Хүний сэтгэл зүйд өнгө нөлөөлөх нь

Хүний сэтгэл зүйд өнгө бүр өөр өөрийнхөөрөө олон янзын сэтгэгдлийг төрүүлдэг байна.

Улаан өнгө – сэтгэлийг хөдөлгөх, халуун бүлээн, эрч хүч, эрч хөдөлгөөнтэй, амьдралын баяр баясгалантай өнгө, нөгөөтэйгүүр цусны даралтанд ч нөлөөлдаг.

Улаан шаргал – баяр баясгалантай сэтгэгдэл төрүүлдэг, зарим нэгэн үед хүнийг тайвшруулах буюу эсвэл уур уцаарыг хүргэх нөлөөтэй, физиологийн хувьд хоол боловсруулах чадварт нөлөөлдөг.

Шар – хүний нүд тархи мэдрэлийн үйл ажиллагааг сайжруулж, зарим тохиолдолд тайвшруулдаг, баяр баясгалантай нийтэч харьцааг илэрхийлдэг байна.

Ногоон – байгалийн өнгө, сэтгэл өөдрөг, амар тайван байлгаж, мэдрэлийн системийг тайвшруулах нөлөөтэй.

Гүн цэнхэр – шинэлэг өөдөрөг санаа бодлыг төрүүлдэг, тайвшруулах нөлөө үзүүлж, хязгааргүй гүн огторгуйг санагдуулна.

Хүрэн – дулаан тайван байдлыг илэрхийлж, бөх бат суурьтай, буурьтай байдлыг харагдуулдаг.

Ягаан – баян тансаг өгөөмөр байдлыг илэрхийлэх бөгөөд хатуужил тэвчээрлэх чадварт нөлөөлдөг.

Саарал – хүйтэн, албан ёсны буюу гутрангуй өнгө, нэгэн хэвийн уйтгартай сэтгэгдлийг төрүүлдэг.

Цагаан – цэвэр ариуны бэлгэдэл, бусад өнгөтэй сайн хосолдог.

Хар – хүнд бараан сэтгэгдлийг төрүүлж, хүний санаа сэтгэлийг бууруулдаг гэж үздэг байна.