаж гаргах, дахин угсрахдаа үйлдлийг заавал нэгдүгээр цагиргаас эхлэнэ. Хэлхээнд хамгийн эцсийн 2 цагиргийг үлдээсэн тохиолдолд арын цагиргийг доош унагааж түлхүүрээс бүрэн суллана. Дараа нь үлдсэн 8 цагиргаа бүгдийг нь түлхүүрт дахин угсарч өмнөөс нь эхлэн доош унагасаар мөн эцсийн хоёр цагиргийг үлдээж арын цагиргийг доош унагааж түлхүүрээс бүрэн суллах замаар түлхүүрийг гаргана. Есөн цагирагтай тоглоомноос түлхүүрийг гаргахдаа 341 үйлдэл хийнэ. Мөн тийм тоотой үйлдэл хийж анхны байрлалд нь буцааж угсарна. Түлхүүрийг цоожинд буцааж хийхдээ хэлхээнд нэг цагираг байх тохиолдолд түүний арын цагиргийг дороос нь дээш өмсгөн өлгөж түлхүүрт оруулах замаар хийнэ.

    Уран ээдрээт тоглоом

    Энэхүү тоглоом нь хонин холбоо, богцны уяа, хос дөрөө холбох, салгах, аргамжаанаас биеэ салгах, тэмээн тушаа, есөн нүх, бөгж нийлүүлэх,чөдөр зангилаа, уур нүдүүр холбох, салгах зэргээр монгол ахуй амьдрал үргэлж хэрэглэсээр ирсэн нь амьдрах чадварыг шаламгай сургадагаарай онцлогтой тоглоом юм.

    d18dd18dd0b4d180d18dd18d

  • Team Work& Team Play СУРГАГЧ БАГШИЙН СУРГАЛТ

    СУРГАГЧ БАГШ БЭЛТГЭХ ХӨТӨЛБӨР (2 өдөр, 16 цаг)
    /Гэрчилгээ олгоно/

    ДЭЛХИЙН ТЭРГҮҮЛЭГЧ КОМПАНИУДЫН СУРГАЛТ, ҮЙЛ АЖИЛЛАГААНД АШИГЛАГДДАГ, БАГИЙН АЖИЛЛАГААГ САЙЖРУУЛЖ БҮТЭЭМЖЭЭ НЭМЭГДҮҮЛЖ, БАГ ХАМТ ОЛНОО ИДЭВХИЖҮҮЛЭХ АРГА БАРИЛЫГ ЭЗЭМШҮҮЛЭХ олон улсын сургалт.

    – Хамт олноо идэвхижүүлж, уур амьсгалыг нэгтгэмээр байна уу?
    – Багийнхаа эерэг хандлага, оролцоог нэмэгдүүлээр байна уу?
    – Сургалт, өдөрлөг үйл ажиллагааг шинэлэгээр зохион байгуулмаар байна уу?
    Удирдагч, хүний нөөцийн менежер, сургалтын менежер, маркетингийн менежер, зохион байгуулагч, дасгалжуулагчид, багш, удирдах арга барилаа шинэчлэхийг хүсэгчидэд зориулав.

    Хөтөлбөр: 2 өдөр | 16 цаг
    2017 оны 11 сарын 24, 25-нд 09:00- 18:00 цагт
    Сургалтын төлбөр: 150,000₮ (2 өдрийн хоол, цай багтсан)
    Сургагч багшийн сургалт УЛИРАЛД 1 УДАА болдог тул та хойшлуулалгүйгээр амжиж бүртгүүлээрэй!

    Хэзээ: 2017 оны 11-р сарын 24, 25- ны 9:00- 18:00 цагт
    Хаана: Premium Palace, 311 (Баянбүрдээс Бөмбөгөррүү уруудах замд, замынхаа баруун талд, Нисдэг машин төвийн урд талд)

    Хувийн бэлтгэл: Биет эвтэйхэн спортлог эсвэл чөлөөт хувцас өмсөж оролцоно. Мини юбка, өндөр өсгийтэй гутал, костьюм, зангиа тохиромжгүй. Дасгал хийх явцад тасрах эрсдэлтэй тул хэт том унждаг ээмэг, зүүлт зүүхгүй байх.

    Бүртгүүлэхийг хүсвэл 88028241, 91223255 утас болон хуудсаар шууд холбогдож төлбөрөө тушааж бүртгэлээ баталгаажуулна уу.

    АГУУЛГА | ХӨТӨЛБӨР

    1. Тоглоомын сургалтын тухай
      1. Тоглоомын сургалтын арга зүй
      2. Тоглоомыг удирдах нь
    2. Сургалт болон аливаа үйл ажиллагааг эхлүүлэх тоглоом
      1. Нээлтийн
      2. Танилцах, нүүр хагарах
    3. Багийн ажиллагааны тоглоом
      1. Баг бүрдүүлэх
      2. Багийн ажиллагаа
      3. Мэдлэг бүтээх
      4. Туршлага хуваалцах
      5. Хүнээ таних, судлах
    4. Харилцааны тоглоом
      1. Харилцааны техник
      2. Ойлголтыг нэгтгэх
      3. Мэдрэмж
    5. Идэвхижүүлэх тоглоом
      1. Сэргээх
      2. Сэдэлжүүлэх
      3. Оролцоог нэмэгдүүлэх
      4. Хөгжилдөх
      5. Бүтээлч сэтгэлгээ
    6. Нэгдмэл уур амьсгал, эерэг хандлага
      1. Хамт олноо танин мэдэх
      2. Итгэлцэлийг нэмэгдүүлэх
      3. Эерэг хандлага
      4. Миний зорилго бидний зорилго
    7. Дүгнэлтийн тоглоом
      1. Дүгнэлтийн тоглоом
      2. Хаалт

    ДЭЛГЭРЭНГҮЙ ТАНИЛЦУУЛГА

    Teamwork& Teamplay багийн сургалт, event by CREATIVE MONGOLIA on Scribd

  • HR DAY 2017 | ҮНДЭСНИЙ БАЯЛАГ ХҮНИЙ НӨӨЦ 10-р сарын 13

    “ҮНДЭСНИЙ БАЯЛАГ ХҮНИЙ НӨӨЦ” сэдэвт зөвлөгөөн

    Санаачлагч: Хүний нөөцийн судалгааны үндэсний хүрээлэн
    Зохион байгуулагч: Хүний Нөөцийн Судалгааны Үндэсний Хүрээлэн, Эйч Ар клуб

    Хүний нөөцийн судалгааны үндэсний хүрээлэн Хүний нөөцийн ажилтны анхны зөвлөгөөнийг 2010 онд зохион байгуулсан. Уг зөвлөгөөнөөс гаргасан саналыг үндэслээд 2016 оны 4 дүгээр сарын 18-ны өдрийн Монгол Улсын Засгийн Газрын 217 тоот тогтоолоор “Хүний нөөцийн ажилтны өдөр” жил бүрийн 10 дугаар сарын 15 -ны өдөр байхаар тогтож, энэ өдөр зөвлөгөөнийг хийдэг билээ.

    Уг үйл ажиллагааны зорилго нь Монгол хүний үнэ цэнийг Монгол улсын хэмжээнд төдийгүй дэлхийн түвшинд нэмэгдүүлэх, үндэсний хүний нөөцийн менежментийн арга барил, шинэ санаа, туршлагыг байгууллагууд хоорондоо солилцох, суралцах, нэвтрүүлэх зэрэг үйл ажиллагааг идэвхжүүлж, хөгжүүлэхэд оршино.

    Энэ жилийн “Хүний нөөцийн ажилтны өдөр”-ийг 10 дугаар сарын 13 өдөр зохион байгуулахаар боллоо.

    Хүний нөөцийн ажилтны өдрийн товч хөтөлбөр:
    13:30-16:30 – Хүний нөөцийн ажилтны Баярын хурал
    17:00-23:30 – Хүний нөөцийн ажилтны зөвлөгөөний оройн үйл ажиллагаа гэсэн үндсэн хэсгүүдээс бүрдэнэ.

    Дэлгэрэнгүй хөтөлбөр харах холбоос: http://inhr.mn/?page_id=1077

    “Хүний нөөцийн ажилтны өдөр” арга хэмжээнд байгууллагын удирдах ажилтнууд, хүний нөөцийн ажилтнууд, бизнес эрхлэгчид та бүхнийг өргөнөөр оролцохыг урьж байна.

    Бүртгэлийн холбоос: https://goo.gl/forms/mKvYxhhFrc5K4cUh1
    ( Дээрх холбоосоор нэвтэрч бүртгэлээ заавал хийх шаардлагатайг анхаарна уу. )

    Бүртгэлийн хураамж: 200,000₮

    Хураамж төлөх данс: Голомт банк
    Дансны дугаар: 2105003713
    Данс эзэмшигч: Хүний Нөөцийн Суд Үндэсний Төв
    Гүйлгээний утга: Овог Нэр, Утасны дугаар

    Бидэндтэй холбоо барих: Цахим шуудан: info@inhr.mn, infohrclub@gmail.com
    Утас: 77112050, 99063842

  • СҮБЭЭДЭЙ НУМ СУМНЫ ҮЙЛДВЭР

    “Дэлхийг дайлаар мордъё” уриатай Монгол сур харвааны “Сүбээдэй” үйлдвэр нь “Монгол улс хүчирхэгжив” гэж хэлэх дуртай. Монгол хүний оюун ухаанаар бүтээгдсэн “Эвэр элэгтэй шөрмөсөн артай” уламжлалт харвааны нум, хөвч, сумаа дээдлэн төрт ёсны Эрийн гурван наадамд харван наадаж байгаад баяртай байдаг. Бид энэ бахархалаа харь орон гүрэнд алдах учиргүй. Соёл спорт аялал жуулчлалын яамны газар, хэлтэс, судалгааны баг Монгол сур харвааны “Сүбээдэй” үйлдвэрийн бүтээл “Алингар” нумыг өвлөн тээгч гэж тодорхойлон, үнэлэлт дүгнэлт гарган, өвлөн тээж яваад баяр талархал илэрхийлж албан тоот ирүүлсэн. Үүний дагуу Соёлын өвийн төвд бүртгүүлсэн.

    “Сүбээдэй” үйлдвэр нь: Хүчирхэг монголчуудын оюун ухаан, суу билэг, ов залиар, бүтээгдсэн XII-р зууны үед хийгдсэн тэр үедээ хамгийн хүчтэйд тооцогддог хамгийн холын тусгалтай Эвэр элэгтэй шөрмөсөн артай “Болд ширхэгт, буюу төмөр ширхэгт” нумаа “/Ж.Сүхбаатар Монголын удамт мэргэчүүд” номны 139-р тал/ сэргээж орчин цагийн дэвшилтэд технологид тулгаварлан хийх нь одоогоор бидний мөрөөдөл байгаа, 335 алд газар харвах магадлал өндөр байгаа юм. Одоогоор Бид нэгэн хүрээнд баригдан, хашигдан, том бодлого мэт харагдавч, монголчууд бид өөрсдөө өрөвдөлтэй орчин үүсгэн, хөгжилтэй орнуудын 500- 600м харвасан гэх, харвах зай хүчин чадалд “Эвэр элэгтэй шөрмөсөн артай” нум маань хүрэхгүй байгаад бид дүгнэлт хийх цаг болжээ. XXI-р зуунд манай монголын тамирчид олимп дэлхийн тэмцээнд үзүүлж байгаа амжилтуудаас монгол улс хүчирхэгжиж байна уу даа гэж харагддаг. Мөн манай харваачид, цэц мэргэнээрээ, ази болон дэлхийн дэвжээн дээр аваргалж байгаа нь мөн бахархалтай байгаа юм. Монгол харваачдынхаа бие бялдарын хөгжилд нэмэр болохын зэрэгцээ, сумны хаймсах шидэл сайтай, хатуу нум урлан бүтээх нь монгол хүний оюун ухааны чадал чансааг харуулсан, монгол хүний омогшилоос төрсөн, “Алингар” нумныг орчин цагийн хувилбараар, өв тээгчийн бүтээл болгон үйлдвэрлэх нь манай үйлдвэрийн гол зорилго юм.

    Монголын нийт харваачиддаа хөвчит их хар нумаа эвшээлгэн, татаж, Эрхийдээ эрчимтэй Элгэндээ шүүстэй Уушгиндаа ууртай Уруулдаа хилэнтэй байгаарай гэсэн суу билгийн үгээр амжилт гаргахыг хүсье.

    ….Их эзэн Чингис хааны зарлиг: Их монгол улсын иргэн нар, Өөрийн хийсэн хоолыг идэж , Өөрийн хийсэн хувцасыг өмстүгэй! Эс бөгөөс,Өөрөө өөрийнхөө Өөдгүйн боол болж , Хөндлөнгийн идэш болохыг мэдтүгэй! гэж зарлигдсан байдаг.

    Сүбээдэй нум сумны үйлдвэр нь сүүлийн 20 гаруй жилийн турш Монгол Улсад болон олон улсад урианхай сурыг таниулан хөгжүүлэх зорилготой ажиллаж байна.

    Эвэр элэгтэй шөрмөсөн артай Сүбээдэй нум болон Алингар нумыг үйлдэрлэж байна. Мөн Хамаг Монголын ханлиг наадам Сүбээдэй сурын харвуул наадмаар үйлчлүүлэх, төрт ёсны түүхэн наадмаар баяр, тэмдэглэлт ойгоо тэмдэглэн өнгөрүүлэх, байгууллага хамт олондоо шавь сургалт зохион байгуулах зэрэг үйл ажиллагааг явуулж байна.

    https://www.facebook.com/%D0%A1%D2%AF%D0%B1%D1%8D%…

  • Дурмагийн БАЛГАН- 11 дэх үеийн өв уламжлагч бий- биелээч

    Шаавай овогт Дурмагийн БАЛГАН

    МУСТА, бий- биелээч, 11 дэх үеийн өв уламжлагч. ЮНЕСКО-ийн Яаралтай хамгаалах шилдэг 100 өв тээгчийн нэгээр шалгарсан. Монгол улсын говийн 3 аймагт Авьяас хөтөлбөрийн хүрээнд бий-биелгээний хичээл зааж бий-биелгээг олон түмэнд амжилттай таниулсан.

    Хольдог овогт Түвдэнгийн СЭТЭН

    Ардын авьяастан, Онц тээвэрч. 9 дэх үеийн өв тээгч. Хань Балганы хамт өөрийн үр хүүхдүүддээ бий-биелгээг заан сургасан. Тэдгээрийн дотроос хүү Гүрбазар, Ганзориг нар нь ардын язгуур урлагийн Алтай хамтлагт бий-биелээч, икэл хуурчаар ажилладаг.

  • 50Т ХҮРД АНГЛИ ХЭЛ СУРАХ ШИНЭ АРГАЗҮЙ СУРГАЛТ | БҮХ НИЙТИЙГ АНГЛИ ХЭЛЖҮҮЛЭХ ХӨТӨЛБӨР

    • АНГЛИ ХЭЛНИЙ ДҮРМИЙГ 5 ХОНОГТ
    • ҮЙЛ ҮГИЙН ХУВИРАЛЫГ КОДЧИЛЖ ХЯЛБАРЧИЛСАН
    • НИЙТЛЭГ ХЭРЭГЛЭГДДЭГ 20 ЦАГ ДЭЭР ХУВИРГАЖ СУРАХ

      Англи хэлийг олон жил үзээд, олон зуун үг цээжилсэн ч үйл үгийн олон цагийн хувиралд толгой эргэж холбож ярьж чадахгүй, эсвэл нийтлэг хэрэглэдэггүй олон дүрэмдээ төөрч англи хэлний учрыг ойлгоогүй л явна уу?

     Тэгвэл монгол хүний сэтгэхүйн онцлогт тохируулан англи хэлний үйл үгийн цагуудыг кодолж актив, пассивын бүх хувилбарыг 1 хүснэгтэнд багтаасан 50-ТЫН ХҮРД аргачлалыг томъёолон, хялбарчилсан аргазүйг 10 гаруй жилийн туршид боловсруулсан Ц.Майдар http://creativemongolia.com/maidar/ багшийн сургалтанд уръя. Сургалтаар 50-тын хүрд аргачлалын 3-р түвшинд суралцаж, өгүүлбэрийг 20 цаг дээр хувиргаж, цагийн ялгааг ойлгож, 1000 өгүүлбэрийг бүтээх 1 аргачлалд суралцаж, 10 хоногт ярьж сурна.
    Англи хэлний нийт 25 актив, 25 пассив цагаас эхний 20-г сурахад англи хэлээр чөлөөтэй харилцаж, Mongol Messenger сонинг ойлгох түвшинд очно, үлдсэн 30-аар нь гэрээ хэлэлцээр, шинжлэх ухаан, эдийн засгийн ойлголтын нарийн ширийнийг тодруулж бичихэд хэрэглэдэг тул Англичууд өөрсдөө өдөр тутмын харилцаандаа хэрэглэдэггүй.

     ОРОЛЦОГЧ ТАНД ТАВИГДАХ ШААРДЛАГА

    •  Англи хэлний анхан шатны мэдлэгтэй
    • Англи хэлний үйл үгийн цагуудыг ойлгож хэрэглэх хүсэлтэй
    • Сурсан аргачлалаараа өдөр бүр 1- 2 цаг давтах боломжтой.
    • Сургалтын аргазүйг эзэмшиж цаашид сургагч багш болох залуустай хамтран ажиллана.

     Сургалтын төлбөр: 165,000₮ (Сургалтын гарын авлага багтсан), 16 цаг сургалт +  Speak.mn-д сурсанаа шалгаж, тестлэх 1 сарын эрх, онлайн зөвлөгөө 3 сар.

    А. ДҮРМИЙН СУРАХ БИЧИГ

    “50-тын хүрд” нэртэй сурах бичгийг 2006-2015 оны хооронд 5 удаа шинэчлэн хэвлэсэн бөгөөд эдүгээ энэхүү номоор хичээл заахад хүмүүс 10 хоногийн дотор шууд л яриад, бичээд эхэлж байгаа. Үүний учир шалтгаан нь дараахи зүйлд оршино:

    • Англи хэлний 16 актив, 10 пассив хувилбар нь монголынхтой нийлэхэд нийт 50 болох юм
    • Актив, пассивын бүх хувилбарыг нэгтгээд ердөө 2 хуснэгтэд багтаагаад багцалчихсан
    • Тиймээс, актив пассивын бүх хувилбарыг тус бүрийг нь ганц л том хүснэгтнээс бүгдийг нэг дор харьцуулж үзэх боломж бүрдлээ.
    • Өөрөөр хэлвэл, аль хувилбар алинтай нь адил, эсвэл юугаараа өөр вэ гэдгийг харьцуулан харж нягтлан хэлэлцэж болно.
    • Түүнчлэн, нэг хүснэгтэд 2 хэлний дүрэм мөр зэрэгцэн цугтаа орж байрлав.
    • Үүний үр дүнд, хэрэв монголын 1 өгүүлбэрийг 50 хувиргаж сурах аваас тэдгээрийн англи вариант нь хүснэгтээс шууд бондгос гээд малилзаад л гараад ирнэ.
    • Тиймд, өөрийн сайн мэдэх монгол хэлнийхээ олон хувилбарыг ойлгож авах юм бол английг нааш нь цааш нь чөлөөтэй гэгчийн хөдөлгөдөг болой.
    • Иймийн учир, 5 жилийн турш дунд сургуульд чихдүүлээд, дараа нь ахиад 5 жил дээд сургуульд нухлуулсан хэрнээ 2 өгүүлбэр холбож чадахгүй гэлдэрч явсан нөхдүүд ердөө 10 хоногт дуржигнатал ярьж хөөрөлдөөд эхлэх нь тэр.
    • Ярианы сурах бичиг нь 10 бүлэгт багтсан 100 сэдэвтэй. Үүнд өөрийгөө танилцуулах хийгээд спорт, эрүүл мэнд, унаа тээвэр, аялал жуулчлал, урлаг, хөдөө ахуй гээд улс төрөөс бусад бараг бүх чиглэл орсон байгаа.
    • Тухайн сэдвийн хамгийн чухал 20 үгийг сонгон авч түүгээр 10 асуулт, 10 хариулт бэлтгэсэн.
    • Ингэснээр, 100 сэдвийг үзэж дуусгахад 1000 асуулт, 1000 хариулт буюу нийт 2000 өгүүлбэр мэддэг болно.
    • Хүмүүс зөндөө их үг мэдсэн хэрнээ холбож чадахгүй явдаг. Тэгвэл, лам нар судрыг яаж бүхлээр нь цээжлэдэг билээ, яг тэр зарчмаар – өгүүлбэрийг энд бүтнээр нь тогтооно.
    • Үүний тулд, сэдэв бүр өөрийн хүүхэлдэйн кинотой.
    • Кино нь 1 мин. 40 секунд гарна.
    • Суралцагсад энэ хугацаанд киногоо үзээд, дараа нь монгол орчуулгыг барьж суугаад бие биентэйгээ ээлжлэн ярих бөгөөд 5-6 удаа киног үзээд ярилцсан байхад өгүүлбэр цээжинд үлдсэн байна.
    • 30 минутын дараа ширээний ард сууж монгол өгүүлбэрийг англи болгож орчуулаад худсыг багшид хураалгана.
    • Өдөр бүр ийм маягаар шалгалт өгөөд явахад улирлын эцэст ердөө нийлбэрээр нь дүнг гаргачихна.
    • Өдөр болгон шалгалттай байх үед хүмүүс маш их идэвхтэй болоод ирдэг.
    • Нэг өгүүлбэр 5 үгтэй гэж үзвэл, 20 өгүүлбэрт – давхардсан тоогоор 100 үг бий.
    • Хичээлийн 45 минутад 20 өгүүлбэр бүхий 100 үгийг баттайяа тогтоож чадна гэдэг нь хувь хүндээ бол рекорд амжилт эвдэхтэй адил буюу. Учир нь, 2 жил өнгөрсөн ч 20 өгүүлбэр цээжлэхгүй яваад байгаа шүү дээ, эдүгээ хүмүүс.
    • Тив дэлхийн тэмцээнээс алт, мөнгөн медалийг нь бөөндөн авч буй манай Оюун ухааны академийханд үзүүлэхэд, “та нар өгүүлбэр цээжлэх шинэ арга зохиочихжээ” гэж байсан.
    • Өдөрт 20 өгүүлбэр цээжлээд эхлэхэд 5 хоноход – 100 өгүүлбэртэй болно. Үүнд хэмжээлэшгүй их урам орох бөгөөд цаашид суралцах оргилуун хүсэл бадарч идэвхи чармайлт буцлам дээшилнэ.
    • Уул аргачлалын бас нэг онцлог нь гэвэл – жинхэнээсээ “сурагч төвтэй” сургалт юм. Нэг багш 30 хүүхэдтэй харьцах биш, харин сурагч оюутнууд хоорондоо ярилцаад, бие биендээ шаардлага тавиад эхэлнэ. Багшийн үүрэг бол – идэвхжүүлэх, чиглүүлэх, зохицуулахад оршино.

    Б. ХАРИЛЦАН ЯРИАНЫ СУРАХ БИЧИГ

    • Ярианы сурах бичиг нь 10 бүлэгт багтсан 100 сэдэвтэй. Үүнд өөрийгөө танилцуулах хийгээд спорт, эрүүл мэнд, унаа тээвэр, аялал жуулчлал, урлаг, хөдөө ахуй гээд улс төрөөс бусад бараг бүх чиглэл орсон байгаа.
    • Тухайн сэдвийн хамгийн чухал 20 үгийг сонгон авч түүгээр 10 асуулт, 10 хариулт бэлтгэсэн.
    • Ингэснээр, 100 сэдвийг үзэж дуусгахад 1000 асуулт, 1000 хариулт буюу нийт 2000 өгүүлбэр мэддэг болно.
    • Хүмүүс зөндөө их үг мэдсэн хэрнээ холбож чадахгүй явдаг. Тэгвэл, лам нар судрыг яаж бүхлээр нь цээжлэдэг билээ, яг тэр зарчмаар – өгүүлбэрийг энд бүтнээр нь тогтооно.
    • Үүний тулд, сэдэв бүр өөрийн хүүхэлдэйн кинотой.
    • Кино нь 1 мин. 40 секунд гарна.
    • Суралцагсад энэ хугацаанд киногоо үзээд, дараа нь монгол орчуулгыг барьж суугаад бие биентэйгээ ээлжлэн ярих бөгөөд 5-6 удаа киног үзээд ярилцсан байхад өгүүлбэр цээжинд үлдсэн байна.
    • 30 минутын дараа ширээний ард сууж монгол өгүүлбэрийг англи болгож орчуулаад худсыг багшид хураалгана.
    • Өдөр бүр ийм маягаар шалгалт өгөөд явахад улирлын эцэст ердөө нийлбэрээр нь дүнг гаргачихна.
    • Өдөр болгон шалгалттай байх үед хүмүүс маш их идэвхтэй болоод ирдэг.
    • Нэг өгүүлбэр 5 үгтэй гэж үзвэл, 20 өгүүлбэрт – давхардсан тоогоор 100 үг бий.
    • Хичээлийн 45 минутад 20 өгүүлбэр бүхий 100 үгийг баттайяа тогтоож чадна гэдэг нь хувь хүндээ бол рекорд амжилт эвдэхтэй адил буюу. Учир нь, 2 жил өнгөрсөн ч 20 өгүүлбэр цээжлэхгүй яваад байгаа шүү дээ, эдүгээ хүмүүс.
    • Тив дэлхийн тэмцээнээс алт, мөнгөн медалийг нь бөөндөн авч буй манай Оюун ухааны академийханд үзүүлэхэд, “та нар өгүүлбэр цээжлэх шинэ арга зохиочихжээ” гэж байсан.
    • Өдөрт 20 өгүүлбэр цээжлээд эхлэхэд 5 хоноход – 100 өгүүлбэртэй болно. Үүнд хэмжээлэшгүй их урам орох бөгөөд цаашид суралцах оргилуун хүсэл бадарч идэвхи чармайлт буцлам дээшилнэ.
    • Уул аргачлалын бас нэг онцлог нь гэвэл – жинхэнээсээ “сурагч төвтэй” сургалт юм. Нэг багш 30 хүүхэдтэй харьцах биш, харин сурагч оюутнууд хоорондоо ярилцаад, бие биендээ шаардлага тавиад эхэлнэ. Багшийн үүрэг бол – идэвхжүүлэх, чиглүүлэх, зохицуулахад оршино

    Лавлах утас: 9970 8015

    Сургагч багш Цэндийн Майдар